NKOBAZAMBOGO BUSITEMA UNIVERSITY

We are the Baganda Nkobazambogo at Busitema University. Busitema University has 6 campuses; Busitema, Nagongera, Arapai, Palisa, Namasagali and Mbale

[Nkobazambogo Kyambogo University @ZambogoKyambogo]

Nga 4 Muwakanya 1991, bakulu baffe batandika ekibiina ekyaffe kinno ekya Baganda Nkobazambogo Students' Association (BANKOSA) era ne batongoza ssemateeka wakyo ku olwo wali e Makerere

Giweze kati emyaka 35 nga ekibiina kinno kibangula n'okuzimba abakulembeze

#NkobazambogoAt35

[Buganda Kingdom @BugandaKingdom_]

Ssanyu Jjereere! Obuganda busagambiza

Yogaayoga nnyo Ayi Ssaabasajja Kabaka Ronald Muwenda Mutebi II okutuuka ku lunaku luno olukulu lwe giweze emyaka 33 ng'otudde ku Nnamulondo.

Wangaala Ayi Ssaabataka

#Amatikkira33

[Nkobazambogo Kyambogo University @ZambogoKyambogo]

Emyaka 33 nga Kabaka Ronald Muwenda Mutebi II atudde ku Nnamulondo alamula Obuganda

Amatikkira 33
: Ffenna ku @watotochurch ku Lwokutaano luno.🥳

#Amatikkira33

[BAGANDA ON ŤWÌTTER @Bagandatweepsss]

📖AKATABO ZINUNULA OMUNAKU
Cc: @BugandYiyoYange

ESSULA 15: TUTTA OMUKAGGO NE MIREMBE

EBYEWUUNYISA nga bwe bitaggwa mu nsi, na kino kyanneewuunyisa nnyo. Olwali olwo nga tugenda wa Muyodi olwegguloggulo tuwayeemu era tweyongere n’okulwana.

Tuba tuli eyo nga Meeya, Mirembe ne Najja bagobye. Twabalabira eri nga tubaaniriza nga tubalamusa naye ekyasinga okunneewuunyisa kwe kulaba nga Mirembe ne Meeya baali bamanyiddwa nnyo mu maka ago kye nali sisuubira kubanga twali tetubasangangayo wadde omulundi ogumu ate nga ne Muyodi taboogerangako, okuggyako luli lwe namunyumiza oluyombo lwa Mirenbe ne Kagulukankwale era ne lwe yannyingizaamu ekirowoozo ky’okuyiga okulwanyisa amafumu n’engabo.

Emboozi eba egudde amakerenda, Mirembe kwe kumbuuza gye nali mbulidde era nange okwandibadde ng’okumwanukula, ne mmubuuza ekibuuzo kye kimu. Ng’asiriikiridde okumala akabanga n’anziramu nti,

‘Nali gyendi. Ye ombuuliza ki? Manyanga wagamba nti nkwesibako so nga ggwe tonjagala.’ Kino kyanzigya enviiri ku mutwe era kyansuula wala kubanga nali sikyogerangako. Nayagala mmubuuze eyamubuulira ekyo naye teyaŋŋanya n’ankwata nakyo amavumbavumba nti, ‘Nedda teweegaana. Bw’onoova awo nga weegaana nti tolina na muwala mukwano gwo ludda eyo,’ n’asongayo olunwe nga bw’abiina ensige.

Ne mmunnyonnyola nti
omuwala taliiyo era ebigambo biri nze sibyogeranga. Ye kwe kuddamu nti, ‘Kale kale, kiwedde tunyumye birala. Ddala kino kyankeeta nnyo. Kye nava njagala nnyongere okumunnyonnyola naye annyinyonnyole tutegeeragane ku nsonga eyo.

Mba nnaakoogerayo ekigambo
kimu n’aŋŋamba nti, ‘Ssebo
nno amalusu go gagendera ki? Nze ebyo nabimaze sikyabiddamu, leka n’okukusegulira nkusegulire,’ n’asituka n’afuluma.

Kino kyannema
okugumiikiriza. Aba atuuka mu luggya ne mmulumba ne mmukwata emikono mu biseke ne mmunyeenya, ye nno ng’olwo atunudde ku ttaka. Ne mmusaba antunuulire naye n’asitula mpola amaaso ge okutuusa lwe gaasisinkana agange n’ayogera mu ddoboozi erisinga obukambwe nti, ‘Mwana wattu nno nta ojja kummenya emikono era laba giigino girungudde, genda eri mu mikwano gyo nze nvaako. Naye abasajja temuli bantu era temulina mwoyo!’

