Pankaj Salgar

👑I will win, Not immidately but definitely✌️

[Rahul Gandhi @RahulGandhi]

भारत के छात्रों और प्रधानमंत्री को मेरा सीधा संदेश...

[Ranajagjitsinha Padmasinha Patil @ranajagjitsinh1]

धाराशिव जिल्हा परिषदेत महायुतीचा ऐतिहासिक विजय!

धाराशिव जिल्हा परिषदेच्या अध्यक्षपदी महायुतीच्या सौ. अर्चना पाटील आणि उपाध्यक्षपदी सौ. उषाताई रवींद्र गायकवाड यांची निवड झाल्याबद्दल मनःपूर्वक अभिनंदन! जिल्हा परिषदेच्या यशवंतराव चव्हाण सभागृहात आज झालेल्या निवड प्रक्रियेत ५५ पैकी तब्बल ४५ मते महायुतीला मिळाली.

सौ. अर्चना पाटील यांच्या रुपाने इतिहासात प्रथमच धाराशिव जिल्हा परिषदेचे अध्यक्षपद भाजपला मिळाले आहे. ही बाब ऐतिहासिक, अभिमानास्पद आहे. हा विजय महायुतीच्या भक्कम एकजुटीचा, विकासाभिमुख विचारसरणीचा आणि धाराशिव जिल्ह्यातील जनतेने दाखवलेल्या विश्वासाचा आहे.

आज नूतन अध्यक्ष सौ. अर्चना पाटील व उपाध्यक्ष सौ. उषाताई रवींद्र गायकवाड यांची प्रत्यक्ष भेट घेऊन त्यांचे अभिनंदन केले, शुभेच्छा दिल्या. त्यांच्या नेतृत्वात जिल्ह्यातील ग्रामीण भागाचा सर्वांगीण विकास होईल, पायाभूत सुविधा, शिक्षण, आरोग्य आणि जनतेच्या अपेक्षा पूर्ण करणारे निर्णय अधिक वेगाने पुढे जातील, असा विश्वास आहे.

महायुती सरकारच्या विकासाभिमुख धोरणांना स्थानिक स्वराज्य संस्थांच्या माध्यमातून अधिक बळ मिळत असून, धाराशिव जिल्ह्याच्या प्रगतीला नवी दिशा आणि नवे बळ मिळेल, याची खात्री आहे.

यावेळी शिवसेनेचे जिल्हा संपर्कप्रमुख श्री. राजनजी साळवी, माजी आमदार श्री. सुजितसिंह ठाकूर, मा. खा. रविंद्रजी गायकवाड, मा. आ. राहुल मोटे, मा. आ. ज्ञानराज चौगुले तसेच भाजप, शिवसेना आणि राष्ट्रवादी काँग्रेसचे अनेक प्रमुख पदाधिकारी व कार्यकर्ते मोठ्या संख्येने उपस्थित होते.

नूतन अध्यक्ष व उपाध्यक्षांना आगामी कार्यकाळासाठी मनःपूर्वक शुभेच्छा! त्यांच्या नेतृत्वाखाली धाराशिव जिल्हा परिषद विकास, पारदर्शकता आणि जनहिताच्या कामांसाठी नवे आदर्श निर्माण करेल, अशी अपेक्षा आहे.

@Dev_Fadnavis @mieknathshinde @parthajitpawar @BJP4Maharashtra

#धाराशिव #जिल्हापरिषद #महायुती #भाजपा #शिवसेना #राष्ट्रवादी #विकास #अभिनंदन

[Abhijit Panse @abhijitpanse]

नमस्कार
मी अभिजित पानसे.
पहलगाम वरती अतिरेक्यांनी केलेला हल्ला ही अतिशय दुर्दैवी, संतापजनक घटना आहे. त्याचा निषेध करावा तेवढा कमीच आहे.
आपल्या देशाचे पंतप्रधान, संरक्षण मंत्रालय आणि आपण सगळे निश्चितपणे समर्थ आहोत की,
या देशाच्या शत्रूंना अशी अद्दल घडवू, जसं राजसाहेब म्हणालेत त्याप्रमाणे, त्यांच्या पुढच्या २० पिढ्या लक्षात ठेवतील. ह्या भ्याड हल्ल्याचा निषेध आहेच.
पण त्यानंतर एक - एक गोष्टी ज्याप्रमाणे समोर येतायेत, त्यासुद्धा तितक्याच अस्वस्थ करणाऱ्या आहेत. तुम्हाला कल्पना आहे की आपण जेव्हा पावसाळ्यात कुठे प्रवास करत असतो. एकदम पाणी वगैरे भरलं, रस्ते भरले, ट्रॅफिक झालं की रिक्षावाले असतील, टॅक्सीवाले असतील हे सगळे अचानक जिथे १०० रुपये भाडं घेतात तिथे पाच पाचशे - सात सातशे रुपये घ्यायला सुरुवात करतात. काही आमचेही स्नेही श्रीनगर मध्ये अडकलेले आहेत. त्यांनी आमच्याशी संपर्क केला तेव्हा एक गोष्ट लक्षात आली की विमान कंपन्यांची तिकिटं ज्यांची रिटर्न तिकिटांची किंमत १८ ते २० हजार होती, त्याच सिंगल तिकिटांची किंमत, श्रीनगर ते मुंबई मधे २ - २ स्टॉप घेऊन सुद्धा प्रवासाचा तिप्पट वेळ देऊनसुद्धा ५२ हजार, ५५ हजार, ६० हजार या विमान कंपन्यांनी केलेली आहे. त्याचा स्क्रीनशॉट मी खाली टाकतोच आहे. हे मेलेल्या माणसाच्या टाळूवरचं लोणी खाणाऱ्या विमान कंपन्या बघितल्या की अस्वस्थ वाटतंय. हे सहज पचवण्यासारखं नाही. मला असं वाटतं याच्याकडे मंत्रालयाने, गृहमंत्रालयाने, पंतप्रधानांनी, सिव्हिल एव्हिएशन मिनिस्टरांनी, काश्मीरच्या मुख्यमंत्र्यांनी लक्ष द्यावं. हा प्रकार अत्यंत संतापजनक आहे. तो त्वरीत बंद करावा.
नमस्कार.

