لو انت ماتعرفش ، من عدة ساعات فيه مجموعة هاكرز إيرانية بتطلق على نفسها اسم كودي هو «حنظلة-Handala» أعلنت عن فضيحة سيبرانية واستخباراتية بكل المقاييس...
الفضيحة وبحسب وكالة كان العبرية؛ ان الهاكرز الإيرانيين نشروا فجأة على الانترنت كنز ضخم من الصور والفيديوهات الحساسة اللي تم سرقتها وتسريبها من تليفونات رئيس أركان جيش الاحتلال السابق «هيرتسي هاليڤي» واللي كان رئيس أركان جيش الكيان الأزرق أثناء حرب غزة ، يعني في اسوأ فترة في تاريخ البشرية (من ٢٠٢٣ لحد ٢٠٢٥)
.
بس الصدمة هنا مش بس في الفضيحة السيبرانية والاستخباراتية ، ولا في كون العيال دول اخترقوا موبايله ، الصدمة انه اتضح انهم كانوا راكبين تليفونه الشخصي من سنين، يعني الحكاية مكانتش مجرد اختراق لحظي عابر ، دا كان اختراق مستمر لشهور وسنين وهو مش داري ، ولا كانت حتى في نشر صور خصوصياته اللي بلغت حوالي 19 ألف صورة وفيديو بجانب إيميلات وغيره، من ذاكرة التليفون والكلاود الخاص بيه على تليجرام.. من ضمنها حتى هويته الشخصية وزوجته وعيلته كلها، وتفاصيل شخـصية جدًا جدًا جدًا! وكلها بقت مشاع على العام، ولا الفضيحة
.
الصدمة الحقيقية هي في نوعية بعض الصور اللي حصلوا عليها ، ومنها الصور المرفقة بالبوست هنا :
الصورة الأولى هي لـ «هاليڤي» وهو واقف جوه مسجد الشيخ زايد في ابوظبي وبينظر لمحراب القبلة والمنبر وبيتأمل اسماء الله الحسنى على الحائط ، وبجانبه شخص اماراتي يشرح له المكتوب
وأنا عايز اسأل سؤال واحد... إزاي شخص إيده غرقانة بدم اكتر من 70 ألف شهيد، يدخل رحاب بيت من بيوت ربنا بالبساطة دي؟
ومين اللي سمح له ينجس المكان ده بوجوده؟
المشهد ده مش عادي ومش طبيعي... المنظر ده طعنة في قلب كل واحد شاف بيوت ربنا وهي بتتهد في غزة والضفة، وشاف عباد الله وهما بيموتوا على إيد نفس الراجل ده وجيشه، وأمام كاميرات العالم كله... وفي الآخر جاي ببساطة يدخل المسجد ويقف جواه... عادي...
.
اما الصورة الثانية فبيظهر فيها «هاليڤي» مع رئيس أركان الجيش الأردني الفريق "يوسف الحنيطي" فيما يبدو انها زيارة "سرية" للأردن، و«هاليڤي» لابس بدلة مدنية عشان يداري هويته العسكرية ، وبيتبادل فيها الهدايا مع قائد الجبش الأردني ، لكن الصدمة كانت في الهدية اللي قدمها «هاليڤي» لنظيره الأردني ، واللي اتضح انها "خنجر" لأحد النشامى الأردنيين ممن قدموا أرواحهم فداءا للقضية عام ١٩٦٧ دفاعا عن بيت المقدس ، و هاليڤي بيشرح لنظيره الأردني ازاي أسقطوه وازاي احتفظوا بمتعلقات البطل الشهيد ... اللي هي حاجة في منتهى القهر والهوان والإهانة لكل ما هو عربي
والأوقح ان قائد الجيش الأردني رد له هديته الكريمة دي باهداءه باكيدج فيها ساعات فاخرة ومجموعة عطور وبخور من الأردن !!!!
تخيل انت حجم الفُجر والوقاحة؛ لما القاتل يقدم مقتنيات ضحيته كـ "هدية" للشخص اللي مفروض إنه وريث الشهيد ده، وبكل برود يشرح له إزاي وقعوا صاحب الخنجر وإزاي احتفظوا بدمه وتاريخه كغنيمة حرب
.
