ماله وطن راحت لياليه ترحال
كل المنافي بالوجود امرحت به
يمشي وحيد ويتبعه خلفه ظلال
يشبه دروبٍ مرّها ماشعرت به
لاضاق غنى يسبق غناه موال
وان ساح باله ذكرياته غدت به
واليا تذكر طيحته دون الأطلال
ضم السحابه في يديه ورقت به ..🕊️
لا تكابر :
ضمّ فرحك في كفوفك
لا تكابر
ما يناسبك الزعل وأنت الجميل
اللي بحسنه وعطفه دوم جابر !
خلّ ضيقك للظروف
واضحك لعينٍ تشوف
والله إنك في مفاهيم الغرام
شيّ نادر.. شيّ ساحر.. شيّ فاخر !
لا تكابر..
يا طهر ذيك الملامح
اقرب وسامح وصالح
والله إن العمر أسرع من خيالك
والجفا ما وراه إلا الخسائر !
لا تكابر..
هات يدّك للأماني
لا تخلّيني أعاني
والله إنك في عيون اللي يحبك
حلم باهر.. عشق طاهر.. غيث ماطر !
لا تكابر..
#شِيّن