🚩🏹शुभम ताके पाटील🏹🚩

🚩📿तालुकाप्रमुख युवासेना श्रीरामपूर ,जि.अहिल्यानगर📿🚩

[Eknath Shinde - एकनाथ शिंदे @mieknathshinde]

📍 मुंबई |

एसटी महामंडळाच्या जागा पीपीपी तत्त्वावर विकसित करण्यासंदर्भात आज मुंबईतील सह्याद्री अतिथीगृह येथे विशेष आढावा बैठक पार पडली.

महाराष्ट्राची जीवनवाहिनी असलेल्या एसटी महामंडळाच्या जागांचा सार्वजनिक-खासगी भागीदारीच्या माध्यमातून विकास करताना त्या ठिकाणी उभारण्यात येणारी नवीन बसस्थानके आणि इतर वास्तू केवळ आधुनिक सुविधांनी युक्त न राहता ‘आयकॉनिक’ आणि शहराच्या सौंदर्यात भर घालणाऱ्या असाव्यात तसेच नागरिकांना सुविधा देखील मिळाव्यात असे निर्देश यावेळी दिले.

यावेळी परिवहन मंत्री प्रताप सरनाईक, परिवहन विभागाचे अपर मुख्य सचिव सेठी, उपमुख्यमंत्री कार्यालयाचे अपर मुख्य सचिव असीम गुप्ता, मुख्यमंत्र्यांचे प्रधान सचिव नवीन सोना आणि इतर अधिकारी उपस्थित होते.

#Mumbai #EknathShinde #Maharashtra
@PratapSarnaik @msrtcofficial

[Eknath Shinde - एकनाथ शिंदे @mieknathshinde]

यासोबतच प्रवाशांना अत्याधुनिक, सुरक्षित आणि दर्जेदार सुविधा देतानाच एसटी महामंडळाला आर्थिकदृष्ट्या सक्षम करण्यासाठी या मालमत्तांचा योग्य आणि नियोजनबद्ध वापर करावा, असेही यावेळी स्पष्ट केले.

पहिल्या टप्प्यात १४७ बसस्थानके आणि एसटीच्या जागांचा पीपीपी तत्त्वावर विकास करण्यात येईल. या माध्यमातून आधुनिक बस पोर्ट, प्रवासी सुविधा, कार्यालये, हॉस्पिटल, चित्रपटगृहे, नागरिक सेवा केंद्रे आदी सुविधा विकसित करण्याचे नियोजन आहे. तसेच सौर ऊर्जा, इलेक्ट्रिक वाहनांसाठी चार्जिंग सुविधा आणि एसटीच्या इलेक्ट्रिक बसेससाठी स्वतंत्र चार्जिंग व्यवस्था उभारण्यात येणार आहे. यामुळे प्रवाशांना सुविधा मिळण्याबरोबरच ऊर्जा खर्च आणि कार्बन उत्सर्जन कमी करण्यास मदत होणार आहे.

[Eknath Shinde - एकनाथ शिंदे @mieknathshinde]

नागरिकांच्या आरोग्याशी आणि विशेषतः लहान मुलांच्या जीवाशी खेळणाऱ्या दूध, दुग्धजन्य पदार्थ भेसळखोरांवर संघटित गुन्हेगारी अंतर्गत गुन्हा दाखल करण्यात यावेत, अशी सूचना या बैठकीत केली.

असेच भेसळीच्या प्रकरणांमधील कायदेशीर प्रक्रिया अधिक बळकट करण्यासाठी विशेष पावले उचलण्याच्या सूचना यावेळी दिल्या. ज्यांच्यावर कारवाई होते, त्यांच्या खटल्यांचे कामकाज न्यायालयात सुरू असताना कोणतीही कायदेशीर त्रुटी उरता कामा नये. यासाठी नामवंत व ज्येष्ठ विधीतज्ज्ञांची मदत घेण्यात यावी आणि यासाठी तातडीने एक विशेष लीगल टीम तयार करण्यात यावी, असेही यावेळी सुचित केले.

