‏Saad Al-WATBAN

ماورا صدري سِوى نجد العذيّه .

[‏Saad Al-WATBAN @S__l7n]

ان بقي هذا الحساب بعد وفاتي
اذكروني بدعوه قد اكون في امسّ
الحاجة اليها واللهم ارحمني حياً وميتاً

[‏Saad Al-WATBAN @S__l7n]

عشت ياللي أسمك من أسمي وكونك مثل كوني
عد كل رماش عين وضحك ناب ونبض خافق

منظرك ع السرير المستوي خذ من عيوني
دمعة ماهيب لادمعة كذوب ولا منافق

خدروك من الوجع لكن نسو ما خدروني
ليتهم يدرون وش فرق المريض من المرافق

مثل ماعودتني للكايدات أرخي متوني
هاك عافيتي وجب مواجعك وأنا موافق

[‏Saad Al-WATBAN @S__l7n]

أحاول الإتزان بين شخصية التسكُع مع المحبوب تحت مطر لندن والعشاء بمطعم كلاسيك بالقُرب من برج إيڤل وحضور حفلة موسيقية في ألمانيا ومؤتمر في جنيف وركوب القارب في ڤينيسيا..وبين شخصية مطارد الشاردات و ذب خشوم طويق وشبة الضو على عودان سمر عقب الفجر و ريح المهيلة و شاهي و قمرا.

[‏Saad Al-WATBAN @S__l7n]

اللي ياخذون ولا يعطون ضنكم انهم اوادم ؟؟

[‏Saad Al-WATBAN @S__l7n]

من اربعينك ودي اشوف ( وحده )
ماني بـ لاقي مثل شكلك و هيئتك

صورت لك تسعة وثلاثين ( ورده )
باقي على التسعه و ثلاثين صورتك.

[‏Saad Al-WATBAN @S__l7n]

" احتاج لمفردات لم تستهلك لأصفك "

[‏Saad Al-WATBAN @S__l7n]

اصد عن غلطتك و اقول خيره
ماتشرب ( الزله ) بقلبي و تاكل

عندك مشاكل في حياتك كثيره
ماودي ازيد المشاكل ( مشاكل )

[‏Saad Al-WATBAN @S__l7n]

اذا واساك شخص في فترة غضبه منك او عتبه عليك فلا عاد تفرط فيه ابداً تراه نادرررر.

[‏Saad Al-WATBAN @S__l7n]

العذر يا شام منّك تأخرنا عَليك
القرار المنتهي كان ختمه فالرياض.

[‏Saad Al-WATBAN @S__l7n]

" حنّا اتفقنا ..ولكن فرقنا واضح
انته مترّف وانا ضاريٍ على الشطّه "

[‏Saad Al-WATBAN @S__l7n]

البداوة مع الثقافة
الكرم مع عذوبة اللسان
الرزانة مع خفة الدم
الجمال مع التواضع
" ثنائيات باذخة الجمال "

[‏Saad Al-WATBAN @S__l7n]

مخلوق صبح العيد للحنيّة.

[‏Saad Al-WATBAN @S__l7n]

كان كل اللي فعلته من أجلك مايفيد
" ولا انا لـ الله وإنا إليه راجعون "
- بن جدلان الله يرحمه

[‏Saad Al-WATBAN @S__l7n]

لا باس . . . مهوب كل الليالي سمحة محيّا

[‏Saad Al-WATBAN @S__l7n]

يقول الإمام علي بن ابي طالب:
( العافية إذا دامت جُهلتْ وإذا فُقدت عُرِفتْ )

و قيل ( العافية لو تنشرى وش ثمنها )

فاللهم إنّا نسألك العفو والعافية والمعافاة الدائمة يارب العالمين.

[‏Saad Al-WATBAN @S__l7n]

يامن بذكره تزول همومي وضيقي
ياللي لك الحمد ولك الفضل والمنّه

ياكافل الرزق ياللي منك توفيقي
ياعالم اللي عبادك مادروا عنه

اسألك لا جيت صوبك ناشفٍ ريقي
تغفر خطاياي وتدخلني الجنه .

[‏Saad Al-WATBAN @S__l7n]

تعبت اطيع الليل و انا ولد ناس

[‏Saad Al-WATBAN @S__l7n]

يامثير المشاعر كف عنا خطاك
لا تزود عذابي وانت مالك لزوم

لا تزود عذابي زود الله عناك
خل قلبي يسج وخل عيني تنوم

الهوى اللي تقوله خربوه سنناك
البنات المهبل والعيال الرخوم .

[‏Saad Al-WATBAN @S__l7n]

" طال السهر والهجر بانت مواريه
والوصل لو نستلحقه فات أوانه

عليك ياللي دونك العمر ما أبيه
لو إنّ هيله صافقٍ زعفرانه "

[‏Saad Al-WATBAN @S__l7n]

من يوم ماغبت وانا حالتي حاله
وان سولفوا بالمحبه ودي اغامر
ㅤㅤ
من غاب غاليه كنه عايش لحاله
لو ان ربعه تجيه و مجلسه عامر

[‏Saad Al-WATBAN @S__l7n]

صباح الخير … أما بعد

من حسّ له في خطّر العالم قبول
يختار بسمتها على تقبيلها