Lamis

[Haythem El Mekki @HaythemElMekki]

نفص على تنوفيقكم و تبلعيطكم بلاش عسل : بربي حاولوا تحكيو للعباد حكاية كاملة، ولا أسكتوا. خاطر قول شطر الخقيقة كذب زادة. خاصة في قضية وطنية و خطيرة كيما حكاية أسطول الصمود.

قولوا لهم مثلا علاش "أسطول الصمود" وفى بعباد في الحيس و متهمين يكوارث كيما تبييض الأموال، و "قافلة الصمود" اللي قبلو بشوية أدت إلى صفر تتبعات، رغم اللي الزوز نظموهم نفس الأشخاص، و بنفس الطرق و الآليات.

أبداو بهاذي الساعة، مبعد تو نزيدو نحكيو.

لنا عودة.

[Lamis @LamisAissa]

✊✌️

[Haythem El Mekki @HaythemElMekki]

سلام، أهلا #تونس.

موش قالوا لك : "هاوكة هيثم مازال يتكلم و ما قلقو حد" ؟

هيثم اليوم محكوم بعام حبس. الخبر وصل. والرسائل إلي وراءه زادة.

الأولى كانت في الڨرجاني، ماي 2023، الثانية في صفاقس، جانفي 2024، الثالثة في العوينة، مارس 2025. لكلها قضايا على خلفية تصريحات صحفية أو تدوينات.

أخيرا، فمة وحدة خطفت : قضية صفاقس.
في الطور الإبتدائي : عدم سماع الدعوى. في الإستئناف : عام حبس.

الإحالة الأصلية كانت بالعصا المفضلة للنظام : المرسوم 54، لكن الحكم صار على أساس الفصل 86 من مجلة الإتصالات. يزيه المرسوم، الحبوسات تعبات و الإحصائيات طلعت. قال لك صورتك تمست آ تونس. يقصدوا صورتهم تمست.

ميسالش تونس، طول عمرك حبس كبير، حتى كان تواتيك ساعات و تعمل تنفيسة. بطبيعتنا جايينها جايينها. هاذي ثنية اخترتها عندي أكثر من 16 سنة، و عارفها وين توصل معإك.

ربي يفرج علينا، و عليك، و على كل مظلوم و مظلومة، نعرفوهم ولا ما نعرفوهمش.

وصل سلامي لكل من ساهم بالفكر و الساعد و اللسان في نهار اليوم، و بربي إسألهم : شنية أحوالها صورتكم توة ؟

#العشرية_الوردية
#Free404

[Wejdene Bouabdallah 🥏 @tounsiahourra]

حركات شبابية ناهضت نظام بن علي على الإنترنت وكان لها دور في الثورة عادت لتنشط.

قبل ساعات تبنى حزب القراصنة وصفحة "تكريز" عملية قرصنة اتصالات #تونس معلنين أنهما يقفان خلف الإرسالية التي تدعو إلى مقاومة الاستبداد مهددين بقرصنة مواقع أخرى

[Haythem El Mekki @HaythemElMekki]

الحلقة الأولى من برنامجي الجديد على رشمة، موضوع عنده خمسطاش سنة ينتج في تساؤلات و ألغاز و عركات لا تحصى و لا تعد، و حتى حد ما حاول يبحث فيه عن الوقائع و الأدلة، رغم أنها مسألة محورية للتاريخ الوطني...

حاصيلو، السنة باش نحفّلوها #مؤامرات 😎

https://t.co/wxwHf5zomZ

[Haythem El Mekki @HaythemElMekki]

ياخي قداش قعدت راقد أنا؟ ولا فمة شكون بربش les paramètres ؟

ياخي بن علي ما ظلم حد ؟ ما كانش مستبد ؟
ياخي الثورة صارت ضد شكون ؟
و من وقتاش الدساترة ما يحبوش بن علي ؟ ما صحش تيم بورقيبة ؟
ما صحش فترة بن علي كانت انحراف بالفكر الدستوري ؟
موش بن علي هو اللي حط بورقيبة في الإقامة الجبرية و مرمدو في حياتو، مبعد حاول يقلل من شأنه و يفسخ آثاره بعد مماته ؟
موش هوما بيدهم شدوا صحيح في أنهم دساترة موش تجمعيين، باش ينكروا في بن علي و حزبو و فترة حكمو ؟
بالرسمي يحبوا على الحقوق و الحريات أما ما يحبوش في بن علي ؟