[Eknath Shinde - एकनाथ शिंदे @mieknathshinde]

📍 मुंबई |

'विकसित महाराष्ट्र - २०४७' अंतर्गत सन २०२६-२७ या वर्षासाठी विभागासाठी निश्चित करण्यात आलेले टप्पे व त्यांच्या पूर्ततेसाठी करण्यात येत असलेली कार्यवाही संदर्भात आज सह्याद्री अतिथीगृह येथे बैठक घेण्यात आली. यावेळी अन्न व औषध प्रशासन विभागाच्या वतीने सादरीकरण करण्यात आले.

यावेळी आरोग्यमंत्री प्रकाश आबिटकर, विधी व न्याय राज्यमंत्री आशिष जयस्वाल, गृह, अन्न व औषध प्रशासन राज्यमंत्री योगेश कदम, उपमुख्यमंत्री कार्यालयाचे अपर मुख्य सचिव असीम गुप्ता, प्रधान सचिव नविन सोना, विधी व न्याय विभागाचे सचिव उदय शुक्ला, अन्न व औषध प्रशासन आयुक्त तुकाराम मुंढे यांच्यासह संबंधित वरिष्ठ अधिकारी उपस्थित होते.

#FDA #Mumbai #EknathShinde #Maharashtra
@abitkar_prakash @Ashishjaisw3Adv @iYogeshRKadam

[Eknath Shinde - एकनाथ शिंदे @mieknathshinde]

📍 ठाणे |

स्वित्झर्लंड येथे आयोजित करण्यात आलेल्या ३८ व्या प्रतिष्ठित आंतरराष्ट्रीय 'श्री चिन्मय मॅरेथॉन स्विमिंग कॉम्पटीशन'मध्ये भारताचे प्रतिनिधित्व करणाऱ्या 'स्टारफिश स्पोर्ट्स फाउंडेशन इंडिया' च्या रिले संघाने ऐतिहासिक कामगिरी करत द्वितीय क्रमांक मिळवत रौप्य पदक पटकावले आहे.

या स्पर्धेत ठाण्यातील खेळाडूंनी यश संपादन केले आहे. यात समिप्ता गणेश वाव्हळ, आयुषी कैलास आखाडे आणि सुयश प्रियंका हिंदळेकर या ठाण्याच्या तिन्ही जलपटूंनी एकत्र येत ही देदीप्यमान कामगिरी करून दाखवली आहे. नुकत्याच या विजेत्या चमूने माझी सदिच्छा भेट घेतली. यावेळी या स्पर्धेत दैदिप्यमान कामगिरी केल्याबद्दल त्यांचे अभिनंदन करून भावी वाटचालीसाठी त्यांना शुभेच्छा दिल्या.

यावेळी #शिवसेना पक्षाचे पदाधिकारी सुभाष वाव्हाळ उपस्थित होते.

#EknathShinde #Maharashtra #Shivsena

[Narendra Modi @narendramodi]

श्रीशैलम इथल्या श्री शिवाजी ध्यान मंदिर आणि श्री शिवाजी दरबार हॉलला भेट दिली. महान छत्रपती शिवाजी महाराज हे 1677 मध्ये श्रीशैलमला आले होते आणि त्यांनी श्रीशैलम मल्लिकार्जुन मंदिरात प्रार्थना ही केली होती.

ध्यान मंदिर इथे त्यांनी ध्यानधारणा केली होती, आणि इथेच त्यांना भ्रमरांबा देवीचा आशीर्वाद लाभला होता.

[Eknath Shinde - एकनाथ शिंदे @mieknathshinde]

मातब्बर उमेदवाराला पराभूत करून अमोल खताळ हा जायंट किलर ठरला असला तरीही खरे जायंट किलर हे माझे लाडके बहिण, भाऊ आणि शेतकरी आहेत. राज्यातील वारकरी संप्रदायाला हजारो वर्षापासूनची परंपरा आहे. त्यांच्यावर हल्ले करण्याचे पाप जर कुणी करत असेल तर ते कदापि खपवून घेतले जाणार नाही. हे सरकार वारकरी संप्रदायाच्या पाठीशी ठामपणे उभे आहे.

