تركي

[تركي @ETURRKI]

@TalalOfStark @lllrby73 كيف بس ترا ذا من طرف الدولاب

[تركي @ETURRKI]

@Alharbi_2138 @lllrby73 كلي لك يا يبشمهندس المهندسين لبعضهم

[Mahmoud elnaml @MElnaml]

يعتاد الإنسان على سمعه وبصره،وحركة لسانه،ومشيه،
فيحسبها مسلّمات،
وينسى أنها نِعم.
فالحمد لله على نِعمٍ ألفنا وجودها

[كولومبوس 🐪 @Columbuos]

اعيال وايل ماهم ( بعيال سستاني )
محدن سبق فعلهم، قبله ولا بعده. 👍🏼

انته حليفك نعى قاسم سليماني..!
خر الذيابه ولد (درهم) وبن (جعده).

بكره نشوفك (تقرقع) وسط شعباني
تلطم ونرجمك بالحجه وبالقعدة..

(الاعور الدجال) معروف و إيراني. 🇮🇷
(والمهدي المنتظر) من دارنا وعده.🇸🇦☝🏻

الله خلقنا عقوبة .. لكل (شيطاني).. 🗡️
وش بَه شياطينكم ذا اليوم مرتعده ؟

[الياس | AlMutairi @jh_8r]

@modgovksa مانجيد الضرب من تحت الحزام
ضربنا فالوجه ماهو في القفى.

وما نهاب أذناب عيال الحرام
فعلنا للكل -ظاهر ما خفى - 🔥

[وزارة الدفاع @modgovksa]

صرح المتحدث الرسمي باسم وزارة الدفاع اللواء الركن تركي المالكي أنه إلحاقاً للبيانين الصادرين من وزارة الدفاع يومي الاثنين (١٣ صفر ١٤٤٨هـ) والثلاثاء ( ١٤ صفر ١٤٤٨هـ) الموافقين ( ٢٧- ٢٨ ��وليو ٢٠٢٦م) من أن الدفاعات الجوية اعترضت ودمرت عدداً من المسيّرات التي حاولت استهداف منشآت بترولية في منطقتي الشرقية والرياض، وأن هذه الاعتداءات الإرهابية انطلقت من الأراضي العراقية ونفذتها ميليشيات إرهابية موالية لإيران، وما تم التأكيد عليه من حق المملكة الأصيل في الدفاع عن نفسها ومقدراتها واحتفاظها بحق الرد في الوقت والمكان المناسبين ومصداقاً لقوله تعالى: (فمن اعتدى عليكم فاعتدوا عليه بمثل ما اعتدى عليكم)، وانطلاقاً من حق الدفاع عن النفس الذي يكفله القانون الدولي وفق المادة (٥١) من ميثاق الأمم المتحدة، قامت القوات المسلحة السعودية بالتنسيق مع القيادة المركزية الوسطى الأمريكية هذا اليوم الأربعاء (١٥ صفر ١٤٤٨هـ) ا��موافق (٢٩ يوليو ٢٠٢٦م) بشن ضربات نوعية محددة ضد أهداف تابعة لتلك الميليشيات المتواجدة على أراضي جمهورية العراق والمرتبطة بالاستهدافات على المنشآت البترولية في المملكة.
وتؤكد المملكة على أنها لا تسعى إلى التصعيد إلا أنها سترد على أي عدوان تتعرض له.

انتهى

[عضوان الأحمري @Adhwan]

وطننا العظيم يستحق منتخب أفضل وإدارة كرة قدم أفضل.

[فهد المحياوي @FH_MHY]

#السعودية_الرأس_الأخضر

لاعب يستلم 20 مليون ريال سنويًا ، كيف تنتظره منه إثبات نفسه ؟

لاعب يرفض الاحتراف الخارجي لان المبلغ الذي يحصل عليه أقل بكثير ، كيف تنتظر منه التطور ؟

لاعب يسهر كل يوم ولا يلتزم بالتدريبات وضعيف بدنيًا وشارد ذهنيًا، ماهو المتوقع منه بعد كل هذا ؟

وسط حالة الترف وجميع الامتيازات التي يحصل عليها اللاعب السعودي ( دون وجه حق ) سوف نستمر في نفس الدائرة التي نحن بها الآن ، لاعبين في المنتخب السعودي رواتبهم وامتيازاتهم تتجاوز لاعبين يلعبون بشكل أساسي ومستمر في الدوريات الاوروبية الكبرى & رواتب بعض اللاعبين السعوديين أعلى من رواتب بعض اللاعبين في منتخبات الصف الاول على المستوى العالمي !