ياخي هابطين في مسيرة اسمها "الظلم مؤذن بثورة"، منظمينها ناس يقدموا رواحهم بعنوان "جيل الثورة، المؤمن بثورة الحرية و الكرامة"، أما ما يحبوش في بن علي ؟
حتى فيديو الدعوة للمسيرة لكلو مقارنة بين خطاب 10 جانفي 2011 متاع بن علي، و خطابات قيس سعيد، علاش يتغششوا كي تصير نفس المقارنة في المسيرة ؟!

يطلعوشي هوما زادة عندهم حمائم دساترة و صقور تجمعيين ؟
ولا خايفين لا عبير موسي (المسجونة ظلما، هذا واقع، و ربي يفرج عليها) تسمع باللي صار و تتغشش عليهم ؟

يا خويا قولوا للناس انتوما شكون، تو ما عاد "يغدركم" حد ! خاطر الشبيبة اللي نظمت و هبطت في التحرك كانوا فاهمين رواحهم و واضحين من أول نص دعوة هبط، #ضد_الظلم مهما كان الظالم و المظلوم، موش ضد اللي ظالمكم اليوم أما ظلم غيركم البارح !

رجعولنا les paramètres d'usine يرحم والديكم، و ربي يفرج علينا و عليكم من الظلم و الاستبداد و اضطراب تعدد الشخصيات !

[Haythem El Mekki @HaythemElMekki]

رياض الموخر عدى عامين في الحبس... مبعد خذا عدم سماع الدعوى.

يعني طلع بريء. طلع مظلوم. أما عدى عامين في الحبس. و ماهوش الوحيد طبعا.

"كان ما عمل شيء تو يروح"... و أعوام عمره اللي ضاعت، و الدمار اللي تعدى بيه، و اللي تعدى على عائلته و صحابو، و خدمتو اللي ترزى فيها، باش ترجعهم له إنتي يا واطي ؟

برة شوف تعاليق الهوش على الخبر... قال لك "هذا اللي رد ساشيات البلاستيك بالفلوس، يستاهل، حسبنا الله و نعم الوكيل" ، إلخ... عافسين فيه و متشمتين فيه، خاطر ولاو يلزمهم يهزوا ساك ولا قفة باش يقضيو، و آخرتها باش يخلصوا ثلاثة مياة فرنك ماكسيموم على ساشي... دونك في مخاخهم الحقيرة، الراجل يستاهل الحبس، على هاك الزوز فرنك متاع الساشي...

عديت أربعين سنة في هالبلاد، و عمري ما ريت كم السقوطية و الحقارة اللي نشوف فيهم عندي ثلاثة سنين. هاذي بلا منازع أوطى فترة في تاريخ تونس المعاصر، و الفترة اللي خرجت أنتن ما فمة في البلاد.

قرف.

[Haythem El Mekki @HaythemElMekki]

باش تفهم إلى أي درجة النقاش العقلاني استحال تماما في هالبلاد، و الناس ولات عايشة في عوالم متوازية لا تلتقي، يكفي أنك تشوف كيفاش "شعب" فيسبوك و تيك توك مقتنع أن أسطول الصمود خرج عنده نهارين ولا ثلاثة، و يبارتاجي في فيديوات مضخمة فيها عشرات السفن خارجة في تشكيلات منظمة و رافعة أعلام تونس و فلسطين، و مقتنع زادة أن الجيش الوطني باش يرافقهم و يحميهم حتى للمياه الإقليمية...

في عالم الواقع، حتى سفينة تونسية ما خرجت من تونس، إلى حد كتابة هذه الكلمات.

