Omkar Dhere

!! विठ्ठल !! सप्टेंबर-२०१८ साली गडचिरोली येथुन पुणे येथे बदली झाली. गडचिरोली येथे तब्बल साडेतीन वर्ष नोकरी केली. मी कुटुंबासह सर्व साहीत्य घेऊन गावी आलो. काही दिवसांचा जॉईनिंग टाईम होता. सुरुवातीला मी एकटाच पुणे येथे जाणार होतो व जॉईनिंग घेऊन, पुण्यात घर वगैरे बघीतल्यानंतर पत्नी मागुन येणार होती. काही दिवस आई-वडीलांसोबत गावी थांबलो व सप्टेंबर च्या शेवटी पुण्याला निघालो. ज्या दिवशी पुण्यासाठी निघालो त्यादिवशी एकादशी होती. मला नोकरी लागल्यापासुन दर महिन्याला आमच्या घरातील एक सदस्य पंढरपुर येथे विठ्ठलाची वारी करीत असे. त्यामुळे वारी साठी वडील निघाले होते, परंतु मी त्यांना थांबवले व आजची वारी मी करतो असे सांगीतले. पंढरपुरला दर्शन करुन पुढे जातो असे सांगीतले. तसंही मला पंढरपुर येथे जाऊन तब्बल पाच वर्ष झाली होती. त्याचं झाल अस होतं, मे-२०१३ मध्ये माझी पीएसआय ची शारिरीक चाचणी व मुलाखत झाली होती व फायनल निकाल बाकी होता. यादीमध्ये येण्या सारखे मार्क होते परंतु एम.पी.एस.सी मधील स्पर्धा व मला शारिरीक चाचणीत मिळालेले कमी मार्क पाहता निकालाविषयी मनात थोडी धाक-धुक होती. निकालाची वाट बघत गावीच थांबलो होतो. एके दिवशी गावातील स्टँडवर थांबलो असताना मित्रांमध्ये आषाढी एकादशी निमीत्त पंढरपुर येथे जाण्याचे ठरले. मी पण जाण्याचे ठरवले. आषाढी एकादशी तीन दिवसांवर आली होती. त्यावेळी फक्त तीन दिवसात आम्ही तब्बल १५० कि.मी चाललो होतो. त्यावेळी चंद्रभागेच्या वाळवंटात उभारुन मी विठ्ठलाकडे चांगला निकाल येऊ दे, "मला पीएसआय होऊ दे अशी मागणी केली. त्यानंतर काहीच दिवसात माझा पीएसआय चा निकाल लागला व मी पास झालो. तेंव्हापासुन दर महिन्याला आमच्या घरचा एक सदस्य पंढरपुर येथे जात असे.) त्यादिवशी दोन बॅगेत कामापुरत्या वस्तु घेतल्या व मोटरसायकल घेऊन निघालो कारण मला पुण्यात ऑफीसला जाण्यासाठी मोटरसायकलची आवश्यकता होती. पहिल्यांदाच एवढया दुरवरचा बाईक प्रवास मी करणार होतो. एकतर मी मोटरसायकल चालवायलाच खुप उशिरा शिकलो व त्यानंतर लगेच एक वर्ष ट्रेनिंग व गडचिरोली येथे गेलो त्यामुळे मला मोटरसायकल चालवण्याची जास्त सवय नव्हती. त्यामुळे मी एका दिवसात पुण्यापर्यंत प्रवास करणार नव्हतो तर पंढरपुर येथे जाऊन दर्शन करायचे व पुढे मु.पो- बरड ता. फलटण जि. सातारा या ठिकाणी माझा मित्र आमिन शेख याचेकडे मुक्काम करायचा. ठरल्याप्रमाणे मी निघालो परंतु बार्शी येईपर्यंत माझी पाठ तावुन गेली, मी पुढे प्रवास करेन याची काही शक्यता वाटेना. त्यामुळे मी पंढरपुर येथे न जाता सरळ कुडुवाडी येथे जायचे व त्याठिकाणी मुक्काम करायचा व दुसऱ्या दिवशी पुण्याकरीता निघायचे असा प्लॅन केला. घरी विचारले तर दर्शन घेतले असं खोटं सांगायच ठरवलं. बार्शीपासुन जस-जस पुढं जात होतो तस-तसं पंढरपुर येथे जाण्याचा प्लॅन जवळपास रद्द केला. बार्शी-कुडुवाडी रस्त्यावर सिना नदी जवळ रिधोरे फाटा येथुन शेटफळमार्गे पंढरपुरला जायला रस्ता आहे. पाच वर्षांपूर्वी त्याच रस्त्याने आम्ही पायी गेलो होतो. रिधोरे फाट्याजवळ आल्यानंतर माझ्या आठवणी जाग्या झाल्या. रिधोरे फाट्याजवळ आलो त्यावेळी त्याठिकाणी रस्त्याच्या कडेला एक पांढऱ्या रंगाची नवीकोरी होंडा सिटी गाडी पार्कीग लाईट लावुन थांबलेली दिसली. तिच्या शेजारी एक मध्यम वयाचा चांगल्या कपडयातील व्यक्ती थांबला होता. दिसण्यावरुन तो एक सुशिक्षीत व चांगल्या पदावरील वाटत होता. मी गाडी थांबवली व नकळत त्यांना हा रस्ता पंढरपुरला जातो का म्हणुन विचारले. त्यावेळी त्यांनी "हो, हा रस्ता जातो पंढरपुला, चल मी तुला दाखवतो. मलाही पंढरपुरलाच जायचे आहे" असे बोलुन त्याने गाडी सुरु केली. मी काहीएक न विचार करता त्यांचे गाडीचे पाठीमागे निघालो. काही वेळाने आम्ही शेटफळ फाटयाला पोहोचलो त्याठिकाणी आम्ही थांबलो अन् तिथल्याच एका हॉटेलमध्ये चहा घेतला त्यावेळी त्याने सांगीतले की, तो जल खात्यात इंजिनिअर पदावर परळी जि.बीड येथे कार्यरत आहे. चहा झाल्यावर त्याने मला पंढरपुरच्या रस्त्याकडे हात करुन बोलला इथुन सरळ जा, पोहोचशील पंढरपुरला. तुम्ही येणार नाही का म्हणुन मी त्याला विचारले तर तो म्हणाला "मी इथलाच आहे, मी सारखा जात असतो." मी काही न बोलता पंढरपुरकडे निघालो.

13K

Omkar Dhere @OmkarDhere7

29 days ago

@Unnati_twts Add

Omkar Dhere @OmkarDhere7

30 days ago

@softwareduniyas Intrested

OmkarDhere7 retweeted

Alain Martin @0xalain_

30 days ago

Want to become an AI Engineer in 2026 ? Here's a FREE roadmap: • Python → Bro Code • Git & GitHub → Kunal Kushwaha • SQL → freeCodeCamp • Mathematics → 3Blue1Brown + StatQuest • NumPy → CampusX ...