وشلون املّ المكابر فالامور الكبار
والكبريا جزء من نفسي وتكوينها
عجزت لا اناظر الدنيا بـ عين انكسار
ادعس على غارب الأيّام واهينها
مايعتذر بالظروف الّا عديم القرار
وما يبكي من الحياه إلّا مساكينها .
الزمان يدور و النيه سليمه
ما تغيرها الليالي لا استدارت
و الظروف اللي تبي صبر و عزيمه
واقف الها يوم خلق الله تدارت
صارت ايام العمر مسرح جريمه
مسرحٍ فيه اكثر الاحباب جارت
و اكتشفت ان البشر صارت لئيمه
شافت الناجح يعلمها و غارت
ما دريت ف وقتنا عالم غشيمه
خيروها في مصالحها و حارت
صاحبي شكراً و يا مال الغنيمه
برت فيني يوم كل الناس بارت
صاحبي و العمر عاقبته وخيمه
اعتبرني فرصةٍ مرة و طارت
والله لتبطون ما ذقت الهزيمه
جفّة الأقلام و الركبان سارت
صدورنا ماهيب دايم رحيبه
ياللي زعلت من الكلام الصحيح إرض
نصمت عن اللي فيه شكه وريبه
خبلٍ آليا سمع السوالف دخل عرض
سوالفه مابين نمه وغيبه
اما شذب عرقوب ولا هتك عرض
ونمسح خطا الطيب على شان طيبه
وإلا الردي لا اخطا مسحنا به الأرض
بياعة الكلمه على الناس بالحِلّ
مافيه سوقٍ بالخفا ما عنوله
حبوك يوم المشكله مالها حل
وذموك يوم امست معاك محلوله
جنايزٍ منها السوالف خذ وخل
مدفونةٍ لكن ماهيب مغسوله
مانيب قايل ليه صار الغلا غل ؟
الحسْد ماغيّب عن الارض زوله
محرقهم انك صاير الكل بالكل
وانك قدرت تسوي اللي تقوله
رحم اللّٰه من كانوا يفرحون معنا لقرب رمضان
رحم اللّٰه من كانوا يزيدونه حلاوةً وجمالاً
رحم اللّٰه من فقدته العين وافتقده القلب و المكان
رحم اللّه من هم الان ينتظرون دعواتنا لهم في القبور
اللهم ارحم غدير وَ جميع اموات المسلمين يارب
#غدير_فهيد_العجمي
سكتنا لك وقلنا عسى الاوله تكفيك
وبذيتنا يالخبل بهروجك الخبله
لسانك يا جحّاد الجمايل اطول من ايديك
وكبود العوارف من سوالفك مندبله
وَإن كانك مريض الله يشافيك ويعافيك
وان كنت ابله حنا مانشره على الابله.