[Raj Thackeray @RajThackeray]

महाराष्ट्र सरकारने इयत्ता पहिली पासून लादलेली हिंदी भाषेची सक्ती फक्त आणि फक्त महाराष्ट्र नवनिर्माण सेनेच्या पुढाकारामुळे आणि पाठपुराव्यामुळेच हटली ! यासाठी तमाम महाराष्ट्रसैनिकांचं आणि महाराष्ट्रातील जनतेचं मनापासून अभिनंदन...
सरकारने आधी विचार करून निर्णय घेतला असता तर आज माघार घेण्याची वेळ आली नसती...

ज्या महाराष्ट्राने अवघ्या देशावर राज्य केलं पण ते करताना कधी दुसऱ्या प्रांतावर मराठी लादली नाही , त्या प्रांतावर तुम्ही हिंदी भाषेची सक्ती कसली लादत होतात? यातून नक्की काय साध्य करायचं होतं?

असो, ही सक्ती मागे घेतली हे उत्तम झालं. पण या सक्तीच्या विरोधात महाराष्ट्रातील सगळ्या विचारधारांचे लोकं उभे राहिले याबद्दल सर्वांचे अभिनंदन.

मराठी माणूस जर असाच भाषेसाठी किंवा महाराष्ट्राच्या विरोधात कुरघोड्या करणारांच्या विरोधात असाच उभा राहिला तर काय बिशाद आहे कोणाची मराठी माणसाला गृहीत धरण्याची. महाराष्ट्र नवनिर्माण सेना तर कायम मराठी माणूस आणि भाषेसाठी उभी राहिली आहे आणि राहील फक्त यावेळेस दाखवलेली एकजूट कायम दिसू दे.

सरकरने हा निर्णय मागे घेतला, त्यांना उशिरा का होईना पण शहाणपण आलं, पण ठीक आहे निर्णय घेतला यासाठी सरकारला धन्यवाद...

पुन्हा एकदा सांगतो, महाराष्ट्रात दुसरी-तिसरी कोणती भाषा चालणार नाही महाराष्ट्रात फक्त मराठीच चालणार !

राज ठाकरे ।

[Ranajagjitsinha Padmasinha Patil @ranajagjitsinh1]

गोलाई चौक, नळदुर्ग येथे स्व. वसंतराव नाईक यांच्या भव्य स्मारकाचे काम प्रगतीपथावर आहे. या कामाची पाहणी केली आणि दर्जेदार कामासाठी अधिकाऱ्यांना सूचना केल्या...

#Naldurg #नळदुर्ग #स्मारक #VasantraoNaik

[Ranajagjitsinha Padmasinha Patil @ranajagjitsinh1]

नळदुर्ग अप्पर तहसील कार्यालयातुन अपेक्षित कामकाजास सुरुवात

नळदुर्ग व परीसरातील नागरिकांच्या सोयीकरिता नळदुर्गला अप्पर तहसील कार्यालय मंजुर करण्यात आले होते. या भागातील नागरिकांची अनेक दिवसांची मागणी महायुती सरकारने पुर्ण केली आहे. या ठिकाणी प्रत्यक्ष अपेक्षित कामाला सुरवात झाली आहे. तालुका स्तरावरील दाखल्यांसाठी जळकोट व नळदुर्ग महसुल मंडळातील नागरिकांना आता तुळजापूरला जाण्याची गरज भासणार नाही.

अप्पर तहसीलदार श्री.अभिजीत जगताप यांनी दि.०४ रोजी नळदुर्ग येथे तलाठी व कोतवाल यांची बैठक घेतली. सध्या या ठिकाणी प्रतिनियुक्तीवर कर्मचारी पाठविण्यात आले आहेत. या कार्यालयासाठी दोन नियमीत पदांना मंजुरी असुन नियमीत वेतन श्रेणीवर वाढीव पदे मंजुर करण्याची विनंती महसुल मंत्री ना.चंद्रशेखरजी बावनकुळे यांच्याकडे करण्यात आली आहे. कालपासून कार्यालयात अर्ज स्वीकारण्यास सुरुवात झाली आहे. काही तांत्रिक बाबींची पूर्तता करण्याची प्रक्रिया सुरु आहे. सदरील कार्यालयात प्रत्यक्ष कामकाज सुरु झाल्याने या भागातील नागरिकांना नक्कीच मोठा फायदा होईल.

#Naldurg #नळदुर्ग

[Raj Thackeray @RajThackeray]

आज मुंबईतील "शिवतीर्थ" या मैदानावर महाराष्ट्र नवनिर्माण सेनेच्या गुढीपाडवा मेळाव्याला संबोधित केलं या भाषणातील महत्वाचे मुद्दे -

१) गेल्या निवडणुकीत ज्यांनी मतदान करून ज्यांची मतं दिसली त्या मतदारांचे मी आभार मानतो आणि ज्या मतदारांनी महाराष्ट्र नवनिर्माण सेनेला मतदान करून देखील, इलेक्ट्रॉनिक व्होटिंग मशीनमध्ये ज्यांची मतं दिसली नाहीत त्यांचे पण मी आभार मानतो. निवडणुकीत जे झालं ते झालं आता पुढे काय ते बघूया..

२) गेल्या काही दिवसात ज्या काही घटना घडल्या त्यांच्याबद्दल मला बोललंच पाहिजे. पहिला विषय कुंभमेळा. बाळा नांदगावकरांनी गंगेचं पाणी आणलं मी पिणार नाही सांगितलं. नव्याने वारं शिरलेल्या हिंदुत्ववाद्यांना वाटलं मी कुंभमेळ्याचा अपमान केला. आपल्या देशातील नद्यांची जी अवस्था आहे जिला आपण माता म्हणतो, त्या नद्यांकडे आपल्या राज्यकर्त्यांचं काय लक्ष आहे त्यावर मी बोललो. स्व. राजीव गांधींनी गंगा साफ करण्याचं काम सुरू केलं, पुढे २०१४ ला मोदीजी पंतप्रधान झाले आणि त्यांनी पण गंगा साफ करण्याचा प्रकल्प हाती घेतला. कुंभमेळ्यानंतर ज्यांनी तिकडे जाऊन स्नान केलं त्यातले लाखो लोक आजारी पडले. प्रश्न कुंभमेळ्याच्या अपमानाचा नाहीये तर गंगा स्वच्छतेचा आहे. ज्यागंगेला आपण माता म्हणतो तिची आजची परिस्थिती काय आहे हे दाखवणारी एक चित्रफीत मी आणली आहे... गंगा शुद्धीकरणावर ३३ हजार कोटी खर्च झालेत. तिकडे घाटावर मृत व्यक्तीला अग्नी दिल्यासारखं करतात आणि नंतर पाण्यात ढकलतात. हा कोणता धर्म ? आपल्या नैसर्गिक गोष्टींच्या आड जर धर्म येणार असेल तर काय उपयोग ? हजार वर्षांपूर्वीची गोष्ट वेगळी होती, आता तीच परिस्थिती कशी चालेल ? आपण निसर्गासाठी काही सुधारणा करणार आहोत की नाही ? आपल्या नद्या स्वच्छ राहिल्या पाहिजेत. धर्माच्या नावाखाली आपण नद्या बरबाद करतोय. प्रत्येकाला धर्म प्रिय असतो पण त्या धर्मात सुधारणा केल्या पाहिजेत.

