تركي عزوز البراگ

شاعر محب للوطن والدي هو الشاعر عزوزعوض البراك حفظه الله واطال بعمره

[تركي عزوز البراگ @T_albrak]

سنابي اتشرف بالجميع حياكم ❤️

[تركي عزوز البراگ @T_albrak]

@waqietv2 تستاهل يابو راضي

وصلت اشارك بعالي الصوت واجهربه
واحضر الجزل والابيات حصريه

ماجد فعوله تنومس ونتفاخربه
ماهي سوالف ولا هي علوم وهميه

[فهد آل صبيح @FBH_590]

اثر المحبه زمهرير ؟

كنتي على اول شبتك مثل السلام
و صرتي على اخر شبتك مثل السعير

[عناد الشيباني @enadm1]

ربنا منك العفو والعطف .. والتقصير منا
شايلين كفوفنا من خشيتك فوق الايادي

كيف مانرجيك طمعانين في عفوك وحنا
عابدين ومخلصين ولا حصل منا تمادي

ما تولينا بيوم الزحف عن واجب وطنا
ولا قذفنا المحصنات و لا كفرنا فالمبادي

[تركي عزوز البراگ @T_albrak]

@su_abbas محزمي هو صاحبي لاقسى الوقت الصعيب
مايروق البال لاضقت لين اجلس معاه

اشهد انه عندي أغلى وأحب أمن الحبيب
يوم قفى كن قلبي من ضلوعه خذاه

والدي الشاعر / عزوز عوض البراگ

[احمد الجدعان @qer_21]

يستفز الخافق الملتاع .. ذعذاع الهبايب
كل نسمة تطرق أبواب المواضيع القديمة

لـ الطواري كل ليلة في مشاويري حرايب
تكحل عيون القصيد وترتكب فيني جريمة

ذقت من جور الزمن ظلم وصواديف ومصايب
الفرح يجلس ثلاث لْيال والضيقة مقيمة

يا إلهي .. دلني لا تهت من كثر النوايب
عبدك يْضيّق نسمه النود لا ذعذع نسيمه

شاحبٍ وجهي من الحرمان وجروحي عطايب
كيف بسلى عن شعور الفقد و أذب الخريمة

المحبة تجبر العشّاق في دفع الضرايب
لين ياخذ كل عاشق نصره بطعم الهزيمة

يا مقفي لا يروح الليل شرهات وطلايب
شرهتي شرهت مُحب وغلطتك غلطة وخيمة

من عرفت إنك تدور زلتي وقت الصعايب
اقتنعت إن الوصل مكروه والفرقا غنيمة

مادريت إن الفراق المر مكسب لـ الحبايب
لين شفتك تاخذ المدحة من لساني شتيمة

[عناد الشيباني @enadm1]

من البارحه وانا انتظر حزة المنهاج
لو الذكريات تحاصر القلب وتدكه

اشوف المشاعر كنها زحمة الحجاج
واقول المشاعر قدست بس في مكه ..!

عشان النديم اللي عطيته وانا محتاج
وعمرت حبه وسط قلبي واخذ صكه

احنه من الزله ومن هرجة الهراج
وابكي عيون اللي يقولون لي بكه

ولاهوب شرط البعد يطفي الغلا الوهاج
ابن عون كان مولع بـ طيره وفكه

يا شين الوصال اللي يجي من وراه ازعاج
خصوصاً مع اللي .. يفتح الباب ويصكه

وانا اهون علي يقفل الباب بـ المزلاج
ولا يتركه مردود .. في سده بلكه

فراقٍ غلانا فيه اساسي وطلق حجاج
ولا وصلٍ يجلس غلانا على الدكه

لازاد العتب قل الغلا حسب الاستنتاج
لو ان الغلا مثل السمن داخل العكه

عزمت وقطعت الراي حين الصباح انباج
وحصنت قلبي يوم وريته السكه

مدام المرض تستخرج الناس منه اعلاج
ابا استخرج الراحه من الضيق والتكه

توادعت " انا وياه " منعاً لكل احراج ..!
وحفظاً لـ ماء الوجه والخوف والشكه

وداع السجين اللي بعد وصله امر افراج
توادع مع اصحابه .. وقلبه يبى الفكه ..!

