والله مادري 😂
صج صج متحسفة على كشختي،
بس لما تفكرين فيها،
تعرفين الشخص اللي يفجر نفسه بالتمرين ويتعب حيل وكل جلسة يوصل للفشل العضلي، وبعدها ما ينام عدل ويخبص واجد بالأكل؟
وما يلقى نتيجة؟
أنا أخاف أكون الشخص المفلس يوم القيامة، أجي بصلاتي وصيامي وعباداتي بس كلهم يتبخرون سواء من حقوق العباد أو من الذنوب اللي تنحسب عليج على كل ثانية مثل الموسيقى، يعني عرس بقعد فيه ما لا يقل عن ثلاث ساعات، ثلاث ساعات من المعاصي!
يما والله لو تفكرين فيها يقشعر جسمج،
لو تفكرين؛ هل هذا المكان اللي تبين تموتين فيه؟
إذا لا، معناته المكان ما يصلح تكونين فيه من الأساس، والمفروض ما تأجلين فكرة الموت ترى واجد شباب يموتون وهم صغار، الموت من العلم الغيبية، محد يدري متى وفاته، فلازم ما نأجل توبتنا ونتوب يوميًا ونستغفر وإذا سوينا عبادات نخشهم بحصالتنا وقدر المستطاع نحافظ عليهم ما نحرقهم حرق بالذنوب والمعاصي -نفس مثال اللي يتمرن ويجهد نفسه وما ينام وما ياكل وعمره ما راح يبني عضل ولا يخسر دهون- جهود ضايعة يعني.
٢ مليار مسلم يحفظون أسهل سورة بالقرآن: {لم يلد ولم يولد}… ويقرأها بكل صلاة بعد
بس الغريب إن بعضهم بعدها يروح يهنّي بـ “مولد ولد الله”، ويقول:
“أنا ما أحتفل… بس أشارك التهنئة.”
يا جماعة… سورة الإخلاص بالذات ترد على هالفكرة من أساسها:
الله أحد، صمد، ما ولد ولا انولد.
مو موضوع كراهية ولا عنصرية…
الموضوع عقيدة ومعنى.
مثل ما حفظنا الإخلاص، لازم بعد نفهمها ونعيش معناها.