ّ

أهدي حيارى الدرب وأحتار ويني..

[ّ @sii_9i]

إستعذت من الدروب اللي نهايتها حسافة
قبل ترميني ملذات الزمن في جوف غبة

[ّ @sii_9i]

يارب خارجني ليا خاطري طاب
وأطفت رياح اليأس هقوة سراجي

واهدني الراحة لو بجوف سرداب
وأمطر علي برحمتك في عجاجي

وافتح ليا ضاقت مغاليق الأبواب
يارب والدنيا لا تعقد حجاجي

[ّ @sii_9i]

يا إلهي يا معين اللي على حدّ إنتظار
وتعرف اللي بالقلوب وبالبقاع المظلمه

لا عتَم ليله ينادي كَن بالصوت إنكسار
تسمعه يا رب دايم لا دعى بالتمْتمه

كل ما عاثت حياته ، قال: للَّه القرار
اللي عنده كل مفاتيح الأمور المحكمه

[ّ @sii_9i]

أتحاشى ذكرياتك بالتناسي والنزوح
وأتوارى عن حقيقة قيّدت لي معصمي

مشكلة عقلي نبيه ومشكلة قلبي سروح
وبين هذا وبين ذاك أتوه وأجن وأعتمي

[ّ @sii_9i]

العمر محدود والحال لا يمكن يدوم
لو يدوم الحال ما شفت فالدنيا يتيم

نفسك اولابك عن الناس لو ودك تلوم
فالطريق المنعوج والطريق المستقيم

عيش فالدنيا كـ أن العمر ما غير يوم
وحاول بنفسك لنفسك ، تخليها نديم

واجه ظروف الزمن ، بالكفاح وبالعزوم
خلك صامد لو انك من الداخل هشيم

[ّ @sii_9i]

و أنا عبدك اللي يحتويه الرجا و الخوف
يقصِّر و يستغفر إليا شاف تقصيره

تحت كف غيثك مارتجي للبشر معروف
لو تنوشه صدوف الزمان و مقاديره

[ّ @sii_9i]

بين صدفة جابها العمر ووداعٍ بـ اختياري
ما عرف قلبي يطيع الواقع أو يرضي ضميره

كنت اظن إنّ مرّت الأيام بيجف أنتظاري
ماهقيت إن الامل يستمطر اليا جفّ بيره

[A @_2ilie]

أؤمن برب العيون الناعسات الوساع
وسلهامها ياخذ العشاق ل ابعد مدا

سهوم نظرتك مايقدم عليها شجاع
حتى لو انه من اللي ينطحون العدا

لعيونك معرض عمري لدرب الضياع
واللي بقى منه واللي راح جعله فدا

احنك من الوداع و من جروح الوداع
مثل ما احن الرفيق الطيب من الردا .

[ّ @sii_9i]

و لا زال الأمل موجود و الدنيا مدار أفلاك
هذا نجمٍ تسرّحه النجوم وذاك تضوّي به

[ّ @sii_9i]

ملاذي من مقادير الحياة وداري وملجاي
أمامك يُكشف ستاري واقول لدمعتي هلّي

على بابك وقفت ادعيك طالبتك تجيب دْعاي
إليك المشتكى ياربّ في ترحالي وحلّي

اعرفك فاتحٍ بيبان عفوك ما تردّ الجاي
وجيتك راجيه عفوك، اذا ما جيت لك من لي؟

[ّ @sii_9i]

جعل شمس الحظ لها مع الشروق إشراق
تنفض غبار الأمنيات، و تنوّر عتمة أحلامي .

[ّ @sii_9i]

عينك اللي تسرق من القلب درّه
إسرقت قلبي وأنا قلبي حلالي

ما حسبت أبفقده بالعمر مرّه
صار قلبي ماهو بصدري.. قبالي !

[ّ @sii_9i]

عسى كل طموحٍ سكنّي يصبح له وجود
وعسى دربي دوم مزروع بخطوة قوية

[ّ @sii_9i]

أستميل لعزلتي وأبعد ولا عندي سبايب
غير حبي للهدوء اللي عن اللجة مبدّا

[ّ @sii_9i]

"يشق الصبر صفحات الخطايا والعيون تشوف
تجاهلت الخطا عنوه .. مادام إن العمر فاني"

[العنود الواصليه @anoudfaraj]

حتى لو غيابي بلا داعي ظروف
لاعاد تذكر شي ، مافيه داعي

خفت افقدّك وانا ماحب اشعر بخوف
و ابحرت و رياحك تعاكس شراعي

من البداية كانت ايامك ضيوف
وكان الغلط في كل شي اندفاعي

[ّ @sii_9i]

أعوذ بك ربي من الخوف ومن الوسواس
ومن حاجةٍ مالي بها قوة ولا حيله

فيك الرجى ماخاب يارب الفلق والناس
ومنك الأمل ما مات لا لحظه ولا ليله

أنت اليقين اللي قطع حبل الجزع واليأس
وأنت الأمان اللي بخوفي دايم .. أشكي له

[ّ @sii_9i]

ولا أساوم على حسن الخلق والذوق والتهذيب
ولو تجمح بي أفكاري بغير الخير ما أسرجهّا

عسى نفسي إذا لاقت من الدنيا كثير الريب
ما توقن غير بالمعروف والإحسان يوهجها .

[ّ @sii_9i]

"ياربّ قبل أجاذب لحوني على سلك الحرير
لا شانت الأخلاق ثبتني على الخلق الحسن"

[ّ @sii_9i]

"عليه قلبي بين الأضلاع متلول
دايم وهو للبال قبلة مصلي "

- عبدالله بن عون

[ّ @sii_9i]

يستهتر بالأوجاع حد التشافي
ويتعبه جو الترف حد الإرهاق