أصيل العتيبي

🇰🇼

[أصيل العتيبي @Ameb_511]

ماشره على النخله وانا اكل رطبها ..

[نايف حمدان @60Naif]

" أنا ابنُ جَلا وطَلّاعُ الثنايا، متى أضعِ العمامةَ تعرفوني "

- الحجاج بن يوسف الثقفي

[أصيل العتيبي @Ameb_511]

يهاجمك إبليس في ثلاثة أوقات :
الفراغ الغضب الإنجاز

فاملأ الفراغ

واكتم الغضب

واعترف بفضل اللّٰه في كلّ إنجاز

[أصيل العتيبي @Ameb_511]

الحمدلله على البلاغ الحمدلله على الصيام والقيام ، اللهم اجعلنا ممن صام الشهر ايمانا واحتسابا وادرك ليلة القدر وفاز بالآجر اللهم إنا استودعناك رمضان فلا تجعله اخر عهدنا وأعده علينا أعواماً عديدة ولا تخرجنا منه إلا مقبولين ومرحومين ومعتوقين من النار

[أصيل العتيبي @Ameb_511]

- ليـلة ٢٧ رمضـان -
وهي أرجى الليالي موافقة لليلة القدر

اللهُم بلِّغنا ليلة القدر واكتُبنا من عُتقائك من النار، يارب لا تُخرجنا من هذا الشهر إلا وقد غفرت لنا ذنوبنا، وفتحت لنا أبواب الرزق والسعادة

﴿ لَيْلَةُ الْقَدْرِ خَيْرٌ مِنْ أَلْفِ شَهْرٍ﴾.

[Nathan Diaz @NateDiaz209]

Boring Mother Fuckers

[أصيل العتيبي @Ameb_511]

يا حضرة الشعار عذبين الأبيات
إللي على " صفحة تويتر " تجينا

الشعر حاجه بس الأبداع بـ الذات
هو الوحيد إللي نبيه .. و يبينا

سبع الأراضي تحت سبع السماوات
كذا كذا ؟.. مصيركم في يدينا

بعض الشباب إللي تسوي حركات
ترا سوالفهم .. ما تمشي علينا

_ مدغم ابو شيبه

[أصيل العتيبي @Ameb_511]

لو عروق الرخامه ينتزعها مشرط الجرّاح
كتبنا له الأسامي كلّها في وسط مسودّه

_ حزمي بن سعد

[العـاهل @all_3jmii]

سقت ذودك لـ المفالي وقاد من المراح
و إعترض في دربها نابحه .. و مخوّره

النجاح يشيل جرحه من ( أعداء النجاح )
و المثاليّه تعاني من .. المتهوّره !

_ مدغم أبو شيبه

[العـاهل @all_3jmii]

« ردية جمال بندر | و حزمي بن سعد »

أنا الشاعر الخريج من مدرسة سدّاح
قبل لا أقلع مع العالم .. إقلاع طيّاره

يقولون حزمي في بحور الشعر سبّاح ؟
و أنا أقول عادي .. عندنا خيط سنّاره

هل المدح ما قط إستفادو من الأمداح
و حزمي سعد مع كل بيتين .. سيّاره

قبل كان راس المال عنده خرز مسباح
و ذلحين صفّط لكسزه جنب فكساره

الآحظ رصيده .. كل ما زاد فـ الأرباح
يزيد الملآك إللي يسجّل .. على يساره

لكن ( النبي ) ما يمدح الواحد المدّاح
يذمّه محمد .. و الكلام الك يا جاره :)

_ جمال بندر

جمال .. أعتقد خريج من مدرسة جراح
شبيهه بـ شامة خده .. و حبكة أفكاره

تخآرج من القرش و توهّق مع التمساح
ولا عاد يدرون العرب .. وشهي أخباره

هقاوي فلاح .. تضحّك غليص ابن رماح
يا ليته .. يراكي دلّته في طرف ( ناره )

أنا : واجهة قوم و رصيد و ذرى و سلاح
وش يعرّفك ؟ يا واجهة " شلّة الحاره "

عشى الحر .. في مخلابه الجارح الذبّاح
و بعض الطيور يحكّ جنبه .. بـ منقاره

قصيدي يشوّش روس قوم و يفك أرواح
و قصيدك يادوب يشوّش بـ حصه و ساره

_ حزمي بن سعد

[العـاهل @all_3jmii]

أنا .. ورا ساير الأجواد " مالي لزوم "
لو أكثر العالم يدوّر .. مصافح يدي

إلا رفيقً على شاني ( يطيح و يقوم )
لو أنطق أول حروف إسمه يجيك يعدي

لا غرّك الطيّب .. إللي رابيً مع رخوم
و الناقه الطيّبه وسط .. الحلال الردي

ما غرك إللي مقامه مثل : زرق السهوم
و صيته رجيده على البيداء رجيد بردي

الأجودي لو يشبّه " بـ الحصان العزوم "
الفرق هذا خطل يمنى و هذا أجودي

إنسان ياخذ صفاته من صفات النجوم
يطلع مع سهيل .. و يوقّف وزان الجدي

لا قسّم الله .. على خلقه جزال القسوم
يستاهل المدح و أبشر بـ السعد و بعدي

مواقفه .. مستمرّه كل ( ساعه و يوم )
" أما بـ رايٍ قدي . . ولا بـ كفٍ ندي "

