Raj

साझ हुन्छ, बिहान हुन्छ, यसरी नै जीवन चिहान हुन्छ ।

[विस्मय ! @vissmaya_poetry]

त्यो मनको नि गल्ती होला
यो मन पनि चुकेको छ।
देखाउँ भने सकिँदैन
भित्रभित्रै लुकेको छ।।

[विस्मय ! @vissmaya_poetry]

म हुनेछु-
तिम्रा हरेक पाइलाहरुमा
सम्हालेर टेक्नु।
म हुनेछु-
तिम्रा हरेक खोजहरुमा
पछाडी फर्किनु
र हेर्नु।

म हुनेछु-
म नभएको बेला पनि
स्मृतिमा;
सम्झिनु

अँध्यारोमा पनि म त्यहीँ हुनेछु
प्रतिक्षामा उभिएको
महसुस गर्नु,
अन्धकारमा पनि मेरो उपस्थिति

नदेखिनु- नहुनु हैन
म हुनेछु..

😊

[Shilapatra @Shilapatra]

खाडीको बालुवाखानी || Kumar Nagarkoti || Poem ||
Full Video
Subscribe:
https://t.co/bz30aGpxbB

[विस्मय ! @vissmaya_poetry]

हिँड्नैपर्छ
बाटो काट्न,समय काट्न
र जिन्दगी कटाउन-
हिँड्नैपर्छ।

हिँडेरै पुगिन्छ
फूलको बगैँचा
र टिपिन्छ फूल।
हिँडेरै भेटिन्छ
मायालुको साथ
र फुट्छ प्रेमको मूल।

हिँडेरै चढिन्छ पहाड
र टेकिन्छ चुलीमा।
हिँडेरै तरिन्छ खोला
र पुगिन्छ अर्को किनारा।

जीवन त फगत यात्रा हो-
हिँड्नैपर्छ।

☺️

[CAN @CricketNep]

Airee’s in the race. 🏃‍♂️ | 🗳️ Vote DS Airee for ICC Player of the Month. 🇳🇵

Link: https://t.co/PGDKy6FROB

#NepalCricket

[सिर्जु शाह......✍️ @srijushah]

सबैलाई सादर निमन्त्रणा गर्दछु ।🙏

[Raj @Rajtirtha]

@srijushah बधाई तथा शुभकामना 🙏

[विस्मय ! @vissmaya_poetry]

मेरो टोलमा
छिमेकीलाई थाहा छैन
छिमेकीको नाम।
मेरो टोलमा
चिन्दैन ओल्लो कोठाले
पल्लो कोठाको अनुहार।

घरैघरले भरिएको
मेरो एउटा टोल छ

जहाँ
कुकुर डोहोर्‍याउँदै मान्छे हिँड्छ
कुकुरले हेर्छ- मान्छे फर्किँदैन।

मेरो टोलमा
मान्छे त छन्
तर मौन छन्
बरु छन् केही कुकुरहरु
जो बोल्न सक्छन्।

😊

[सिर्जु शाह......✍️ @srijushah]

यदि कर्णालीलाई भित्रैदेखि महसुस गर्न चाहनुहुन्छ भने एकपटक ‘बैकिनी’ अवश्य पढ्नुहोला । पीडा, संघर्ष, प्रेम र मौन विद्रोहको कथा बोकेको यो उपन्यास असारको पहिलो हप्तादेखि बजारमा उपलब्ध हुनेछ । 🙏

[विस्मय ! @vissmaya_poetry]

सुन्दर लागेर
उक्लिएथ्यौ हिमालको भिरालो।
ठिहिर्याएन?
सुन्दर लागेर
उत्रिएथ्यौ खोलाको बहावमा।
डुबाएन?

सुन्दर त आगो पनि छ।
घाम छ-तारा छ..
प्राप्तिको चाहना
कति निर्मम छ है!

सुन्दर लागेर चुँडेथ्यौ
फक्रिएको फूल।
हातमा पर्नासाथ ओइलायो
मुर्झायो।

फूल हो-फक्रिँदैछ
बोटमै सुन्दर छैन र?

☺️

[विस्मय ! @vissmaya_poetry]

कति खतरनाक हुन्छ
एउटा बोली
जाऊ..
फगत एउटा शब्द न थियो
कोही हराइदियो- नभेटिने गरी।

कति कोमल हुन्छ
एउटा स्पर्श
छुनु..
फगत एक छुवाई न हो
तर बिझाउँछ- समय असमय

हुन त घाम उही न हो!
तर फरक पर्छ
बिहानको कलिलो किरण
र रापिलो मध्यान्हमै।
जसरी
प्रेमको पनि त मौसम हुन्छ!
हुन्न र?

