لاحظت لما أحد يزعلني اكثر من مرة
أو يسوي اكثر من موقف يضايقني
تبدا تنبني داخلي حواجز تجاهه
بالتدريج القى نفسي فجأة ماعرف أتعامل معه
وأوصل لمرحلة إني حتى ما اعرف اكلمه او اسولف له عن أي شي وحرفياً هذي من اصعب المشاعر اللي ممكن أحس فيها
ودي أتعلم أعطي بشويش، أحب على مهل، وأفرح على مهل وأثق بدون ما أشرّع كل أبوابي، وما أستعجل بالعطاء ولا أفتش عن حلول لأشياء ما طلبت مني أنقذها ودي أصير شحيحة على شعوري وكريمة على نفسي ودي أكون أخف تعلقًا، وأقل اندفاعًا
وأعرف كيف أحب الأشياء بدون ما أعطيها كل اهتمامي وحواسي