بدر

[بدر @Bdaar5o3]

ما كـني أعرفه .. ولا كـني أبغيه
وأنا عليه من أمه أحبّ و أجرى

إن حلّ طاريه تـجاهلت طاريـه
ما كـني أدري عنه و أنا بّه أدرى

بسكات يغليني و أنا حيل مغلّيه
لا تلفون ولا مواعــيد غدرى

— بن فطيس

[ناصر القحطاني @n_kahtani]

انـا له "الذاكـره" عن كل "غيبـوبه"
و انـا له "المربعـانيه" عن "الكـنه"

يا ليت ⁧#اخوي⁩ اقدر اخفّف من ذنوبه
لو شيٍ يقــرّبه خطـوه من الجــنه

[بدر @Bdaar5o3]

@muhamad_aldarim 🫡

[محمد الدريم @muhamad_aldarim]

قلد صاحب السمو الملكي الأمير
فيصل بن بندر بن عبدالعزيز
أمير منطقة الرياض في مكتبه بقصر الحكم اليوم
مساعد قائد القوة الخاصة بأمن قصر الحكم
العميد علي بن محمد السوداء
رتبته الجديدة بعد صدور الأمر الملكي الكريم بترقيته إلى رتبة عميد

[بدر @Bdaar5o3]

*"اللهُ أڪبر،اللهُ أڪبر، اللهُ أڪبر،
لا إله إلا الله*
*"اللهُ أڪبر ،اللهُ أڪبر،الله أڪبر،وللهِ الحمد*

[بدر @Bdaar5o3]

@1Jazil دعيتك بصوت تسمعه ليه 😡 ما توحيه !

[دمــث @v80r_1]

اشرب قبل تقفي عليـك المشارب
ما للحسايف فـ المقابيل راحة

السـم دايـم في ذيـول العقـارب
والحر دايم رفعته من جناحه

لا تعطي الدنيا استراحة محـارب
حارب ترا الدنيا ما فيها استراحة

سعد بن جدلان

[﮼هاشميةالنسب♔ 🇸🇦 @Faten_3700]

ابوي لك فوق المشاريف منزال
وعلى دروب الطيب دايم لك جره

ربيـتني يابـوي على طيـب الأفعال
وحذّرتـني درب الــردا .. مـامــرّه

[بدر @Bdaar5o3]

@CamelClub يا رجال اهم شي تكون ناقه تقول باااااااع مو مشكله الون لن المزاين متيح لك كل الون

[محمد دخيل القثامي @mda9595]

اليا امتلى صدر الزمن بالعناقيد
خلّ الردي واتعب على كل جيّد

واترك مدوّرة الفضايح على حيد
وسلّم على اللي بالسلوم يْتقيّد

حرّ ٍعيونه من ورى شرّد الصيد
ودون الخطا مثْل البعير المقيّد

مايهتك اعراض الكرام الاجاويد
ولا هو لزلاّت العباد يْتصيّد

مخافة الله عنده تْزيد وتْزيد
وقصْر الكرامه في ضلوعه مشيّد

محبوب بين الناس ومْواجهه عيد
وعلى القلوب البيض قدره تسيّد

#خذها_قاعده

[بوح غفراني @bo77_1]

اول مواجيب الرجل مرضاة رب العالمين
طاعة رسوله واتباع الهدي خيره وحسنه

والزم مايلزم للرجل دينه وبر الوالدين
والمرجله ومناصرة حكامه وحب وطنه

[عياش @3zfW]

عطيته سلامٍ بالإشارة وهن عجلات
ورد السلام بطرف عينه يحيّيني

وليفٍ معي ذكراه تصبح معي وتبات
معي في المنام وله خيالٍ يباريني

غدو في محلٍ مالنا صوبهم حاجات
ولا به سلومٍ صوب بيته تجريني

غلاهم حقيقة ما يبي فيه زود أثبات
وانا أدرى بروحي غير لاحدٍ يقاصيني .

- ابن نوطان

[لهَف @Nnge]

« البلا فـ اللي يحرث الجمر من تحت الرماده
لا قبسها قال —— وين اللي يرد القوم عنـا »
— عايض العاطفي .

[زايد بن ذعار @zaiid_503]

الجديد

أنا ذاخر لشده ،،، اكبر عيال ذعار
حصانً مسمي بآسمي اسم اكبر عياله

زايد بن ذعار

[بدر @Bdaar5o3]

ماعاد باقي عندنا غير اليقين
وسلوم اهلنا ، والكرامه ، والشعر

واما الصبر واحلامنا ! راحن طحين
صبر مُحرم ! سارقينـه من صفـر

#نجم_الاسلمي

[★ نوادر الابل ★ @aaaa12200]

ورث ورثته ورثة أبوي عـن جدي
ماهين نفسي ورا اللي ينفخ اجنوبه
.
أعز نفسـي وأنـا مانيـب منحدي
الأمر لله وباب الرزق مـن صوبـه
.
إخوان يوسف من أصل الأب والجدي
خذوه مرة وراحوا بـه ولا جوبـه
.
يبقى الردي في عيون الناس متردي
متوقي في لحافن يستـر عيوبـه

[بدر @Bdaar5o3]

فيه ناس مثـل الـدجاج : تاكل عـندك وتـبيض عـند غيرك 😆

[محمد الدويش @biin_bader]

لابد الأيام يرضنّي ويرضنّه
والكل ياخذ من الدنيا تجاريبي

هجرت كل الدروب اللي يمرّنه
أخير لي من مجيه عنه تجنيبي

بعض الأصاحيب لو إنه ضحك سنه
أخطر من الداب في لدغ العراقيبي

لو كل من ظن بأصحابه صدق ظنه
ماقالوا الظن يخطي نوب ويصيبي

[بدر @Bdaar5o3]

مدغم