..

[Don’t @donttq8]

أنت يامسك البدايه ، ويامسك الختام
ما طرالك / تسقي اللي من الصده ذبل

كل حاجه تنتهي بعد فقد ، الاهتمام
الجفا مثل الدهر / والوصل مثل الوبل

عطني من الحب ، بالصاع والا بالچرام
وأعتبر مكسبك مضمون لو قالو / خبل !

الربا ، فالحب ماهوب عيب ولا حرام :
لا عطيتك حب وأحساس رجعها / دبل )؛

[Don’t @donttq8]

أخذ لنفسك ، قرارات إحترازيه
وبعض العلاقات / شلها من مواقعها

إحيان حتى الرفيق ، اللي على النيّه :
يجيك بالنيّه / اللي ما توقعها )؛

[Don’t @donttq8]

في كنف بشت الطواري ، والسهر واللوعه
عشت يا حزن الضمير / اللي مهوب هويّن

البدايه ، ضيق بال وضحكةٍ مصنوعه
والنهايه / وقعها تحت المحاجر بيّن

من حوالي عام ، وطعون الشقي متبوعه
ما يعالجها طبيب / ولا تلاوه ديّن

سجة القلب القديمه ، كنها مقطوعه :
ولذة النوم الحقيقيه / ماعاد تعيّن )؛

[Don’t @donttq8]

ترى وقتنا الحاضر ماهو مثل ، وقتٍ فات
ما يحتاج ننشد عنك / والا نقول مْن أنت

عطتنا المواقف ، عن فعول الرجال أثبات :
وعطتنا البرامج عن عقول الرجال / برنت )؛

[Don’t @donttq8]

من راق ما وجهه علشان قرطوع
حول على وجهه على شان جمه

ماهي تهمه كلمة الرأس مرفوع
همه فلوس وغيرها مايهمه

ماقبل موضوع الفلوس أي موضوع
لو الفلوس تفلسه فأبن عمه

يمدح لاصار السعر للمدح مدفوع
ويقول رزقه من لسانه وفمه

لو بندر بن سرور ، يدري بذاالنوع :
ماقال / ولد اللاش رزقه على أمه )؛

[Don’t @donttq8]

أنا ، ليا غنيّت ما قلت الصواب
أكذب وكذبي / فالقصايد ما يضر

قصايدي ، ما تصلح الا للشباب
والا لخاطي شايبً / قلبه خضر

واللي قصيده كوم ، لكنه سراب
ماهوب مرضي ذايقة / بدو وحضر

مثل الغشيم ، اللي يشرّي فالركاب :
دراهمه واجد / ولا عنده نظر )؛

[Don’t @donttq8]

أنا ما يربكني ، تحدي الرياجيل
يزيدني قوه / و صبر و عزيمه

لكن يربكني ، نسيم أخر الليل :
لا جاب معه / الذكريات القديمه )؛

[Don’t @donttq8]

الصداقة ، ما تصح بحالهٍ عن حاله
ياصديق المصلحه / ماهوب أنا المصلحجي

أثر ما كلن يجيبه ، طيب أبوه وخاله :
بعضهم من روس قوم ولا بغيته / …. )؛

[Don’t @donttq8]

كل مافي راسك من أوهام ، يسلم راسك
تختفي لامن بديت / أقرب لك وتقرب لي

وأبتدت الاشواق تلعب في سياق ، أنفاسك
ولهفتي لك / يمكن تنسيك عمرك قبلي

حبك اللي مبتليني فيك ، ياأجمل ناسك
ومنك محسوب البلا من كبر حظ / المبلي

كل شي يخصني في بالك ، وفأحساسك :
دمعتك تحسب علي / وضحكتك تحسب لي )؛

[عبارات عظيمة @Great_Phr]

دعاء عظيم ردده في يوم التروية..

[سعد بن جـدلان @BN_JADLAN]

قصيدة للشاعر #سعد_بن_جدلان رحمه الله
نادره جدّا وقديمه من برنامج #مضارب_البادية
لاتنسونه من دعاكم جزاكم الله خيير 🌹🤲🏻

[قبيلة الفواضل المرازيق @LAlfadel]

استلمت لجنة جمع الديه مبلغ وقدره (552,500)ريال من قبيلة الظهران المرازيق سلمها نيابةً عنهم الشيخ فهد سفر المرزوقي
ليصبح اجمالي مااستلمته اللجنه من قبيلة الظهران المرازيق مليون وسبعمائة وثلاثون ألف (1.730.000)

[.. @Hzom654321]

@ntnksa128 @tlall911 ما عليك زؤد يبؤ حاضر و صح بدنك و الدكتور مجملنا كلنا و شكرا على مرورك ✋🏻

[.. @Hzom654321]

#ثامر_بن_مطلق_المرزوقي

ابيات متواضعه في الدكتور محمد بن عايض بن ثامر المرزوقي

[عائض حاضرالمرزوقى @ntnksa128]

@Hzom654321 @tlall911 جمل حالك وصح لسانك والدكتور يستاهل فاله الرايه البيضا وجميله لاننساه ماحيينا

[سالم بن حمود @Salem1ham]

بدو البقوم اللي يفكون الاقطاع.. ربعي وكلٍ يفتخر في جدوده
قصيدة لخالي الشاعر/منصور بن سالم المرزوقي

[.. @Hzom654321]

@abolana_ss صح بدنك يا بناخي السعد ❤️

[.. @Hzom654321]

لا زادو اهل الهرج كثر التراديد
ارد ليش ( ارد ) ماني ب فاضي

يضيق صدري من هروج المناقيد
و الله موسع نجد بين الاراضي

#حازم المرزوقي

[.. @Hzom654321]

حفل زواج اخوي الاعلامي هلال بن عايض المرزوقي

https://t.co/zW46qvpiUR