صحِیح حدیثِ نَبوی ﷺ

جس نے رسولؐ کی اطاعت کی، اُس نے الله کی اطاعت کی (النساء 4:80). بہترین کلام الله کی کتاب ہے اور بہترین طریقہ محمد ﷺ کا طریقہ ہے (بخاری 7277؛ مسلم 2005).

[صحِیح حدیثِ نَبوی ﷺ @HadeesNabawi]

قالَ النبی ﷺ:

تم میں سے جو شخص بھی منکَر (برائی) دیکھے تو:

(1) وہ بدل دے اُسے اپنے ہاتھ سے،

(2) اگر اتنی طاقت نہ ہو تو اپنی زبان سے (اُسے بدل دے)،

(3) اگر اِس کی طاقت بھی نہ ہو تو اپنے دل سے (اُسے بدلنے کی تدبیر، منصوبہ بندی، عزم کرے)، اور یہ سب سے کمزور ایمان ہے.

مسلم 177

[صحِیح حدیثِ نَبوی ﷺ @HadeesNabawi]

بخاری 2085

باب: سود کھانے والا، اور اس پر گواہ ہونے والا، اور سودی معاملات کا لکھنے والا، ان سب کی سزا کا بیان۔

[صحِیح حدیثِ نَبوی ﷺ @HadeesNabawi]

راوی: عبادہ بن صامت ؓ:

آپ ﷺ سونے کے عوض سونے، چاندی کے عوض چاندی، گندم کے عوض گندم، جو کے عوض جو، کھجور کے عوض کھجور، اور نمک کے عوض نمک کی بیع سے منع فرما رہے تھے، الا یہ کہ برابر برابر، نقد بنقد ہو.

جس نے زیادہ دیا، یا زیادہ لیا، تو اُس نے سود کا لین دین کیا.

مسلم 4061

[صحِیح حدیثِ نَبوی ﷺ @HadeesNabawi]

اُم المؤمنین حضرت عائشہ ؓ فرماتی ہیں:

جب سورۃ البقرہ کی سُود سے متعلق آیات نازل ہوئیں تو نبی کریم ﷺ مسجد میں تشریف لے گئے اور ان آیات کی لوگوں کے سامنے تلاوت فرمائی، پھر فرمایا کہ شراب کی تجارت حرام ہے.

بخاری 459، 4540
(مسلم 4047؛ نسائی 4669؛ ماجہ 3382؛ دارمی 2611؛ حبان 4943)

[صحِیح حدیثِ نَبوی ﷺ @HadeesNabawi]

ترجمہ: اور ڈرو اُس دن سے جب تم سب الله کے پاس لوٹ کر جاؤ گے، پھر ہر ہر شخص کو جو کچھ اُس نے کمایا ہے پورا پورا دیا جائے گا، اور اُن پر کوئی ظلم نہیں ہوگا.

[سورۃ البقرۃ، 2:281]

[صحِیح حدیثِ نَبوی ﷺ @HadeesNabawi]

حضرت عبداللہ بن عباس ؓ نے بیان کیا:

آخری آیت جو نبی کریم ﷺ پر نازل ہوئی وہ سُود کی آیت تھی.

[بَابُ: واتقوا يوما ترجعون فيه إلى الله، آیت کی تفسیر سورۃ البقرۃ، 2:281: اور اُس دن سے ڈرتے رہو جس دن تم سب کو اللہ کی طرف واپس جانا ہے.]

بخاری 4544

[صحِیح حدیثِ نَبوی ﷺ @HadeesNabawi]

رسول اللہ ﷺ نے فرمایا:

1) لوگوں کو علم سکھاؤ،
2) آسانیاں پیدا کرو،
3) مشکلات پیدا نہ کرو (دشواری میں نہ ڈالو)، اور
4) جب تم میں سے کسی کو غصہ آجائے تو اُسے خاموش ہوجانا چاہیے۔

مسند احمد 2136، 2556، 3448
(السلسلة الصحيحة 2473؛ بیہقی 25888)

[صحِیح حدیثِ نَبوی ﷺ @HadeesNabawi]

قالَ ﷺ:

بدگمانی سے بچو، کہ بدگمانی سب سے زیادہ جھوٹی بات ہے،
کسی کے عیب تلاش نہ کرو،
کسی کی جاسوسی نہ کرو،
(دولت، نمائش میں) مقابلہ بازی نہ کرو،
باہم حسد نہ کرو،
بغض (نفرت) نہ رکھو،
ایک دوسرے سے منہ نہ پھیرو، اور
الله کے ایسے بندے بن جاؤ جو آپس میں بھائی بھائی ہیں.