सध्या मतांची चोरी झाल्याचे गळे विरोधकांकडून काढले जात आहेत. निवडणूक आयोगाला प्रश्न विचारण्याचे प्रयत्न काही जण करत आहेत. मात्र जेव्हा लोकसभेत तुमचे उमेदवार जास्त निवडून आले, तेव्हा तुम्ही हे आक्षेप का घेतले नाहीत असा सवाल याप्रसंगी केला. तुम्ही आरोपांचे राजकारण केलेत तरी त्याला आम्ही कामातून उत्तर देऊ.

[Raja Singh @TigerRajaSingh]

जय श्री राम 🚩
#SriRamNavami

[Shivsena - शिवसेना @Shivsenaofc]

नद्यांच्या प्रदूषण मुक्तीची चळवळ लोकचळवळ झाली पाहिजे.

#Shivsena #EknathShinde

[Shivsena - शिवसेना @Shivsenaofc]

तुकाराम महाराजांच्या रचना जगण्यावर भाष्य करतात.

#Shivsena #EknathShinde

[Shivsena - शिवसेना @Shivsenaofc]

गाथा पारायण सोहळ्यात उपस्थितांना संबोधित करताना शिवसेनेचे मुख्य नेते व उपमुख्यमंत्री मा.ना.श्री. एकनाथजी शिंदे साहेब यांनी मांडलेले प्रमुख मुद्दे :

#Shivsena #EknathShinde

[Shivsena - शिवसेना @Shivsenaofc]

संतांची भूमी अशी आपल्या महाराष्ट्राची ओळख आहे. संत तुकाराम, संत ज्ञानेश्वर, संत नामदेव अशा अनेक संतांनी अभंगातून, निरुपणातून समाजाला योग्य दिशा देण्याचे काम केले. संत परंपरेचा हाच अध्यात्मिक वारसा वारकरी संप्रदाय जपत आहेत. त्यामुळेच त्यांच्या पाठीशी खंबीरपणे उभे राहून शिवसेना मुख्य नेते आणि उपमुख्यमंत्री मा.ना.श्री. एकनाथजी शिंदे साहेबांनी वारकरी बांधवांसाठी अतुलनीय कार्य केले.

त्यांच्या याच कार्याची दखल वारकरी बांधवांनी घेतली. आज जगद्गुरु संत तुकाराम महाराजांच्या ३७५ व्या वैकुंठगमन दिनाचे औचित्य साधून श्रीक्षेत्र देहू देवस्थान समितीच्या वतीने उपमुख्यमंत्री महोदयांना प्रथम 'जगद्गुरु श्री संत तुकाराम महाराज पुरस्काराने' गौरविण्यात आले. यावेळी उपमुख्यमंत्री महोदयांनी हा पुरस्कार स्वीकारत समस्त वारकरी बांधवांचे आभार मानले. त्यानंतर उपमुख्यमंत्री महोदयांनी संतश्रेष्ठ तुकाराम महाराजांच्या मंदिरात जाऊन तुकोबांचे मनोभावे दर्शनही घेतले.
---------------
Maharashtra is known as the land of saints. Many saints like Sant Tukaram, Sant Dnyaneshwar, and Sant Namdev have guided society in the right direction through their Abhangas and discourses. The Warkari sect continues to uphold this spiritual legacy of the saint tradition. Recognizing this, Shiv Sena's chief leader and Deputy Chief Minister, Hon. Shri. Eknathji Shinde, has carried out remarkable work for the Warkari community.

Acknowledging his contributions, the Warkari community honored him today. On the occasion of the 375th Vaikunthagaman anniversary of Jagadguru Sant Tukaram Maharaj, the Shri Kshetra Dehu Devasthan Committee presented the Deputy Chief Minister with the first-ever ‘Jagadguru Shri Sant Tukaram Maharaj Award.’ While receiving the award, the Deputy Chief Minister expressed his gratitude to the entire Warkari community. Following the ceremony, he also visited the temple of Sant Tukaram Maharaj and had a heartfelt darshan of Tukoba.