تحب تعرف علاش ؟ برة إسأل المصادر الوطنية الصادقة اللي تتبع فيهم و تصدق فيهم.

#عصر_ما_يعد_الحقيقة
#الدولة_الفيسبوقراطية

[Haythem El Mekki @HaythemElMekki]

شكون قتل شكري و البراهمي يا أولاد المسار ؟

بربي سامحونا، نقصو على مساركم بالعسل…

ياخي "كشف حقيقة الإغتيالات السياسية" ما عادش خارج السنة ؟
ما عادش موضة ؟ فترة صلاحيته وفات ؟ خليتوه في الشمس و فسد ؟

ما صحش تحبوا تعرفوا شكون خطط و شكون موّل و شكون ربط مع شكون ؟ ما صحش تحبوا تعرفوا كان فمة قيادات سياسية أو أمنية متورطة، و في شنوة متورطة بالضبط ؟

خاطر أمس في الأيام كنتوا تطالبوا بالحقيقة كاملة، عن وجه حق، و كنت معاكم و مازلت شادد صحيح، أما وينكم اليوم ؟

حتى هيئة الدفاع عن الشهيدين أعلنت من جانفي اللي فات تعليق حضورها في جميع جلسات المحاكمات المتعلقة باغتيال الشهيدين، لأنها "عاينت اضطرابا وتسرعا غير مبرر في تسيير المحاكمات وضغطا على أطرافها يخشى منه المس من جوهر التتبع القضائي المتمثل في كشف الحقيقة وتحقيق العدالة" إضافة إلى "استمرار سلطة الإشراف في عسكرة محيط الجلسات ومنع العموم من مواكبتها" مما "يحرم الرأي العام الوطني من حقه في الإطلاع على الحقيقة"، حسب بيان الهيئة.

هيئة الدفاع بيدها قالت لكم بطّلنا، راهم الجماعة ماهمش ناوين يكشفوا الحقيقة…

ايه كيفاه معناها ؟ بهيم عض ڨرعة ؟
موش لازم نعرفو الحقيقة ؟

موش كان فمة كلام كبير على تورط المخابرات القطرية في اغتيال شكري بلعيد، و الفرنسية في اغتيال البراهمي، و ناس تتهم في الإمارات، و غيرهم يتهم في حمة الهمامي و بسمة الخلفاوي ؟ ما عادش تحبوا تعرفوا الصحيح من الغالط ؟ كان فمة دولة أجنبية تقتل في توانسة في بلادهم، موش لازم نعرفوها ؟

موش كانت فمة شكوك جدية في تورط أطراف من النهضة و من الداخلية، جزائيا موش سياسيا فقط، على الأقل بالتهاون الذي يرتقي إلى درجة التواطؤ، كان موش أكثر ؟ ما عادش تحبوا تعرفوا شكون هم بالضبط ؟ شنوة عملوا بالضبط، و مع شكون ؟ ما عادش تحبوهم يتحاسبوا على اللي عملوه ؟

ولا طارت النفحة كي شفتوهم يعبيو في الحبوسات بقضايا مسخرة ؟

ياخي حاجتنا بكشف الحقيقة و محاسبة المتورطين، ولا نحبو جوست نحطو النهضويين في الحبس، بأي سبب أو تعلة، وجيهة كانت أم ظالمة ؟

علي العريض تحكم بثلاثين سنة على التسفير… شكون يعرف علاش ؟ شنوة عمل بالضبط ؟ سمع و تلف ؟ ولا قص لهم هو تساكر و شيعهم للمطار ؟ ياخي لكلو كيف كيف ؟

الغنوشي موقوف على قضية الجهاز السري. باهي. علاش بالضبط ؟ شنوة كان دوره في الجهاز السري ؟ قائد عمليات ؟ مسؤول على خلايا تنصت ؟ لقاو عنده الوثائق متاع الغرفة السوداء ؟ ولا جوست على خاطر نسيبو كان يحكي في التليفون مع مصطفى خذر ؟

