الرّآهيه 🦌

متعليّه من فوق ربّات الجمال ✨

[الرّآهيه 🦌 @Jfa_60]

سبحان الله و بحمده .. سبحان الله العظيم

[الرّآهيه 🦌 @Jfa_60]

الضياع اللي لقيته من الجرح العطيب
والطموح اللي فقدته عقب فقد الطموح

ماخذٍ طيفك جميع الاماكن سيب ، سيب
وماخذٍ وجهك جميع الخلايق روح ، روح

لا تقول الناس واجد بـ تلقى لك حبيب
انا مستكفي "محبه" ومستكفي "جروح "

كان ودك تحيي الحب ساعدني و أطيب
وكان ودك تقتل الحب ساعدني و أروح

[الرّآهيه 🦌 @Jfa_60]

تندر اشباهك مع العالم وانا متنبّه
والحقيقة كل حسنٍ غير حسنك فاني
َ
انت وجهك يوم اشوفه ، لا تقول مشبّه
مستحيل انه يذكّرني ب واحد ثاني .

[الرّآهيه 🦌 @Jfa_60]

يا تراحيب الحيا "يا صوتك المتغيّر"
كم مرة قد نصحتك من قبل هالمرة

في الليالي الباردة لا تلبسين قصيّر
وأنتي أفتن قدّ، وأفتن وجه، وأفتن حُرّه ..

[الرّآهيه 🦌 @Jfa_60]

يا كم مر سبت من التحرِّي وعوّد سبت
لكن الوعد لا من عتق مشرقه دارك

أنا اللي سقيتك من بياض الوجيه وغبت
ولا جيت ليل ولا أقتطفتك من أسوارك

متى ما أعتراك الشكّ في ما مضى وأرتبت
أنا أقرب من مزوحك وضحكات زوّارك

سواة القدر ما أخترت لوف الهوى في نبت
ولا أخترت قلبي لإنتظارك ولا أختارك !

[الرّآهيه 🦌 @Jfa_60]

يجوز اني من اللهفه سريتك ضايق ومرتاب
اشيل من الهوى حملٍ على شانك تحملتـه ..

[الرّآهيه 🦌 @Jfa_60]

وش ينسّيني عبق ماضي لياليك المليحه
مستحيل أنسى لو النسيان للإنسان عـاده ..

[الرّآهيه 🦌 @Jfa_60]

خذاك الغياب وماخذاني عليك الغل
عشان السنين اللي مضت ماقدرت اقوى

أحبك ولا عندي لنسيان عينك .. حل
موادعك شي اكبر من الحزن والبلوى

على شي مايسوى لقيتك حبيب وخلّ
مثل ما تفارقنا على شي .. ما يسوى :)

[الرّآهيه 🦌 @Jfa_60]

غيابك حضورٍ له بصدر البيوت ، شهود
ويش اللي يغيّب ضحكتك والغلا ثابت

أحنّك مثل ما حن وجهي من المنقود
وأعدّك .. ليا عديت الأيام وش جابت
..

[الرّآهيه 🦌 @Jfa_60]

المحبة كان ماهيب لك ، يعني لمن ؟
شوف عيني كم لها في عيونك سارحه

ما تنسيني جمايلْك .. دورات الزمن
لين راعي الجرح ينسى ملامح جارحه

معك لـ الأيام لذة ولـ اللحظة ثمن
أنت ضحك اليوم على دموع البارحه :)

[الرّآهيه 🦌 @Jfa_60]

تمنيتك! وأنا كل الأماني جبتها بعناد
وتصاغرت الظروف اللي تهدّ وجيت لك كلي

قطعت دروب وأحلامي قراح وذكرياتي زاد
عطيتك صافي شعور المحبة وش تبي قل لي ؟

لو إنه بيني وبينك.. عذول ومعجزة وبـلاد
أحسك نسمةٍ مرت عجولة تحتضن ظلي'

[الرّآهيه 🦌 @Jfa_60]

من وقف بين المحبه ومابين الوقار
والله إن يبطي وحلم العمر ما حققه '