[فهد بن بجاد @ifhd4]

يا بيت القصيد الشِعر ما شَدني لولاه
كِتبت الشعور اللي كتمتهْ على شانه

كثر ما بَغيت الملمه و استعيد قواه
لقيته ما يَعرف غير وجهه وعنوانه

اغني على اطلاله ما اغني على ليلاه
و اتوق لصباحٍ طَلته بين حّجانه

تّملْ الشوارع غيبته فاقده لـ خطاه
تقول البلد خالي من اهله وسكانه

اعيش الحياة انسان احاول عشان انساه
و اشوفه يعيش فـ واقعي رُغم نسيانه

تشوف العيون و تَنطقْ ، وتَسكت الافواه
عن اللي ما نقدر نَنطقه خوف الاهانه

شعوري وانا اسولف و صوتي يردْ صّداه
سجينٍ يسولف مع ضميره فـّ زنزانه

ليا مَرني طيفه اجر النسم لـ اقصاه
و اصد بعيوني مثل من شاف ديّانه

ما ودي تطيح الدمعه الحَايره و اجفاه
و انا اللي ما طاحت دمعته لـ اقرب اخوانه

كثر ما تمنيته حبيبي ، بدون اشباه
لقيت الوجيه تمرني كنها اقرانه

ارد الهوى من يَمه ان هبْ في منفاه
ما ودي تطير طيوره وتَهجر اغصانه

احبه و لكن كان يَسمع احبك " اهْ "
تّمره ولا يَقدر على قولها لسانه

و احب الكلام اللي يقوله و انا ما ابغاه
عشان الفعول اللي تقربني وزانه

على شانه اشوف الخطا واقبله و ارضاه
و انا ما رضيت بـ حظي الا على شانه

اشوفه وطن ما يسكنه غيري و يَحماه
ليا ارتبت من وقتي تهاويت فـّ احضانه

و اشوفه ربيع العمر كله رُغم ما جاه
و لا شافني بـ عيونه ، يشوف بـ اذانه

متى و الحَبيبْ يِّمل من داره و مرباه ؟
و يرضى يعيش فْـ غربته بين جدرانه

كَرهتْ الحياة اللي بدونه عشان القاه
و عشقتْ الحياة اللي معه قبل خذلانه

ذِّبحت القصيد اللي يحبه .. قبل يقراه
و جرحت الشعور اللي جَرحته .. ولا خانه .

[لايف العجاونه الرسمي @lievree2]

#لايف_العجاونه الشاعر : تركي عزوز البراك

[عناد الشيباني @enadm1]

ياوجود اللي يعاني ليا حل الظلام
وجد من ضاقت عليه الاماكن والسبل

مايحصل راحة البال .. حتى فالمنام
كن في صدره خيولٍ تزاحم فـ اسطبل

لو تسلم بعض الاحيان .. مارد السلام
مشغله همٍ على .. منكبه كبر الجبل

من كثر ما صارع الذات واسرف فالملام
خايف يزيد الملامه .. شوي وينهبل ..!

مر متماسك .. ومرات يشعر بـ انهزام
يلعب مع الوقت لعبة من يشد الحبل

وان جلس يسترجع اللي مضى من كل عام
شاف حجم الفرق في صورته بعد وقبل

كان فـ بداية حياته على احسن مايرام
بس كيف يرجع العمر يوم انه شبل .. !

