SN♐️

[SN♐️ @UNREALSN1]

كيف ادلك ل الدروب المستقيمه
وانت عقده في طرف كل محلوله ..

[SN♐️ @UNREALSN1]

احيان ماودّك توايق على المستور
من خوف لاتفقد اللي ماتبي تفقده

[شطر/صورة @2lji7]

حصيلي من الوعي في تجربة كل جيل
مواقفٍ تثقل الكاهل وصدرٍ حَكر

خذيت صمت الحريص اللي كلامه قليل
لاشاف له في وجيه الربع وجهٍ نكر

_صالح ال نشيرا

[‏علوش . . @Q500x]

التماس العذر لـ الطيّب كرامه
اتركوا لأصحابكم مخرج طواري

[SN♐️ @UNREALSN1]

لا تفوّت فرصة العمر الثمينه لاتهيّت
العمر مره ولذات العمر ماهيب دايم

[SN♐️ @UNREALSN1]

يظهر الوجه الحقيقي للمروه والذرابه
لا انكشف ستر الهقاوي قالمواقيف الشديده

لا تصدق من يقول السيف عزه من نصابه
علقه ولا احذفه بالقاع ويعود حديده

[العديم @_3deem]

ارتاح من قل الكلام وكثره
ولا تلقّي للبلاوي بال

بين الليال الضاحكه والودره
تبغي سعة خاطر وطولة بال

تورّي ارباب النّعم ما تكره
وتخلي المحتال ما يحتال

مرّه رهاويه ومرّه عسره
على حسب شخصية الرجّال

[SN♐️ @UNREALSN1]

اللهم ختامًا يليق برحمتك لا بعملنا

وقبولًا يليق بكرمك لا بتقصيرنا.. تقبّل منا يارب
وبلّغنا رمضان أعواماً مديدة وأزمنة عديدة ونحن ومن نحب بصحة وعافية وحياة طيبة سعيدة

[شطر/صورة @2lji7]

نستحي منك ياربّي من ذنوبٍ مالها آخر
عن جحيم النار لولا رحمتك .. كيف نتتقّى؟

يالله اعتقنا من النيران في العشر الأواخر
واغفر لنا ما مضى واحسِن لنا فيما تبقّى

_ راشد ال صبيح

[SN♐️ @UNREALSN1]

ليت في راسي من الأفكار مخرج للطواري
لأجل تجّتاح الهداوه فيه و تعمّ السكينه..

[SN♐️ @UNREALSN1]

لولا الحيا ومجامل الناس للناس 
مادام " ودّ " ولا أستمرت علاقة .

[SN♐️ @UNREALSN1]

دورات الايام تكشف كل متخبّي
مثل مايكشف زناد البندق العدّه

ياحبني للرفيق الوافي .. و حبّي
للاّزم اللي يجيني فيه واسدّه

وان شفت راع الجميل اقول ياربّي
انه يجي له لزوم عندي اردّه

[SN♐️ @UNREALSN1]

"سقى غيثك صحاري قلبي وقلبي بدويّ أطباع
يرحب بالمطر حتى ولو بل المطر ثوبه.."

[SN♐️ @UNREALSN1]

انتبه يجرفك تيار حلمك في الحياه
لدروب اللي غياهب سككها طافيه

تحسب ان اخر محطات الاحلام الغناه
كم غني سخر المال لـ اجل . . العافيه

[SN♐️ @UNREALSN1]

#اليوم_الوطني_عزنا_بطبعنا