३) महाराष्ट्रात पण हीच परिस्थिती आहे. सावित्री नदी केमिकलने भरली आहे. देशभरात एकूण ३११ नदीपट्टे प्रदूषणामुळे धोक्याच्या पातळीवर असून यात महाराष्ट्रातील तब्बल ५५ नदीपट्टे प्रदूषित आहेत.

४) प्रदूषणाच्या मानकांनुसार (स्टँडर्ड्स नुसार ) उल्हास, मिठी, मुळा-मुठा, सावित्री, भीमा, पवना, कान्हा, तापी, गिरणा, कुंडलिका, दारणा, इंद्रायणी, नीरा, वैनगंगा, चंद्रभागा, मुछकुंडा, घोड, तितुर, रंगवली, वर्धा, कृष्णा, पाताळगंगा, सूर्या, वाघूर आणि ढोरणा या नद्यांच्या पात्रांमधील पाणी हे अति वाईट आहे.
भातसा, पेढी, मोर, बुराई, वेल,पांझरा, सिना, काळू, वेण्णा, कोयना, मांजरा, पैनगंगा, पूर्णा, उरमोडी व कान या नद्यांच्या पात्रांचे पाणी वाईट या कॅटेगरीत म्हणजे तुलनेने कमी वाईट आहे.

५) मुंबईत ५ नद्या होत्या. त्यातल्या चार मेल्या म्हणजे मारल्या. सांडपाणी, झोपडपट्ट्या यांनी मारल्या. मिठी नदी पण मरायला टेकली आहे. मुंबईतील एकमेव राहिलेली नदी मिठी तिची काय अवस्था आहे ते बघा... दरवर्षी मुंबई महापालिका मिठी नदी साफ करणार असं म्हणते, जोपर्यंत नदीच्या दोन्ही बाजूला असलेली घरं हटवत नाही, तोपर्यंत मिठी नदी स्वच्छ होणार नाही. निसर्गाच्या हानीबद्दल कोणी बोललं की आपण म्हणणार धर्माच्या आड येतो. धर्माचं मला सांगूच नका. आपण भिंतीवर झाडं जगवा झाडं लावा असे संदेश लावतो. आणि देशातील हिंदूंचे अंतिम संस्कार लाकडांवर होतात. लाकडं कुठून येतात, जंगलं तोडूनच ना ? विद्युतदाहिन्या आल्या आहेत पण तरीही अनेक लोकं विद्युतदाहिनी नाकारतात. पंतप्रधानांना जंगलांची आवड आहे. आत्ता ते मध्ये अंबानींच्या वंताराला गेले. म्हणजे त्यांना प्राण्यांची आवड आहे. मग जंगलं त्यांनी वाचवली पाहिजेत.

६) भारताचा जन्म-मृत्यूचा आकडा हा
दररोज ८१ हजार ७४६ जन्म होतात
दररोज २९ हजार ६७९ मृत्यू होतात.
दररोज पन्नास हजाराने लोकसंख्या वाढत आहे

७) महिन्याला २४ लाख ५२ हजार ३८० जन्म होतात
महिन्याला ८ लाख नव्वद हजार ३७० मृत्यू होतात
महिन्याला १५ लाख लोकांची वाढ होते.

८) वर्षाला २ कोटी ९४ लाख २८ हजार ५६० जन्म होतात, वर्षाला १ कोटी ६ लाख ८४ हजार ४४० मृत्यू होतात म्हणून दर वर्षी १ कोटी ८० लाखाने लोकसंख्या वाढते. एका बाजूला आपण दुष्काळाने त्रस्त आहोत म्हणून बोंबलत बसायचं आणि दुसरीकडे जंगलं तोडायची.

९) आपण अडकलोय औरंगजेबाची कबर तोडली पाहिजे का राखली पाहिजे या चर्चेत. आत्ता कुठून आठवला औरंगजेब ? चित्रपट पाहिल्यावर हिंदुत्व आठवलं ? चित्रपट पाहिल्यावर तुम्हाला छत्रपती शिवाजी महाराजांचं शौर्य आठवतं ? हल्ली कोणीही विधानसभेत इतिहासावर बोलतात... माहिती तरी आहे का हे औरंगजेब प्रकरण ? औरंगजेबाचा जन्म गुजरातमधल्या दाहोदमधला. मग यावरून ब्राह्मण, मराठा आणि इतर जातीत भांडणं लावायची. यांना फक्त तुमची माथी भडकवायची आहेत. यांना छत्रपती संभाजी महाराजांशी घेणंदेणं नाही. या हिंद प्रांतात एक कडवट, प्रभावी स्वप्न ज्यांना पडलं त्या जिजाऊ साहेब. हे त्यांचं स्वप्न. त्यांना कळायचं नाही की आमचीच लोकं यांच्याकडे का चाकरी करत आहेत. आणि छत्रपती शिवाजी महाराज हिंद प्रांतावर केलेला संस्कार आहे, तो एक चमत्कार आहे, तो एक विचार आहे.

