ابداعات شاعر

‏متابع لشعـار الجـزاله اصحـاب الفـكر والحرف الراقـي المفضله ديوان متجدد✒

[ناصر بن هندي @naser_m9]

الطـواري والمداهيل والـنوم القليل
مـابقى شـي ًيـزيد الـقلق ما سوّته

استباحت روض الأفكاربالجمع المهيل
وكل طـاري في مـراح الـحنايا ضوّته

بـين فقـدً نوّه اقـفى وهـم ً مستخيل
وضيقً يحـرك جيوشه ويعرض قوته

والخوي الي مضى لي معه وقتً طويل
جرح فرقاً لـ اجهم الليل يثبت خوته

[سـٌدآح .. @1874th]

محبّتك فوق العتب والمشاريه 
ومشاعري شافت بـ قربك دواها 

على كثر ما شافت عيوني وجيه 
مافيه وجهٍ غير وجـهك ملاها ")♥️

[مدواخ شعر @Medwkh]

فرق الاوادم مثل فرق الاصابع
و حسن النوايا يا رفيقي قليله

ناسٍ نكلمهم على شان رابع
وناسٍ نسلمها الحمول الثقيله

[محمد الدهيمي @aldohaimi]

العالم اللي بدون عقولها ما تدل
والعقل ماشفت زينه مع طويل الذراع

اجعل ضميرك وتفكيرك وزارة عدل
واجعل يمينك وسطواتك وزارة دفاع

محمد الدهيمي

[ابداعات شاعر @Ebdaaat331]

يدور الزمان ويظهر الفرق بين الناس
ويمكن يضرك واحـدٍ .. كنت تاوي له

عداوة شريف ولاصداقة ردي الساس
تثق فيه .. ويعاملك بالغـدر والحيلة

#عبدالله_الطلحي

[عبدالله الطلحي الهذلي @talhi_abdullah]

#بس_حبيت_اقول
الراي في وقته ، من اهل التجاريب
مثل اللقاح اللي ، مجرب ومضمون

وان فات وقته .. صار لومٍ وتعذيب
مثل الذي يعصر على الجرح ليمون

#عبدالله_الطلحي

[معكاز شعر @M3kkaz]

تعايش مع العالم وطنش كثير علوم
” وبابٍ تحس إنّه وراه الغثا سده “.

[‏ ᷂غريب ᷂الدار ᷂ @l5l9_]

لي آيام سارح .. ما يشد انتباهي شي
يمر الكلام المختلف .. كنّه ، العادي

تحاصرني الدنيا واموري مثل ما هي
الازعاج يملى مجرياتي .. وأنا ، هادي

أحس إني أملك كل حاجة مابين يدي
وأحس اني الخسران من كثرة عنادي

وآحس بشعورٍ مضطرب بين شمس وفي
مع اللي مغرّبني .. وانا آعيش ، فـ بلادي

يجوز اني أفنى من شعور الوجع والكي
لو إني ماآغني .. كل ما طاب مقعادي

انا ما زهمت الشعر مرة وقال شويّ
متى ما تواعدنا يجي حسب ميعادي

حبيبي لا زال يمرني لـ انعكاسك ضي
مثل ما يمر الحسد فـ قلوب حسادي

متى ماانتشر ريح المطر في زوايا الحي
يعم السكوت .. ويرتفع صوتك ينادي

من تخاف ينسى ويتمادي بدرب الغي
يشوفك متى ما شاف نور القمر بادي

مع الشعر لك ميعاد مادام راسي حي
وانا كل يوم آهيم لي في طرف وادي

[تركي بن نايض @tturkii12345]

ياقلب ليتك تحمل من نفذ صبره
٠

.