و الأهم من هذا الكل : ما فمة حتى نهضوي و حتى قيادي أمني موقوف أو يتحاكم اليوم على قضايا الإغتيالات. علاش ؟ زعمة خاطيهم ؟ ولا التحقيق منقوص ؟ موش البشير العكرمي في الحبس بشبهة التقصير في التحقيق ؟ ايه هاو ما عادش شادد الدوسيات، شبيها الأمور مازالت على حالها ؟

و على ذكر البشير العكرمي، في شنوة متورط بالضبط ؟ بالرسمي حفظ 6000 ملف متاع إرهاب ؟ بالرسمي تستر على ناس متورطة في الإغتيالات ؟ كيفاش ؟ ولا موقوف فقط لأنه قاضي محسوب على النهضة ؟

سامحونا كان عكرنا فرحتكم بالنجاح المبهر للمسار، أما الله غالب، مازلنا نحبو نعرفو الحقيقة، مرض الله لا يشفينا منو.

ما حاجتناش فقط باش نحطو الناس في الحبس، نحبو الحقيقة و العدالة، هذا واجبنا، و حق الشهداء و البلاد علينا.

حطان الناس في الحبس دون محاكمة عاااااااادلة و دون كشف الحقيقة ماهوش إنصاف للشهداء، هو توظيف ليهم، لتكرار نفس الممارسات اللي كانوا يناضلوا ضدها.

عندي عشرات المآخذ على عديد قيادات النهضة، و عشرات الأفعال اللي نحبهم يتحاسبوا عليها، بالقااااااانون، في محاكمات عاااااااادلة، مانيش باش نرجع لها توة، خاطر حكيت عليها مئات المرات في هاك العشرية، و التسجيلات موجودة، زايد نجي اليوم و نطيح نضرب في شخص مرمي على الأرض و طايح KO عندو أربعة سنين، الله غالب كان لي شرف مواجهتهم وقت اللي كانوا في أقوى حالاتهم، ما تولدتش يوم 26 جويلية 2021 كيما #هاذوكم…

أما نحب نعرف الحقيقة، حتى كان قعدت وحدي في البلاد.

شكون قتل شكري و البراهمي يا أولاد المسار ؟

[Khalil Elhassi @ElhasseKhalil]

تحليل موجز/ ما هي الاعتبارات التي دفعت عبدالحميد وإبراهيم الدبيبة لهذه المغامرة الدموية في قلب طرابلس؟
هذه هي كواليس القصة الكاملة لقرار العملية العسكرية الذي اتخذه عبدالحميد وإبراهيم الدبيبة.. من قرار تصفية غنيوة الككلي إلى دفع 100 مليون دينار ليبي إلى الـ 112 والقوة المشتركة وبعض المجموعات التي ناصرت قرار الدبيبة.

[Gargabil @Gargabil]

Liberté pour Ahmed Souab !
#Tunisie
#توني

[Bassam Bounenni بسام بونني @bbounenni]