१०) छत्रपती शिवाजी महाराज हा विचार जन्माला यायच्या अगोदर या हिंद प्रांताची काय स्थिती होती ? शहाजी राजे पण आधी आदिलशाहीत होते मग पुढे निजामशाहीत गेले. महाराजांचा लढा या सर्वांच्या विरोधात होता. त्यांना तुम्ही जातीत का पाहता ? अफजल खानाचा वकील ब्राह्मण होता आणि महाराजांच्या वतीने त्याच्याशी बोलायला गेलेला पण ब्राह्मणच होता. त्यावेळेस काय निर्णय घेतले असतील आपल्याला काय माहिती ? आग्र्याच्या दरबारात संभाजी महाराजांनी छत्रपती शिवाजी महाराजांसमोर औरंगजेबाची पाच हजारी मनसबदारी घेतली. महाराजांच्या परवानगीशिवाय घेतली असेल काय ? त्या परिस्थितीत जे करणं आवश्यक होतं ते महाराजांनी केलं. मिर्जाराजे जयसिंग, उदयभान राठोड यांच्याशी जो संघर्ष झाला तेही हिंदू होते ना ?
औरंगजेब विषय निघाला म्हणून परत सांगतो, त्याचं राज्य अफगाणिस्तान ते दक्षिणेपर्यंत आणि इकडे बंगाल पर्यंत. छत्रपती शिवाजी महाराजांचं निधन झाल्यावर, औरंजेबाच्या एका मुलाला आसरा छत्रपती संभाजी महाराजांनी दिला आहे. १६८१ ते १७०७ औरंजेब महाराष्ट्रात लढत होता. आमच्या संभाजी राजांसोबत लढला, त्यांना क्रूर पद्धतीने मारलं. राजाराम महाराज लढले, संताजी धनाजी लढले. नरहर कुरुंदकरांच्या पुस्तकात एक छान वाक्य आहे, मराठे सर्व लढाया हरत होते पण औरंगजेब एकही लढाई जिंकला नाही.

११) औरंगजेबाची कबर सजवली आहे ती सजावट काढा आणि तिथे लिहा की आम्हा मराठ्यांशी लढायला आलेल्या औरंगजेबाला आम्ही इथेच गाडला.

१२) मरहट्ट्यानी ज्यांना ज्यांना गाडलंय त्यांची प्रतीकं उखडून चालणार नाही, उलट आपण जगाला ओरडून सांगितलं पाहिजे की आम्ही कोणाकोणाला गाडलंय ते... शाळेपासून लहान मुलांना दाखवलं पाहिजे महाराजांनी आपल्या धर्माला भ्रष्ट करणाऱ्या औरंजेबाला गाडला... माझी महाराष्ट्रातील तरुण-तरुणींना विनंती आहे की इतिहास व्हाट्सअप वर वाचू नका. इतिहास तुम्हाला जातीतून शिकवायचा प्रयत्न केले जातात त्यामागे कुठलातरी राजकीय पक्ष असणार आहे. तुम्ही एकमेकांच्यात भांडता आणि हे कामं उरकून घेतात.

१३) महाराष्ट्रात एअरपोर्ट असेल की बंदर असेल सगळं अदानीला देणं सुरु आहे. अदानी हुशार आहे आणि आपण अडाणी निघालो.

१४) लाडकी बहीण योजनेचं काय चाललं आहे? विधानसभेत चर्चा सुरू आहे कशावर तर औरंजेबावर... तुमच्या प्रश्नावर नाही.

१५) आपण ज्यांना मुघल म्हणतो ते तुर्की -मंगोल आहेत. धर्माच्या आधारावर देश नाही उभं करता येत. हे समजलं टर्कीला. केमाल पाशा तिकडे आला. तिकडे इस्लाम आता मवाळ आहे. तिकडे मशिदी आहेत पण रस्त्यावर धर्म दिसत नाही. केमाल पाशानी ओट्टोमन खलिफाचे पद संपुष्टात आणले, जे इस्लामिक जगताचे धार्मिक नेतृत्व मानले जात होते.

१६) तुर्कीच्या राज्यघटनेत तुर्कीला धर्मनिरपेक्ष राष्ट्र घोषित केले. इस्लामला राज्य धर्माचा असलेला दर्जा काढून टाकला. सध्याच्या टर्कीच्या अध्यक्षांनी पण मवाळ धर्म स्वीकारला. आज टर्कीला पर्यटनासाठी ५ कोटी लोक भेट देतात. विचार करा किती सुंदर देश बनवला असेल.

१७) आम्ही मशिदींवरचे लाऊडस्पिकर बंद करा म्हणून आंदोलन केलं तर माझ्या महाराष्ट्र सैनिकांवर केसेस टाकल्या. देवेंद्र फडणवीसांनी आता सांगितलं की रात्री १० ते सकाळी ६ लाऊड स्पीकर लावता येणार नाही. अहो प्रश्न सकाळी ६ ते १० चा नाहीच, दिवसभर भोंगे वाजतात त्याचं काय ? योगी आदित्यनाथ यांनी उत्तरप्रदेशमध्ये मात्र मशिदींवरचे भोंगे उखडून टाकले. त्यांना जमतं मग आम्हाला का नाही जमत ?

१८) बीडमध्ये संतोष देशमुख यांना क्रौर्याने मारलं. जे घडलं वीज कंपनीच्या राखेवरून. राखेतून फिनिक्स पक्ष जन्माला येतो म्हणतात बीडमध्ये राखेतून गुंड जन्माला येतात. संतोष देशमुखांना वाल्मिक कराड यांच्या लोकांनी खंडणी आणि पैशाच्या विषयातून मारलं. मग त्यावर कोणीतरी पुढे केलं वंजाऱ्यांनी मराठा माणसाला मारलं. मारणाऱ्याची आणि ज्यांचा मृत्यू झाला त्यांची जात कशी निघू शकते ?

१९) आज मुला-मुलींना नोकऱ्या मिळत नाहीत त्याकडे लक्ष नाहीये. इतके मराठा मुख्यमंत्री झाले पण मराठा समाजाची अवस्था का नाही सुधारली ? जात जातीला सांभाळत नाही. शेतकऱ्यांना कर्जमाफी देणार असं आश्वासन दिलं होतं, का नाही झाली कर्जमाफी ? अजित पवारांनी काल सांगितलं की तुम्ही ३० तारखेच्या आत पैसे भरून टाका.

२०) लाडकी बहीण योजना सरकार चालवू शकत नाही. सरकारला दरवर्षी ६० हजार कोटींचा या योजनेचा बोजा आहे. सरकारला या योजना परवडणार नाहीत.