كلامي ليس حسدًا او ضغينة، حاشا وكلا لا سمح الله أن يكون كذلك ..
بل هو وصف لواقع مرير للاعبين يحصلون على أكثر بكثير مما يقدمون لوطنهم 🇸🇦

[خالد عون @khalid_oun]

مدري إذا شعرتم بهذا الأمر أم لا:

اللاعبين كأنهم يبغون الحكم يصفّر وخلاص يرجعون الرياض وصلّى الله وبارك، لا تلمس منهم شعور الرغبة في الانتصار ومواصلة المونديال وتمثيل البلد في هذا المحفل العالمي!

أمر غريب صراحة..

[عمادة شؤون الطلاب بجامعة جازان @stujazanu]

ترتفع نسبة الحوادث قبيل الإفطار في شهر رمضان لأسباب منها:
- انخفاض التركيز والإدراك.
- ضعف اللياقة الجسدية والنفسية.
- كثرة الاستعجال والانفعال قبيل الإفطار.

هل يمكن تعزيز السلامة المرورية أثناء قيادة الصائم؟

#جامعة_جازان
#نشاطكم_يميزنا
#سلامتك_قرارك

[ملفات كريستوف @CressFiles]

رسالة | السعودية دولة قرار، لا دولة استدعاء:

انتهى زمن العبث.
انتهى زمن تمرير الأجندات والمغامرات والأطماع من خلف الستار.
انتهى زمن اعتبار السعودية خيارًا ثانويًا يمكن تجاوزه ثم العودة إليه عند الحاجة.
وانتهى وهم أن الشرق الأوسط يُدار من خلف ظهر السعودية بالتنسيق مع القوى العظمى.
• السعودية لم تعد طرفًا يُستدعى لاحقًا، ولا خزينة تُفتح دون شراكة حقيقية واحترام متبادل، ولا ثقل يستغل دوليًا في المغنم ويترك وحيدًا عند المغرم.
ومن يخطط للمنطقة متجاوزًا إياها، يخطط لفشله ب��ده. فكل مشروع يبنى دون موافقتها هو مشروع ميت سريريًا. وكل تحالف يتجاهل مصالحها هو تحالف مؤقت وعمره قصير، وكل محاولة لتحقيق مكاسب على حسابها ستقابل بخسارة مضاعفة.
• كل مشروع يُصاغ دون موافقتها، كل تحالف يُبنى متجاهلًا ثقلها، كل تسوية تُراد على حساب أمنها أو اقتصادها أو سيادتها، هو "مشروع عدائي“ مهما حاول أصحابه تجميله وتبريره

• لسنوات، تصرّفت بعض دول المنطقة بعقلية الاستغلال؛ شراكات عند الحاجة، وتجاوز عند القرار، ومصالح تُحصد، بينما يُطلب من السعودية فقط تحمّل الكلفة.
هذا الزمن انتهى
• السعودية ليست صندوق تمويل، ولا مظلة أمان لمن يغامر ثم يهرب من النت��ئج، ولا دولة تُستدعى لإطفاء الحرائق التي أشعلها غيرها.
السعودية دولة قرار، لا دولة استدعاء.
دولة وزن، لا دولة مجاملات.
• من أراد الاستقرار، فطريقه يمر عبر الرياض.
ومن أراد التنمية، فليحترم مصالح السعودية أولًا. ومن ظن أن بإمكانه القفز فوقها، فليتحمّل وحده كلفة السقوط.
هذا ليس تهديدًا، هذا توصيف لواقع مفروض وقدر مكتوب، تعايش معه وسارع لمصافحة يمينه قبل أن تفاجىء بصفعةٍ من يساره.

• الرسالة للجميع باختصار وبلا تفسيرات إضافية:
الرياض ليست خلفية المشهد، هي مركزه. وليست ممول أخطاء، بل صانع معادلات.
فإذا وجدت فرصة - أي فرصة - في هذه المنطقة،
فابدأ أولًا بسؤال واحد:
ما حجم المصلحة السعودية فيها؟
ثم بعد ذلك إبدأ بالبحث عن مصلحتك.

