بس كنت بستريح لحضرته كانه والد ..
قولتله ..
انزعج جدا ..
حاول يديني فلوس رفضت ..
اداني مجلدات سمير و كتب الهلال كتير ..
و اخد تليفون بيتنا و اداني تليفون بيته و قالي اكلمه لو فيه اي شيء ..
رجعت رمسيس بالكورة و الكتب و المجلدات ..
شيلة كبيرة ..
ركبت القطر و الناس عمالة تبصلي باستغراب ..
كنت سعيد سعادة لا يمكن وصفها ..
عارف اني هاخد علقة جامدة ، بس عارف اني استحقها ..
بس برضه فرحان ..
جدا .. طول الطريق ابص من الشباك المفتوح للقطر و مبتهج جدا .. وصلت البيت الساعة ١٠ ، والدتي يا عيني كانت بتعيط و ابويا كان علي التليفون و بيقول ايوه لسه داخل اهوه ، و قالي كلم استاذ محسن الزيات ، طمنت حضرته ، امي قالت لابويا بعد ما اطمنت عليا لازم تعاقبه ..
كان عندنا خرطوم اصفر لطيف كده رحت لوحدي جبته و اديته لوالدي و انا مبتسم،
قالي ايه ده ..
قولتله الحقيقة استاهل الضرب .. قالي لا مش هضربك استاذ محسن الزيات حلفني مضربكش .. انا عاوز اقولك ان ابويا ضربني في حياتي كلها ٣ مرات رغم اني كنت شقي حد الجنون . امي قالتله لازم يتعاقب ، قالها ممنوع من المصروف اسبوع ، كنت سعيد سعادة خرافية و قعدت اوريهم الكورة و توقيع استاذ ابراهيم و الكتب و المجلدات ..
شوية و الباب خبط كان الحاج زكريا خالد بيطمن اني رجعت ، سلمت علي حضرته و كان مبتسم ليا ، اه و الله ، وريته الكورة ، ابتسم اكتر .. اديت لابويا باقي الفلوس .. خرجت ب ٣ جنيه و حولت عشر دراهم ب ٩ جنيه و عشرين قرش و رحت القاهرة و رجعت و اديت ابويا ٧ جنيه ، اه و الله ..
تاني يوم و انا رايح المدرسة والدي اداني عشرة جنيه مقفولة و المصروف اليومي المعتاد ..
قالي العشرة جنيه دي تحتفظ بيها ..
و تبقي بعدين تصرفها براحتك عشان والدتك متعرفش بيها و تعملنا مشكلة احنا الاتنين و ضحك ..
و ده مصروفك ..
ده سر بينا ..
و بعدين قبل ما امشي قالي انا بحبك يا علاء ..
بحبك فعلا ..
عمري ما حلمت يكون عندي ابن زيك ..
و اتمني تعمل في حياتك كل اللي انا معملتوش ..
و تعيش الحياة نيابة عنا احنا الاتنين ..
اللي هتعيشه كاني عشته بالظبط ..
ربنا يرحمك يا ابويا ..
لشد ما اتعبتي اقتفاء اثرك و لا اظنني ابلغ ابدا بعضا مما بلغت ..
مساؤكم حليب ..
❤️❤️❤️❤️❤️❤️❤️❤️❤️❤️
د علاء عمر
“يَا مُفَتِّحَ الأَبْوَابِ افْتَحْ لَنَا خَيْرَ بَابٍ،
يَا مَالِكَ المَمَالِكِ افْتَحْ لَنَا المَسَالِكَ،
أَنْتَ أَبَدًا البَاقِي وَكُلُّ شَيْءٍ هَالِكٌ"
تضرع من على جدار داخلي في سبيل عبد الرحمن كتخدا (١٧٤٤ م)، شارع المعز، القاهرة.
صدقة لأبائنا وأمهاتنا ومُعلمينا وأصحاب الحقوق علينا وجميع المسلمين
مرتل الشيخ الحصري نسخة الإذاعة المصرية
استمع إلى المصحف المرتل نسخة الإذاعة المصرية لفضيلة القارئ الشيخ / محمود خليل الحُصري من خلال https://t.co/4MxnT1xRfN