اليوم، من حقّك تقول أنّك تستفيق على برشة تفاؤل، وأنا واحد من الناس نحاول ديما نسترق أيّ فرصة ونلوّج على أيّ حاجة تخلّيني نؤمّن فعلا أنّه ديما ثمّة أمل.
اليوم، فقت على الفيديو هذا: مظلمة يقدّمها صديق المظلوم بشكل دقيق، يعني بمعلومات ساهل برشة تتأكد من صدقيتها.
موضوع الحال المباشر هو الخور الّي صاير في التقاضي، انطلاقا من الإيقاف، مرورا بالتحقيق وصولا للحكم. يعني، وهذا هامّ جدّا، المشكل موش في قضية "التآمر" ولا مزاعم الفساد ضدّ فلان أو علّان ولا المهاجرين من أفريقيا جنوب الصحراء ولا أي شكل آخر من أشكال التعسّف وتجاوز القانون. المشكل مشكل عقيدة الدولة في تعاملها مع المواطنين، مهما كان اسمهم وصفتهم وانتماءاتهم ومستواهم العلمي والاجتماعي، كيف تحبّ تلقى فيهم الضربة.
برشة ناس، لاستهلاكهم برشة أحكام مسبقة وصلت بهم حتى للاستعلاء بل وللعنصرية، من السهل جدا ومن أول 15 ثانية يتعدى لفيديو أخرى، لأنّهم ما يحملوش الشبيبة هذي ولا لهجة الكلام ولا طريقة اللبسة.
لكن، الطفل الّي يتكلّم في الفيديو ما اكتفاش بأنه يقدّم مظلمة صديقه بلغة سلسلة وبهدوء وثبات صاحب الحق واسترسال الواثق في نفسه وبعزّة نفس. لا! الطفل، وهذا مصدر التفاؤل الي حكيت عليه الفوق، أنه شرّح المجتمع وعلاقته بالدولة، شرّح بشكل أفضل منّي ومنّك ومن أيّ أستاذ علم اجتماع وسياسة وأنتروبولوجيا. الطفل يحلل حتى طريقة تعامل الناس مع المظالم، حسب فئتها العمرية. غير هذا، كان ساهل الفيديو يكون سبّان، وحدّ ما يقدر يلوم الطفل الي يحكي في الفيديو قدام المظلمة إلّي صديقه يمرّ بيها. لا! خيّر بكلّ حكمة ورصانة وخاصّة بكلّ نضج أنّه يتوجّه للرأي العام، وفي اللغة الفرنسية ثمة عبارة بديعة، في الحالات هذي ... يقولك فلان a pris l'opinon publique à témoin. وهذي بالمناسبة، حاجة عجزت عليها شخصيات كانت في الحكم، انطلاقا من 2011 وكانت رافضة الّي يصير قُدّامها لكنها خيّرت تسكت. ثمّة حتى هيئات عمومية ودستورية خدمتها كانت معطّلة أو الدولة نفسها كانت ضدها، فخيّرت الشهرية والكرهبة وبونوات ليسونس على أنّها تطلع للناس تقوللهم رانا في وضع تستحيل فيه الخدمة، حتّى وقت الّي كان جزء من الرأي العام يسبّ - بسبب عدم معرفته بالأسباب والخلفيات ولا يُلام على ذلك طالما أنّه امّالي المول ساكتين - في الهيئات هذي بسبب ضعفها وعدم فاعليّتها.
الطفل الّي في الفيديو من جيل الثّورة. قبل ما تهلّل وتصلّي على النبيّ، نقولّك ما تفرحش برشة، لأنّه جيل منكوب، جيل شفنا كيفاش في وقت من الأوقات تعدّى من المخدرات للإرهاب أو العكس، جيل نسبة انقطاعه عن الدّراسة سرياليّة، جيل مجتمع كامل همّلو واعطاه بالظهر. تتذكّروا الكلّ الحملة الّي صارت على التلامذة متاع "الهارليم شيك" ويقطع اليد الّي ما تضربش وقتها، في جيل تافه، في جيل مايع، في جيل منبتّ. جيل ما لقاش شكون يحنّ عليه ولا ياخذ بيدو. جيل ترمى بيه في برشة عركات وهو أصلا موش فاهمها. جيل أصلا موش فاهم شنوة الّي صاير: قالوا له حرّيّة، لقى روحه في الحبس. قالوا له انقلاب، قاللهم ويني الحرّيّة؟
جيل تعدّات عليه مصايب، من اغتيالات سياسيّة وإرهاب وسياسات تقشّف وانقلاب وناس داخلة للحبوسات وناس خارجة، جيل يشوف في غزة كيفاش تتحرق، جيل يشوف كيفاش الدنيا قاعدة تضيق عليه وقت الّي هو عايش في عالم افتراضيّ، معظم الوقت كملاذ.
اليوم، الطفل الّي في الفيديو يوجّهنا برشة رسائل، تشوف واحدة تنسى الأخرى وبكلها عمق ورمزية. لكن، أهمّ رسالة، حسب رأيي، أنّه يؤمّن بالرأي العام والمجتمع، رغم قسوتهم على جيله، والدولة، رغم ظلمها. أما نردّو بالنا! انجمو نفيقو نهار آخر نلقاو تعبيرات أخرى من نفس الجيل - ومحتمل من نفس الطفل - لا علاقة لها لا بكلّ الروح الإيجابية الّي نشوفو فيها في الفيديو. نهارتها، نلومو كان ارواحنا.
شكرا لخويا الّي في الفيديو الّي ما نعرفوش. متأكد انّك حبّيت فقط تحكي على مظلمة صديقك. لكن، الفيديو أكبر من ذلك بكثير! ومنيش باش نبالغ لو قتلك أنّه كلامك رغم أنه مختصر، الّي فيه جاء بحجم كتب تاريخ وعلم اجتماع وقانون وسياسة وأنّه الفيديو الّي هبّطتو هو أهمّ فيديو نشوفو من عام 2011!

