شعراء تويتر

طموحنا الإرتقاء لذائقتكم الشعرية | ~ خصصنا هذا الحساب لــ نقل آعذب الأبيات |~ { #شعراء_تويتر }

[شعراء تويتر @Poets_]

الجو غيم وساقني يمّك حنين
الله يجيبك يوم جاب الله مطر

#امطار

[شعراء تويتر @Poets_]

اللي جمعنا دون موعد وحزات
يمكن مع الايام صدفة يجيبك

[شعراء تويتر @Poets_]

يهزني الشوق لا مرت على بالي
مواقـفٍ سمح الله درب راعيها

[شعراء تويتر @Poets_]

لا جاتك الزله من اللي توده
فكر بحفظ الود و اعرض عن الرد

و اذا اعتذر عن زلته لا ترده
بحر العلاقه دايم الجزر والمد

حبل المواصل بين الاقراب مده
ارخه ليا شدوه واليا ارتخى شد

و إنس الخطا حتى تدوم الموده
من يذكر الهفوات ما يحفظ الود

[شعراء تويتر @Poets_]

اشـتـقـت أعـيد ايـام حبي من آول
و اعـيـش حـلـوات الليالي معـاها

أثـر الـهـوى .. في لــذة مـا يـطـول
مثل السحايب مسرعة في سماها

[شعراء تويتر @Poets_]

انا لا تباطيتك .. علي الولّه ينشاف
يبّين على العاشق وينشاف فـ عيونه

احبّك جعل حبٍ يجي من بعدك يْعاف
وانا حالفٍ حُبك مع الوقت ما اخونه

ليا شفت وجهك والله ان ماعلّي اخلاف
فلا تنشد اللي شاف غايتْه وش لونه

[شعراء تويتر @Poets_]

الرجـال أن جتك في شي تبيه
لا تعلقها و خـلك في وضـوح

لا نصوك بشي مـا تقدر عليه
قل مقدر وأترك العالم تروح

[شعراء تويتر @Poets_]

آنت المنى في دنيتي و آنت كلي
وآنت الذي لاضاق صدري لقيتك

حبك بـ قلبي .. " زايدٍ و متعلي "
يا ماخذٍ عقلي !! / تراني هويتك

[شعراء تويتر @Poets_]

نمشي مع الوقت لو طالت مشاويرة
و أفـراحنا من ورا الضيقات نسرقها

الحلم بالـنـوم يمكن سهل تفسيرة
و أحـلامنا " لا صحينا مـن يحققها "

[شعراء تويتر @Poets_]

محتاج لك حيل واضح من كتاباتي
ليتك تحس بقصيدي لا كتب ليتك

لـو الـزمـن قـدر ظـروفي و حاجاتي
ما شفتني لا تضايق خاطري جيتك

[شعراء تويتر @Poets_]

انشد عـن الحي لا تنشد عـن الميت
ضيقـاتـك الـبـارحـه وش لك تطريها

بـكـره تـزيـن اللـيـالي كـانـهـا عـيـت
تضحك على ايامك اللي كنت تبكيها

[شعراء تويتر @Poets_]

لا تطلب العام الجديد أمنياتك
تاريخ مايدري ولا هو بمعطيك

أطلب من الله كان تبغى غناتك
المعطي اللي عالمٍ في خوافيك

#السنه_الجديدة_2023
#سنة_جديدة_2023
#2023NewYear
#2023goals

[شعراء تويتر @Poets_]

لا شفتني .. ما كنك ( الا مشبه )
واطوف اللي صار منك و اعديه
ٰ
اليوم تصحى لي بصوت المنبه
وباكر يصحيك الوله دون تنبيه

[شعراء تويتر @Poets_]

الجو غيم وساقني يمك حنين
الله يجيبك يوم جاب الله مطر.♥️!

[شعراء تويتر @Poets_]

الله من ليل سهرته لحــــــــالي
يوم السما غيمه يغطي نجومه

نامت عيون اللي من الهم خالي
ماهو بمثلي يحترق في همومه

هـــــــــــــم يهدم نايفات الجبالي
و الليل طول و ازعجتني حلومه

ما يسهر إلا من فقد شوف غالي
يرعى خياله طول ليله و يومه

[شعراء تويتر @Poets_]

يالله بـ رزقٍ لا كثـيـر ولا قلـيـل
يمـشي الاحـوال ويسّـد الظـروف

ماودّي أطلـع لا غنـي ولا فقـير
فالحالتين يصيبـني خشية وخوف

خايفٍ يزيد المال ويموت الضميّر
وأخـاف ما القـى مايقـدّم للضيـوف

وانا ياربي فيّ .. شـر .. وفيّ خيـر
عبدٍ مسيـر تحت تاثيـر الـصدوف

[شعراء تويتر @Poets_]

من بعد غيبه هلا بك يالخميس
كنك مفارق .. لك أكثر من شهر

تدري إنك بين الايام ( الرئيس )
فيك عشق و فيك لذات السهر

#الخميس

[شعراء تويتر @Poets_]

انشد عـن الحي لا تنشد عـن الميت
ضيقـاتـك الـبـارحـه وش لك تطريها

بـكـره تـزيـن اللـيـالي كـانـهـا عـيـت
تضحك على ايامك اللي كنت تبكيها

[شعراء تويتر @Poets_]

هذا ابوي اللي ترك له على الارض :
سحابةٍ .. تمشي ورانـا .. بــ ظله !

اللي كثر ما ضمّ هماله .. الفرض :
حتى بـ موتـه .. عاش ما مات كله

[شعراء تويتر @Poets_]

رحمك الله يا وجهٍ من تركني والليالي سود
أسامر ضحكته و أبكي على مركـاه و دلالة

عزاي إليا طرى أسمه قمت أردد ماعليكم زود
وأنا أدري أن عليهم زود من يمناه وخصاله

يجود و ينفقر و يعود مره ثانيه و يجود
تقول الله مسلّط كفّه البيضا على ماله