ملتاع

أغمّض عيوني عنك .. وأنسى انك عيوني •

[ملتاع @Hajrika_]

الله لايكشف خوافيك يالصدرر الكتوم .

[ملتاع @Hajrika_]

ياللي تمرون داره ودي ازوره
تكفون قلبي على لقياه شفقاني

عيني على شوفته شفقه ومجبوره
من غيبته مشتحن ما ترقد اعياني

احبه وحالفٍ ما انساه وابوره
لو صار ما صار ولا كان ما كاني .

[ملتاع @Hajrika_]

والله اني اشتقت .

[ℬ @y7k]

معاك أتجرد من مبادي تربت فيّ
وأنا الثابته اللي ما تغير مباديها

أداريك عن ضيقك وأحنّك من أدنى شي
وأنا ما أتلفت لـ الخواطر و أداريها

أحبك وأنا اللي لو جميلك علي شوي
قدرت أتناسى ليلةٍ ما أنت بناسيها

أحبك وأنا اللي لو يدور الزمن هي هي
على حطّـة يدين القلوب وهقاويها ❤️.

[ℬ @y7k]

والله أحبك أحبك من ضميّر
من يوم حبيّتك وحبك ما هدى

مافيه غيرك في سما قلبي يطير
وحدك ترد الصوت والباقي صدى

مهما حصل مهما جرى مهما يصير
كل العيون تروح لعيّونك فدى

أحبك وبأبقى أحبك لـ الأخير
لـ أخر نِفس لـ أخر رمق لـ أخر مدى .

[ℬ @y7k]

أشوفه مثل الأمانة يوم تثقلها الوصاه
في عاتقي ما أخونه لو يطلب اللي يطلبه

إن قالو أخفض قدره وأبشر بمفتاح الغناه
ما أرخصته لو طول عمري واقفٍ على عتبه

في وجهي من الجور ومن الزور وهروج الوشاه
لأحطه في كوكبه واللي بقو في كوكبه .

[ملتاع @Hajrika_]

انت تبغي زبدة الهرج والعلم الأكيـد
انت في كون لحالك وخلـق الله بكـون .

[ملتاع @Hajrika_]

ياكثر ما غيب عنها وانشغل عنها
واخطي عليها خطايا مالها تالي

وان عاتبت رحت كني ما علي منها
وقفلت عن صوتها سمعي وجوالي

انظر لها نظرة اللي ما يواطنها
ما كنها اول طموحي واخر امالي

وان قلت ابثقل عليها لين اجننها
ضميت عليها عيوني وانشغل بالي

💔

[ملتاع @Hajrika_]

حبه بصدري سالفة سر في بير
و كأن الفواد يقول هذا زبيني

اشفق على علمن يجي منه من غير
لا يسمع اللي سولفوا به ونيني

يا كثرهم غيره ولكن خبر خير
ما غير شوفه في الوجود يهنيني .

[ملتاع @Hajrika_]

العلاقة مع الأوادم ترى فيها رسوم
من وداعك تنحسب لك على تسليمتك

لاعطيت اي شخص قيمته ما يلحقك لوم
اي (قيمة زايده) تنخصم من قيمتك.

[ملتاع @Hajrika_]

املو بي يوم قالو كل غايب ياتي
واثر من راحت به الايام ماتدري به .

[ملتاع @Hajrika_]

تلذذ بتعذيبي وانا اعامله بطيب
وانا طيب له وهو يتلذذ بتعذيبي .

[ملتاع @Hajrika_]

احسب ان قربك على طول وان بُعدك محال
لين قامت دمعة العين تحرق موقها

ليتني قبل اتمادى بحلمي والخيال
ماخذ حسابي لـ فرقاك قبل اذوقها .

💔

[ملتاع @Hajrika_]

احبك كثر .. صقارٍ تولع في محبة طير
كثر .. مادلة الطيّب بريحة هيلها فاحت

احبك كثر .. ماحس بشعور اني عليك اغير
كثر .. مازيح هالغيره عن افكاري ولا انزاحت.

[ℬ @y7k]

مالي غناة عنك يامال الغنـاه
انت الحياة اللي اهيم بحبهـا

طيفك يحاصرني من كل اتجاه
ياجمل مواضيع القصيد ولبّهـا

شفهم لا قالوا تحب الحيـاه
اتخيلك واقول اي والله احبهـا❤️.

[ملتاع @Hajrika_]

مكرم حبك وله في الحشا سمن وسمين
يقدع من الحال واصب له بن الوريد .

[ملتاع @Hajrika_]

يا عشير الروح والله مـ ابدّل بك عشير
لو فقد وجهك جماله وعودك سكبته

المحبه تدخل القلب مثل المستجير
سوّد الله وجه قلبٍ ما يثني ركبته

لهفة الخاطر على شوفتك لهفة غرير
مستحيل يقاوم الشوق مهما يكبته

من عشق مثلك ما فكّر يتوب ويستخير
لين يلقى من جراير حبيبه نكبته

[ملتاع @Hajrika_]

رعاك الله يا بيتٍ ليا منّي بغيت أجيك
توقفني تقاليد القبايل دون بيبانك .

[ملتاع @Hajrika_]

احبه ولا لي من ورى محبته مصلوح
واضيّع زهر عمري وادور على صوتـه

ولـو ما تكلم والله انّه هـو المسمـوح
عن احلى كلام الناس يكفيني سكوته .

[ℬ @y7k]

معك كل الدروب مْيسّره ومْوفّقه توفيق
و بسماتي ملت وجهي ، وترحابي وضحَ فيني

لقيتك للدروب الموحشة ذخر وللضياع رفيق
وعقب رمضى العمر وياك تو تزهر بساتيني

عليك الله وامانه من ليال البعد والتفريق
وسوء الظنّ لاَ يدخل حبيبي بينك وبيني ❤️.

[ملتاع @Hajrika_]

جعل ربي يزينها 😔