ديوان السعودي

منصة تُعنى بالشعر السعودي الفصيح والنبطي،
نوثّق إرث الشعراء وننشر أجمل القصائد والكلمات الخالدة.

[ديوان السعودي @SaudiDiwan]

طالب العليا لو تضيق به .. كل الدروب
كن في صدره عن الياس عودٍ ينهره

مرّت الريح العتيّة علي نسمة هبوب
لا تثّن الغصن معها، تثنّ بختره

اصرفي نظرات الإشفاق يالريم اللعُوب
أنا ما ينظر لي .. إلّا بعين المفخره

عويد النجود / @owaid_123

[ديوان السعودي @SaudiDiwan]

ما اخطاك ماصابـك ولـو كـان رامـيك
واللي يصيـبك لـو تتقـيت مـا اخـطاك

سـهم ٍ مجنّـب لـو تخـفّيت يـاتـيك
وسـهم ٍ مـصـوّب لـو تبيّـنت مـاجـاك

بركات الشريف

[ديوان السعودي @SaudiDiwan]

في حال ما سمعت ما يكفيك من الجزالة وصمخ المعاني والعذوبة
اسمع وش يقول عبدالله ال لزيوح

الطيب مجده سنين وفرصته ساعة
لا عرّضت للسنافي قال يمديني

@87_a_

[ديوان السعودي @SaudiDiwan]

يحق لي فيها يزيد افتخاري
كل السعودية كذا أمن وإيمان

الأوّله لا جاء للأمجاد طاري
وأكبر دليل اللي تشوفونه الآن

#اجيالنا_في_امان
@SHoNgxBoNgYT

[ديوان السعودي @SaudiDiwan]

مابين هرجة سفيه وبين نظرة فطين
تلقى كلام الحقيقه واختصار الكلام

ماتشره الطيبين الا على الطيبين
ولا ضعاف الروابع ماعليهم ملام.

[سلطان بن بتلاء @sbinbtlaa]

سيد الشرق الاوسط مرجح الميزان
فيه عز البلاد ونصرة المله

مااعظم من اتفاق ٍ جا على برهان
ولااقدس من المعاهد عند بيت الله

كل ماعقدوها ضد ابو سلمان
قال : انا اللي يعقد الحبل ويحله

#اتفاقيه_مكه_للدفاع_المشترك

[ديوان السعودي @SaudiDiwan]

مد انظرك وانشد هل العرف والبخص
وتدري ان ابو سلمان ماحد ٍ بحوله

حنا سمعنا دولة ٍ تشفع لشخص
ومحمد اول شخص يشفع لدوله

#اتفاقيه_مكة_للدفاع_المشترك

[ناصر الحمادين @nalhmadeen]

سلمان ومحمد وخلفه شعبه
السيف سيفي والحزام حزامي
..
لاحتكت وصكت وصارت صعبه
والوضع حامي يا الرصاص الحامي
..
فـ أطهر ثرى قدام باب الكعبه
موحدين العالم الاسلامي

[ديوان السعودي @SaudiDiwan]

ليا منّه تنهّض زلزل الغبرا تحت رجليه
يا مكبر هيبته والأرض تستسلم تحت طوعه

سعوديٍّ ملا الكرسي صحيح ومنصبه ماليه
ليا زمجر وطالع بالسباع تخر مفجوعه 🇸🇦

[ديوان السعودي @SaudiDiwan]

استاذن العصر وانقادت خيوط الظلام
والليل تو ما استوى بشته على منكبه

الليل ستر الفضاء والطيب ستر النظام
والصمت ستر الشعور الا على المنتبه

الناس تطربهم القمرا وصوت الحمام
وانا الوحيد اللي الثنتين ماتطربه"

لشاعرها سلطان بن عباس
@su_abbas

[ديوان السعودي @SaudiDiwan]

المقبله لو هي بعد عشرة سنين
اقرب من اللي فايته قبل ساعه

لشاعرها راكان النعيم
@_rakan_2017

[ديوان السعودي @SaudiDiwan]

يالآدمي .. مـازلت تجـحـد وتكـذب
يالآدمي .. حـتى مـع الله تـمـاديت

إذا بغـيـت الـحـاجـه تـقـول : يـارب
وإذا حصلت لك حاجتك قلت سويت

الشاعر ياسر التويجري @yasseraltwaijri

[ديوان السعودي @SaudiDiwan]

يالله وانا عبدك وابن عبدك وجيتك مستجير
صبري صبر من يخفي جروحه ويجحد وجعته

وعزمي مثل عزم الكسير اللي يعنّز له كسير
يحسّ بـ احساسه و بـ آلامه و يضلَع ضلعته

يالله لا تجعلني مهاجر من هجير الى هجير
عبدك و غفرانك و مرضاتك هيّ أكبر طمعته

علي الدعية @alialdeaya

[ديوان السعودي @SaudiDiwan]

@REDHAHLES مرفوض ياللى بعت غيره عشانه
أزريت عن رد الجزا أو تهاونت

مابي لك أكثر سد باب الميانه
بانت مع الوقت الخفايا وبينت

مادام مالى وسط قلبك مكانه
أنا بعد مثلك عن الحب هونت

[ديوان السعودي @SaudiDiwan]

طاحت بقاعة بير يوسف لي احلام
مامروا تجار العزيز اخذوها

رضا حليس @REDHAHLES

صاب العمى عينٍ ترقب لها اعوام
هاتوا قميص احلامنا وانقذوها

مقرن الحويمضي @megreen99

[ديوان السعودي @SaudiDiwan]

يا مرضي ( أهواء البشر ) وأنت زعلان
توهمهم إنّك "مختلف" وأنت غادي
'
صدّقني حتى المختلف بعض الاحيان
لا حاول إنّه يختلف صار .. ( عادي )

عبدالله السراهيد @Alsraheed

[فهد قطنان @Fahad_Qatnan]

الناس قامت تضرب الزين بالشين
وطريقهم عيّا يناسب طريقي

مدري وش الموضوع لكّني الحين
الظاهر الشخص الوحيد الحقيقي

[‏᷂عسر٨٨ @Qhta10ni]

وصف الجهام اللي خلاف المغاتير
مثل الجبال اليا نزل دونها لغيم

[ديوان السعودي @SaudiDiwan]

انا خريج التجارب وتلميذ السنين
والله ما عَينتها باردة ومزينّة
ْ
يـ الله ارزقني بـ توبة وصُحبة صالحين
واكفني شَر المنافق وكمٍ عَينّة
ْ
أنا أذل من الصداقة وذلي ما يبين
جعلني مَـ أجبر على ذلةٍ متبينّة
ْ
سلطان بن عباس @su_abbas

[ديوان السعودي @SaudiDiwan]

ليست القصيدة كلماتٍ تُقال،
بل تاريخٌ يُروى، وذكرى تُحفظ، وأثرٌ لا يزول