[السامي @2lshl]

سعادة الرجل الكرامه بدنياه
لو ما عليه الا سمايل هدومه

يفرح محبينه ولا يفرح عداه
والناس محد ٍميت ٍقبل يومه

عوين من ورّاه وقته جفيّاه
يحلم وعيّت ما تحقق حلومه

سعد بن جدلان

[محسن بن مترك @aprvip]

الشعر ديوان العرب " والجماهير
تطرب وتضما لـ الجزال وتصفق

لاكن بعض الاحيان مال الدلو بير
واكثر معاطيش المكرر مطفق

تلقى الشوارد ما لها اي تاثير
وتلقى التداول لـ الكلام الملفق

بعض القصايد مثل بعض الغنادير
جمميله ، ومقبوله ، ولا ، توفق )؛

[معكاز شعر @M3kkaz]

طويلين بال ودايم نسامح الغالين
ولا حنا من اللي لا زعل دور الزله .

[الـهاب بــدر @131_303]

.

.

من شان خاطر عيـن تكرم مدينه
وشلون أجل لا صار من شان خاطرك

العمـر تكرم لأجل عينـك سنينـه
نبيــع ماضينـا لأجل عيـن حاضــرك..

الهاب بدر

.

.

.

.

[ناصر الدعجاني @Na__1997n]

كلمة العاقل تنومس كل راس مصمّل
والردي يضحك بها لو يوجعه تاليهاا

من كشف وجه الحقيقه مستحيل يهمّل
هرجته لاقالها .. كلً يبي يووووحيها

لو يسولف من يغط النور قلنا كمّل
كل كلمه طايشه تحسب على راعيها

لاخدمنا فالعلوم اللي ماهيب تجمّل
العلووم الطيبه حنا نخدمه فيها "
@S_h5111

[ابداعات شاعر @Ebdaaat331]

في غيبتي كلٍ نهشني بنابه
وفي جيتي كلٍ ضحك لي يهلّي
.
اهل الوجيه اللي تجيب الكآبه
سود القلوب اللي من الشر ملّي

من فضل ربي لي حضور ومهابه
ولا طال راس إلا عليه امتعلي ..

الهاب بدر

[عبدالله الحيلان @el7elan]

يا " حبيبي " ترى كل الليالي معافه ..
كان ما الله كتب فيها لقاك ، و وصالك

كن مسكة يدك ؟ مسكة زمام الخلافه
و كن تلويحي بـ فرقاك ؟ تلويح هالك !

منك كل الامان .. و منك كل المخافه
وحدةٍ من جفاك ، و وحدةٍ من جمالك

[البـدويـة @al_bdweya]

ما درا ان القلب تله وقفابه
راح مع دربه خفوقي وخلاني
ياوجودي ليت ابويه من اقرابه
واحدن عن جملة الناس عزاني
البدويه

[ابداعات شاعر @Ebdaaat331]

ِ
عموق الرجاال تبين فـ الواقع الملموس
وعزوم الرجال تبين فـ الماقف الجدي
ِ
كبار المواقف وقعّها تجربه و دروس
مراسيمها في كل طيب ومتردي
ِ
رفيق الشدايد غايته مكسب الناموس
ورفيق الرخا مابين ودي وماودي

عبدالله الخشمان

[ابداعات شاعر @Ebdaaat331]

اجمع جميع الخطايا وادخل الجامع
اللي به الناس كل اسبوع مجتمعه

ماجيت بيت الكريم .. الا وانا طامع
يغفر ذنوبي من الجمعه الى الجمعه

#نايف_اباالعون

[ابداعات شاعر @Ebdaaat331]

يا رفيقي لا تزعلّك خيبات الظنون
خايفٍ قلبك من الحزن يلقى مصرعه

كل دمعه حوّلت منك خريجة شجون
فك قيد الدمع واللي بقى لا تمنعه

ودي اواسيك .. وارد دمعك للعيون
واخذ احساسك واترجم شعورك واسمعه

بس انا ماعرف اواسي ولا هم يحزنون
كل ماواسيت لي شخص ، رحت ابكي معه

#عناد_الشيباني