على صدر الغريب اللي سكت قد له ثلاث أعوام
سلام الصالحين وشرهة الغالي على غاليه
'
عليك من العتب طرق ما هو يكتب بروس أقلام
وهاجوس قديم الى أمسو العالم سرا ساريه
'
يمرك كل ما هب الهوا الغربي مرور أكرام
إلى نسنس بزين وجمع أوراق الشجر ذاريه !
جيت امررها كأن ما شي صار
بس قسم بالله عيت لا تمر
كنت غالي وكان لك قدر و وقار
وكنت هاقي فيك في اليوم العسر
كنت اشوفك وسط الظلمه نهار
كنت اظن وصار ظني ما يسر
ايه متشره ..وشرهاتي كباااار
وشرهت الغالي على الغالي بـ عمر 💙.
صباح الخير من عقب الظلام وعتمة الديجور
صباح ٍ مايشادي .. كون وجه ٍ تفرق وصوفه
شـروق الشمس من زينه يفيق ويستمد النور
وفي قربه تسج النفـس والاتعـاب مخلوفه.
من المعطيات يوادع الحلم شوف العين
مثل ما النهار يوادع الشمس لا غابت
جفاف الموارد يسلب القاع ثوب الزين
و شحّ الطموح يزعزع الموقف الثابت
من اللي تشوف العين في زهرة العشرين
" سبقنا السنين العجله وروسنا شابت "