२१) आज तरुण-तरुणींच्या नोकऱ्यांबद्दल कोणीच बोलत नाहीये, त्यांना सगळ्यांना जातीत गुंतवून त्यांना एकमेकांची डोकी फोडायला लावत आहेत. तुम्ही मराठी म्हणून एकत्र आलं पाहिजे.

२२) टॉरस नावाची कंपनी दुप्पट परतावा देतो म्हणून आमिषं दाखवून लुटून गेली. मराठी माणूस सध्या असुरक्षित आहे. आमच्या राज्यात येऊन आम्हाला सांगणार असाल की मराठी बोलणार नाही, कानफाट फोडेन त्यांचं. उद्यापासून बँकांमध्ये जाऊन मराठी कारभार होत आहे का हे बघा. नसेल तर त्यांना करायला लावा.

२३) ( आज मी माझ्या आजोबांच्या उठ मराठ्या उठ या १९६६ सालातील पुस्तकातील एक उतारा वाचून दाखवणार आहे. तो काळजीपूर्वक ऐका...
"आज महाराष्ट्राचा मराठा आत्मस्वरूपाला पारखा होऊन ना अरत्री ना परत्री अशा मोहमयी अवस्थेत आहे. त्याचा उज्ज्वल भूतकाळ त्याने चुकूनही आठवू नये, या धोरणाने त्याच्या त्या इतिहासाची जडणघडण नव्या राजकारणी रंगढंगाला साजेशी बदलण्याचा उद्योग चालू आहे. काळाच्या कचक्यालाही न जुमानता ग्रंथ दस्तात आणि पिढ्यांपिढ्यांच्या स्मरणात परंपरेने चिरंजीव झालेल्या ठळक ऐतिहासिक घटनांवर ही निरनिराळे बनावट अर्थ बनविण्यात येत आहेत. जिकडे पाहावे तिकडे -
गलबला बुद्धी नासते । नाना निश्चय सांगती ।
ऐकावे कोणकोणाचे । बोलताहे बहुचकी ।
करंटे मिळाले सर्वही । जो तो बुद्धीच सांगतो ।।
असा समर्थोक्त देखावा दिसत आहे. बुद्धिभेदाच्या या वावटळीत शिक्षितांपासून अशिक्षित मजुरांपर्यंत सारे गुरफटले गेले आहेत. जागृतीचा, उत्थानाचा बोध करील, तो जातीयवादी, संकुचित वृत्तीचा, देशद्रोही म्हणून त्याची सर्वत्र निंदानालिस्ती आणि जाहीर सभांतून निषेध करण्यात येतो. कारण स्पष्ट आहे. महाराष्ट्राचा मऱ्हाठा जागा होऊन आपल्या आत्मस्वरूपाचा शोध घेण्याइतका कदरबाज स्वाभिमानी बनू लागला, तर सत्ता स्पर्धेच्या, शर्यतीच्या रिंगणात आपापल्या पक्षीय घोड्यावर स्वार झालेल्याचे रिकिबीतले पाय लटपटल्याशिवाय राहणार नाहीत."
प्रबोधनकार ठाकरे । )

२४) तुम्ही मराठी म्हणून एक व्हा आणि बघा यांचे पाय कसे लटपटतील ते... आजच्या मराठी नववर्षाच्या निमित्ताने शपथ घ्या की आम्ही मराठी म्हणून एकत्र येऊ, आणि जो कोणी मराठी माणसाच्या किंवा मराठी भाषेच्या अंगावर येईल त्याला मराठी म्हणून अंगावर घेऊ. आणि जर कोणी हिंदूंच्या अंगावर आलं तर त्यांना हिंदू म्हणून अंगावर घ्या..

२५) आपला एक अहिल्या नगर जिल्ह्यातील महाराष्ट्र सैनिक प्रमोद अरणे हा कोल्हापूरला जाऊन अंबाबाईचं दर्शन घेऊन आजच्या मेळाव्याला चालत आला आहे. अशा सैनिकांमुळे मला ऊर्जा मिळते.

#गुढीपाडवामेळावा२०२५

[Raj Thackeray @RajThackeray]

आपणा सर्वांना गुढीपाडव्याच्या आणि हिंदू नववर्षाच्या हार्दिक शुभेच्छा!

#गुढीपाडवा२०२५

[Ranajagjitsinha Padmasinha Patil @ranajagjitsinh1]

महाराष्ट्राचे लाडके मुख्यमंत्री मा. श्री. देवेंद्रजी फडणवीस यांचे तुळजापूर नगरीत स्वागत केले. विधानसभेत ऐतिहासिक विजय मिळवून मुख्यमंत्रीपद स्वीकारल्यानंतर ते प्रथमच धाराशिव जिल्ह्याच्या दौऱ्यावर आले होते. यावेळी छत्रपती शिवाजी महाराज चौक, तुळजापूर येथे मोठ्या उत्साहात त्यांचे स्वागत करण्यात आले.

महाराष्ट्राची कुलस्वामीनी आई तुळजाभवानीचे दर्शन घेऊन त्यांनी मंदिर जीर्णोद्धाराच्या कामाची पाहणी केली आणि या कामाबाबत सविस्तर माहिती जाणून घेतली.

भविष्यात तुळजापूर येथे येणाऱ्या भाविकांची वाढणारी संख्या लक्षात घेता अनेक सोयी सुविधांचा अंतर्भाव असलेल्या तुळजापूर विकास आराखड्याचे त्यांच्यासमोर सादरीकरण करण्यात आले.

यावेळी जिल्ह्याचा कायापालट करण्याची क्षमता असणाऱ्या प्रकल्पांना प्रचंड पाठबळ दिल्याबद्दल मा. मुख्यमंत्र्यांचा धाराशिव जिल्हावासियांच्या वतीने सत्कार करण्यात आला. त्यांच्या दूरदृष्टीने आणि कार्यतत्परतेने धाराशिव जिल्ह्याच्या प्रगतीला नवे बळ मिळाले आहे.

#Tuljapur #tuljabhavanimata #tuljabhavanitemple #DevendraFadnavis #maharashtra

[CMO Maharashtra @CMOMaharashtra]

🔸 CM Devendra Fadnavis chaired a meeting regarding the presentation of development plan of Shri Tulja Bhavani Temple Trust
🔸 मुख्यमंत्री देवेंद्र फडणवीस यांच्या अध्यक्षतेखाली श्री तुळजाभवानी मंदिर विकास आराखडा सादरीकरण बैठक

🕛 12noon | 29-3-2025📍Tuljapur, Dharashiv | दु. १२ वा. | २९-३-२०२५📍तुळजापूर, धाराशिव.