اتوجد مثل وجده .. وحزنه بالتمام
والحياه احداثها مستمره لـ قبل

وانت يا مسك البداية ويا مسك الختام
ماطرالك تسقي اللي من الصده ذبل

كل حاجه تنتهي بعد فقد الاهتمام
الجفا مثل الدهر .. والوصل مثل الوبل

ليه تبخل بالمشاعر .. وتبخل بالكلام
وانت جدانك من الجود يعطون الابل

ما يجوز اللي تسويه في شرع الغرام
خل عاد اهل الكرم والمبادي والنبل

عطني من الحب بالصاع والا بالجرام
واعتبر مكسبك مضمون لو قالو : خبل

الربا فالحب مهوب عيب ولا حرام
لا عطيتك حب واحساس رجعها دبل

[تركي عزوز البراگ @T_albrak]

قلبي الي قام يرجف ولا ادري وش بلاه
ضايق ومهموم واعن المخاليق انطوا

فاقد لي محزمن من غلاه ومن وفاه
استوا في عيني الخير والشر استوا

ثم طرالي بيت ابو عمر يوم انه بداه
اشهد ان فرقى الرجاجيل ملعونة ثوا

#تركي_عزوز_البراك

[معكاز شعر @M3kkaz]

ارفق ، ترا النفس العزيزة عيوفه 
ماكل عذر ٍبأقبله منك لا أخطيت .

[تركي عزوز البراگ @T_albrak]

أما بعد :

الصاحب اللي لو يبورون ما بار
محزَم ظهر في وجه سود الليالي

مثل ما سرّي معه محفوظ ومجار
آحَفْظ سرّه .. مثل ما احفظ حلالي

مهما بلغ حجم الفوايد والأضرار
استأمنه - حتى على اللي في بالي

ماهوب بس اعلّمه بعض الأسرار !
أحيان افكّر عنده | بصوت عالي .

[قروب شعر @Group_she3er]

دامك عشاني تحضر شوي وتغيب
بهديك ، بـيت لمقبلات ، السنيني

ماابيك بالقوه ، ولا ابيك ، بالطيب
ابيك من كيفك ، تحس ، وتجيني

[عناد الشيباني @enadm1]

ابيات جديده بجانب
رمز الشعر والادب طول الله في عمره "
-

الربا فالحب مهوب عيب ولا حرام
لا عطيتك حب واحساس رجعها دبل

[عبدالله بن فهاد @iia2er]

معْ كل نشوة عيد و بْـداية أبيات
سلّم على روحك و وصّل سلامي

للشرهه اللي جاتني منْك بالذات
و حطت قيادات العواذل أمامي

لو ثقلها .. كنّه جبال السراوات
ماهيب والله حاضيه باهتمامي

عدّيتها .. و أنا زبون المهمات
رجلٍ مقدّر و محسوبٍ كلامي

أصدّ لا قدها ضحوك وسهالات
و أحامي اليا كلّ متن المحامي

وان عودت بين المطاليق فزعات
إسمي يداحم مع كبار الاسامي

ما عاد عندي شيّ في فايتٍ فات
وما عاد لك غير الوفا و احترامي

جاتك هديّه .. غير كل الهديّات
غلفتها بـ ألطف شعور إنتقامي

واللي يلمّح حول قطع العلاقات
مكفي من اول طلقةٍ في حزامي

[أنس بن مسيعد @anasbinmosai3d]

عليهم تصاقر يعني اني صلاح الدين
وهو لا لبس بشت الحساء صار تنّوره !

مع انه علي يرسل سهوم الكلام الشين
سترته وانا يوم استره "ساترٍٍ عوره" .

[تركي عزوز البراگ @T_albrak]

@majed_almhl بالشعر لا تعين ولا تعان

[‏وهم @rrcv0]

عندك بديل وعند نفسي كرامه
وكرامتي تسوى بديلك وتسواك .

[الريّس @83jmi]

يازين سود العيون ، و زين بيض القلوب
ويا شينها كل أبيها لا أنعكس لونها !

_ مسعود آل شعفول