جيتي وطيّرتي فروخ الشياهين
من الحمى اللي في مداين رحابي
لك في حرم سور الضلوع اربع سنين
بعد العشر الاولى على سور بابي
تدري وكل الناس ماهم بـ دارين
عن ماضي ٍحاضر وبيّن وغابي
انتي عفيفه عرض وانا حمر عين
من نزوة الهفوات بيضٍ ثيابي
" فالحياة كلها سو اللي تبي لكن اعرف ان كل شي له ظل "
حتى الأمور البسيطه ، الكلمة اللي جرحت بها شعور انسان في احد التعليقات ونسيتها تراها ما فصلت عن اقدارك ، الكلمة اللي جبرت بها خاطرك انسان منكسر تراها ما انتهت تلقاها سر في توفيقك سر في محبتك سر في قبولك سر في طمأنينتك
انا شاعرٍ في الحب ما اداني الترشيد
اجي مندفع شعر ومشاعر بدون حدود
لك الحق لا زمّيتي النفس فوق الغيد
تمادي تحدي سوي اللي تبين وزود
يجي عندك الصيّاد ويروح منك صيد
ابَا اعرف وشلون الغزاله تصيد فهود
فداك الزلل زلّي وطيشي و جيبي العيد
من اللي يوقف في طريقك و انا موجود