Kwe kumubuuza oba mu mazima yalowooleza ddala nga simwagala. Okwandibadde okunziramu, yansaba nneme kumuteganya kubanga yali amanyi byonna anti ng’asirika naye amanya’. Eyannimirira, enkumbi yalina njogi era n’ebigambo eyabirunga omunnyo yagunoza.

Mba nsigadde kumira mangota, Meeya kwe kujja n’annyamba nga bw’ajuukamu akatono nti, ‘Bannange, ggwe lwaki mwannyinaze omuwaayiriza nti takwagala? Nze mmanyi akwagala nnyo mpozzi ggwe tomwagala. Ko Meeya, ‘Nze! Ye nno ggwe wandigambye otya? Enkima esala ogw’ekibira? Ddala mwannyoko ono tanjagala.

Meeya: Bannange, akwagala oyagala akwagale atya, akukolere ki era akuwe ki?

Wano ne Mikolo we yayingirira mu mpaka kubanga naye yali yazze dda ng’ayimiridde awo ku bbali n’agamba Meeya nti, ‘Nedda, oli tomuzibiikiriza buzibiikiriza, ndowooza era waliwo ensonga emwogezezza ekyo.

Mirembe: Ggwe wamma ssebo weeri.

Zinunula: Nsaba ekintu kyonna ky’oyagala olabe oba nnaakikuwa olyoke otegeerere okwo oba nkwagala oba sikwagala.

Ye nga tannaba na kukisaba, nze olw’okwagala okumukakasa nga bwe mmwagala, saalowooza na ku ky’anansaba wabula nakkiriza bukkiriza nga bwe nja okukimuwa.

So nno kiba kiseera kirala, ndowooza sandikkirizza kigambo kya buzibe bw’amaaso kityo, naye mu kiseera kino saalina kirala kya kumponya.

Mirembe kwe kutegeeza nga bw’atajja kweteganyiza bwereere kusaba kantu konna era nga nange bwe sisaanidde kwemalamu ng’ate mmanyi nti sisobola kumuwa ky’anansaba. Nze ne nnyongera okuggumiza obweyamo bwange.

Yalaba nnyongedde okukikakasa n’aŋŋamba nti, ‘Jjangu tugende wali awali abakulu nkikusabe nga nabo balaba, naye onooswala bwe kinaakulema.’ Bwe twatuuka awali Muyodi ne Kulwawo, Mikolo n’annyonnyola empaka nga bwe ziri era nga bwe baali balindirira okuwulira ekisabibwa.

Mirembe kwe kugamba nti; ‘Kale oba anjagalira......1/2

#BYBYGaziyaOkumanyaKwo
#BugandaYiyo_BugandaYange

[NKOBAZAMBOGO BUSITEMA UNIVERSITY @BANKOSA_BU]

The goodness of living together as Baganda

[Charles Peter Mayiga @cpmayiga]

Bwe tugamba Buganda okudda ku Ntikko, tobuuza Mmengo ky'ekozeewo wabula webuuze kiki ggwe ky'okoze, kubanga okwolesebwa kw'okuzza Buganda ku Ntikko kitegeeza bantu ba Buganda kubeera mu mbeera nnungi.

Nneebaza Omulangira Wasajja Tony omutandisi wa Royal Boys Hostel, ekisulo ky'abaana abalenzi abasomera ku Mengo SS. Nsanyuse okulaba nga ekifo kiyonjo ate ng'abaana balabirirwa bulungi.

Omuntu abumbibwa bubumbibwa era embeera mw'abeera esalawo kinene kw'ekyo ky'afuuka, kale abaana bwe basula mu bisulo ebirungi n'emisomo gibatambulira bulungi. Ebisulo bino eby'omutindo mbyagadde nnyo. Nsiimye n'ekirowoozo ky'okutuuma ekimu ku bizimbe erinnya lyange.

[Buganda Kingdom @BugandaKingdom_]

Ababaka ba Paalamenti abaggya abava mu Buganda balambikiddwa ku buweereza bwabwe eri Obwakabaka bwa Buganda.

Olukungaana luno lutudde ku hotel Africana, lwetabiddwamu ababaka abakiikirira abantu mu bitundu bya Buganda awatali kwawula mu bibiina oba eddiini.

