وصّل

[وصّل @Maqqati]

لا ترجعني لوقت الحيّل و المرايش
و أنت لو غبت تبقى أمير قلبي و سيده

أنا هادي معك لا يمكن أكون طايش
ما عليك بـ قريب الظن ولّا بعيده

عيش ويّا الغياب وخلني معك عايش
كل غيبة بـ جرح وكل جرح بـ قصيدة

[وصّل @Maqqati]

ياعذاب اللي هقاويه وأحلامه كبار
يحسب الدنيا تراعي شعور الطيبين

مايبي العالم يشوفون فيه الإنكسار
مبتسم والابتسامات من طبع الحزين

الزمن دوار وأنا نشدته …… يوم دار
قلت ليش تدوّر قال انتظر مادرت زين

[وصّل @Maqqati]

-ولعيّها حريق

سمّي علي واحضنيني لين ادّل الطريق
انا من الشوق ضايع .. فالعيون النجل

عوامل البُعد .. ماخلّت لقلبي صديق
ماغير طيفً يجي رحمه ويقفي عجل

محبوبك اللي تحمّل منك مالا يطيق
راضيه بالكلمه الزينه .. لو انْها دجل

مدّي يدينك .. وداوي كل جرحً عميق
لين اونس العافيه قبل .. يحين الاجل

وان ملتي بعودك المبري ياعون الغريق
احس بيني وبين الموت .. خطوة رجل

حتى لو الفاتنات بـ كّل شارع .. فريق
جمال وجهك" فرقْه .. الله عزّ وجل

الليله اللي تجيبك .. (ولعيّها حريق)
ماتكمل الليله اللي في طرفها خجل

[وصّل @Maqqati]

لا عاد تفتني بعود(ن) عليه الكلام
لو أن حبك عفيف بليس ماهو عفيف

نفسي تراودني ونظرة عيوني حرام
وأنا نواياي شينه وانت قلبك نظيف

-فهد قطنان

[وصّل @Maqqati]

أن بغيت أنفرد ما ينفع الانفراد
و أن تحيّزمت بالعواّن كلٍ درى

[وصّل @Maqqati]

خيّل الصفرا ليا كبرت القاله
والطناخه والحميّا " عتيبيه "

[وصّل @Maqqati]

"أخذني يومين احتاج اتربى"

يا صباح الزيّن يالوجه الملبى
من يصبح به لا تنشد من نهاره

يا بعد كل وجه بالعالم يهبى
من يشوف مايشوف الا الخساره

وانت وجهك غير لبى الزين لبى
فنتة ابناء امنا هاجر وساره

بين قيمر خدك وبين المربى
أشهد اني ساحكٍ على الغماره

ياحبيبي ماني بحاجة الاطبى
الجنون أحيان نوع من السطاره

شاريٍ " سنسر بقلبي ويتنبى "
" كل ما قربت يعطيني أشاره "

لا تخبى ( اعرفكك ) مهما اتخبى
لو تدش بكل الاسماء المستعاره

" أخذني يومين احتاج اتربى "
عقبها احذفني من اطول عماره

[وصّل @Maqqati]

على سما الخفاق " برّاق و رعود "
والقلب سال الشوق داخل وريده

وكل ما تهب الريح ويذعذع النود
جيتي في بالي يالهنوف العنيده

واذا قربتك تصير "سهود ومهود "
وتشوش في راسي الجنون المريده

واخش هنا وهناك وهنيه واعود
وارجع اخش هناك واروح سيده

[وصّل @Maqqati]

@twobell_s حتى تحياتك تدمر حياتي
الله واكبررر🤣🤣🤣

[وصّل @Maqqati]

ضاقت الآرض صارت كنها خصر خلّي
ليتها ماخذه من عين خلّي .. رحابه

آمشي مع الدروب .. أنا و همّي و ظلّي
جرة خطاي فوق القاع " جرة ربابه "

-جمال بندر

[وصّل @Maqqati]

@twobell_s الله اكبررر

[وصّل @Maqqati]

-حقّي لحالي

يا مسلّطك ربي على قلب مغليك
ما يستحقك غيري اول وتالي

كل شي فيك يخصّني يا محاكيك
حتى حبال الوصل هذي حبالي

من راسك لعنقك لخصرك لرجليك
" حقّي لحالي بس حقّي لحالي "

انتي حلالي وانا ماني مخليك
ماني ضعيّف يوم اخلي حلالي

[وصّل @Maqqati]

اما جمال وطول عنق ووسع عين
هذا ماهوب اللي بنبكي عشانه

بلا محبين وسوالف محبين
انا ما عاد احب احد للامانه

قلبي ماعاد يحننّ لك لو تحنّين
ماعاد قصّر لين خلص حنانه

ليته تولع عند دين وغلو دين
ماهوب عند فلانه ولا فلانه

عطيتك القلب اللي ما تستحقين
هاتيه بس ارجعه في مكانه

انا كذا ما عندي يسار ويمين
ما اميل ميلة عودك الخيزرانه

-فهد قطنان

[وصّل @Maqqati]

بعدك أنا المشهد إللي صعب تصويره
تمرّ الأيام .. و أوضاعي هي أوضاعي

مشتاق لـ الليل , والشرهات , و الغيره
و مشتاق لــ أسألتك إللي مالها داعي ):

_بدر بندر

[وصّل @Maqqati]

إن كان في حبك تساورك الظنون
مرّي على حدب الضلوع و عايني

أنا عليك احسّ صايبني جنون
مدري بلى مدري وش اللي جايني

-وصّل

[وصّل @Maqqati]

من نحرك المستقيم لـ خصرك المتعوّج
والعيون الخادره .. و المبسم " العنّابي "

نظرتك !.. تخلف مسار العاقل المتزوّج
كيف ما تخلف مسار " الجاهل العزّابي "

-جراح العتيبي

[وصّل @Maqqati]

لا تزيّن وأنت ( مزيونٍ ) من الله
خف على نفسك من الناس وتشيّن

من عرفتك تخطف الاضواء ب طله
لحظه !! ( المزيون ) وشلون يتزيّن ؟

[وصّل @Maqqati]

ايقنت ثوب الحب ماهو بقدي
اللي ابيهم صرت ماعاد ابيهم

انا لا شفت اثنين عشاق ودي
اصير عاذلهم واخرب عليهم .

[وصّل @Maqqati]

يا نجد مالي مرام الا غزالٍ بربع حروف
يارب ما يخلف ظنوني وأنا مِخلف ظنونه

رغم المسافات وجهه من قبل لقياه مألوف
منه سوالف لها نشوه … وضحكاته حنونه

ماجيت أدوّر وأنا معروف عند الناس معروف
بعض المعاريف يلحقها حسب عرفي مهونه

شاعر وعندي مشاكل فالشعور وعندي ظروف
أطلبك لو كنت ما اطلب من عباد الله معونه

وأنا من الغِيره اللي فـ الضلوع تسجّ وتطوف
ما عاد اغنّي قصيدي فيتس للي يطلبونه

أنتي من النخبه اللي في زمنّا مالهم شوف
ياحظّ من حطّك براسه .. وحطّك في عيونه

"جزء من النص بقوله و جزءٍ منه محذوف"
ما ودّي اخدش حيا بنت الرياجيل المصونه

ميلي وأنا فانتظارك والتعب والشوق مخلوف
من مال عودتس على جذعه أخوانه يحسدونه

-💌

[وصّل @Maqqati]

@twobell_s صح لسااانك