[فضائي @stoplovemeplase]

تغريدة طويلة ممكن ما تعجبك لكن هذي الحقيقة في رزقك ووظيفتك ومستقبلك وفيها الحل الحقيقي لكل مخاوفك :

وعشان اختصر عليك من البداية تراك بتقول كلام مكرر وأعرفه وما جبت جديد ونفسك بتكون تبحث عن حل واقعي وبتجلس تحوس سنين بالحل الواقعي وما راح تلقى شيء واقعي أكثر من هذا

من يومك صغير وانت عارف ان رزقك محد بياخذه ولنت ماخذ رزق أحد مهما سويت وبذلت وفعلت الأسباب وشلت وحطيت

وتدري إن فعل السبب واجب على المسلم للحصول على رزقه لأن ( السماء لا تمطر ذهب ولا فضة )

حنا اليوم نعيش في زمن يلمع لو ما أحد ذكرنا ونبهنا بتغرينا هذه اللمعه وبنجلس نركض بالحياة ونتحسف ولا بيتغير من واقعنا شيء

ما توظفت ؟ ما اشتغلت ؟ ما وصلت ؟ ما خذيت ؟ ما شريت ؟
ترا ماهو لأنك سيء أو ما عندك أحد أو ما عندك خبره أو ما عندك علاقات أو لغة ، بكل بساطه رزقك ما بعد جا

العصفور لا معه لا CV ولا لغة ولا قوة ويعيش ويتزوج ويسكن ويتكاثر من أعطاه ووهبه ورزقه ؟
ماهو قادر يرزقك ؟

طيب وش الحل ؟
الحل في السماء ماهو في الأرض ( وتراني اختصرت عليك الحل لأنك بتسوي وتدور وتطلع وتنزل ثم بعد فتره بتستوعب الحل ) ، ما يكفي معرفتك إن الحل بالسماء لازم تؤمن بهالفكرة ايمان قطعي ، ايمان يستقر في قلبك

كيف أ��ليه يستقر بقلبي ؟ ببساطه التذكير
كل ما حسيت ان الظروف والحياة قست عليك افتح اليوتيوب وشغل مقطع عن حديث الرسول ( واعلم ان ما اصابك لم يكن ليخطأك ) وتطمن

* ترا الايمان يزيد وينقص ��اول إنه كل ما نقص ترجع تقوي نفسك بتذكيرها لأنك لن تنجوا بدونه

بعد ما يستقر الإيمان بقلبك وتعرف مالك طريق للرزق غير من عند الله ، بتلقى نفسك تلقائيًا جالس تشتغل على أسباب الدنيا ( الواجبة عليك لطلب الرزق ) وبنفس الوقت منت بحزين على ما فاتك ( لأنه اساسًا مهب لك ) ومتفائل بعطاء ربي لأنه أكرم مني ومنك ومن آبائنا وامهاتنا ورزق اللي أضعف منا

بتحافظ على صلاتك على اذكارك وعلى استغفارك وعلى قراءة القران والحوقلة والتسبيح ، لأنها كلها موجبة للرزق
( فقلت استغفروا ربكم انه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا )

ثم ب��دها بتشوف كيف الرزق بينصب عليك صب وبتنفتح لك أبواب الخير من كل جهة

طول حياتنا نسأل الله التوفيق بس للأسف ما قد فعلنا أسباب التوفيق ولا آمنا بالله حق إيمانه اللي يوجب علينا البركة والتوفيق

ضيدان بن قضعان يقول :
يخلق الله ما يشاء ويفعل الله ما يريده
وابن ادم لو تغانم ماله الا ما كتبله

( يعني لو تتغانم كل فرصة مالك الا المكتوب )

والنشيرا يقول :

في رجا الله ما يخليني لجدّي واجتهادي
ما رجيت الا وعده ولا خشيت الا وعيده

( جدك واجتهادك : ال CV وخبراتك ولغتك وعلاقاتك ، لو خلاك الله لجدك واجتهادك ما كليت من وراها عيش )

لا تجرب الله ولا تبدأ بهالطريق وانت تبي تجرب اذا ما كان عندك الإيمان التام ، الايمان اللي يخليك منت خايف على بكرة ومستقبلك وكل ما صارت مصيبه ابتسمت وناظرت السماء وانت متطمن انه يشوفك وما يخليك

مثل قول الشاعر :
واللي سمع يونس وهو في بطن حوت
ماهو بناسيني وانا اشم الهوى

وايمانك ترفعه بالإكثار من السماع في مشاويرك وروحتك وجيتك عن الله وعن الرزق وعن البركة

بعد ما تسلك هالطريق بتعرف انك كنت ضايع وانت تفعل الاسباب فقط والدنيا لاهيتك ومشغلتك عن الطريق الحقيقي ، يبي يرتاح بالك وتتطمن وتضحك كل ما شفت واحد يقول اشتغل على ارضاء العميل وتكوين العلاقات لانك بتكون ميقين وشهو طريق الرزق الوحيد ثم بعده يأتي فعل السبب