أما الصورة الثالثة فبيظهر فيها «هاليڤي» وهو قاعد في بهو أحد فنادق قطر ، ومجتمع مع كبار رجال القيادة المركزية الأمريكية «السنتكوم» ، وقاعدين حاطين رجل على رجل وبيضحكوا ويدردشوا، والقطـريين ساكتين حواليهم وبيخـدموا عليهم! في الوقت اللي ميكرفونات قناة الخنزيرة كانت بتصدعنا بشعارات النضال والمقاومة الزاعقة ، وبتزايد على خلق الله
.
ملحوظة : مفيش أدنى وجود لشيء او شخص مصري في أي صورة أو فيديو، عشان إحنا بلد بتتعامل بشرف في زمن عز فيه الشرف ، وبنحترم المبادئ وسط شوية خونة ما يعرفوش حاجة عن المبادئ
.
الحقيقة الواحد مش عارف إمتى وازاي الحال اتقلب كده، ومن إمتى بقى العدو اللي بيقتل اخواتنا ويدمر أرضهم، واللي لينا عنده تار دم بقالنا عشرات السنين، بيتم استقباله في المساجد والمكاتب، ويهادينا بغنائم حرب خدها مننا..
من امتى بقى العدو اللي بيغتصب الأرض وبيدنس المقدسات بيتم استقباله في المساجد، ويهادينا بسلاح ومتعلقات أجدادنا اللي استشهدوا على إيديهم؟!
الواحد مش لاقي كلام يقوله ..لأن الفضيحة والخيانة اكبر من أي كلام
فيه كمان شوية صور ليه أثناء جولاته في فنادق فارهة في دول الخليج وبعض دول أفريقيا ، ومنها صور وهو قاعد في أثيوبيا بيتكلم مع أبي أحمد وكأن الأتنين أصحاب لقمة واحده
بقية الصور والفيديوهات ما تهمناش لأنها صور وفيديوهات شخصية وعائلية
.
كان بوسع نفطنا الدافق بالصحاري
أن يستحيلَ خِنجراً..
من لهبٍ ونار..
لكنه..
وا خجلة الأشراف من قريشٍ
وخجلة الأحرار من عبسٍ ومن نَزارِ
يُراق تحت أرجل الجواري
.
---------------------------
copied: Mahmoud Allam
هو ازاى بليغ حمدي قدر يعمل لحن " ألف ليلة وليلة"؟
شرح و تحليل مقدمة أغنية( ألف ليلة وليلة )
لحن إعجازى بمعنى الكلمة
لحن عبقري بكل معاني الكلام
للبليغ : بليغ حمدي
و غناء الست : أم كلثوم
وكلمات الاستاذ: مرسي جميل عزيز
توقفت مشدوها أمام عظمة هذا اللحن الخالد
و مشدوها لا تعنى فقط الانبهار
و لكنها تعنى التساؤلات المفرطة حول كيفية الوصول إلى هذا الحيز من القدرة على صناعة لحن سيغير معالم الموسيقي إلى الأبد
و سيضيف رصيد جديد لبليغ في مسيرته القادمة
اللحن عظيم حتى أنه قادر على اختطاف روحك و أرواح آخرين يشاركونك الاستماع
هناك سحر يلقيه بليغ حمدي مثل الدجالين و العرافين إلى ألحانه فيدمنه من يستمع إليه و يصير أسيرا غير محرر إلى الأبد من الذات البليغية القادرة على ابقاءك تحت سيطرتها المستدامة
و لن تلجأ للشرطة كى تبلغها عن وجود دجال يدعى بليغ حمدي.. لأن الشرطة نفسها تؤمن بأن دجله لا يضر السامعين في شيء..
استمتعوا بهذا الجمال الفريد و العظيم الذى قدمه بليغ حمدي ليتحول فيما بعد إلى أعظم ما قدمه مع العظيمة أم كلثوم
هطلب منكم طلب 🙏
مممكن اللي يشوف التويتة دي يعمل ريتويت كتير🙏 عشان حسابي حرفيا عليه بلاغات بالهبل وتقيل عشان موقفي من بعض الصهاينة👌
معنديش مشكلة يقفل بس مش بسبب الانجاس دول 👌
شكرا مقدما
أغلى الكافيهات بتصنع حلوياتها ومخبوزاتها من دقيق أبيض ومارجرين و جيلاتين وصوصات سكرها مرتفع جدا وكريمة نباتية مليانة زيوت مهدرجة غير إن كل أنواع القهوة المنكهة والهوت شوكليت مليانة مبيضات مليانين زيوت مهدرجة متحولة وكل ده بيدمن وضرره ضخم على الوزن والقلب والمخ والمجهود