❣️الـــفـــاتـــــنـــــه❣️🇸🇦

#المساء_هو_الحزن الله خلق لون المساءفي عيونك،يعني متى ماجيت يبدأمسائي،لست شاعره بل متذوقه وهاويه وكاتبه للبعض لاأحلل ان تنسب كلماتي لغيري #الـــفـــاتــــنــــه

[❣️الـــفـــاتـــــنـــــه❣️🇸🇦 @SH62018]

عشت تحت ظل أبوي بلا خوف
وكنت اشوف دنياي بعيونه

ولافكرت بيوم يجيني ولا اشوف
ذيك الملامح وهي بالرمل مدفونه

والله ان حياتي بعد فرقاه كسوف
وبداخلي حزن وشيء ماتشوفونه

#فقد_الاب
#ليت_الاباء

[ibrahim @ebrahem323]

غاية اللي خمته بعض الطواري
مروح العصر عن فية مقيله

العصير يدوج في رمث الخباري
عند وضح شوفها يبرد غليله🌷

[نـوير @305ise]

أنت ياللي كل ما هزّ المحاني طيفه
جرّني طاريك من ربعي ومن جلاسي

كانك اللي فالمحبه موجسٍ له خيفه
والله إنّي بين لوعة خاطري وعماسي

كل حبٍ غير حبك ينك��ف لي زيفه
وكل طيفٍ غير طيفك مايهزّ إحساسي

وكل وجهٍ غير وجهك فالوجيه اعيفه
وكل صوتٍ غير صوتك ما يقنّد راسي

[ibrahim @ebrahem323]

ماعادبه حبٍ ولاعادبه شوق
ماباقي الاذكرياتن قديمه

برفوق ياللي تشلع الصوت برقوق
هب الهوى والليل يجرح نسيمه

يحن قلبي للمحبين وايتوق
اواه ياذكرى الجروح المقيمه

ماكل مطرود ٍمع الوقت ملحوق
سراب ماتلحق وراه الغنيمه

قلت اتصدديمكن الخاطريروق
وازريت اقاوم والهزي��ه هزيمه🌷

[سِيـن @lsriill]

- - شرهه مليئه بالاحباط -

زي شرهه أبو نوره يوم قال
(( تنشد عن الحال حالي كي�� ماشفته ))

وختمها بنبرة يأس
(( وأنا أحسب أنك قبل الوقت تدري به ))

[سِيـن @lsriill]

- " اللي ودّه الكون مايرده "

وهذا مثل كفيل بإغلاق أبواب الأعذار والمشاريه واللوم

وقيل ايضاً /
"اللي يبيك يجيك لو دونك قيود
يكسر على شانك خشوم الصعايب "

[لَ @l_z67]

مساء الخير اما بعد/

" على كثر ماكانت ليال الوصال قصار
على كثر ماكانت طويلة بذاكرتي".

- عبدالله السراهيد.

[َ @UsernameHaa]

من كثر منتي سليطه يـ الغزال اللعوب
مايقدر يحارب عيونك " حريب الردا "

[August @1uuyl]

كيف أتوب مِن الهوى وأدلّه وأقفي
وأنت طيفك كل ما سجّيت جاني ! .

[راشـد @_RH66_]

هذا أخر لقاء ، واول محطات الاستنزاف
مكانٍ كراسيّه .. تسولف عن اشواقي

عطيته سنين وقلب وابيات ما تنعاف
ورجّع لي ابياتي . . ولا رجّع الباقي

انا بآخر ايامه سمعت الكلام الجاف
وكذبت سمعي لو تشهد له احداقي

وبعد ما نطق في تالي الليلة اسمي .. حاف
عرفت انه العربون في ليلة فراقي

-

[راشـد @_RH66_]

علقتني فيك . .. رغبة نفسي الأماره
ولا أنا ماني بصوبك وانت ما انت بصوبي

قد سمحت من الزمان و مجريات اقداره
لين مالله عاضني عن شفي ومطلوبي

يفرض الواقع علينا الحب ، مانختاره
وأنا ما أكذب عليك إني معك يادوبي

اخذني تفدا خطاك ، الخطوه المحتاره
معك يا ماعذب مشاويري وحلو دروبي

فإن تقاسمنا الغلا عشنا على تذكاره
وإن تبدّل ثوبك .. الله لا يبدل ثوبي

حاسب حساب الجفا منافعه .. وأضراره
وأدري إن ماهوب يسوى توبتي بذنوبي

لاتصدق بي كلام مدروين الشاره
وأنت ماحبيت فيني شي كثر عيوبي

السهر يفقد بريقه .. لا فقد سمّاره
والليال تغيّر المحبوب يا محبوبي

لو تعرف القلب وش يحملك من اسراره
كان ياللي جيتيني تختال ، جيت تحوبي

-

[راشـد @_RH66_]

اللقاء فرصه وانا قبل اللقاء وازعاجه
اغتنمت الفرصه اللي ليتها فاتتني

لو تعرفين الشعور اللي ركبت امواجه
بين من يصدق معاي وبين من يبهتني

ماتركتيني رهين الدمعه اللعاجه
كل ماحاولت احرر قيدها ردتني

الغلا لا زاد عن حده ، يقل انتاجه
أنشدوني وأنشدو حملٍ يشيله متني

كنت اشوفك كل حاجه لين صرتي حاجه
ماني بشفقٍ عليها .. كانها ما جتني

-

[راشـد @_RH66_]