@Dev_Fadnavis @ranajagjitsinh1 @AbhiPawarBJP @STBTTTOfficial
#Maharashtra #DevendraFadnavis #Dharashiv

[Ranajagjitsinha Padmasinha Patil @ranajagjitsinh1]

जिल्ह्याचा कायापालट करण्याची क्षमता असलेल्या प्रकल्पांना प्रचंड पाठबळ

शनिवारी मुख्यमंत्री देवेंद्रजी फडणवीस यांचा धाराशिव जिल्हावासीयांच्या वतीने तुळजापुरात सत्कार

कुलस्वामिनी तुळजाभवानी देवीचे तीर्थक्षेत्र आपल्या रेल्वेच्या राष्ट्रीय नकाशावर आणणे, कृष्णा मराठवाडा सिंचन प्रकल्प,शासकीय वैद्यकीय महाविद्यालय, तुळजापूर तीर्थक्षेत्र विकास आराखडा, कौडगाव एमआयडीसीत देशातील पहिला स्वतंत्र टेक्निकल टेक्स्टाईल प्रकल्प, निम्न तेरणा प्रकल्पाच्या दुरुस्ती प्रस्तावास मान्यता असे जिल्ह्याचा कायापालट करण्याची क्षमता असलेले अनेक महत्वपूर्ण प्रकल्प मार्गी लावल्याबद्दल जिल्हावासीयांच्या वतीने राज्याचे कर्तबगार मुख्यमंत्री ना.श्री. देवेंद्रजी फडणवीस यांचा सत्कार करण्यात येणार आहे.

राज्याचे मुख्यमंत्री ना.श्री. देवेंद्रजी फडणवीस शनिवार २९ मार्च रोजी तुळजापूर दौऱ्यावर येत आहेत. महायुती सरकारच्या माध्यमातून धाराशिव जिल्ह्यातील अनेक महत्वपूर्ण प्रकल्पांना मोठे पाठबळ दिल्याबद्दल संबंध जिल्हावासीयांच्या वतीने मुख्यमंत्री देवेंद्रजी फडणवीस यांचा सत्कार करण्यात येणार आहे. जिल्ह्याच्या हक्काचे कृष्णा खोऱ्यातील पाणी आणण्यासाठी ११,७०० कोटी रुपयांची सुप्रमा देऊन निधी मिळवून दिला. त्यातील अनेक कामे प्रगतीपथावर आहेत. अनेक वर्षांपासून प्रलंबित असलेल्या धाराशिव-तुळजापूर-सोलापूर रेल्वेमार्गाच्या कामाला फडणवीस साहेबांच्या सहकार्यानेच गती मिळाली. त्यामुळे तुळजाभवानी देवीचे तीर्थक्षेत्र आता रेल्वेच्या राष्ट्रीय नकाशावर आले आहे: या नवीन रेल्वेमार्गाच्या कामासाठी राज्यसरकारचा ४५२ कोटी रुपयांचा हिस्सा मिळाला. लवकरच आता या मार्गावर तुळजाभवानी एक्स्प्रेस धावताना पहायला मिळणार आहे. आपल्या महायुती सरकारच्या मदतीने शासकीय वैद्यकीय महाविद्यालयाच्या प्रवेशास मान्यता मिळवून घेतली.वैद्यकीय शिक्षण संकुलासाठी राष्ट्रीय महामार्गाजवळ ३१ एकर जागा व पहील्या टप्प्यात ४३० कोटी इतका भरीव निधी मंजूर करवून देण्यातही फडणवीस साहेबांचे योगदान मोठे आहे.

#Dharashiv #Tuljapur #DevendraFadnavis #Maharashtra #ChiefMinister

[Ranajagjitsinha Padmasinha Patil @ranajagjitsinh1]

भारतरत्न, माजी पंतप्रधान स्व.अटल बिहारी वाजपेयी यांना १०० व्या जयंती निमित्त विनम्र अभिवादन !

श्रोत्यांना मंत्रमुग्ध करणारे श्रेष्ठ वक्ते, कवी, निष्णात राजकारणी, पत्रकार, साहित्यिक अशा अनेक भूमिका त्यांनी सक्षमपणे बजावल्या. सर्वसामान्यांच्या गरजा जाणून घेऊन आपल्या कर्तृत्वातून त्या पूर्ण केल्या. पक्षाने दिलेल्या तत्त्वांचा सदैव अंगीकार करून भाजपाला राजकारणात निराळी ओळख निर्माण करून दिली. त्यांच्या पावन स्मृतींना शतशः नमन.

#अटलबिहारीवाजपेयी #जयंती #Jayanti #AtalBihariVajpayee
#AtalBihariVajpayee

[Ranajagjitsinha Padmasinha Patil @ranajagjitsinh1]

महाराष्ट्राचे आराध्य दैवत कुलस्वामिनी आई तुळजाभवानीच्या तुळजापूर मतदारसंघातून आपल्या सर्वांच्या आशीर्वादाने सलग दुसऱ्यांदा मोठा विजय मिळाला. आज विधिमंडळाच्या विशेष अधिवेशनात विधानसभा सदस्यत्वाची शपथ घेतली. भारतीय संविधानाबद्दल मी प्रामाणिक निष्ठा आणि श्रद्धा बाळगेन. देशाची सार्वभौमता, एकात्मता उन्नत राखेन. माझं कर्तव्य निष्ठापूर्वक पार पाडेन, अशी प्रतिज्ञा केली.

तुळजापूरकर आणि सबंध धाराशिव जिल्हावासीयांचा हा विश्वास सार्थ करून दाखविण्याची मोठी जबाबदारी आपल्यावर असल्याची पूर्ण जाणीव आहे. महायुती सरकारच्या माध्यमातून आपल्या जिल्ह्याचा कायापालट करण्यासाठी मी कटिबद्ध असल्याचा शब्द पुन्हा एकदा यानिमित्ताने देतो.

#Maharashtra #Tuljapur #Dharashiv

[Ranajagjitsinha Padmasinha Patil @ranajagjitsinh1]

..हा विजय मी नम्रपणे आई तुळजाभवानी, संत गोरोबाकाका व जनता जनार्दनाच्या चरणी समर्पित करतो!!

