محمد

[عبدالله السراهيد @Alsraheed]

وش يقول الساكت اللي كلّ ما فيه يتكلّم؟

[alazmi. @xalazmi4]

مكتفي باللي يجي منك من باب الوصال
إن عجزت تسوّي الصعب سوّ المفترض
ٰ
ارسل .. إن عيّت عليك الظروف الاتصال
الرسايل بعض الاحيان .. توفي بـالغرض

[احمد الجدعان @qer_21]

يستفز الخافق الملتاع .. ذعذاع الهبايب
كل نسمة تطرق أبواب المواضيع القديمة

لـ الطواري كل ليلة في مشاويري حرايب
تكحل عيون القصيد وترتكب فيني جريمة

ذقت من جور الزمن ظلم وصواديف ومصايب
الفرح يجلس ثلاث لْيال والضيقة مقيمة

يا إلهي .. دلني لا تهت من كثر النوايب
عبدك يْضيّق نسمه النود لا ذعذع نسيمه

شاحبٍ وجهي من الحرمان وجروحي عطايب
كيف بسلى عن شعور الفقد و أذب الخريمة

المحبة تجبر العشّاق في دفع الضرايب
لين ياخذ كل عاشق نصره بطعم الهزيمة

يا مقفي لا يروح الليل شرهات وطلايب
شرهتي شرهت مُحب وغلطتك غلطة وخيمة

من عرفت إنك تدور زلتي وقت الصعايب
اقتنعت إن الوصل مكروه والفرقا غنيمة

مادريت إن الفراق المر مكسب لـ الحبايب
لين شفتك تاخذ المدحة من لساني شتيمة

[قاف @Qaf_96]

شرّعي باب المعاتب بدون مقدمات
واطلقي ماكان في صدرك إطلاق سجنا

حاصريني بالتشره من الاربع جهات
( أنتي المشروه منّك مثل رد الثنا )

اعتذر لك عن غيابٍ بدون مبررات
لو ما بالقلب خالي ولا الصدر دهنا

صح ما ودي بهجرك لو يطول السكات
بس ما ودي بوصلك وانا .. مانيب انا

[قاف @Qaf_96]

هذا القصيد الزين يا مدورينه .

[عبدالرحمن آل كبيده (الضلع) @bnkbedh]

لي وقت وانا م احبّ ماكن عندي ضمير !
خلوني احبها واموت في حبها :)

.

[فـــهـــد @FAHAD_91100]

ياصاحبٍ تو الشدايد تربّيه
حنا ولِدنا من بطون الشدايد

اتعب ورى حلمٍ عقدت الامل فيه
لو مابقى من عمرك الا شرايد

وان صلفقتكْ اللي لها عدّة وجيه
اضحك لها ضحكة وسيع البنايد

ولاتقنع العالم بـ شيٍ تسويه
قد قيل من مبطي رضا الناس كايد

الناقصين يكبّرون المشاريه
والواثقين يكبرون الوسايد

[سعود @Agreed22]

حافظ على من يتصل بك بإستمرار ليسمع صوتك في زمن .. جاري الكتابة”

[د/مستطيش |🇰🇼 @97_4Q]

قلبي اللي رآح مسكني طريقه
وأترك البآقي .. على عيني وسآقي

في دروب آلـوصل ! دور لي طريقه
لو غدى موتي على درب التلآقي

[‏﮼ظـن @xu7__]

لا تقرب الخِيل دامك تخاف الصهّيل
اللي ّ ما يقدر فالأصَايل لا يجيّ حولها

[قرينيس @qrenees]

يروح في زين السنع كنه / يقول !
علمني وش في خاطرك و اغدي فيه

[محمد @MrSabaih]

العتاب ..

[سهيل @6i7i6]

@xu7__ أنحنى ظهر الطموح وشيّبت هقواتي
فـ الطريق الي من الهجران يقنب ذيبه
ㅤ
اتقاوى واتمنى .. وانتظر واحاتي
واسرح بحلم المواصل واللقى واسريبه
ㅤ
والنتيجه ما مشت رجلي على غاياتي
وأبتديت أعامل الوحده وأحب الغيبه
ㅤ
" امّلوا بي يوم قالو كل غايب ياتي
واثر ماراحت به الايام ما تاتيبه "

[محمد @MrSabaih]

ياصاحبي الله يمسيك بالخير
عقب البطى بنشدك وشلون حالك

من بيننا رفقه ومعزه وتقدير
وقل اتصالي يوم قل اتصالك

قفت بك الايام من دون تبرير
جعل الفرح وطيب فالي وفالك

[مبارك محمد المياح @Malmayyah]

رفقة الطيب تجيك من الفقار
والردي يعطيك كرسوع البعير

[عبدالله آل لزيوح @87_a_]

ياما حسبت المسأله مسألة وقت
لين السنين بجورها .. فهمتني

على مطاليل اربعين العمر ..وقت
واحلام عشرين العمر فوق متني

لا ريحتني من غثاها ولا ذقت
منها نسر .. هي والله اللي كلتني

[محمد @MrSabaih]

كرامه النفس أعظم من مشاعرها ..@

[محمد @MrSabaih]

مقامي وجاهي والمحاصيل دق وجل
لك ارخصتها واصخيتها عند بيبانك .