مستكفيً فيه عن ظلم الزمن و مخدوم
لا جيته آشوف جدّي .. في مقام ولدي

هو والله إللي تجي بينه و بين السموم
و هو والله إللي يعز .. و ينذبح له فدي

ياخي يا مقرن يابو حثلان على العموم
الله لا يخلي يديني من هلي .. و بلدي

الأسم هذا يخلّي قوم .. و شيوخ قوم
تجمع بطاقاتها و ختومها .. و تغدي

إن كان في خير محدٍ من وفاه محروم
و إن كان في شر يدعا به على المعتدي

شوّقتني .. يا شموخ البرج بين الغيوم
و خلّيت في عيني الأبراج شكل و بدي

في عرف الأنسان ما خلّا المحبّه تدوم
إلا الطمع و البساط إللي ماهوب أحمدي

لا ترمي الهقوه .. الا في " ظفر و مغنوم "
لا منها ( قامت الدنيا ) يقول .. إقعدي

_ مدغم أبو شيبه

[شايش العطاوي @sh_al3tawi]

@saleh_neshaira المحترم مايستصيغ الا الكلام المحترم
واهل الثقه ببشوتها .. والا بدون بشوتها

وصفة طبيبك لا تخليها بعد كشف الورم
وتموت موتت جاهليه مانبيك تموتها

[صالح النشيرا @saleh_neshaira]

ياقلبي تحتك الروضة وفوقك المطّار
ماندري وش اللي مشعلٍ ( نارك الكُبرى )

تحديت صبري عادحن فـ اول المشوار
ولاقلت لك ( لن تستطيع معي صبرا )

ياعدوان قلبي مادريتوا وش اللي صار؟
عليكم .. الأمان وخلوا جروحنا تبرى

[أصيل العتيبي @Ameb_511]

أهنئكم بحلول شهر رمضان المبارك وأعاننا الله وإياكم على صيامه وقيامه وحسن الطاعه نسأل الله الكريم ان يمن علينا بواسع رحمته وفضله وان يعتق رقابنا ورقاب أبائنا وأمهاتنا من النار

( وسارعوا الى مغفرة من ربكم وجنة عرضها السموات والارض أعدت للمتقين )

بورك لكم حلول هذا الشهر الفضيل 🌹

[جمال بندر @JamalBander]

يا رفيقي ليت ماهي بدايات اكتئاب
عقب ما كنت اجتماعي نشوفك منطوي
.
لك سنه ما جيت مجلس ولا فكّيت باب
ما معك لمقابل الناس دافع معنوي
.
ادري ان الهم في صفحة المومن.. ثواب
مير انا يوجعني الضعف في وجه القوي
.
كانها من مال يفداك مالٍ فالحساب
وكانها من حِمل.. فـ ارمه على متن الخوي
.
والله لتاصل لمشهاك لو انه سراب
اطلق حجاجك وكل الدعاوي تستوي

[أصيل العتيبي @Ameb_511]

من الشعر ماخلد بشر واستمر ودام
لولا شعر ابن زيدون وش حجم ولاده

[أصيل العتيبي @Ameb_511]

تبت عن كل بيضاء من بنات الحمايل
و همت في حب سمراء من بلاد النجاشي

_ بندر الدويش

[أصيل العتيبي @Ameb_511]

تفتّق المزن عنك وشعّ منك الضيا
ليلٍ كمل فيه نورك من ليال العمر

تطلّ طلّة سعد وتصدّ صدّة حيا
الغيم يامر وينهى وانت فوق الأمر

قمراك يبلغ بها الساري بعيد النيّا
ويطيب لـ مسامرين الليل معك السمر

[نيون المرشدي @Nioon_alMarshdi]

@A__wf آفة الشعر
شحاذ يمدح عباث مايستاهل المدح

و شرف الشعر
يستحقه من يحشم نفسه

حكمة اليوم
لقد وصلت وجهتك الى الطريق المنحدرة

[أصيل العتيبي @Ameb_511]

قالت العرب :

جمال الأنسان على إثنتين ، عقله ولسانه ،، وأقرنت العرب اللسان بالعقل الان اللسان دليل العقل فإذا نطق اللسان كُشف ما وراء الستار الا وهو العقل ومنه يعرف عالمًا كان أو سفيّه

أما حُسن الوجه ماهو الا غلاف يتلاشى حُسنه مع الزمن

أسأل الله رجاحة العقل وطلاقة اللسان ..