तुळजापूर विधानसभा मतदार संघासह धाराशिव जिल्ह्याच्या सर्वांगीण विकासासाठी आपण गेल्या ५ वर्षात सातत्याने प्रयत्न केले.. त्या कार्याची पोचपावती मतदार बांधवांनी या विजयाच्या रुपाने दिली..

येत्या काळात आपल्या सर्वांसाठी अधिकाधिक विकास कार्य करण्यासाठी मी वचनबद्ध आहे!!

#विजय #तुळजापूर #धाराशिव #tuljapur #Dharashiv

[Pankaj Salgar @PankajSalgar]

भावी अनेक पर्मनंट मात्र एकच...✌️🚩

[Raj Thackeray @RajThackeray]

हडपसर विधानसभेचे उमेदवार श्री. साईनाथ बाबर यांच्या प्रचारार्थ हडपसर येथे आज जाहीर सभा घेतली, त्या सभेतील महत्वाचे मुद्दे

१) २००९ ला हडपसर मतदारसंघ तयार झाला. इथली गावं महापालिकेत आली. आज कित्येक लोकं म्हणतात की आमची गावं होती ती बरी होती, विनाकारण महापालिकेत आलो. या संपूर्ण भागाचा विचका ट्रॅफिकने झाला आहे. आज महाराष्ट्रात मी असे अनेक भाग बघतो, त्याची अवस्था अशी आहे की मरण येत नाही म्हणून जिवंत आहोत. रोजच्या जगण्यातील स्वस्थता गेली आहे, लहान मुलांना बाहेर पाठवताना माता-भगिनींना धाकधूक होते. आणि या मूळ प्रश्नांकडे लक्ष जाऊ नये म्हणून तुम्हाला नको त्या प्रश्नांमध्ये गुंतवलं जातं.

२) महाराष्ट्राच्या राजकारणाचा जातींनी झालेला विचका मोठा आहे. जातीपातीत तुम्ही गुंतून पडावं आणि तुमचं मतदान काढून घ्यायचं असं सुरु आहे.

३) मराठवाड्यातील दुर्दैवी घटना सांगतो. एका गावातील घरात निधन झालं, घरात तीन माणसं, मृत व्यक्तीला खांदा द्यायला माणूस नव्हता, नातेवाईक यायला सहा तास लागले, म्हणून अंत्यसंस्कार थांबले. दुसऱ्या जातीची माणसं बहुसंख्य माणसं शांतपणे बघत राहिली पण कोणी पुढे आलं नाही. याहून दुर्दवी घटना काय असू शकते ? हे सगळं विष पेरलं गेलं ते शरद पवारांच्या राष्ट्रवादी काँग्रेसच्या स्थापनेनंतर.

४) आज महाराष्ट्रात अशी अवस्था आहे की महापुरुषांना आपण जातीत विभागलं आहे. महाराष्ट्रात जातीबद्दलचं प्रेम होतं, पण दुसऱ्या जातीबद्दल द्वेष कधीच नव्हता. आपल्याकडे आत्ता काय पसरतंय याचा विचार केलाय का ? इथल्या मोहल्ल्यांमध्ये सिमी, आयसिसचे अतिरेकी सापडलेत. बरं जे सापडले ते सापडले पण जे नाही सापडले ते काय करतील ?

५) शहरांचा सत्यानाश झाला आहे, इथे रोजगार मिळत नाहीयेत, इथे महिला सुरक्षित नाहीयेत, लोकांना घरं परवडत नाहीयेत, हॉस्पिटलमध्ये बेड मिळत नाहीयेत आणि तरीही या सगळ्याची चिंता करायची सोडून सत्ताधारी आणि विरोधक तुम्हाला जातीत गुंतवतात...

६) इथे छत्रपती शिवाजी महाराजांच्या पुतळ्याची अहवलेंना केली गेली, त्यावेळेला फक्त आमचा साईनाथ रस्त्यावर उतरला होता. त्यावेळेला आमदार आणि इतर पक्षांचे नेते कुठे होते ? अशा माणसांच्या हातात सत्ता देणार का तुमच्यासाठी धावून येणारा साईनाथ सत्तेत हवा ? विचार करा साईनाथ आमदार झाले तर तुमच्यासाठी रात्रीअपरात्री धावून येतील.

७) तुम्ही कुठल्याही पुण्यातील असो की मुंबईतील किंवा ठाण्यातील किंवा अगदी कुठल्याही शहरातील जुन्या माणसाला विचारून बघा की तुम्हाला तुमचं जुनं शहर हवं का नवं तर लोकं उत्तर देतात जुनं शहर. पण दुबईत विचारून बघा तिथल्या लोकांना, कुठलं शहर आवडतं तर म्हणतील आत्ताची दुबई आवडते, का तर तिथल्या माणसांची गरज लक्षात ठेवून दुबई घडवली आहे.

८) ५ वर्षात मी तुम्हाला सगळं बदलून दाखवेन असं सांगणार नाही, पण या ५ वर्षात असं काम करून दाखवेन की ज्याने तुम्हाला पुढची ५ वर्ष आम्हाला सत्तेत परत आणावं असं वाटेल, इतकं सुंदर आणि मनापासून काम करून दाखवेन,

९) महाराष्ट्र नवनिर्माण सेना हा राज्यातील नाहीतर देशातील एकमेव पक्ष आहे ज्याने राज्याचा विकास आराखडा मांडला. मला खुर्चीचा सोस नाही. मी शिवछ्त्रपतींच्या राज्यात जन्माला आलो आहे, त्या राज्याचं गतवैभव मला परत आणायचं आहे.

१०) आज माझी मुलाखत घ्यायला येणारे पत्रकार मला फक्त यांनी असं म्हणलं त्यांनी तसं म्हणलं यावरच प्रश्न विचारतात. पण कोणी महाराष्ट्राच्या विकासाबद्दल बोलत नाही. माझी तुम्हाला विनंती आहे की तुम्ही विसरू नका हे महाराष्ट्र राजय आहे, कोणतं लेचापेचं राज्य नाही. या राज्याला इतिहासाला भूगोल पण आहे आणि इतिहास पण आहे. अशा राज्याच्या विकासाबद्दल तळमळीने बोलणाऱ्या माझ्या पक्षाला, माझ्या उमेदवारांना निवडून द्या. मला महाराष्ट्र बदलायचा आहे, यासाठी मला तुमची साथ हवी आहे. माझी तुम्हाला हात जोडून विनंती आहे की या राज्यात तमाशा करणाऱ्यांना एकदा धडा शिकवा, आणि तुम्ही जर धडा नाही शिकवलात तर या सगळ्यांची खात्री पटेल की तुम्ही काहीही केलंत तरी सगळं चालून जातं.

