قالها أنا كبير الممثلين ولازم تعتذري.. قالت له: وأنا ماما نجوي
= وبعد ما ادت للفنانين والفنانات درس في الأخلاق والأدب والتربية وقالت لهم: انتوا بتقدموا الست المصرية بمنتهى الرخـ ص والراجل المصري إنه معندوش نخوة ولا بيغير على زوجته.. وكفاية تعـ ري وكفاية تقدموا الست والراجل بالشكل المعيب ده.. ومينفش تلبسوا المايوه في البحر وتطلعوا بيه على الشغل.. واديتهم فوق دماغهم.
أشرف زكي نقيب الممثلين اتقمص وقالها لازم تعتذري عن كلامك.. وراح كلم رئيسة المحطة.. وقال اللي حصل إهـ إنة للممثلين والممثلات.. ونجوى إبراهيم لازم تعتذر.. وأنا عايز أرد وأدافع عن الممثلين.
ماما نجوى قالت له اتفضل رد من خلال البرنامج.
نقيب الممثلين: اللي حضرتك قلتيه مرفوض.. وفيه إهانة كبيرة لينا كفنانين وفنانات.. ميصحش تتجاوزي في حق مهنة انتي جزء منها والمفروض انك فنانة.
ماما نجوى بكل هدوء وعظمة: حضرتك كدة رديت!!
النقيب: لا لسه هكمل.. انتي قلتي بيلبسوا مايوهات وبيطلعوا بيها على المهرجانات… مين دول!! قولي أسماء محددة.. وبعدين إيه زوجات الفنانات بيسيبوهم يلبسوا عادي.. قولي مين بيعمل كدة!! قولي الأسماء.
ماما نجوى: حضرتك عارف الأسماء كويس.. مش هقول أسماء ولا قولت أسماء.. حضرتك عارفهم كويس.
النقيب: لا حضرتك قولتي.. قولي لنا الأسماء.. ولا حضرتك تقصديني أنا وزوجتي مثلا.
ماما نجوى: يافندم مش هقول أسماء حضرتك عارف كل حاجة وعارف اللي فيها كويس.. أنا جايبة حضرتك ترد لكن مش هتناقش مع حضرتك.. اتفضل كمل.
النقيب: أنا نقيب الممثلين وحقي أرد وأدافع عنهم واحنا بنحترمك كزميلة فنانة قبل ما تكوني مذيعة لكن أنا نقيب الممثلين.
ماما نجوى: حضرتك نقيب للمثلين.. وأنا ماما نجوى.. اتفضل كما ردك.
النقيب: لازم تعرفي إننا بنحترمك.. شكرا ليكي.. وقفل السكة.
ولا ماما نجوى اعتذرت.. ولا تراجعت.. ولا النقيب نجح إنه يعمل فيها بطل.. ولا الفنانة المقموصة قدرت تنطق.. ولا نقيب الممثلين عرف يقول كلمتين على بعض.. ولا اللي بتلبس لبس رخـ يص طلع لها صوت.. ولا اللي سايب زوجته تلبس لبس رخـ يص عرف ينطق كلمة.
تاني وتالت وعاشر يا ماما نجوى: كل مصري ومصرية عندهم شرف فخورين بيكي في معركة هنسميها معركة اللحم الرخـ يص.. لأنك صاحبة مبدأ وعندك كرامة وعزة وأصل ولسانك هو لسان كل اللي عنده كرامة وعنده ولاد وبنات عايزنهم يكبروا على إن لحمهم غالي وشرفهم أغلى.
الكل خـ رس وارتبك وكان صغير وضعيف وقليل الحيلة قدام اللي اتكلمت بلسان كل مصري ومصرية وقالت اللي كلنا نفسنا نقوله من سنين لحد النهاردة.. ماما نجوى ❤️
أحمد حافظ
اللهم إنا نسألك البشارات التي نحب والأيام التي تسر والرحمات التي تتوالى والعافية التي تدوم والخير الذي لاينقطع، ربي لك عباداً ينتظرون فرجاً قريباً فبشرهم وعباداً يسألونك شفاءاً فعافهم وعباداً يرجون رحمتك فارحمهم وعباداً يرجون منك تحقيق الأماني فلا تخذلهم يا أرحم الراحمين
🤲🏻🌿💚
لا إله إلا أنت سبحانك إني كنت من الظالمين، اللهم أستغفرك لذنبي وأسألك رحمتك، اللهم زدني علماً ولا تزغ قلبي بعد إذ هديتني وهب لي من لدنك رحمة إنك أنت الوهاب، اللهم إنا نسألك صدق التوكل وحُسن الإعتماد عليك وقوة اليقين بك، اللهم سخّر جوارحنا لطاعتك واملأ قلوبنا بحُبك
🤲🏻💚🌹