نجود القحطاني

السلام على الضاحكين وفي قلوبهم سنين بكاء ، أولئك الذين قرروا العيش ولم تحالفهم الحياة بعد

[نجود القحطاني @HG15HG]

يالله أنا طالبك حسن التدابيـر
تعبت ارد دموع عيني واكابر

ياقلب صير بخير لو مانت بخير
لاتنحني شد العزيمه وثابر

الصبر مفتاح الفرج والتباشير
خلك على جور المقادير صابر

[Noor 🐅 @Kati97ever]

العين الي تشتري شوفتك و لقاك حوف نظرها ."♥️

[ℳ @lumtter]

يستاهلك من رمى روحه على جالك
ما هو من أرضاك ليله وأزعلك ليله

[سَ @yiii700]

جعل الليّالي تداري خَاطر الطيبّ .

[مّ @stopoe1]

لا ترخص النفس والأيام ملحوقه
اجمع من العز ما يروي مشاويـرك

[دهَـام @3jm7_]

مايذبح الرجال يا كود الأفكار
لاقامت تلاحيّه من كل نوعي

[دمــث @v80r_1]

جرتك فـي جرهد الـبـال يالظبي اللعـوب
مثل نبت الورد الابيض على وجه الخضار

عبدالكريم البدراني

[حمد البريدي @hamad_albraidi]

ودي آغيب عن كل الوجيه القريبه
واختلي بـ ارض ما فيها وجيه اعرفها

فاقدٍ نفسي اللي لا نوت درب غيبه
ما تعودّ عليّ الا بكامل اسفها

كل غيمٍ يسافر ودي اني صحيبه
لا هما غيث وبله في البلاد وذرفها

مبطي من الكلام العذب واللي يجيبه
ومبطي من العيون اللي لهت في ترفها

الهدو والقناعه تنشرى باللي هي به
كل عزلة مشاعر ربعت في طرفها

والله اني من الروس الكرام العريبه
لو تحاربني الحسرات والعن جدفها

داري ان كل واحد .. ماله الا نصيبه
والبلا في الجروح اللي ما زلت اقترفها

[مّ @stopoe1]

صرفنا الحسايف كلها والندم بالذات
على اللي . . نعلّمه الرمايه ويرمينا .

[شعييل @0ickk]

إليا انجرحنا ما زعلنا على طول
وإليا زعلنا ! نزعل العمر كلّه .

- محمد المقحم

[سبّيع . @subiie7]

مساء الخير . . نصيحة / إما بعد :

واليا لحقك من الرياجيل معروف
اجعل لهم قلبك مثل بطن كفك

[〆 @olld_9]

«معك من وين ماذعذع هواك ومالت الفيّه »

[أشواق. @H___AT27]

أنا إنسَانه تحب نفسها كل يوم
- بطريقه جديدة -
❣️❣️❣️

[صالح لا يُصالح @saleh__5]

تغانمني ترى قد كبدي من الصبر عشر اقسام
على ادنى شيء يمكن اني اغني لك … وداعية

[سمحه @Alsm7a_]

تستاهل البَال والتدليِل والإختيار
اللي يلوق لمحاجرها ومنتولها

[َ @iconiln]

غيرك من الناس . . علمناه يلعب بعيد
ولا أنت فـ القلب تلعب مثل ما تشتهي :)

[نـوير @305ise]

أنا معي خاطرٍ يسمح و قلبٍ ثقيل
ماهو بيرجع على الحاجه ليا عافها

- فهد بن خشمان

[ماجد بن مهل @majed_almhl]

"الطايلة تاكل من الحال والمال
محدٍ له العليا تجيه مخطومة"

قاعدة اساسية

[.. @i24rx]

مساكم الله بالخير جميعاً

اشرب من اللي كنّها دم مقهور
نفس السواد ونفس طعم المراره .

[.. @FHD____Q8]

على العموم بعد الاسبريسو لازال منسوب اعتدال المزاج مختل شوي لين تذكرت اللي يقول :

وين احصل واحدٍ يعرف مزاجي
المزاج الصلف .. عاقبني عقوبـه