११) मला आणि माझ्या उमेदवारांना एकदा संधी देऊन बघा. माझा साईनाथ तर आहेच पण जिथे जिथे उमेदवार उभे असतील त्या प्रत्येकाला मतदान करा. मी सगळ्या मतदारसंघात पोहचूच शकत नाही, त्यामुळे मी इथून प्रत्येकाला आवाहन करतो की माझ्या सगळ्या उमेदवारांना प्रचंड मतांनी विजयी करा.

[Ranajagjitsinha Padmasinha Patil @ranajagjitsinh1]

नजर जाईल तिथपर्यंत अलोट जनसमुदाय.. तुळजापूरचा कायापालट हेच ध्येय...

प्रचंड जन समुदायाच्या साक्षीने महायुतीची जाहीर सभा संपन्न...

तुळजाभवानी देवीच्या तीर्थक्षेत्राचा कायापालट हेच आपले ध्येय आहे. जगदंबेच्या आशीर्वादाने मागील ५ वर्षांत तुळजापूर मतदारसंघाची सेवा करण्याचे भाग्य लाभले. तीर्थक्षेत्र तुळजापूर रेल्वेच्या राष्ट्रीय नकाशावर नोंदविता आले. जागतिक दर्जाचे धार्मिक पर्यटन तुळजापूर शहरात विकसित करण्यासाठी २,००० कोटी रूपयांचा विकास आराखडा अंतिम करण्यात आला आहे. रोजगार निर्मितीकडे आपले विशेष लक्ष आहे. तुळजापूरचा व जिल्ह्याचाही सर्वार्थाने कायापालट करण्यासाठी आपल्या सर्वांचे सहकार्य आणि सोबत महत्वपूर्ण आहे..

रविवारी सायंकाळी ४ वाजता छत्रपती शिवाजी महाराज यांच्या पुतळ्यास पुष्पहार अर्पण करून सामूहिक अभिवादन करून आशीर्वाद यात्रेस प्रारंभ झाला. छत्रपती शिवाजी महाराज पुतळा ते भवानी रोड, महाद्वार रोड, कमान वेस गल्ली या प्रमुख मार्गावरून तुळजाभवानी मंदिरापर्यंत ही आशीर्वाद यात्रा काढण्यात आली. त्यानंतर आशिर्वाद यात्रेचे भव्य सभेत रूपांतर झाले.

तुळजाभवानी मंदिरासह परिसरात विकासकामे करून, पर्यटक व भाविकांच्या संख्येत दुपटीने वाढ होण्यासाठी आवश्यक ती विकासकामे सुरू करण्यात आली आहेत. त्यामुळे स्थानिक व्यापार्‍यांना आणखी पर्यायी व्यवसाय करून आपले उत्पन्न दुपटीने वाढविता येणार आहे. तुळजापूरकरांना विश्वासात घेऊनच सर्व विकासकामे करायची आहेत. ठाकरे सरकारने रेल्वे प्रकल्पासाठी एक रूपयाही दिला नाही, अडीच वर्षे काम थांबले होते. त्यासाठी आपण परिवहन मंत्र्यांवर हक्कभंग आणला. शेवटी ४५० कोटी रूपयांचा निधी महायुती सरकारनेच उपलब्ध करून दिला आणि रेल्वेमार्गाचे काम चालू झाले.

केंद्र सरकारच्या प्रशाद योजनेसाठी तीर्थक्षेत्र तुळजापूरचा विकास आराखडा तत्कालीन महाविकास आघाडी सरकारने पाठवावा, यासाठी आपण पाठपुरावा केला होता. मात्र ठाकरे सरकारने ऐकले नाही. शेतकर्‍यांना कर्जमाफी, वीजबिल माफी महायुती सरकारनेच दिली. मुलींना मोफत उच्च शिक्षण दिले, लाडक्या बहिणींना महिन्याला १,५०० रूपये लाभाची योजना सुरू केली.

त्यामुळे विरोधकांना अडीच वर्षात महायुती सरकारने काय केले, हे विचारण्याचा नैतिक अधिकार राहिला नाही. नळदुर्गला बसवसृष्टी उभारली जात आहे, तुळजापुरात अहिल्यादेवी होळकरांचे स्मारक, बौध्द विहार, शादीखान्याचे भूमिपूजन केले. हा फक्त विकासाचा ट्रेलर आहे. विकासाचा पिक्चर अजून बाकी आहे आणि त्यासाठी सर्वांची साथ व आशीर्वादाची गरज आहे.

#vidhansabha #BJP4India #BJP4Maharashtra
#Mahayuti4Vidhansabha2024 #Dharashiv #Tuljapur #Mahayuti

[Gajanan Kale @MeGajananKale]

या प्रेमाने भरून पावलो ...❤️🙏
बेलापूरकरांचा "परिवर्तन प्रचार रॅली" मध्ये तूफान प्रतिसाद ...
लहान बाळगोपाळ पासून जेष्ठ नागरिकांनी आपुलकीने केलेले स्वागत
कायम स्मरणात राहील ...
विजय निश्चित आपला आहे ...
#बेलापूरविधानसभा
#नवीमुंबई #navimumbai
#आपलाहक्काचागजानन
#mns #मनसे

[Gajanan Kale @MeGajananKale]

आज १५१ बेलापूर विधानसभेतून महाराष्ट्र नवनिर्माण सेनेचा
अधिकृत उमेदवार म्हणून अर्ज भरला ...
सोबत सफाई कामगार भगिनी आणि रिक्षा चालक भगिनी यांची उपस्थिती ...
लढणार,जिंकणार ...
#बेलापूरविधानसभा
#नवीमुंबई #mns #मनसे
#Navimumbai

[Raj Thackeray @RajThackeray]

आगामी विधानसभा २०२४ च्या सार्वत्रिक निवडणुकांसाठी , महाराष्ट्र नवनिर्माण सेनेची पाचवी यादी खालीलप्रमाणे....

#विधानसभा_२०२४