صـواب

[فهد المبخوت @iu_gj1]

داهم الليل النهار و خمخمه بـ بردونه
وشمت لا اسولف على اللي السالفه يقطعها

[فهد قطنان @Fahad_Qatnan]

عذّبني عنادك معي يا عنيده
فرض على احلى حاضر يصير ماضي

الله يفيدك كانك المستفيدة
والله يعٌوضني بصبر وتغاضي

أنا سمحت مْن الحياة الجديدة
قد انفصلنا عن بعض بالتراضي

ماعاد في راسي هقاوي بعيدة
المحزم اللي كان مليان فاضي :)

[صـواب @Swab1_]

"لا تقولون لي ما تبت وشلون اتوب
وانا كل ما انتصف ليلي طلع لي قمر"

[صـواب @Swab1_]

ان بغت تقل الاصحاب ولايكثرون
اشهد ان ماعاد صدري على الدنيا رحب

[صـواب @Swab1_]

"تقبيلتك .. في نسَم واحد ليا الثمّل
من ذاقها صبيّ ، شاب ومات ماتابي"
- عيد سمير الحربي

[قاف @Qaf_96]

"الله عطاك العيون اللي زعلها كذوب
والله عطاني القصيد اللي يحلّ الأمر"
- راشد بن خليفه

[صـواب @Swab1_]

ان شفتها قامت تجانف على الميل
بـ اردى ثمن عند اول السوم بعها

[السامي @2lshl]

حايل من دونها حول وشويه
مير مالله حايل دون ذكراها

[العديم @_3deem]

خص ذاك اللي تفكّاره تفكّار امغلوثه
لا حدٍ يعطيني علومه وانا شايف وعايف

[عزام الشعـيفاني @azaam_f15]

شرهتي حرٍ تصقر على مد الشبوح
ماتجيك الا انت بالعين عالي مستوى

[جمال بندر @JamalBander]

عليك لوم ان قلت شيٍ ما يقال
وعليك زود ان قلت عنا والنعم

[سعود بن مبارك @Saud_almshly_]

ياريف قلبي سلامة وجهك الزين
اللي تخالط معَ حسنه شحوبه

اقرأ سوالف عيونك لو تخبين
لا يمكن تكون هالنظرة كذوبه

بيّن عليك التعب والخاطر الشين
كنّك على ضحكة الضحك مغصوبه

ان كان ودك على اللي فات تبكين
قبلك بكينا على حال العروبه

في كل حالٍ من الأحوال تبقين
اول دروب الغلا واخر دروبه

عانقت ركبك وحيد وخالي ايدين
إلين ما صار لك قلبي ، ركوبه

الواضح انك خلقتي له جناحين
اشرق معك بعد جمّلتي عيوبه

مَيّزت وجهك عن وجيه المزايين
على امتداد النظر دوبي ودوبه

مِن حِدة الحاجبين الساطيه لين !
البحر والثلج والنار الشبوبه

لرضاك لو تطلبيني دمعة العين
هانت ولو دمعة الرجل محسوبه

على كثر ماعطاك الله مْن اللين
مزاجك العنجهي كله صعوبه

تبقى مرابي صْباك سنيين ودنين
فالصدر عن باقي الناس محجوبه

حتى اسمك اللي جرا مجرى الشرايين
صوبه وعند البشر مانيب صوبه

يدري به المقتدر رب الثقالين
والجن والانس والله مادروا به

هذي قصيدة حبيبك بين قوسين
تقطّر جروح وتقطّر عذوبه

[الله الله .. @u_av11]

يشب لين يشيب ما يمدحه غير / طقاقةٍ بفلوس في عرس بنته

[فهد قطنان @Fahad_Qatnan]

ونسة الليل نسنسة النسانيس
وبدع شعرٍ تروح الروح ما راح

يتردد علي مع الغطاليس
لين يقلب خساير عمري أرباح

انا شاعر تعلق فالنواميس
كل ماقالوا انه طاح ما طاح

ان تغزّل لعب دور امرؤ القيس
وان توجّد تسللّ بين الأرواح

متدرّس من الأيام تدريس
وماخذٍ حقي من أفراح واتراح

ابعدوني عن وجيه المفاليس
وقربولي هواة الشعر الاقحاح

فاقد اللي يدارون الاحاسيس
فقد عبدالله ابن عون لبداح

يا حبيب القوافي والقواميس
لا تلفّت وراك لكل من صاح

اكثر علوم خلق الله من الكيس
مش الأيام واضحك ضحك مزاح

عان صدري عليهم ثوب قسيس
وعان صبري عليهم صبر فلاح

لا تفكر وتاخذك الكوابيس
اصح وتشوف ثلث العالم صحاح

حيرة الشك هذي حيرة ابليس
طلّع ابليس من عقلك وترتاح

أنا قبلك تساهلت الوساويس
وفي طريق الضياع أخذت مشواح

يوم سلمت راسي للهواجيس
صرت اشوف الأوادم مثل الاشباح

الليالي غياهبها دهاليس
لا تدور صحيح يصح ياصاح

ولا تقيس الحقيقة بالمقاييس
انت عانك تغنّج وانت سفاح

ابتسم جعل تفداك الدنافيس
لو جروحك طعون سيوف ورماح

دامني حي واقدسك تقديس
اجرح وداو يا دكتور جراح

أنا وياك ليليا معاريس
كل ليلة معك عن ليلة افراح :)

[صالح بن سبهان @BinSabhan]

المراجل صعيبه ( والولد ) وده
بس ما جمله عمه ولا . خاله !
..
فصلو ثوبه :- البارح على .. قده
وكتبو له ونعم وحطها حاله ؛:)

.
ياشيبي :)

[العديم @_3deem]

جعل السحاب اللي بروقه تلامع
اللي من القبله مسيره وممشاه

ماجا بعلمه كل قاري وسامع
تشوف بعيونك من الغرب منشاه

في ديرة الغالي يهل المدامع
اللي غرامه ماقدرت اتحاشاه

في غيره من الناس مانيب طامع
من راح جعله روحة مقيط ورشاه

مصغي لطاريه جميع المسامع
واذبح على شوفة عيونه ولد شاه

[عبدالعزيز العبلان @azizalablan]

غابيٍ مانشد عنه الصباح .. وظهَر
كيف مالك وماله يالنهار الطويل

ملّت "النور" عينٍ ترقبه من شهر
وليلة الهم عن تسعه وتسعين ليل

والله إني ما احسب الناس ماتت قهر
لين قامت تحط بْها الحياة ، وتشيل

ولا احسب إن الغصون الخضر اكلها الدهر
لين هب الهوى مره .. وعيّت تميل

عقب سحر الهوى معها وحلوّ السهر
عن مداهيلها ..كلٍ تشوفه دخيل

كان عيّت عن اللي مدّ روحه مهر
"من تبي بنت مخلفة النوايا حِليل"

[محمد المقحم @mohamed6290]

في سناب منصور الرقيبه اليوم يسأل أحد المكفوفين أنت وش تشوف سواد والا وش تشوف؟ قال (أنا ما ادري وشهو الشوف) حول هذه المعنى تنتطوي كثير من الأفكار في الحياة

[صـواب @Swab1_]

ان كان ما ذببتها روس الرجوم
ترا المناحي مرتع عيال البقر