مسلم 6536

[صحِیح حدیثِ نَبوی ﷺ @HadeesNabawi]

قالَ النبی ﷺ:

1) ایک دوسرے سے قطع رحمی نہ کرو،
2) ایک دوسرے سے روگردانی نہ کرو،
3) ایک دوسرے سے بغض (نفرت) نہ رکھو،
4) ایک دوسرے سے حسد نہ کرو، اور
5) آپس میں بھائی بھائی بن جاؤ، جیسا کہ الله تعالیٰ نے تمہیں حکم دیا ہے.

مسلم 6539
(مسلم 6530؛ ماجہ 3849)

[صحِیح حدیثِ نَبوی ﷺ @HadeesNabawi]

رسول اللہ ﷺ نے حجۃ الوداع کے موقع پر خطبہ دیتے ہوئے ارشاد فرمایا:

اے لوگو! ہوشیار رہنا، میں تم میں ایسی چیز چھوڑ کر جا رہا ہوں کہ اگر تم اس تم اسے مضبوطی سے تھامے رہو گے تو کبھی گمراہ نہیں ہوگے:

(1) الله کی کتاب، اور
(2) اُس کے نبی ﷺ کی سنت.

المستدرک للحاکم 318

[صحِیح حدیثِ نَبوی ﷺ @HadeesNabawi]

رسول اللہ ﷺ نے حجۃ الوداع کے موقع پر خطبہ دیتے ہوئے ارشاد فرمایا:

تم ظلم مت کرنا، اور میرے بعد کافر مت ہو جانا، تاکہ کہیں ایک دوسرے کی گردنیں نہ مارتے پھرو.

المستدرک للحاکم 318

[صحِیح حدیثِ نَبوی ﷺ @HadeesNabawi]

حضرت عائشہ ؓ نے بیان کیا:

رسول اللہ ﷺ نے ترکہ میں،

1) نہ کوئی دینار چھوڑا،
2) نہ درہم،
3) نہ بکری،
4) نہ اونٹ، اور
5) نہ ہی (اس طرح کی) کسی چیز کے بارے میں وصیت فرمائی.

مسلم 4229
(نسائی 3652، 3651؛ ابوداؤد 2863؛ ماجہ 2695؛ مسند احمد 24679، 26035؛ حبان 6606؛ مشکوٰۃ 5973)

[صحِیح حدیثِ نَبوی ﷺ @HadeesNabawi]

رسول الله ﷺ (غزوۂ) تبوک کے موقع پر حضرت علی ؓ فرمایا:

"کیا تم اس پر راضی نہیں ہو کہ تمہاری مجھ سے وہی نسبت ہو جو ہارون ؑ کی موسیٰ ؑ سے تھی؟ البتہ میرے بعد کوئی نبی نہیں ہے."

بخاری 4416
(بخاری 3706؛ مسلم 6220، 6221، 6217، 6218؛ ترمذی 3731، 3730؛ ماجہ 115، 121؛ مشکوٰۃ 6087)

[صحِیح حدیثِ نَبوی ﷺ @HadeesNabawi]

حضرت علی ؓ ‌نے فرمایا:

اس ذات کی قسم جس نے دانے کو پھاڑا اور روح کو تخلیق کیا! نبی امی ﷺ نے مجھے بتا دیا تھا کہ:

"میرے ساتھ مومن کے سوا کوئی محبت نہیں کرے گا اور منافق کے سوا کوئی بُغض نہیں رکھے گا."

