خالد الفريدي

شاعر #شاعر_الراية الموسم الأول.

[خالد الفريدي @Khalidd_Awad]

عن الحاجه اللي ما تجي غير بالتدنيق
حدتني مشاريه الرفاقه و اسم جدّي

[خالد الفريدي @Khalidd_Awad]

مبروك للزملاء جميعاً التأهل واتمنى التوفيق للجميع وبالأخص للصديق المبدع عبدالعزيز الايدا .
@aida_901

[وزارة الثقافة @MOCQatar]

تعلن وزارة الثقافة عن أسماء الشعراء المتأهلين لنهائي الشهر الثالث من مسابقة مثايل للشعر النبطي (الموسم الثالث)

[خالد الفريدي @Khalidd_Awad]

عيدكم مبارك
وكل عام وانتم بخير

[خالد الفريدي @Khalidd_Awad]

@aida_901 صح لساانك يابو محمد على ذا العصماء اللي في رجالٍ يستاهل ودام ابداعك

[خالد الفريدي @Khalidd_Awad]

أبارك لرئيس النادي ابن العم @oma__20 ولجميع منسوبي نادي القوارة

دوري روشن مسألة وقت ⏳⏳

[نادي القوارة السعودي @alQwarahclub]

القووووووووووووارة بطلًا لدرع دوري الدرجة الثالثة 🥇🥇🥇🥇🥇🥇🥇🏆🏆🏆🏆🏆🏆🏆🏆❤️❤️❤️❤️❤️❤️❤️❤️❤️❤️

[خالد الفريدي @Khalidd_Awad]

القصيد مهمشّه مانيب احسب حسابه
اترك اللي يحسب انه زود بالشخصيّة

إهداء إلى رجل المواقف والافعال المشرّفة
ابن العم/بندر بن ضيف الله الريّس

[خالد الفريدي @Khalidd_Awad]

@ry2n_h عليك يامبدعنا

[خالد الفريدي @Khalidd_Awad]

وشهو لزوم الصد والاحراج
صحيفتك بيضاء و وهاجّه

لا تخلق الاعذار ما يحتاج
ندري ظروف الوقت منعاجه

حنا لبسنا العز درع و تاج
ورفيقنا لا طاب منهاجه

لامن نصانا ضايق و محتاج
نعطي وحنا اكثر منه حاجه

[خالد الفريدي @Khalidd_Awad]

@ab1_dl تأهل مستحق وشاعر كبير يا عبدالله والف مبروك

[خالد الفريدي @Khalidd_Awad]

@kaledd54 @Hrb_006 @YouTube الله يصح بدنك ويطول عمرك ياخالد

[خالد الفريدي @Khalidd_Awad]

✨حـاتم الوقـفات✨

قصيدة مهداه الى صاحب المواقف المشرّفة ورجل الافعال: حمود بن جضعان الفريدي
@Hrb_006

كلمات : خالد الفريدي
اداء : خالد ال بريك

حاتم الوقفات - خالد ال بريك & خالد الفريدي ( حصرياً ) | 2025 https://t.co/0LyFclsytq عبر @YouTube

[خالد الفريدي @Khalidd_Awad]

@hama_d777 @Hrb_006 @YouTube صح بدنك والابداع ذوقك

[خالد الفريدي @Khalidd_Awad]

@iy8tu1 @aida_901 @Hrb_006 @YouTube كفوك الطيب الله يصح بدنك يا طرقي وتستاهل الطيب

[خالد الفريدي @Khalidd_Awad]

@aida_901 @Hrb_006 @YouTube علييك يابو محمد الله يصح بدنك ويطول عمرك وتستاهل الطيب ياكحيلان

[مملوح @Qcccc0]

ترا اسم الفريدي للفخر والسطر عنوان
وماضي فعول عيال راشد وحاضرها

"شيلة الوسم والموسم"

[خالد الفريدي @Khalidd_Awad]

@HSHAN85 @HamdanMohammed انت مبدع يابو مصلح وتستاهل الاحتفاء دائماً

[خالد الفريدي @Khalidd_Awad]

سيّدي رمز العروبة ولا قايد سواك
القضايا لو تصاعد بتلقى حلّها

ماهو بشعبك لحاله مقيمٍ في ذراك
في ذرا وقفاتك أمّة محمد كلّها

[واس الأخبار الملكية @spagov]

سمو #ولي_العهد يرأس وفد المملكة في القمة العربية الإسلامية الطارئة المنعقدة في الدوحة.
#محمد_بن_سلمان_في_قمة_الدوحة | #واس

[خالد الفريدي @Khalidd_Awad]

@hamdy_s_t الف مبروك يابو راكان تواجد مستحق ومن نجاح الى نجاح يا نجم

[خالد الفريدي @Khalidd_Awad]

@Piilz2 الف مبروك وتستاهل الله يوفقك

[خالد الفريدي @Khalidd_Awad]

يارفيقي لا ياخذك البطا وانت خابر
إننا لو قسى وقتك حزام الذخيره

صاحبك يركض بدنياه ركض المثابر
لجل حلمٍ كبير ولجل وضحٍ نظيره

يوم شفت القصيد يعاد والوقت غابر
شمت و مخلي السيف الحدب في جفيره

حالف اني ما امر بذهن الايام عابر
لين احقق طموح ولين اخلد مسيره

كل ماحاولو ظلمي بشتى المنابر
ساق لي ربي الانصاف من كل ديره

بارد الحيل ماله الا حيله الا يكابر
لو صحى من منامه من يصحي ضميره

وساكنين البيوت وساكنين المقابر
يشبهون لبعضهم فالسنين الاخيره

احذر انه يرديك الزمن وانت صابر
خل عندك عزوم وخل عندك بصيره

عز نفسك ودرب الذل مقطوع دابر
سيرةٍ كلها تدنيق ماهيب سيره

[خالد الفريدي @Khalidd_Awad]

جملّي كل ليلة باللقاء يا جميلة
لو مايشرق جبينك وش يبدد ظلامي!

من تطاول على فرقاك راعي طويلة
ومن سرق قلبك من الناس ماهو حرامي

لا سكن به غرامك وش يبي في بديله
و اعتزى باسمه اللي من كبار الاسامي

ينطح المعضلة و يحقق المستحيلة
بس لا سلهمت عينك يصير إنهزامي