من يومها وانا احرص اعلم اي احد عن اي صفه حسنة الاحظها فيه
يمكن هو ما كان يدري عنها وبيزيد تقديره لنفسه اذا عرف بوجودها وبيفرح!
وبالنهاية الكلمة الطيبة صدقة💕
انا ذكرياتي بالابتدائي مو كثيرة مدري ليه، بس مستحيل انسى موقف معين
كانوا البنات يبون يقنعون اكثر استاذة عصبية في شي
واتفقوا انهم يرسلوني انا اقنعها
عصبت وقلت ليش انا!!
قالوا "انتي ما تستحين"، قصدهم جريئة بس خانهم التعبير🤣
كانت اول مره اوصف بهالشيء في حياتي، كنت بخامس وقتها
للحين مبسوطة بالوصف
كنت دايم احس اني شخص هادي وتابع اكثر من كونه قائد ومو جريئة او شجاعة، لين صار ذاك الموقف
طلعت مو زي ما اشوف نفسي!!
من يومها وانا نظرتي لنفسي غير
100% البنات نسوا السالفة
بس هو من المواقف القليلة الي للان بذاكرتي، تأثيره علي كان كبير فعلًا.
اللهم لك الحمد والشكر كما ينبغي لجلال وجهك وعظيم سلطانك وعلو مكانك
انقبلت في التخصص الي كنت ابيه 🥹💙
بعد سنتين من الصراااع في كلية ادارة الاعمال اخيرًا انقبلت بالمحاسبة 🥹💕💕!!!