ᥫ᭡

"أنتمي إلى الشعر أكثر مما أنتمي إلى الأمكنة"

[ᥫ᭡ @II974ll_]

يا حظ من حط ذكر الله لجوفه رفيق
زاهد بالابواب .. فاتحها ومقفولها

الأرض لله و الانسان حرَّ طليق
والله يحاسب عباد الله بفعولها

يارب لا تختبر نفسي بما لا تطيق
ورضاك يا رب غايتها و مدلولها

[ᥫ᭡ @II974ll_]

لعل مدللٍ يستاهل التقدير والتدليل
يطاولنا الرضا لو ضاق راع الشاه والناقه

لعل الجوهره بنت المكارم والصخى والهيل
يفل حجاجها عذر القصيد وشرهة اوراقه

قصيدٍ ما تجمّل في هدبها والعيون بخيل
وبيتٍ ما وصفها لو بنيته يهدم رواقه.

[ᥫ᭡ @II974ll_]

ليا قالوا لك انك فارقة قولي عليكم زود
عليكم زود وازينكم وجه مشروب فنجاله

ياسبحان العظيم اللي فرق وجهك عن الموجود
يجي والناس حوله جالسين وكنّه لحاله

انا ماودي اشكر في حياتي غير ابوك العود
مسوي له جمايل بعد ماجاب اجمل سلاله.

[ᥫ᭡ @II974ll_]

عن هواك العذب لا ناسي ولا متغاضي
وعن هوى غيرك عيّوف ولا طرا لي نية .

[ᥫ᭡ @II974ll_]

يجوز أن الليالي ما تخلينا نعود أحباب
ولكنّ الأكيد أن الليالي ، ما تنسيّنا ..

[ᥫ᭡ @II974ll_]

صعب نسيان الملامح ونسيان الصفات
أصعب من الليلة اللي خذتك أقدارها

مثل مالك في عيوني طيوفٍ ماتبات
لك ورى صدري مدينة تشع أنوارها

روحي اللي كانت تشوف فيك الأمنيات
كل ما هبّ الهوى الصلف ثار غبارها

لو تطيح أركانها الواقفة . . وقفة ثبات
ما تطيح الصورة العالقة فـ جدارها.

[ᥫ᭡ @II974ll_]

وين اروح من الشعور اللي كثير اسالته؟
دام اشوف الواقع يضيّع جميع اوهامي

والله إني قد عطيتك قلبّي .. و دللته
لـ الطريق اللي من يُمره يعوّد ضامي

الحمّل لو ماقدرت إني اشيله؟ شلته
والعُمر ماعاد يسوّى لا خسرت أحلامي

الكلام اللي اخاف إنك تقوله؟ قلته
والوداع اللي يضايقني حصل قدامي .

[ᥫ᭡ @II974ll_]

دريت انه لغيري واقتنعت ولا بقي مقعاد
تفارقنا ويا مكثر غلاه ، وكثر تقصيره

كتبه الله لعمري جرح، ولغيري كتبه مراد
وتذبحني ظنوني لاصحت بي جمرة الغيره

خذا كل العمر واقفى بلا عذر وبلا ميعاد
وانا اقفيت ماوالله في قلبي سكن غيره ..

[ᥫ᭡ @II974ll_]

ليه المشاعر لاصدقت لابد يقتلها الغياب،
وليه العيون لافرحت بالحب بكاها القدر؟

[ِ @ajm1ii_]

"رحت أدوّر فالتفاصيل القديمة، عن قديمة
أقبلت مثل الحياة، ودبّرت مثل المنايا

جات واضفت للحياة الفانية معنى وقيمة
وامتلت منها الرفوف وشجرت منها الزوايا

في خطاويها شموخ وفي مواقفها عظيمة
يا بعد رزنامـة الأيام .. وفتن الصبايا"

[ᥫ᭡ @II974ll_]

ليتك علمتني قبل لا ابتلي فيك
انك سحابة صيف ما تروي ظما.

[ᥫ᭡ @II974ll_]

خل اشتاق لك فترة
بس أنساك بعدين..

[ᥫ᭡ @II974ll_]

جيته ويسر لي عسير المواضيع
وخلا خفايا خاطري له ، وساعي.

[ًً @3lajm]

من رزقه الله وصبح بـ وجهك كل يوم
جاز من طرق التوجد ومن طرد الهوى

[ᥫ᭡ @II974ll_]

جعل ما انتي على قلبي بضيف عجل❤️.

[ᥫ᭡ @II974ll_]

على البال لك طاري ولك فالحشاشه بيت
على مستوى ماهوب مهجور ، ومهمّل❤️‍🩹.

[ᥫ᭡ @II974ll_]

اجي نفس المكان بفارق التوقيت
ظروف الوقت ماخلّت لنا صدفه !

[ᥫ᭡ @II974ll_]

"مصير الشّوق يثعى في حنايا مهجتك وتلين
بوقتٍ فيه يا بعدي عليك وصعب جيّاتي"

[ᥫ᭡ @II974ll_]

أشهد أن حبه خذا بالمعاليق اتساع
جعل عيني ما تخسره ولا تبكي عليه.

[ᥫ᭡ @II974ll_]

" يمكن تموت الأرض لو ماضحكتي
وتضمى البساتين النديه ، والأشجار "

[ᥫ᭡ @II974ll_]

تصبح على خير لو الخير في بعدي
ولعل نفسي الكريمه تعوف وتفارق

لا صار قلبك ع اللهفات مو قدي
بافارق اللي معاه الشوق مو فارق

نوم العوافي مصير الجرح بيعدي
اكيد بنسى ويبرد شوقي الحارق

باكر ابصحى واتمم وعدي وعهدي
تصحى ومالي مكان بصباحك الشارق..