Minisita wa Gavumenti ez’Ebitundu, okulambula kwa Kabaka n'ensonga za Buganda ebweru, Oweek Joseph Kawuki, bw'abadde alambika ababaka bano abasabye okufaayo ennyo okumanya ku ngeri Buganda gyekolamu ebintu by'ayo ebitambulira mu lujegere olutandikira mu kuwuliriza, okulowooza, oluvannyuma ne bwogera era eno y'ensonga lwaki Buganda temala gavaayo kwogera ku buli nsonga nga tesoose kwetegereza. Oweek Kawuki agamba nti omubaka yenna okumanya enkola ya Buganda alina okwenyigira mu nteekateeka z'Obwakabaka omuli; oluwalo, amatikkira n'amazaalibwa ga Kabaka, emisinde gy'amazaalibwa ga Kabaka, ez'enkulaakulana n'okufaayo ennyo okumanya ebifa e Mmengo.

Abakubirizza okunyweza obumu basobole okusakira Buganda enkulaakulana eyanamaddala omuli enguudo ennungi, amalwaliro, n'ebyenjigiriza ebitaliimu kuboolebwa. Wabula mu kutuukiriza ensonga eno abategeezezza nti basaana bave ku nkondo y'ebibiina baddeko mu kabondo ka Buganda basse kimu.

Nga bagenda mu Paalamenti ye 12, Minisita Kawuki abasabye balinnyise omutindo gw'omubaka wa Paalamenti nga bakola ebyo ebisaanidde okukolebwa awatali kwewebuula, era n'abakuutira okwekwata ensonga ssemasonga ettaano bannyonyoke bulungi olugendo Buganda lwekutte olw'okudda ku ntikko era benyigiremu.

Dr. Lulume Bayiga, amyuka Ssentebe w'akabondo ka Buganda awadde ebituukiddwako n'ebibasomoozezza mu kisanja ky'abwe. Mu bikoleddwa; basobode okulambula ebitundu bya Buganda ebibaddemu endooliito z'okugoba abantu ku bibanja byabwe ne basobola okuyimiriza enteekateeka za bannakigwanyizi bano, era balambudde ettaka okutudde ebibira bya Uganda ne balemesa ebikolwa by'okutema ebibira bino, beenyigidde mu misinde gy'amazaalibwa ga Kabaka, batambula bumu n'Abaami ba Kabaka mu kuwayo luwalo n'endala.

Dr. Lulume agamba nti okusomoozebwa kwe basanze kwesigamye ku nsonga eziwerako,okuli; Akabondo kaabwe okutemebwamu ennyo eby'obufuzi okulaba nga bava ku mulamwa ogw'okusaka amaanyi ag'obusukkulumu, obutawangana kitiibwa omuli eggume, n'abakulembeze obutakkiriza kulungamizibwa, obutannyikiza bigendererwa bya kabondo naddala ebibagatta awamu, okweyagaliza okwa ssekinnoomu okusanyawo ebigendererwa eby'awamu, Ababaka obutaagala kuwayo na kwerekereza basobole okubaako byebakola eby'awamu.

Akabondo k'ababaka ba Buganda kaliko ebintu ebitali bimu bye kazze kakwasizaako obwakabaka omuli okuwayo emotoka y'Abataka, okuwagira n'ensimbi enteekateeka z'obwakabaka omuli n'okujjumbira emikolo gy'Obwakabaka, okuwagira kaweefube wa mmwanyi terimba n'ebirala.

[Essaza Kyaggwe @Essaza_Kyaggwe]

History made 👑✨ For the first time ever, Gombolola Nagojje has produced a Miss Tourism Kyaggwe 2026. Congratulations to Nakazzi Erina Nagojje Musaale, crowned tonight at Governor’s Hotel, Mukono.

[Milly Nassolo Kikomeko @Milly_nassolo]

Buganda ku ntikko.. 👌👌

[NKOBAZAMBOGO BUSITEMA UNIVERSITY @BANKOSA_BU]

@owen_mutya26427 @bakengatours @KaliraAdolf @LubwamaSteven4 @NsimbiTours @Tony80348699780 @Busitematourism @ConvoBU @BusitemaUni Congratulations mukulu

[NKOBAZAMBOGO BUSITEMA UNIVERSITY @BANKOSA_BU]

@BugandaKingdom_ Awummule mirembe bambi

[CNN International @cnni]

Walking through the compound that houses the Kasubi Tombs, the main path leads to what should be an entrance. But it ends at one of the layers of thatch covering the 25-foot structure known as Muzibu Azala Mpanga. It looks like a giant basket turned upside down. If it weren’t for the rows of shoes laid neatly outside, you’d never know there was a way in. https://t.co/VWEBuVooHC

[NKOBAZAMBOGO BUSITEMA UNIVERSITY @BANKOSA_BU]

@BANKOSA_KIU_WC @MosesSemujju1 @AdrianLubyayi_1 @ZambogoKyambogo @Zambogo_UCU @Zambogo_IUIU_MC @BugandYiyoYange @Educ_Health_Bug @BugandaKingdom_ @nkobazambogomak Neyanzizza nnyo

[Kazibwe Israel Kitooke @KazibweIsrael]

Ntuusizza obubaka bwa Ssaabasajja Kabaka obw'amazuukira ga Yesu Kristo 2026.