[Lamis @LamisAissa]

ناقصين حنا ... اخطانا بجاه ربي

[Joe Wilson @RepJoeWilson]

I condemn the Tunisian regime for the unjust sentences today jailing the former Prime Minister and Speaker of the Parliament for decades.

[Lamis @LamisAissa]

هذا هو القاع والعدم
اللعنة واكهو ...
منجمتش نكمل نسمع🫠

[Gargabil @Gargabil]

Télé poubelle, rien à rajouter.
#Tunisie #تونس

[Lamis @LamisAissa]

@Hendouch87 @Gargabil مش باش تستغربي كي تعرفي يا صحبتي :( اللعنة واكهو

[Haythem El Mekki @HaythemElMekki]

الشماتة في ضحايا حرائق كاليفورنيا ما تطرحش (فقط) مشكل أخلاقي، بل أزمة أكبر بكثير، حضارية و وجودية.

هذا علاش العرب قعدوا متخلفين و مستضعفين، و الغرب طائر بينا طيران، من جميع النواحي.

الغرب يقرا و يخدم، يبحث و يتطور، ينتج و يتقدم، و بقوته العلمية و الاقتصادية و التكنولوجية و العسكرية، يهيمن، و يستعمر، و يسيطر.

العرب... يتبعوا الخرافات، و يدعيو على الغرب بالدمار، و يفرحوا بالكوارث الطبيعية على أساس عقاب إلهي، و في نفس الوقت يكركروا و يبهاموا، يزدادون تخلفا و ضعفا، و يوليو عرضة لأكثر هيمنة و استغلال و استعمار.

الخرافات ماهيش الدين. الخرافات هي تخيلات شعبية، ساعات يلصقوها في الدين. حتى شيء في الدين ما يقول أن حرائق كاليفورنيا (أو غيرها) هي عقوبة إلهية، لكن قناعة الناس بالفكرة يكسبها طابع المعتقد الديني الراسخ، اللي ما يقبلش النقاش.

قل لهم علاش كاليفورنيا موش تل أبيب ؟
ما ندروش.
قل لهم علاش كاليفورنيا بالذات، أكثر ولاية أمريكية فيها تحركات مساندة للقضية ؟
ما ندروش.

و هذا موش جديد. في تسونامي 2004، ماتوا أكثر من 200 ألف شخص، خاصة في أندونيسيا. مسلمين. مئات ملايين العرب كانوا مقتنعين بنظرية العقاب الإلهي. علاش ؟ لقاو لها تخريجة : خاطر فمة برشة "شذوذ" غادي.

و علاش موش إسرائيل ؟
حكمة ربي.
ايه هاك فهمتها حكمة ربي كي عاقب أندونيسيا، شبيك ما فهمتهاش كي ما عاقبش إسرائيل ؟
أكهو، حكمة ربي.

العرب يسخايلوا ربي كيفهم، يغضب من "الشذوذ" أكثر من اللي يغضب من الظلم و الإجرام و الاستعمار و غيرهم من الفضائع، و يسمع بفيلم أمريكي مسيء للرسول، يمشي يحرق سفارة ألمانيا.

