.

.

[ٌ @ajm7i]

الهلا لأخر هلا و الرحب لأخر رِحب .
Espresso :)

[ٌ @ajm7i]

لاتبكين جعل الله .. يبكيّ من يبكيك
دموعك سبب حزني وهمي وغربالي

ذبحتيني بنبرة حنينك وانا احاكيك
تقولين ماكنك .. تمرين فـ بالي

وانا من كثر ماغليك ماني بطاوع فيك
يموتون .. ماوصلو لـ طاريك عذالي

احبّك ولا فكرّت .. فساعه اخليك
وانا داري اني عندك اغلا من الغالي .

[نــوف @nuiiilx]

عظيمة نسب والله خلقها عظيمة زين
على زود مافيها وصوف رهاويه

فيها من الهيبه حضور يشرف العين
وفيها من الطيب الأصيل السجاويه

لها من علو الشان مقدار وتمكين
تطيح دون وصفها جميع المعانيه❣️

[- بنَ نآيفّ. @w__aell]

أنا خصيم كُل شخص يأذي قلبها .

[عشق بدوي @Fars511q]

ام العيون الناعسات المضاليل
تغويك لاقامت تغض ببصرها

وتنقض جديلي ضافن كنه الليل
ضافيي على الارداف حتى نحرها

بين العذارى اكنها نجمه سهيل
والا القمر لا هل باول شهرها

من شافها شاف القهر والغرابيل
تخلي الشايب شبب لا نظرها

ولو شافها المعجب رسمها تماثيل
وعلق على كل الشوارع صورها

[ٌ @ajm7i]

" تعالي في ذرى بشتي تدفي ما يجيك البرد
وفي صدري مكانك عن شقى الدنيا ومتاعبها ".

[قروب اشعار @aShi3ar]

الله يرزقني مع طلعة الصبح 
رزقٍ يغير فيه مجرى حياتي .

[قروب اشعار @aShi3ar]

يامرحبا باللي له القلب خفّاق
شخصٍ يساوي في عيوني ملايين

صارت غلاته شي لا يمكن يطاق
الله يحفظه ياعرب قولو ( امين ) .

[فارس @i2Mrs]

" مرحبا بك في مداهيل قلب ما وطاه الا انت
يا اغلى من وطّى حبه جال قلبي وشريانه "

[ٌ @ajm7i]

ماحسدت المطر على مكان النزول
لين بلّل جدايلها وهي .. ضاحكه

كانت كفوفنا ملامح .. مْن الذهول
مدري كفوف ولّا ارواح متشابكه !

جعل غيمٍ يوسّع خاطرك ، ما يزول
وجعل كل الليالي فيك .. متباركه

- ناصر مناحي

[ٌ @ajm7i]

يا ألطف من الغيم وأمتع من رذاذ المطر
في عيوني أحلى من القمرا ومن نورها

تصدّقي بالكلام اللي ماهو مختصر
الناس دايم تصدّق حسب ميسورها

أنا فقير المواصل وانت كلك نظر
ترى الفقارى قليلك يبهّج صدورها

الليله اللي تجيبك ذيك ليلة عمر
وأنتي مسا خيرها وانتي مسا نورها .

[7 @ui3a__]

" غنّت الأرض و الطاري لا ذعذع نسيمه
قمت اغنيك ، و الشتويه أول شهرها

يا عسى كل ماشدّيت . . تلحقك ديمه
وين ماجيت لك ديره ترشرش مطرها "

[- بنَ نآيفّ. @w__aell]

إذكريني كل ماشفتي غيمة سحاب
قولي تراه يحبني كثر المطر .

[مُ @xilj_1]

ابتدت مثل البدر ولا انتهت
قمر اقرب وصف لجمالها

والنفس زانت وفيها اكتفت
ملاك بين البشر بالحالها

[بوح غفراني @bo77_1]

عاقبتني كل يوم تلحق الكيه بكيه
اتعبتني وادركتني والحقت نفسي مداها

وان تمادت جهزو قبري وانا بكتب وصيه
بكتب اللّهُ لا يعاقبها ويرضى لي علاها

العمار تلفها الايام والدنيا مديه
والسنين تلفني والنار تحرق من وطاها

علموها تلحق الباقي مدام الشمس حية
وتغانم ما بقى مني وما تطلب فداها

لا تمادا في جفاها والرياح الموسميه
ما تقدر وقفت الاشجار وتثمن عطاها

وعلموها ما بقا لي غير ادن الهاشميه
كان ترضاها علي ولا تهون من جفاها

وانصحوها لا تحمل نفسها نفس بريه
وذكروها بالقبر لعلها ولا عساها

وعلموها علموها لا تطول في الحويَّه
ديرةً ماهيب ديرتها لو أعجبها هواها"

[ٌ @ajm7i]

عطاك الله قوام ما عطاه الله بنات الرّيح
و وجهٍ تنسجم فيه الملامح ملح و عذوبه "

[دهَـام @3jm7_]

جميلة محيّا وخلق .. ودقيقة عود
غزالٍ تقود الغيّد ماهيب .. تنّقاد

[سطام @iiS6il]

" لا ماعرفتك
بس وجهك مواريِه!
يا إني أعرفه عدل يا صدفتك
لحظه!

هو أنت اللي خذا الضحك بيديه؟
و شِعر؟ وثلاث سنين وأكثر؟
عرفتك ..

دوّرت مابين العتب و المشاريه
وفتّشت بـ أخر ذكرياتي و شفتك

بالله وينك؟
كم قضيت العمر "تيه"
ماكنت ذنب وجيت لك وأقترفتك

كنت الأمان اللي أعيشه و أداريه
وش لون خانتني ظنوني وخفتك ".