ابو نادر

في سلمنا قدام ممنوع الوقوف .وطموحنا كسب ونعم مهوب افا . والله مسلطنا على عوج الصفوف. وان عطينا وجه ما نعطي قفا

[ابو نادر @JimNader27]

@FahadZaidan للاسف محتوى سئ و يجب ان لا يمر مرور الكرام

[سالم آل سحمان @SalemAlSehman]

لروعتها اعيد نشرها صح الله لسانه 👏👏👏

[محمد السكران @M_saakran]

يا قو قلب الرفيق اللي مخليني
ماهوب معذور لو يشرح لي ظروفه

اشره على الطيّب إليا غاب عن عيني
ولا الردي ودي اسمع به ولا اشوفه

[ابو نادر @JimNader27]

انا تغربت والمكسب من الغربه
حذفت بعض الفشق من عدة حزامي

وش حاجتي في رصاص(ن) مايثور به
إلي بدت حاجته يبلش به الرامي

محمد بن مشيط

[نواف العبيوي @h13s17k21]

البخيل اليا نصيته تعرف أنه بخيل
بيّنن من قومته كّن رجله راقده

والكريم أن جيت له كنّك مسوي جميل
كنك اللي مقبلٍ له بشيٍ فاقده

[ابو نادر @JimNader27]

ماقلت انا شاعر ولاقلت انا شيخ
ولاني بحاجتها ولا مدعيها

المرجله مثل الجبال الشواميخ
واللي يروم المرجله يعتليها

ماهي بحكرٍ للشيوخ المطانيخ
اللي تندي بالجمايل يديها

وبعض المدايح للرياجيل تمصيخ
بالله يالشعار خِفُّوا عليها

فيصل العطيشان

[ابو نادر @JimNader27]

اليا دعانا الشر ونادى مناديه
حنا ليا نادى مناديه جينا

يامرحبا بالعلم الاقشر وطاريه
اللي بيكشف من لنا ومن علينا

عمر بن هذال

[ابو نادر @JimNader27]

يا اللي تقول إني قليّل محاصيل
العاصيه قد طوعتها عصايه

دفعتها لين اعتلت نجمة سهيل
وحق النشاما ما عطيته قفايه

سلمان مطيلق الفليت

[ابو نادر @JimNader27]

مالقيت اليوم ناسً يسدون اللزوم
اللزوم يسده البوك دامه ممتلي

سد حالك من حلالك على شرع السلوم
ومن طلب حق وله حق عطه اللي يبي

زرعان بن سعود الاكلبي

[ابو نادر @JimNader27]

لاترمي المزحه على كل جالس
ترى نفوس الناس ماهي سويه

احفظ لسانك لا دخلت المجالس
ماكل من قابلت تصبح خويه

لشاعرها

[ابو نادر @JimNader27]

مايلـم الشـمل .. غـير الطيبـين
ولايحل المشـكله غير الحـكيم

ولايفـرق دايـم .. الا حـاجتين
هوشة الجهال وهروج الحريم

حمدي العوفي

[ابو نادر @JimNader27]

عامل الرجال حسب اللي تشوفه
خل ابوه وخل جده والمناصب

الفحول اللي مع البدو معروفه
اكثر اللي تنتجه عند المقاصب

ماجد النصيف

[ابو نادر @JimNader27]

لاصحت في برقا فزع لي ولد روق
ولاصاح روقي فزة عيال برقا

عرقين من عرق ولاغيرها عروق
والدم واحد لو فصايله فرقا"

ماجد ضيف الله المقاطي

[مستشار بيئي/ فالح المحمدي @falmohmd]

@AJELNEWS24 عفيف مدينه الكرم والجود ونستشهد في قصيدة الأديب والشاعر غازي القصيبي رحمه الله

[ابو نادر @JimNader27]

الوجيه اثنين ( متبسم وعابس )
لا حداك الوقت لارقام الشريحه !

فيه (رقمٍ) لا قبس للنار قابس
وفيه (رقمٍ) للسواليف المليحه

والدليل تشوف "معلاق" الملابس
ما يقوم بدور "معلاق" الذبيحه !

تركي بن حصين

[عبدالله الطلحي الهذلي @talhi_abdullah]

'
من قال انا في حياتي حر
خلوووه ياخذ بها جوله

وليا شكى من زمـانه ضر
قولوا له الصبر وشهوله

الصبر .. ماهو كـلام يمر
يطري على البال ونقوله

الصبر .. مثل العـلاج المر
نتجـرعه .. لجل مفعوله

#عبدالله_الطلحي

[ابو نادر @JimNader27]

ليت رد الجمايل مثل رد السلام
لكن الله جعلها مثل دين وقضى

كنها في يد اللاش برد وسلام
وكنها في يد الحر جمرة غضى

منقول

[ابو نادر @JimNader27]

لاتفرح لبن عمك ليا طاح قِدْم القوم
وعلى طيحته مافيه رجلٍ ماعلّمته
.
تحسبنك الفائز وانا اشوفك المهزوم
ليا قمت تفخر في مطيحه ونادمته
.
يصّفق لك اخبيلٍ يدوِّر وراك اعلوم
على عيال عمك لين حققت لازمته
.
لكن غلطة الايام تصحى لها في يوم
وتحسّفْ على وقتٍ غدر فيك خاتمته

لشاعرها

[لافي الغيداني @lafihmud]

صغر البيوت وكبرها .. مالها دور
من ناحية طيب الرجال ورداها
.
كم بيت يا كبره .. من الناس مهجور
من قل ما تلقى كرامة لحاها
.
وكم بيت يا صغره .. وبالناس معمور
اما غداها فيه .. والا عشاها
.
#لافي_حمود_الغيداني

[جزالة الشعر @jazalat_shaear]

عليك اسلّم بالنظر واتعدّا
ماهو حرام اليا نظرت وتعدّيت

كنت احسب انك فالمواقف مبدّا
ياليتني في حسبتي ماتماديت

والله مالومك يوم اشوفك تردّا
لو ان جدّي مثل جدّك تردّيت

#ابراهيم_مرشود