Azerbaijan Emb.🇦🇿 to Iran

Official X account of the Embassy of the Republic of Azerbaijan to the Islamic Republic of Iran

[Azerbaijan Emb.🇦🇿 to Iran @AzEmbIran]

İran İslam Respublikasının Prezidenti Məsud Pezeşkiandan Azərbaycan Respublikasının Prezidenti Zati-aliləri cənab İlham Əliyevə

Zati-aliləri.

Azərbaycan Respublikasının milli bayramı - Müstəqillik Günü münasibətilə Sizi və xalqınızı səmimi-qəlbdən təbrik edirəm. 
İranın və Azərbaycanın xalqları çoxsaylı tarix, sivilizasiya, mədəniyyət, din və dil ortaqlıqlarına malikdirlər. Bu ortaq bağlar ölkələrimizin xalqları arasındakı dostluğu möhkəmləndirmiş və sarsılmaz etmişdir. Şübhəsiz ki, bizim qırılmaz bağlarımız iki ölkə arasında münasibətlərin inkişafı üçün möhkəm zəmin olmuşdur.

Azərbaycan Respublikası müstəqilliyini bərpa etdikdən sonra İran İslam Respublikası hər zaman iki ölkənin qarşılıqlı əlaqələrinin inkişafını dəstəkləmişdir. Biz şadıq ki, xalqlarımızın istək və arzularına uyğun olaraq bu gün ölkələrimiz arasındakı münasibətlərdə dinamik prosesin şahidiyik.

Ümidvaram ki, ikitərəfli, regional və beynəlxalq mövzuların geniş spektrini əhatə edən bu dinamik proses daha yüksək sürətlə davam edəcəkdir.

Uca Allahdan Zati-alinizə möhkəm cansağlığı və müvəffəqiyyətlər, Azərbaycan Respublikasının xalqına isə rifah və əmin-amanlıq arzulayıram.
Hörmətlə,

Məsud Pezeşkian
İran İslam Respublikasının Prezidenti

https://t.co/BWVbo2xNUv

[Azerbaijan Emb.🇦🇿 to Iran @AzEmbIran]

İyun ayının 1-də “Astara” dövlət sərhədindən buraxılış məntəqəsinin İran İslam Respublikası ərazisində Azərbaycan Respublikasının Dövlət Sərhəd Xidmətinin rəisi general-polkovnik Elçin Quliyev və İran İslam Respublikasının Nizam-İntizam Qüvvələrinin Baş Komandanının müavini general-mayor Qasım Rzainin rəhbərlik etdikləri nümayəndə heyətləri arasında görüş keçirilmişdir.

Görüşdə Azərbaycan–İran dövlət sərhədində və dövlət sərhədindən buraxılış məntəqələrində mövcud vəziyyət, sərhəd təhlükəsizliyinin təmin edilməsi sahəsində həyata keçirilən tədbirlər, Azərbaycan–İran dövlət sərhədinin işğaldan azad edilmiş hissəsində dövlət sərhədinin mühafizəsinin təşkili, eləcə də Azərbaycan Respublikasının Şərqi Zəngəzur iqtisadi rayonu ilə Naxçıvan Muxtar Respublikası arasında yeni nəqliyyat-kommunikasiya əlaqələrinin yaradılması istiqamətində görülən işlər müzakirə olunmuşdur.

Müzakirələr zamanı iki ölkənin sərhəd mühafizə qurumları arasında əməkdaşlığın inkişaf dinamikası yüksək qiymətləndirilmiş, dövlət sərhədindən qaçaqmalçılıq, narkotik vasitələrin və psixotrop maddələrin qanunsuz dövriyyəsi, eləcə də transsərhəd cinayətkarlığın digər təzahürlərinə qarşı mübarizə sahəsində qarşılıqlı fəaliyyətin daha da gücləndirilməsinin vacibliyi vurğulanmışdır.

