إنعام تخطط ✏️

متخصصة إنتاجية وتخطيط | أساعدك ترتّب حياتك من الجذر، تقلل التسويف وتزيد إنتاجيتك في 7 أيام | حمّل دليل التخطيط الأسبوعي من هنا👇

[إنعام تخطط ✏️ @InaamMib]

حبيت أشارككم تعليق عميلتي بعد الجلســـة 🙏🏽🤍

اللي بسطني مرة إن وإحنا بنص الجلسة قالتلي إنها قامت تتجهّز عشان تسوي مهمة مأجلتها من زمان 😂

طبعًا فيه جلستين للمتابعة إن شاء الله 😎

بس شايفين كيف الواحد لمّا يشتغل بطريقة واعية ومنظّمة كيف يتحرّك وفين يوصل؟
الحمدلله فضل الله.

[إنعام تخطط ✏️ @InaamMib]

أمس كان عندي جلسة "المعتقدات الخفيّة".
عميلتي كانت مقرّرة نشتغل على موضوع العمل والمال…

لكن مع الأسئلة والتعمّق، اكتشفنا إن التوجّه الحقيقي كان عن العلاقات والصورة الذاتية.

هنا يبان العمق: أحيانًا تظن نفسك كسول أو متباطئ…
لكن الحقيقة؟ فيه معتقدات وأفكار في خلفية عقلك تشتغل بصمت وتوقفك عن التقدّم.

مو كسلك… بل جذور مخفية تحتاج تطلع للنور

[إنعام تخطط ✏️ @InaamMib]

أكبر كذبة مشيت علي من قبل:
"كان لازم أبدأ من زمان."

لأن هذي الجملة ما تحرّكك، قد ما إنها تثقّلك.

تخلّيك تحسب كل الوقت اللي "ضاع" بدل ما تطالع في اللي عندك حاليا وتتحرك..

البداية الصح مو اللي تصير في الوقت الصح
هي اللي تصير وأنت واثق إنها تستاهل.

أنت هنا. وهذا يكفي 🙏🏽

[إنعام تخطط ✏️ @InaamMib]

@Rahaf_Seaa بقول له:

الحياة ما تمشي بخط مستقيم، والفرص ما تجي مرة وحدة.
طالما أنت حي، تتعلم، وتسعى، فأنت تصنع فرصًا جديدة حتى لو ما تشوفها الآن.
والفرصة الحقيقية اللي المفروض تخاف عليها مو فرصة عمل أو مشروع أو علاقة...
بل إنك تقنع نفسك أن كل شيء انتهى، فتتوقف عن المحاولة...

[إنعام تخطط ✏️ @InaamMib]

@NadaWriter_q @rg7_r1 هذا السؤال يخلي الواحد يكتشف إن أكثر مخاوفه هي عبارة عن وهم يمنعه من الخروج من منطقة الراحة 😅

[إنعام تخطط ✏️ @InaamMib]

@EcoOneE أتفق جدًا 👌
وهذا بالضبط الشي اللي أساعد الناس فيه 👌🏽

لأنن لاحظت إن نادرًا تكون المشكلة نقص معرفة أو موهبة، غالبًا المشكلة غياب نظام واضح يخليهم يستمروا حتى لما يختفي الحماس أو يضيع الشغف.

بالنهاية، اللي يغيّر حياتك مو دفعة حماس مؤقتة! بل عادة تستمر عليها وتطورها بشكل مستمر 🤍

[إنعام تخطط ✏️ @InaamMib]

@EcoOneE لكن فيها أيضًا تيسير وبركة وأبواب تُفتح بلطف من الله.

ومو كل إنجاز لازم ندفع ثمنه "بتعب" لأن أحيانًا النجاح في تعلم كيف نمشي بذكاء بدل ما نمشي بتعب 🤍

[إنعام تخطط ✏️ @InaamMib]

@EcoOneE صباح النوور
معليش بس عندي اعتراض بسيط 👀

أتفق إن الأحلام تحتاج سعي وصبر، لكن مو بالضرورة "خوض المتاعب".
أحيانًا نربط النجاح بالمعاناة لدرجة نحس إن الطريق إذا كان سهل أو ميسر فمعناه إننا نسويه غلط.من الأشياء اللي تعلمتها إن الحياة فيها تحديات طبيعي -

[إنعام تخطط ✏️ @InaamMib]

@F_o4j لفتتني نقطة مهمة جدًا: إن كثير من هذي التصرفات نظنها "شخصيتنا"، بينما أحيانًا تكون مجرد استراتيجيات قديمة تعلمناها كحماية للذات.

التعافي يبدأ لما تلاحظ ردود أفعالك بدون جلد للذات، وتسأل نفسك: "هل هذا الخوف حقيقي ولا من تجربة قديمة؟"

الوعي دائمًا بداية الطريق 🤍

[إنعام تخطط ✏️ @InaamMib]

@mahalifeStyle أتفق جدًا…

في أشياء إذا انكسرت، ترميمها ممكن يأخذ سنوات، وبعض آثارها تبقى حتى بعد الإصلاح.

عشان كذا مو كل مجاملة تستحق، ومو كل تنازل يسمى تنازل بعضها ضرر على نفسك وبس 👌🏽🙏🏽

[إنعام تخطط ✏️ @InaamMib]

تحتاج أحد يساعدك تكتب خطة تناسبك وتناسب أهدافك وحياتك؟

احجز استشارتك للوضوح من هنا:
https://t.co/ZufK5lsWsT

[إنعام تخطط ✏️ @InaamMib]

الخطة الجيدة مو اللي تلتزم بها دايمًا
هي اللي ترجع لها بسهولة

والفرق كبير.