خل ابو نوره يغني لو يزيد احزاني
البشر ما عاد تفهمني وانا مافهمها

خلني في هالمكان وعود وتلقاني
اتحرى جية اللي جعلني ماعدمها

في ذهابي دايم اختار الخيار الثاني
الخيار الثاني اشواها ماهوب اسلمها

مذهبات الرو�� شوق ، وحنجرة جيزاني
ومذهبات العقل خمر ، وحبةٍ من فمها

-

[راشـد @_RH66_]

ما يحتاج يا عازف ��غني وتعزف ناي
على شان تربطني مع جروح ماضيي

صرفت النظر عن كل حاجه تجيب اقصاي
ابي راحتي حتى لو اخسر امانيي

تجاوزت تأثير اصدقائي وقول اعداي
ودقيت مسمار النعش في هقاويي

يا من ترسم البسمه على طلة محياي
انا من فقدتك .. فاقدتني لياليي

تضيع المحبه بين قربك وبين رضاي
مثل ما تضيع علومك ان م�� طاريي

لا طاحت نفوسٍ تحتري بايع وشراي
تزم النفوس اللي عن الطيحه تعيي

انا حالف اني معك ما اخذ ولا اعطي راي
لو امشي ووجهي عكس وجهة خطاويي

لا جات السعه يا كثرهم مثلي وشرواي
ولا جا الضيق والله ما تعيّن احد زيي

لا عيّنت احد يغليك مثلي فـ عود جاي
واخذ كل شي تعيّنه في مخابـيي

لو اقدر اكون انسان ثاني مانيب اياي
من سنين يمديني وصلت لـ مشاهيي

مع ان المبادي مالها شي في مخباي
انا كل يوم .. ادفع ضريبة مباديي

-

[راشـد @_RH66_]

نديمة دروبي .. ما بقى في رحابك في
خذتك الظروف ولا اختفيتي ، ولا بنتي

أسوق الرجا في قولة الحي يلقى الحي
وأنا داري إنّك بعد قسوتك . . ما لنتي

لو إن الزمن .. قادر يرجّعك ، بين يد��
من يرجّعك في نظرتي .. مثل ما كنتي

مع إنك تركتي عاشقك في دروب الغي
وفي عينه الايام . . شانت ولا شنتي

محبتْك حتى في غيابك .. مثل ما هي
لا هانت . . لياليك القديمة ، ولا هنتي

من المستحيل يحول عن ذكرياتك شي
لو يحول من دون اللقاء حاجز إسمنتي

يروحون .. كل الناس مني شوي شوي
ولا فيه أحد يبقى على البال .. غير أنتي

[راشـد @_RH66_]

دوّامة الليل يقتلها بياض الصباح
مثل مايقتل جبينك وارفات النكد

عوضني الله بوجهك عن وجيه الملاح
ولا عاد يملى عيوني في وجودك أحد

ياريحة الورد مدري يالنبيذ المباح
ياغاية الحلم من بعد العنا والجهد

وصلك ملاذ الطموح المنتهي بالنجاح
وبعدك محازن عيون ودمعتين وسهد

-

[راشـد @_RH66_]

لي شهور من ليلة افراقك وانا منحاس
عليك الله اكبر لادريتي ولا شفتي

من الضيق اسامر ليلي ان جاني الهوجاس
ولابيت قلته يوم قفيتي ورحتي

محبتك صارت مثل حبرً على قرطاس
وكل العوامل ما اثرت يومك اثرتي

ياحبً هزمك الوقت لكن قوي الباس
مايقدر يهزمه مخلوق غيرك ، الا انتي

يالبيه ياذيك القوايم وذاك الراس
مااضنك بشر لكن لباك وش كنتي

امانه معك لايدخلك شك ولاياس
حبيبك مافكر في فراقك لافكرتي

ولكن صدري ناشته ضربتين الفاس
حسيبك يوم انك ما اتصلتي ولاارسلتي

ترا كل من حب ادميً يجي حساس
وانا شفت منك الهجر فوق انك قصرتي

وانا ياحبيبي غير ماني شبيه الناس
فمان الكريم ويحفظك وين ماصرتي

-

[راشـد @_RH66_]

مريت اماكنا القديمه من سنين
توحش بقايا الذكريات بـ طرفها

رغم الوداع المر والواقع الشين
وذنوبي اللي كل ليل .. اقترفها

ودي اشوف شلون ضحكتك هالحين
تغيّرت ولا . . مثل ماعرفه��

-

[راشـد @_RH66_]

انا الوحيد اللي عشقتك بالانصاف
مريت في حبك .. جميع المراحل

' في علم الن��س يقولون :

ستقابل في حياتك شخصًا واحدًا سيُحبك
كما تحبك أمك

[راشـد @_RH66_]

الشعور الليلة أكبر من مدى إستعيابي
معتقل في ظِل سقفه و أربعة جدرانه

كل ما فيني من التقصير غير ثيابي
يشتكي لي من كثر خوفه و قل آمانه

البعيد اللي لا زلت أعده من أقرابي
فاقده فقد الضمير الحي لإطمئنانه

جرحك الأخير ينعم في كنف ترحابي
ماتقول إلا آخر العنقود بين أخوانه

-

[راشـد @_RH66_]

بشروك بما تحبين يا الحب الوحيد
انتي اللي عن جميع البنات.. مغايره

قفلي باب السوالف بقفلٍ من حديد
وقولي احبك وحطي عليها دايره

وانزلي من حبل الافكار في حبل الوريد
واسبحي فـ عروقي اللي دماها فايره

طيّشيني فيك لين اتريّح واستهيد
لي سنه مغير ارد الهموم الغايره

ورافقيني موقفي صعب واحلامي بعيد
جعلني ما احلم بحاجات ماهي صايره

ينجرح قلبي ليا شفت تلويحات الايد
كل ما تبحر سفينة وتقلع طايره

-