[الرّآهيه 🦌 @Jfa_60]

"أنا أدري ماعلى قلبي من صْدوف الفراق خْلاف
لو إن نوبات حزن الذكريات تضيّق ضلوعي

ومثلك ما تردّيه الليالي ومنه ما ينّخاف
لو إنك كاشف اسراري وعارف وش هي طبوعي

لَكِنْ ليه الحياة الجايرة ما تعرف الإنصاف
ياكيف احلى الليالي معْك تَسقى بمالح دْموعي؟"

[الرّآهيه 🦌 @Jfa_60]

صدفتك في طريقي مثل الإطمئنان للمذعور
وانا ترهقني أسئله السنين وسطوة جيادي

هلابك ياشعورٍ عقبه الأرض عجزت لا تدور
لقاك اسعدني بوقتٍ شحيح يذبّل إسعادي

لقيتك بين خطوات القدر نورٍ بعد ديجور
لقى ماهو بعادي في زمانٍ ماهو بـ عادي ..

[الرّآهيه 🦌 @Jfa_60]

غايبي .. مر المفارق مذوقني المرير
كل عرق ينبض الدم من بعدك تلف

انت في حقي مقصر على الحد الاخير
ملحقً صدري من الوقت تانيبّ وكلف

لا ترددّ فالمواصل ولو جرحك كبير
معفيً عنك عفا الله عن ماقد سلف..

[الرّآهيه 🦌 @Jfa_60]

هقى بي هقوه دوني وانا فوق الكلام العار
طغى يحسبني اتساهل ولكن ماتساهلته

رميته بالفراق الواضح اللي ماعليه غبار
وغسلت ايدي وقلبي من هذاك اليوم غاسلته

بيفقدني وياكله الندم وبتوجعه الافكار
وانا جعل الله يقطعني اذا في يوم واصلته

[الرّآهيه 🦌 @Jfa_60]

-

ويمرّ طاريك ويهب الهوى من شمال
ويعكّر الصفو .. قلبٍ ، يطلب إعانته

لازال يعزف على لحن اللقا والوصال
حتى . . لو إنه "يعاني" وسط زنزانته

ماغيّرت منزلة حبك ، صدوف الليال
جوارحي . . لو يطول البعد ما خانته

ماآحبك إلين تاخذك السنين الطوال
أحبك . . " إلين ربـي " ياخذ آمانته

[الرّآهيه 🦌 @Jfa_60]

حداك الصمت وأتعبك الملام وسلوة السالين
وتخاطفك الحضور اللي يبدّد وحشة غيابك

" تعال وكل دمعة من عيونك خلّها بعدين "
أنا فرحة سنيني عطرها من رمشة أهدابك

عليك من القصيد اللي يعرفك فالقسى واللين
و عليّ من الشعور اللي يحبك و يتباهى بك

[الرّآهيه 🦌 @Jfa_60]

" ما دام العمر ماهو باقي ولا ملحوق
مابين الجهات الأربعه جيت متّجهك

فـ إذا شفتني مقبل وأنا في عيوني شوق
تراني من الهجران والبعد في وجهك "

[الرّآهيه 🦌 @Jfa_60]

حبيبي عمر الضعف ماكان طبعي
أنا قوي لكن ماهو كل الاوقات

حاول تساعدني على لمّ وضعي
مافيه داعي ننجرف للخلافات

دامك حبيبي لازم تكون درعي
و أكون أنا صدرك بوجه الصراعات

كل ماأتشتت تقدر يديك جمعي
وهي وحدها تقدر ترجعّني أشتات

وقلبك هلي وعيونك السود ربعي
والناس من دونك مجرد جمادات..

[الرّآهيه 🦌 @Jfa_60]

علامات الوداع تبين من قبل الوداع يْحين
قبل تبدي كلامك لي وتشرح معظم ظروفك

يطول الليل في عين المعنّى ويغدي ليلين
إلى منه طرا له قلة الحيله مع ظروفك

من الضيقه وقو الباس يرحل وين؟ ولّا وين؟
يضيق الكون من حولي مثل ما ضاق بي جوفك