Dilip patel

કેવા સમાજનું નિર્માણ કરી રહ્યા છીએ આપણે? એક પરિવાર જેમાં બાપ દિવ્યાંગ, મા કેન્સરથી પીડિત કે જે મોતના બિછાને છે, અને એક ૧૯ વર્ષની દીકરી…. ગઈકાલે દીકરી ઘરેથી ભાગી જાય છે. પિતા રડતાં અવાજે પોલીસ પાસે જાય છે અને આજીજી કરે છે સાહેબ મારી દીકરીને શોધી આપો નહીંતો સમાજમાં મારું નાક કપાશે અને મારે આત્મહત્યા કરવાનો સમય આવશે. ઘટનાની ગંભીરતા જોતાં વાત રાજકોટ ગ્રામ્ય એસપી સુધી પહોંચે છે ને ટીમો દીકરીની શોધવા કામે લાગે છે. કલાકોમાં જે દીકરીને શોધી લેવામાં આવે છે. પરંતુ આ શું ?દીકરી ઘરે જવા તૈયાર નથી… દીકરીને વારંવાર પૂછવામાં આવે છે પરંતુ દીકરી કોઈ જવાબ નથી આપતી. પોલીસ અધિકારીઓને કંઈક અજુગતું હોવાનો અણસાર આવે છે… દીકરીનો ભરોસો જીતવામાં આવે છે ત્યારે દીકરી એકી શ્વાસે ચોધાર આંસુ એ બોલી ઉઠે છે મારો બાપ મારું શારીરિક શોષણ કરે છે હવે એ અસહ્ય થઈ ગયું છે એટલે હું ઘરે થી ભાગી છું. મોડી રાત થઈ હોવાથી ઊંઘ ઉડાડવા મથતા પોલીસકર્મીઓની ચા ની ચુસ્કી અટકી જાય છે. દીકરીનું વાક્ય સાંભળી રૂમમાં હાજર પોલીસકર્મીઓ ચા નો કપ ટેબલ પર મૂકી દે છે… પહેલે ઘૂંટડે મીઠી લાગતી ચા દીકરીની વાત સાંભળી અચાનક કડવી લાગવા લાગે છે. રૂમમાં સન્નાટો પ્રસરી જાય છે… અધિકારીઓ એક બીજા સામે જુએ છે. જોકે આ પ્રકારની ઘટનાઓમાં દીકરીનો કોઈની સાથે પ્રેમ સંબંધ તો નથી ને એની તપાસ પણ કરવામાં આવતી હોય છે.કારણ કે પ્રેમીના કહેવાથી ક્યારેય આ પ્રકારના નિવેદનો યુવતીઓ આપતી હોય છે. જોકે પોલીસની ટીમ સમાંતર એના પિતાને ઉઠાવે છે…એની પણ પૂછપરછ ચાલુ થાય છે. બીજી તરફ દીકરીને ઘરે લઈ જવાય છે… શારીરિક સંબંધ સમયે લગાવવામાં આવતું ક્રીમ,કોન્ડોમ જે જગ્યાએ રાખવામાં આવ્યા હતા એ જગ્યાઓ પોલીસને દીકરી દ્વારા બતાવવામાં આવે છે..બધું સીઝ કરવામાં આવે છે. હજુ કહાનીમાં ટ્વિસ્ટ આવે છે. પોલીસ ઘરે હોય છે ત્યારે પીડિત દીકરી કહે છે કે પિતા દ્વારા કાકાની દીકરીનું પણ શારીરિક શોષણ કરવામાં આવતું હતું. દીકરીના કાકા અત્યારે ગોંડલ રહે છે… ગોંડલ પોલીસની ટીમ બતાવેલા સરનામે પહોંચે છે અને ત્યાં રહેતી દીકરીની પૂછપરછ કરવામાં આવે છે ત્યારે ૧૭ વર્ષની ભત્રીજી કહે છે કે તે જ્યારે ૧૧ વર્ષની હતી ત્યારથી કાકા દ્વારા શારીરિક શોષણ કરવામાં આવતું હતું.છેલ્લા એક વર્ષથી તેઓ ગોંડલ રહેવા આવી જતા એ શોષણથી બચી શકી છે. અભી રૂકો….. બીજી તરફ ભાઈની પત્ની પણ પોલીસ પાસે આવે છે અને કહે છે કે જેઠ દ્વારા મારું પણ શારીરિક શોષણ કરવામાં આવે છે. પોલીસ ચકરાવે ચઢે છે. એક જ ઘરની ત્રણ ત્રણ વ્યક્તિઓનું શોષણ અને એ પણ ઘરના મોભી દ્વારા ? એક પોલીસ ટીમ કે જે દિવ્યાંગ પિતાને ઉઠાવી લાવી હતી તે હવે પિતાની જ પૂછપરછ શરૂ કરે છે. જોકે શરૂઆતમાં દીકરી ઉપરાંત ભત્રીજી અને ભાઈની પત્નીના આરોપને તે નકારે છે. જોકે પોલીસ ત્રીજી આંખ ખોલે છે અને છેલ્લે તે માઈ-બાપ કહેતા કહેતાં સ્વીકારે છે કે હા મેં જ આ બધું કર્યું છે. આ વાત સાંભળીને પોલીસ અધિકારીઓનો પારો સાતમાં આસમાને પહોંચે છે.અધિકારીઓ એક સમયે વિચારે છે કે આરોપી પિતાનો બીજો પગ પણ તોડી દેવો જોઈએ જોકે કાયદો એ કરતાં પોલીસ અધિકારીઓને રોકે છે. સમાજ અને પરિવારની વચ્ચે રહી શરીરે દિવ્યાંગ પિતા પોતાની દીકરી, ભત્રીજી અને ભાઈની પત્નીને પોતાની શારીરિક ભૂખનો શિકાર વર્ષો સુધી બનાવતો રહ્યો. એક દીકરી સૌથી વધુ સુરક્ષિત પોતાના ઘરે જ અનુભવતી હોય પરંતુ આ પ્રકારના કિસ્સાઓ દીકરીઓની સુરક્ષા પર સવાલ ઊભા કરે છે. (આરોપી પિતાની તસવીર ) #Rajkot | @VijayGurjar_IPS | @SP_RajkotRural