Tərəflər bu cür görüşlərin keçirilməsinin sərhəd mühafizə qurumları arasında əlaqələrin inkişafına, qarşılıqlı fəaliyyətin möhkəmləndirilməsinə mühüm töhfə verdiyini qeyd etmişlər.

Görüş dostluq, qarşılıqlı etimad və anlaşma şəraitində keçmişdir.

https://t.co/OmhIhYKlEx

[Ali Alizada 🇦🇿 @Ali_F_Alizada]

Ən gözəl, şərəfli və qürurlu günlərdən biri - #MüstəqillikGünü.

28 May- #Müstəqillik Günümüz mübarək !

#28May #IndependenceDay

[Azerbaijan Emb.🇦🇿 to Iran @AzEmbIran]

28 May - Azərbaycanın Müstəqillik Günü

[Azerbaijan Emb.🇦🇿 to Iran @AzEmbIran]

Qurban bayramınız mübarək olsun! 🌙✨🇦🇿

[Azerbaijan Emb.🇦🇿 to Iran @AzEmbIran]

Mayın 26-da Azərbaycan Respublikasının Prezidenti İlham Əliyevlə İran İslam Respublikasının Prezidenti Məsud Pezeşkian arasında telefon danışığı olub.

Dövlət başçıları müqəddəs Qurban bayramı münasibətilə bir-birlərinə təbriklərini çatdırıb, Azərbaycan və İran xalqlarına firavanlıq və ruzi-bərəkət arzulayıblar.

İran İslam Respublikasının Prezidenti ölkəsinin üzləşdiyi ağır günlərdə Azərbaycanın göstərdiyi humanitar yardımlara görə bir daha təşəkkürünü bildirib.

Prezident İlham Əliyev öz növbəsində qeyd edib ki, Azərbaycan və İran yaxşı günlərdə də, ağır günlərdə də hər zaman bir-birinin yanındadır.

Telefon söhbəti zamanı ikitərəfli əlaqələrin inkişafı və perspektivləri barədə fikir mübadiləsi aparılıb.

https://t.co/aRRxIUUshv

[Ali Alizada 🇦🇿 @Ali_F_Alizada]

Həmkarımız Ramil İmranovun qəza nəticəsində İran İslam Respublikasında həlak olması çox üzücü xəbər oldu bugün bizim üçün. Ailəsi, əzizləri və yaxınları ilə bu kədəri bölüşür, dərin hüznlə başsağlığı veririk.

Allah rəhmət eləsin 🤲!

[MFA Azerbaijan 🇦🇿 @AzerbaijanMFA]

Hörmətli diplomat həmkarımız, Azərbaycan Respublikasının İran İslam Respublikasının Təbriz şəhərindəki Baş Konsulluğunun konsulu vəzifəsində çalışan Ramil Rza oğlu İmranovun Culfa-Təbriz avtomagistral yolunda Mərənd qəsəbəsi yaxınlığında xidməti fəaliyyətini həyata keçirərkən idarə etdiyi avtomobillə düşdüyü qəza nəticəsində həlak olması xəbəri bizi dərindən sarsıtdı.

Bu ağır gündə mərhumun ailəsinə, yaxınlarına və həmkarlarına dərin hüznlə başsağlığı verir, səbir diləyirik.

Allah rəhmət eləsin!

[State Tourism Agency of the Republic of Azerbaijan @AzerbaijanSTA]

Şuşada İƏT-in Turizm Nazirlərinin 7-ci görüşü keçirilib

Aprelin 29-da Şuşa şəhərində “Şuşa – İƏT-in Turizm Paytaxtı 2026” çərçivəsində İqtisadi Əməkdaşlıq Təşkilatının (İƏT) Turizm Nazirlərinin 7-ci görüşü keçirilib.

Ətraflı: https://t.co/V45CL6d8pU

[Ali Alizada 🇦🇿 @Ali_F_Alizada]

The rapidly reviving #Garabagh and East #Zangezur regions of #Azerbaijan 🇦🇿 .

