انا من صغر سني ما تجذبني الأنغام
ما يجذبني الا صوت تغريدة الشادي
يا نساي وش ذكرك و اليوم ثالث عام
اذا انه حداك الشوق ولا وش الحادي؟
و لكن على ايّة حال انا اقول ما تنلام
ترا الشوق لا مرك مروره ماهو عادي
فقدت بغيابك لذّة الحب و الأحلام
و عجزت اتناسى طلتك صبح الاعيادي
و قبل لا يجي بيني و بينك جفى و خصام
نصحتك و لكنك معزم على بعادي
و بعد دارت الدنيا و قامت من الأوهام
يا كيف اعتذر منها و الأظلم هو البادي
تقول انها غابت تبي رحلة استجمام
و شافت وطن و بلادٍ اطيب من بلادي
و تقول انها نامت ولا تحسب الأيام
ورا الشوق صحاها على يوم ميلادي؟
الزمان يدور و النيه سليمه
ما تغيرها الليالي لا استدارت
و الظروف اللي تبي صبر و عزيمه
واقف الها يوم خلق الله تدارت
صارت ايام العمر مسرح جريمه
مسرحٍ فيه اكثر الاحباب جارت
و اكتشفت ان البشر صارت لئيمه
شافت الناجح يعلمها و غارت
ما دريت ف وقتنا عالم غشيمه
خيروها في مصالحها و حارت
صاحبي شكراً و يا مال الغنيمه
برت فيني يوم كل الناس بارت
صاحبي و العمر عاقبته وخيمه
اعتبرني فرصةٍ مرة و طارت
والله لتبطون ما ذقت الهزيمه
جفّة الأقلام و الركبان سارت
قال ابن القيم رحمه الله تعالى:
" تجرع الصبر فإن قتلك قتلك شهيداً و إن أحياك أحياك عزيزاً " .
يا قلبي اصبر منت ميت من الصبر
و ان مت مزين من ممات الشهاده.
انا من صغر سني ما تجذبني الأنغام
ما يجذبني الا صوت تغريدة الشادي
يا نساي وش ذكرك و اليوم ثالث عام
اذا انه حداك الشوق ولا وش الحادي؟
و لكن على ايّة حال انا اقول ما تنلام
ترا الشوق لا مرك مروره ماهو عادي
فقدت بغيابك لذّة الحب و الأحلام
و عجزت اتناسى طلتك صبح الاعيادي
و قبل لا يجي بيني و بينك جفى و خصام
نصحتك و لكنك معزم على بعادي
و بعد دارت الدنيا و قامت من الأوهام
يا كيف اعتذر منها و الأظلم هو البادي
تقول انها غابت تبي رحلة استجمام
و شافت وطن و بلادٍ اطيب من بلادي
و تقول انها نامت ولا تحسب الأيام
ورا الشوق صحاها على يوم ميلادي؟
نردها لا جاتنا مثل ما جات
ما حن عن صغار الامور انتغاضى
من لا تقاضى حي يقمح ليا مات
ما يبرد الموضوع قبل انتقاضى
حتى ولو تاصل حدود النزاعات
ترضون ولا جعلنا ما انتراضى
بدا الصمت يدفعني و يخرج عن المألوف
من يلومني لا صار و الصمت يدفعني
اخبي عن العالم شعوري بوسط الجوف
ولا اظن كبتي للمشاعر بينفعني
من اليوم صار اللعب واضح على المكشوف
خسرت الكثير ولا بقى شي يردعني
رحل من مكانه خالي ولا هو بمخلوف
ما والله هقيت انه بفرقاه يفجعني
ليا صرت من شوقي على شوفته ملهوف
اروح المكان اللي به العام يجمعني
و اقول انه بياتي انا خابره ملقوف
و يطول انتظاري لين رجليّ توجعني
و اعوّد على حالي و من حالتي مكسوف
وانا اقول في نفسي وش اللي مرجعني
قولوا له و اذا وده يسوي معي معروف
يواصلني احياناً لو انّه مقاطعني
و قولوا له يرد الصوت ولا يلد الشوف
انا خابره يقرا قصيدي و يسمعني