الأولى: خطة مثالية تنهار أول ما تغيب أسبوع، وتحس بالذنب لأنك "فشلت."

الثانية: خطة تعرفك وتفهمك، مرنة وإنسانية، والعودة لها أسهل ولو كان الانقطاع لسنين.

خطتك لازم تناسبك أنت، مو نسخة مثالية منك.

[إنعام تخطط ✏️ @InaamMib]

@Faabusiness أكثر نقطة لفتتني هي إن الحياة ما تتغير بالأمنيات، بل بالأفعال الصغيرة المتراكمة 👌🏽

كثير ناس عندهم أهداف كبيرة لكن الفرق بين اللي يوصل واللي يبقى مكانه هو الحركة.
مررة مو لازم تكون خطوات كبيرة، يكفي إن الحركة موجودة باتجاه الشيء اللي تبيه.

[إنعام تخطط ✏️ @InaamMib]

قبل ما أنشر أول تغريدة بعد فترة طويلة، وقفت...

وسألت نفسي: ليش؟

مو سؤال تشكيكي، بل سؤال حقيقي.
ليش الآن؟ ليش هذا الكلام؟ إيش أبغى؟
الجواب اللي طلع ما كان متوقع.

وطلع إني ما أبغى أثبت شيء لأحد، قد ما إني أبغى أرجع لشيء كان يريّحني وأشوفه قيّم.
وهذا غيّر تعاملي مع شغلي بالكامل!

[إنعام تخطط ✏️ @InaamMib]

لو انقطعت عن شيء كنت مستمر عليه، مبروك 😉
عندك معلومة ما كانت عندك قبل.

الانقطاع مو فشل، هو بيانات تقولك فين كان ضعفك/قوتك، متى وليش تعبت، ويعطيك فرصة تشوف الصورة الأكبر

المشكلة إننا نتعامل معه كجريمة نحاسب نفسنا عليها، بدل ما نتعامل معه كمعلومة نبني عليها 🪜

[إنعام تخطط ✏️ @InaamMib]

@iHamadFahad7 من أكثر الأشياء اللي غيّرت نظرتي للحياة إدراكي إن التعب موجود في كل الأحوال.

بتتعب وأنت تسعى، وبتتعب وأنت تؤجل.

لكن فيه تعب يترك خلفه فخر ونمو وثقة بالنفس،
وفيه تعب يترك خلفه ندم وأسئلة: "إيش كان حيصير لو حاولت؟"
عشان كذا صرت أفضّل تعب المحاولة على راحة مؤقتة يتبعها ندم طويل..

[إنعام تخطط ✏️ @InaamMib]

@EcoOneE الإنسان الإيجابي يركّز على ما يستطيع فعله، بينما الإنسان السلبي يركّز على ما حدث له.

مو لأن أحدهم ما يخطئ أو ما يتألم، بل لأن الأول يسأل: "ماهي الخطوة التالية؟"

والثاني يظل عالقًا في "ليش صار كذا؟"🤍

[إنعام تخطط ✏️ @InaamMib]

@iHamadFahad7 فعلاً… وهذا من أكثر الأشياء اللي أتمنى أحد قالها لي بدري.

كنت أظن إني لازم أعرف نفسي أول، ثم أتحرك.
لكن اللي اكتشفته إن معرفة النفس تأتي أثناء الحركة، مو قبلها.
كل تجربة -حتى اللي ما ناسبتني- علّمتني شيئًا عن نفسي

عشان كذا صرت أشوف الحيرة جزء طبيعي من الرحلة، مو علامة ضياع 👌🏽

[إنعام تخطط ✏️ @InaamMib]

في عبارة تقول:
"What you don't change, you choose."
يعني كل شيء ما تحاول تغيّره، فأنت قاعد تختاره… حتى لو بدون وعي.

تختار تكرار النتائج اللي تضايقك
تختار العلاقات اللي ما تناسبك
تختار المشاعر والأفكار اللي تكسرك بدل ما تبنيك

كيف توقف هذا التكرار؟
تبدأ بالوعي
والوعي يبدأ بـ السؤال الصح

وخدمة اكتشاف المعتقدات مصممة عشان تبدأ من هنا.
احجز جلستك الآن، واكسر حلقة التكرار المزمنة ⛓️‍💥
https://t.co/GtgghRnwtg

[إنعام تخطط ✏️ @InaamMib]

تتوقع لو آمنت فعلاً إن ما في شي اسمه فشل، كيف بتتغير حياتك؟

أنا أعيش بهذا الاعتقاد، وصرت أشوف كل تجربة كقطعة من لوحة أكبر، حتى اللي ما نجحت.

أحيانًا اللي نسميه "نهاية" يكون بس بداية ثانية.

[إنعام تخطط ✏️ @InaamMib]

@Mensa09 حقيقي أتفق!!
التجنب يعطي راحة مؤقتة، لكنه يأخذ ثقتك بنفسك على المدى البعيد

كل مرة الواحد يواجه فيها الشيء اللي يخاف منه، هو مو بس يحل المشكلة، بل يعلّم عقله إنه قادر على التعامل معاها ويوسع من قدراته وإمكانياته للمستقبل 🤍

[إنعام تخطط ✏️ @InaamMib]

@iHamadFahad7 شخصيا أشوف الصبر الحقيقي هو إنك تكمل تسعى وتعيش وتستمتع بالحالي، حتى لو الشيء اللي تتمناه ما تحقق لسا

يمكن لهذا السبب كانت من أكثر الأمور اللي ساعدتني نفسيًا: إني أقلل التركيز على "متى؟" وأزيد التركيز على "ماذا أفعل اليوم؟"

لأن الحياة ما تتوقف وهي تنتظر لنا، فلماذا نتوقف نحن؟