The longest tunnel in the #Caucasus. The #Murovdag Tunnel, 12 km.

[Azerbaijan Emb.🇦🇿 to Iran @AzEmbIran]

13 may tarixində Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub.

Telefon danışığı zamanı Azərbaycan-İran ikitərəfli əlaqələri, regionda mövcud vəziyyət və bu çərçivədə danışıqlar prosesinin gedişatı, İran ətrafında vəziyyətin diplomatik və siyasi həll perspektivləri ətrafında müzakirə aparılıb.

Nazir Abbas Əraqçi danışıqlar prosesi barədə  ətraflı məlumat verib. Nazir Ceyhun Bayramov münaqişənin sülh və danışıqlar yolu ilə həlli istiqamətində səyləri dəstəklədiyimizi diqqətə çatdırıb.

Nazirlər, həmçinin qarşılıqlı maraq doğuran digər ikitərəfli, regional və beynəlxalq məsələlər ətrafında fikir mübadiləsi aparıblar.

https://t.co/IyX3ZfdEQb

[Azerbaijan Emb.🇦🇿 to Iran @AzEmbIran]

Azərbaycan Respublikasının İran İslam Respublikasındakı səfiri Əli Əlizadə səfirliyimizə nəzakət ziyarəti edən BMT-nin İran İslam Respublikasındakı yeni rezident-koordinatoru Christine Weigand ilə görüşüb.
🇦🇿🇺🇳
Ambassador of the Republic of Azerbaijan to the Islamic Republic of Iran Ali Alizada has met with the newly appointed UN Resident Coordinator to the Islamic Republic of Iran, Christine Weigand, who paid a courtesy call on our embassy.

[Ali Alizada 🇦🇿 @Ali_F_Alizada]

Ulu öndər Heydər Əliyevi anadan olmasının 103-cü ildönümündə hörmətlə yad edirik.

🇦🇿

صد و سومین سالگرد زادروز رهبر ملی حیدر علی اف را با احترام گرامی می داریم.

🇦🇿

Remembering with respect the National Leader of Azerbaijan Heydar Aliyev on his 103rd birth anniversary

[Azerbaijan Emb.🇦🇿 to Iran @AzEmbIran]

Ümummilli lider Heydər Əliyevin əziz xatirəsini dərin hörmət və ehtiramla yad edirik.

[Azerbaijan Emb.🇦🇿 to Iran @AzEmbIran]

Faşizm üzərində Qələbənin 81-ci ildönümü münasibətilə xalqımızı təbrik edirik.

[Ali Alizada 🇦🇿 @Ali_F_Alizada]

Ashabi-Kahf sanctuary on these days.
#Nakhchivan, #Azerbaijan 🇦🇿.

📽️S.Tahirli

[Azerbaijan Emb.🇦🇿 to Iran @AzEmbIran]

1 may tarixində Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub.

Telefon danışığı zamanı Azərbaycan-İran ikitərəfli əlaqələri, eləcə də regionda mövcud vəziyyət ətrafında müzakirə aparılıb.

Seyid Abbas Əraqçi tərəfindən İranın son sülh təşəbbüsləri və regionda müharibə vəziyyətinə son qoyulması istiqamətində mövqeyi barədə məlumat verilib.

Tərəflər regionda sabitliyin və təhlükəsizliyin təmin olunması, gərginliyin azaldılması istiqamətində səylərin vacibliyi vurğulayıblar.

Nazirlər, həmçinin qarşılıqlı maraq doğuran digər regional və beynəlxalq məsələlər ətrafında fikir mübadiləsi aparıblar.

https://t.co/PHHYhS0tBh

[Azerbaijan Emb.🇦🇿 to Iran @AzEmbIran]

Azərbaycan Respublikasının İran İslam Respublikasındakı səfiri Əli Əlizadə səfirliyimizə nəzakət ziyarəti edən Oman Sultanlığının İran İslam Respublikasındakı səfiri Sayyid Yaarab Al Busaidi ilə görüşüb.