[Buganda Kingdom @BugandaKingdom_]

Ssaabasajja Kabaka Ronald Muwenda Mutebi II Asiimye n'aweereza Obuganda obubaka bw'Amazuukira ga Yesu Kristo 2026.

Nnyinimu yebazizza Katonda asobozesezza abantu be okutuuka ku lunaku lw'okujjukira amazuukira ga Kristo.

Beene asabye olunaku luno lujjukize buli muntu omukwano n'obusaasizi Katonda by'alina eri abantu be. Asabye buli omu okujjukira obuvunaanyizibwa bwe mu maka, ebitongole bya Gavumenti n'Ebyokwerinda okukola ebiyamba abantu.

Maasomoogi alaze obwennyamivu okuba nti Gavumenti ssente z'ekozesa ziva mu mi solo abantu gye bawa kyokka obuweereza eri abantu naddala mu malwaliro ne buba nga tebumatiza.

Ssaabataka alaze obwetaavu obweyongedde mu byobulamu; amalwaliro omutali bikozesebwa, emmotoka ezitambuza abalwadde abayizi okubeera entono naddala mu byalo, nga n'ewamu teziriiyo, ewalala zaafa; ebyuma ebyagulibwa kyokka nga tebikozesebwa, amasanyalaze agavaako entakera, bino byonna byongera omuwendo gw'abantu abafiirwa obulamu.

Ssaabasajja agamba nti enteekateeka y'ebibuga ebitegekeddwa obulungi nnungi, kyokka empuliziganya wakati wa bannansi n'abakola ku mateeka esaana okuba ennambulukufu.

Omutanda akubirizza entegeka y'ebibuga emanyisibwe abantu nga bukyali, baleme kulindibwa kusooka kuzimba ate ebizimbye byabwe bimenyebwe oluvannyuma.

"Obuweereza abantu baffe bwe balimu busaana bukozesebwe bulungi ate mu bwenkanya kisobozese abantu baffe okweyagalira mu nsi yaabwe" Kabaka Mutebi II.

#KabakaMutebiAt71 #HappyEasterHolidays

[NKOBAZAMBOGO BUSITEMA UNIVERSITY @BANKOSA_BU]

@NabaggalaSandie @Bagandatweepsss @bbstvug @Airtel_Ug @MinofHealthUG @Parliament_Ug @AnitahAmong @HonNkeretanyi The one who made the post put Kabaka birthday run 2025 instead of 2026

[Buganda Kingdom @BugandaKingdom_]

Katikkiro Charles Peter Mayiga avumiridde ebikolwa by'okukwata abantu ebisusse mu ssaza Butambala by'agambye nti bitadde abantu ba Kabaka ku bunkenke, era asabye wabeewo okutabagana okusinga okusika omuguwa nga Kabaka bwe yalagidde mu bubaka bwe obwa Eid.

Kamalabyonna bino abyogeredde Butambala bw'abadde yetabye mu kusaala Eid Al-Fitr mu muzikiti gw'e Kabasanda. Asabye wabeewo okutabagana okusinga okusika omuguwa nga Kabaka bwe yalagidde mu bubaka bwe obwa Eid. Al-Fitr 2026.

Ebisingawo 👇🏾
https://t.co/nx7WJqYEVf

[Buganda Kingdom @BugandaKingdom_]

Okusaala Eid El-Fitr ku muzikiti e Kibuli.

Abaddu ba Allah bakuŋŋaanidde ku muzikiti e Kibuli okwebaza Allah okubawa ekiseera ky'ekisiibo awamu n’okwetaba mu swalah ya Eid El-Fitri.

Esswala yetabiddwako; Omulangira Dr. Kassim Nakibinge, Omumyuka Asooka Oweek. Hajj Twaha Kaawaase Kigongo era ono y'asomye obubaka bwa Ssaabasajja Kabaka eri Abasiraamu abakungaanidde e Kibuli.

Oluvannyuma lw'esswala, Jjajja w’Obuyisiraamu Omulangira Dr. Kassim Nakibinge Kakungulu akyaziizza abaddu ba Allah mu maka ge okubasiibulula.

Ba Minisita ba Kabaka; Oweek. Ahmed Lwasa, Oweek. Mariam Mayanja Nkalubo nabo babaddewo mu kusaba kuno.