عسى الله يرزقنا جميعًا ما نتمنى وييسر أمري وأمرك ويجعلنا من المبارك لهم في رزقهم وعمرهم وعملهم وفي دنياهم واخرتهم ولا تنسوني من دعاكم 🤍

[Nawaf @CEONawaf]

من الأشياء اللي تكتشفها لما يكون محيطك جودته عالية وتكون محاط بالإنجازات من كل جهة … انك تدرك حقيقة إن محد فعلًا مختلف. صحيح في ناس أذكى، يستوعبون في ساعة اللي تحتاج يوم كامل عشان تفهمه … بس لما تشوف الصورة الكبيرة، محد مختلف بشكل جوهري.

الفرق الحقيقي، واللي يميّز المميزين، ينحصر في نقطتين:

أولًا: ما عندهم القيود اللي تمنعهم عن التجربة … لا قيود عاطفية، ولا نفسية، ولا ذهنية.

ثانيًا: عندهم جوع وفضول داخلي يدفعهم يخوضون أي ت��ربة، حتى لو كانت مخيفة، ضبابية وبدون ضمان.

ولو تجلس معهم فترة، تلاحظ إن الموضوع لا هو عبقرية ولا هو "حظ" بالمعنى التقليدي، هو سلسلة محاولات، تجارب محد شافها، وقرارات ثقيلة اتخذوها في لحظات صعبة.

ومع الوقت، تكتشف إن الإنجاز والأحلام اللي في خاطرك مب شي بعيد ولا مستحيل، هم نتيجة إنك تكسر حاجز البداية، ترفع مستوى الإلتزام والمنافسة، وتجرّب ثم تعيد وهكذا.

[تركي @ETURRKI]

دربي طويل وخاطري واصل أقصاه
وأخاف لا أهوّن . . وأكفّ اجتهادي

يارب لامن صـاروا العالم . . أشباه
ميّزني أنا . . ما أقدر أعيش عادي

[Ahmed🇧🇭 @Ahmed_]

🇸🇦🇺🇸

إذا فكّر ترامب يتجاوز حدوده أو يلعب ضد مصالح السعودية، أو حتى يهادن إيران وميليشياتها، فمصيره بيكون مثل مصير بايدن لما حاول يتمادى

السعودية أثبتت إنها ما ترضخ لأي ضغط، مهما بلغت حدتها و ترد بقوة الأفعال لا الأقوال ..

و خير مثال .. لما بايدن هدّد وقال بيخلي السعودية “دولة منبوذة”، الرد السعودي كان قاسي وصريح: طنشوه، لا زيادة إنتاج ولا شي، اعلى ما بخيلك اركبه، حتى وقتها وهو يحاول بكل الطرق الدبلوماسية، و اتصل بالملك سلمان، وأرسل له بوريس جونسون🇬🇧، وأولاف شولتس🇩🇪، وماكرون🇫🇷 يوم شاف إنه ما فيه فايدة، طلع بنفسه لقمّة جدة وهو منحرج، يتوسل كم برميل نفط علشان ينقذ نفسه من التضخم اللي خنق الأمريكان

وش صار؟ السعوديين مو بس رفضوا طلبه، لا، راحوا أبعد من كذا وخفضوا الإنتاج مع شركائهم في “أوبك+” و عقدوا قمة سعودية خليجية عربية مع الصين وزادوا من التبادل التجاري و الاستثمارات وشراء الأسلحة 🇨🇳

النتيجة مع بايدن ؟ وصل متوسط سعر البرميل 101 دولار و التضخم زاد وأسعار المنتجات و بترول المحطات ارتفعت بكل أمريكا، والشعب بدأ يطيح فيهم سب وشتم وخسارة حاده في شعبية الديمقراطيين .. و زيادة شعبية الكف الآخر (ترامب وربعه) مما وصلهم إلى الرئاسة والسلطة

هالموقف ما كان بس رد على بايدن، كان رسالة للعالم كله: السعودية بيدها القرار وهي اللي تتحكم بالسوق العالمي و قرار واحد من الملك سلمان قادر يقلب موازين الاقت��اد العالمي و ينزل من شعبية المجتمع الأمريكي على رئيسهم

فـ إذا ترامب فكر يلعب نفس اللعبة، الرد بيكون أقسى وأوضح: مصالح السعودية خط أحمر، واللي يحاول يتجاوز بيدفع الثمن ..