#Shivsena #EknathShinde

[Shivsena - शिवसेना @Shivsenaofc]

जगदगुरू संत तुकाराम महाराज यांच्या त्रिशतकोत्तर अमृत महोत्सवी सदेह वैकुंठगमन दिनानिमित्त श्री क्षेत्र देहू येथे अखंड हरिनाम सप्ताह आणि गाथा पारायण सोहळा आयोजित करण्यात आला होता. या सोहळ्याला शिवसेना मुख्य नेते आणि उपमुख्यमंत्री मा.ना.श्री. एकनाथजी शिंदे साहेबांनी उपस्थित राहून वारकरी बांधवांशी संवाद साधला.

या सोहळ्याला थोर निरुपणकार ह.भ.प. मारुतीबाबा कुर्येकर महाराज उपस्थित होते. यावेळी उपमुख्यमंत्री महोदयांनी महाराजांचे आशीर्वाद घेतले. तसेच जिथे बसून संत तुकोबांनी गाथा लिहिली. त्या भंडारा डोंगरावरील प्रस्तावित मंदिराच्या कामाचीची यावेळी उपमुख्यमंत्री महोदयांनी पाहणी केली.
--------------
On the occasion of the 375th 'Amrit Mahotsav' of the 'Vaikunthagaman' of Jagadguru Sant Tukaram Maharaj, an 'Akhanda Harinam Saptah' and 'Gatha Parayan' festival was organized at Shri Kshetra Dehu. Shiv Sena’s chief leader and Deputy Chief Minister, Hon. Shri. Eknathji Shinde, attended the event and interacted with the Warkari community.

Eminent spiritual orator 'Ha. https://t.co/9VBkqVylrb. Marutibaba Kuryekar Maharaj' was also present at the event. On this occasion, the Deputy Chief Minister sought the blessings of Maharaj. Additionally, he visited Bhandara Dongar, the sacred place where Sant Tukaram Maharaj composed his Gatha and inspected the progress of the proposed temple construction at the site.

#Shivsena #EknathShinde

[Shivsena - शिवसेना @Shivsenaofc]

वंदनीय गुरुवर्य धर्मवीर आनंद दिघे साहेबांच्या जयंतीदिनाचे औचित्य साधत आज विविध पक्षांच्या पदाधिकाऱ्यांनी शिवसेनेत प्रवेश केला. शिवसेनेचे मुख्य नेते व उपमुख्यमंत्री मा.ना.श्री. एकनाथजी शिंदे साहेब यांच्या प्रमुख उपस्थितीत धर्मवीर आनंद दिघे साहेबांचे समाधीस्थान असलेल्या शक्ती स्थळावर हा पक्षप्रवेश पार पडला.

यावेळी उबाठा गटाच्या माजी नगरसेविका राजूल पटेल यांच्यासह विलेपार्ले येथील शाखाप्रमुख सुनील भागडे, वरळीतील सुरेश कोठेकर आणि रोशन पावसकर यांच्यासह ४० पदाधिकारी आणि ५० कार्यकर्त्यांनी शिवसेनेत प्रवेश केला. शिवाजी नगर, मानखुर्द येथील कार्यकर्ते तसेच उत्तर मध्य मुंबईमधील अशोक लोखंडे यांच्यासह २० पदाधिकाऱ्यांनी शिवसेनेचा भगवा हाती घेतला. त्याचबरोबर मीरा भाईंदर महापालिकाचे माजी उपमहापौर प्रवीण पाटील, जयंती पाटील, अरविंद ठाकूर, शिवशंकर तिवारी यांच्यासह माजी नगरसेवकांनी आज शिवसेनेत प्रवेश केला.

कोल्हापूर जिल्हातील प्रदेश जनरल सेक्रेटरी सुजीत समुद्रे, प्रमोद धनावडे, शीतल कांबळे, उल्हास वाघमारे, किरण कांबळे, यांच्यासह अनेक कार्यकर्त्यांनी प्रवेश केला. सांगली जिल्ह्यातील प्रदेश जनरल सेक्रेटरी प्रशांत कांबळे यांच्यासह शेकडो कार्यकर्त्यांनी प्रवेश केला.