حتى في الغرب فمة برشة ناس متدينين، من جميع المعتقدات و الطوائف، لكن الحياة العامة يحكمها العقل، و الواقع، و خاصة : العلم.
الخرافات حدها قصص الأطفال، و الاستثناءات قليلة جدا. أنصار نظريات المؤامرة و الأرض المسطحة و مشتقاتهم من البهامة المعلبة يقعدوا أقلية، و موضوع مسخرة.

و النتيجة واضحة: استعمار و إبادة بشعة على المباشر قدام العالم، و العرب يتفرجوا. آخرتهم يعيطوا شوية و ما يوصلوا لشيء، و برشة منهم شركاء في الجريمة و خيانتهم واضحة للعيان، مع سابق القصد و الإصرار.
و هانا نتشمتو في أكثر ناس وقفت معانا، و نبوسو في يدين الخونة و شركاء المجرمين.

أغلبية الصور و الفيديوات اللي ننشرو فيها باش نتشمتو مفبركة، مخدومة بالذكاء الاصطناعي، متاع الغرب. ولاية كاليفورنيا هي خامس أقوى كيان اقتصادي في العالم، و مهد الشركات العملاقة اللي تتحكم تقريبا في عقول الإنسانية توة، و اللي قاعدين نحكيو مع بعضنا و نتشمتو من خلال منتوجاتها، اللي ولات حياتنا مستحيلة من غيرها.
ما فماش منظر أكثر سخافة و إثارة للإزدراء من عربي يتشمت في بلاد السيليكون فالي :
via Facebook for iPhone.

غزة تقريبا تفسخت من الخريطة، و القضية في طريق التصفية، بلدان العرب الكل تقريبا يحكموا فيها طغاة، أغلبهم خونة و ظالمين و سراق، يقودوا فيها نحو المزيد من الضعف و التخلف، إلا من رحم ربك، و عطاه البترول. و هاذوكم أول ناس خانوا و باعوا كل شيء.

نخدمو ؟ نتطورو ؟ نثورو ؟
لا، نتشمتو، و نقنعو رواحنا اللي ربي تو يخلص كل شيء.

قل لهم هيا نبدلو عقلياتنا، هيا نخممو، هيا نصلحو ؟
لا خويا، أحنا هكة، و نحبو نقعدو هكة. عندنا خصوصية، عندنا معتقدات، عندنا تاريخ، و عادات و تقاليد، نحبو نقعدو هكة. إنتي مفتون بالغرب ولا يخلصوا فيك ولا عميل، أحنا فخورين بتخلفنا و ضعفنا و بهامتنا، و نحبو نقعدو هكة.

مستحيل يتحسن حال أمة ترفض التطور. باش نقعدو في الحضيض، حتى يجي نهار و نقررو أننا نتبدلو. و كان صدقني ربي، حتى ربي قال هكة... أما نحنا ما نحبوش.

[Gargabil @Gargabil]

Le militant Ezzeddine Hazgui dénonce les déformations des faits historiques, dans le nouveau film de Mokhtar Dhouib, Bordj Erroumi, notamment à propos du mouvement de gauche, à l'époque de Bourguiba, Perspectives.
#Tunisie #تونس

[Lamis @LamisAissa]

@MlayhiG مرحباا 😀😀😀

[Lamis @LamisAissa]

مالا ولاّ تاتا عاتكة
ايا عاد توا نكبسوا رواحنا ونولوا نخرجوا لديما للإعلام
اتوا نستانسوا وراسك جوك باهي حد ماهو باش يتكلم 😒

[Radio Mosaïque FM @RadioMosaiqueFM]

عاتكة شبيل لموزاييك: كنا سنداً للرئيس في حملته ولا نتدخل في قراراته (فيديو)
https://t.co/HRZhIbpZLD

[Lamis @LamisAissa]

@Hendouch87 نحب نرشهم بالمبيدات الحشرية

[Lamis @LamisAissa]

مقرف