☺️

[विस्मय ! @vissmaya_poetry]

अलिकति सपना थियो
बेचेँ
र एउटा साल कटाएँ।
अलिकति जिजीविषा थियो जीवनको
बेचेँ
र अर्को साल कटाएँ।

अलिकति उद्वेलन थियो- मनको
मिल्काइदिएँ
कसैको सम्झनामा।
र बेचिदिएँ
एक थोपो आँशु।

बेच्न बाँकी
केही शब्द छुटेथे
असरल्ल, मगजभरी-
कसले पो किन्थ्यो र!

अक्षर-अक्षर समेटेर
प्राण भरिरहेँछु।

☺️

[सिर्जु शाह......✍️ @srijushah]

थाहा छैन, एउटा कृति जन्माउन कति कृतिहरू पढ्नुपर्छ। तर मैले “बैकिनी” कर्णाली लाई देखेर, भोगेर, छोएर र गहिरोसँग महसुस गरेर लेखेको छु ।
अब यहि जेठ दोस्रो हप्तामा बजारमा आउँदैछ ।
#बैकिनी

[विस्मय ! @vissmaya_poetry]

सम्भव भएसम्म
हेरिदिनु नजर झुकाएर।
सम्भव भएसम्म
मुस्कुराउनु दोबाटोमा भेट हुँदा।

सम्भव भएसम्म
सम्झिदिनु अतितका दिनहरु।
सम्भव भएसम्म
मनमा राख्नु
यो मनभित्रको मनलाई पनि।

था'छ- धेरै कुरा सम्भव छैन
तर खोजिहेर्नु
आफूभित्रको आफूलाई।

सम्भव भएसम्म
म पनि खोजिरहेँछु
केही सम्भावनाहरु..

☺️

[विस्मय ! @vissmaya_poetry]

उसले राम जप्न सिकायो
तर फरक थियो
राम जप्नु र राम हुनुमा।

उसले बनायो
एउटा हनुमानको समूह।
तर कसले बुझ्यो र!
हनुमत् भाव थियो- वृत्ति थिएन..

रावण थियो, लङ्का थियो
हरिएकै थिइन् सीता पनि
सत्य हो,
युद्ध जरुरी थियो।

तर,
जो जो लडे रामराज्यको सपना लिएर
घरबास जलाएर
फेरि जङ्गल फर्किए।

😊

[विस्मय ! @vissmaya_poetry]

केही नाता तोडिए
केही याद छोडिए।
केही यात्री जोडिए त
केही बाटो मोडिए।

केही काम पुरा भए
केही आधा-अधुरा।
केही धेरै पर पुगे
केही थाती-अपुरा।

हरेक दिन उस्तै रह्यो
अस्तायो र उदायो।
हरेक दिन जिन्दगीको
एउटा थोपो बिलायो।

जे भयो जस्तो भयो
यो साल पनि उस्तै गयो...

😊

[सिर्जु शाह......✍️ @srijushah]

दुःखले मन थिच्दा
र खुसीले छाती भरिदिँदा,
साँससँगै सम्झिने
एउटै अनुहार तिमी,

राती निद्रा हराउँदा
र बिहान घामसँगै मुस्कान
फर्काउँदा,
मनको कुनामा बोलाउने
एउटै नाम तिमी,

मौसम झैँ बदलिने दुनियाँमा
स्थिर भएर मभित्र बाँच्ने
एउटै मान्छे तिमी .........♥

#आमा

[सिर्जु शाह......✍️ @srijushah]

झरी र उनको याद
दुवै एकै साथ झर्छन्
बाहिर पानी,
भित्र स्मृतिको नमी।

बूँद–बूँद वर्षामा
उनको आवाज गुञ्जिन्छ,
र मन
अदृश्य भीजाइमा हराउँछ। 🌧️✨

[सिर्जु शाह......✍️ @srijushah]

केही मानिसहरू होली जस्तै हुन्छन्
उनीहरू अबीर लगाउँदैनन्,
तर जीवन नै रंगीन बनाइदिन्छन्।♥
#Tt

[सिर्जु शाह......✍️ @srijushah]

अरु सँग हाँसेको भन्दा,
तिमी सँग
रोएको आनन्द कति धेरै ।♥