नाशिक जिल्ह्यातील उबाठा गटाच्या श्रीमती इंदूबाई सुदाम नागरे, माजी नगरसेवक विक्रम नागरे आणि राष्ट्रवादी शरद पवार गटाच्या महिला प्रदेश सचिव समिना शोएब मेनन यांचा पक्षप्रवेश झाला. त्यासोबतच इगतपुरी, त्र्यंबकेश्वर, मालेगाव शहापूरमधील २०० कार्यकर्ते, उबाठाचे माजी आमदार काशिनाथ मेंगाळ यांनी देखील उपस्थितीत शिवसेनेते प्रवेश केला. याशिवाय नाशिक शिक्षक सेना, जळगाव शिक्षक सेनेतील शेकडो सदस्यांनी शिवसेनेचा भगवा हाती घेतला.

यावेळी मंत्री प्रताप सरनाईक, आमदार तुकाराम काते, आमदार मुरजी पटेल, शिवसेना सचिव भाऊसाहेब चौधरी, ठाणे महानगरपालिकेचे माजी नगरसेवक राम रेपाळे, ठाणे ग्रामीण जिल्हाप्रमुख प्रकाश पाटील, माजी आमदार रुपेश म्हात्रे, माजी आमदार रवींद्र फाटक, शिवसेना उपनेते विजय करंजकर, सहसंपर्क प्रमुख राजू लवटे, महानगरप्रमुख प्रवीण तिदमे, माजी नगरसेविका हर्षदा गिरकर, योगेश म्हस्के तसेच शिवसेनेचे ठाण्यातील पदाधिकारी आणि शिवसैनिक मोठ्या संख्येने उपस्थित होते.

#Shivsena #Eknathshinde

[Shivsena - शिवसेना @Shivsenaofc]

हिंदुहृदसम्राट शिवसेनाप्रमुख स्व. बाळासाहेब ठाकरे यांच्या हिंदुत्वाच्या विचारांनी प्रेरित होऊन भगवा ध्वज हाती घेणाऱ्या आणि आयुष्यभर शिवसेनेशी एकनिष्ठ राहून ठाणे जिल्ह्याच्या कानाकोपऱ्यात शिवसेना पोहचवणाऱ्या गुरूवर्य, धर्मवीर आनंद दिघे साहेबांची आज जयंती.
जयंतीचे औचित्य साधत त्यांच्या तालमीत तयार झालेले शिवसेनेचे मुख्य नेते व उपमुख्यमंत्री मा.ना.श्री. एकनाथजी शिंदे साहेबांनी आज दिघे साहेबांचे समाधिस्थान असलेल्या शक्तिस्थळावर जाऊन त्यांना आदरांजली अर्पण केली. त्यांचे कार्यालय म्हणून ओळखल्या जाणाऱ्या टेंभीनाका येथील आनंदआश्रमात जाऊन त्यांच्या प्रतिमेला पुष्पहार अर्पण केला. तसेच टेंभी नाक्यावरील त्यांच्या पुतळ्यालाही अभिवादन केले.

यावेळी परिवहन मंत्री प्रताप सरनाईक, शालेय शिक्षणमंत्री दादाजी भुसे, जलसंधारण मंत्री संजय राठोड, माजी खासदार हेमंत गोडसे, आमदार मुरजी पटेल, माजी आमदार रवींद्र फाटक, माजी महापौर अशोक वैती, ठाणे जिल्हा महिला संघटिका सौ. मीनाक्षी शिंदे, कल्याणचे जिल्हाप्रमुख गोपाळ लांडगे, माजी नगरसेवक पवन कदम, माजी नगरसेवक राम रेपाळे आणि शिवसेनेचे सर्व प्रमुख पदाधिकारी आणि कार्यकर्ते मोठ्या संख्येने उपस्थित होते.

#Shivsena #Eknathshinde