مسلم 240
(ترمذی 3736؛ ماجہ 114؛ نسائی 5021، 5025؛ مشکوٰۃ 6088)

[صحِیح حدیثِ نَبوی ﷺ @HadeesNabawi]

قالَ النبی ﷺ:

جب تم میں سے کوئی اپنے بھائی کی کسی ایسی چیز کو دیکھے جو اُسے پسند آئے، تو اُسے چاہیے کہ اُس (بھائی) کے لئے برکت کی دعا کرے.
(تاکہ وہ نظر لگ جانے سے محفوظ رہے)

ماجہ 3509
(حاکم 5742، 7499، 7500؛ ابی شیبہ 24060)

[صحِیح حدیثِ نَبوی ﷺ @HadeesNabawi]

قالَ النبی ﷺ:

1) فاطمہ ؓ میرے جگر کا ایک ٹکڑا ہے،
2) جو اُس کو برا لگے وہ مجھ کو بھی برا لگتا ہے،
3) جس چیز سے اُسے تکلیف پہنچتی ہے اس سے مجھے بھی تکلیف پہنچتی ہے.

بخاری 5230
(مسلم 6307؛ ترمذی 3867؛ ابوداؤد 2071؛ ماجہ 1998؛ مسند احمد 19118، 19119؛ حبان 6957، 7060؛ مشکوٰۃ 6139)

[صحِیح حدیثِ نَبوی ﷺ @HadeesNabawi]

جب کوئی آدمی سفر کا ارادہ کرتا تو ابن عمر ؓ اُس سے کہتے: "میرے قریب آؤ، میں تمہیں اُسی طرح سے الوداع کہوں گا جس طرح رسول اللہ ﷺ ہمیں الوداع کہتے اور رخصت کرتے تھے، آپ ﷺ ہمیں رخصت کرتے وقت کہتے تھے:

أستودع الله دينك ، وأمانتك ، وخواتيم عملك

ترمذی 3443

[صحِیح حدیثِ نَبوی ﷺ @HadeesNabawi]

قالَ النبی ﷺ:

مجھے میرے مرتبے سے زیادہ نہ بڑھاؤ، جیسے اِبن مریم (حضرت عیسیٰ ؑ) کو نصاریٰ (عیسائیوں) نے اُن کے رتبے سے زیادہ بڑھا دیا.

بیشک میں تو اُس (الله) کا بندہ ہوں، لہٰذا تم (میرے متعلق یہی) کہو:

"الله کا بندہ اور اُس کا رسول."

بخاری 3445، 6830
(دارمی 2826؛ مشکوٰۃ 4897)

[صحِیح حدیثِ نَبوی ﷺ @HadeesNabawi]

حجۃ الوداع کے موقع پر خطبہ دیتے ہوئے رسول الله ﷺ نے فرمایا:

1) الله کا تقویٰ اختیار کرو جو تمہارا رب ہے،
2) پانچوں نمازیں پڑھو،
3) ماہ رمضان کے روزے رکھو،
4) اپنے مالوں کی زکوٰۃ ادا کرو،
5) اور حکمران کی اطاعت کرو،

تم اپنے رب کی جنت میں داخل ہوجاؤ گے.

ترمذی 616
مشکوٰۃ 571

[صحِیح حدیثِ نَبوی ﷺ @HadeesNabawi]

رسول الله ﷺ نے فرمایا:

جو ہمارے چھوٹوں پر شفقت نہ کرے اور ہمارے بڑوں کا حق نہ پہچانے وہ ہم میں سے نہیں.

ابوداؤد 4943
(ترمذی 1920)

[صحِیح حدیثِ نَبوی ﷺ @HadeesNabawi]

حضرت انس بن مالک‌ ؓ بیان کرتے ہیں:

ایک بوڑھا آیا، وہ نبی اکرم ﷺ سے ملنا چاہتا تھا، لوگوں نے اسے راستہ دینے میں دیر کی تو نبی اکرم ﷺ نے فرمایا: "وہ شخص ہم میں سے نہیں ہے، جو ہمارے چھوٹوں پر مہربانی نہ کرے اور ہمارے بڑوں کی عزت نہ کرے."

ترمذی 1919
(السلسلة الصحيحة 156)