𖧷

لا بالهوى رحمة / ولا منك مفزاع

[𖧷 @W1nIf]

« خطوةٍ تلغي وجودي عساها للفناا »

[𖧷 @W1nIf]

جالسه اسولف مع أمي وتكلمت عن شخص
ومن ضمن كلامها قالت ( اللي يخطي عليك مره لو يزين لك مرات ماعاد تقبله نفسك، حتى لو اللسان يحكي القلب مصدّ )

وطرى علي بيت - لمتعب التركي -
« حتى لو جابتك الأشواق صوبي
أنا اعتبرتك مت من ضمن الأموات »

وبالنسبة لي اشوف إن العياف ا��وى من الكره ..

[𖧷 @W1nIf]

المحبة شيء عادي و العداوه شيء عادي
و القلوب لها نظر و أحساسها مثل المنبه

حب من ودك تحب ، وعادّ من ودك تعادي
بس عيب إنك تشوه سمعة اللي ما تحبه

[𖧷 @W1nIf]

لا الوجه وجهك و لا النبرة هي النبرة
مدري ، ولكن طرى لك يا زمن طاري

ماني بـ جاهل على الشدَّات تختبره
تشتدّ ياوقت .. و أصراري هو أصراري

[𖧷 @W1nIf]

أستحيت من المشاريه و معاتب جفاك
وأقتنعت إن الغلا مايجي عرض و طلب

قلت أصد بكل حبي و تعظيمة غلاك
قبل أصد بقلبً عايف و حالٍ منقلب

- آخر مراحل العتب و طلب الأهتمام -

[𖧷 @W1nIf]

كان ودك تدس المُر فـ الحالي
حالف إني لا أمشي الوضع / ما كنّه

واااااجد أشكال مرتني على فالي
تترك الفرض و تسولف عن السنة

[𖧷 @W1nIf]

من باب إن ( خطأ المملوح مدموح )
يقولون
"زلة اللي يوده القلب مدموحه
و دايمٍ حبه يغطي عذاريبه"

لكن بيني وبينكم انا مرات مع اللي يشوف إن ( غلطة الشاطر بعشر )
ما أدري لكن بالنسبة لي الغلطة لا جت من غالي وقعها على القلب اسوء، عكس لو أنها جت من واحدٍ مايهمك ماراح تفرق واجد (:

[𖧷 @W1nIf]

أن بعتني عشان هرج المعاذير؟
يااااااما حكوا بك و أحتمينا جنابك

عمومًا ماعليك شرهه

[𖧷 @W1nIf]

كأن الجمر في قلبي يولع من ضلوعي نار
أبي غيم السماء يمطر على صدر�� مطر م��قري

[𖧷 @W1nIf]

ما دام قلبي لك شفوقٍ وميلاف
وراك يا خلي قليل المروّفة ؟

[𖧷 @W1nIf]

من باب الأستثناءات ؛

« لك الجناب السمّح و المنطق الزين
حتى لو إن نفسيتي لك عليها »

[𖧷 @W1nIf]

أنا على ما تشتهي نفسي و وين ألقى هواي
محدٍ يحرك وجهة شراعي على السبع البحور

[𖧷 @W1nIf]

تعبان و انا أدري إني لو تعبت معذور
ما يتعب إلا من يعرف الخطأ و الصواب

- " الوعي لا يُعذب إلا ذوي الضمائر الحيّة "

[𖧷 @W1nIf]

دامني حي
عطني وش بقى نحتريـّه؟
ما أبي دموعك اللي عقب موتي تهلّاا

[𖧷 @W1nIf]

تزور القلب ما زرت الأماكن يا أطيب الزوّار
تمشى فوق قلبي . . ما تمشت خطوتك حدري

سهيت و وين ما لديت وجهي شفت لك تذكار
صبرت، و ضحكتك مرّت عيوني و أنكسر صبري

[𖧷 @W1nIf]

عفت الدار اللي بها عشت ذكراك
سافرت، قصدي مبعد عن عذابك

لكن طريقي كل ماينتحي جاك
أمشيه واثّره ينتهي عند بابك ):

[𖧷 @W1nIf]

أبسألك..
ماهو حرام إنك ما تترك لي حلول إلا الخيال؟
ماهو حرام يروح من صدري خشوع الآمنين؟

أموت في أول لقى! و أموت في آخر وصال
في ذمتك ماهو حرام أموت منك مرتين؟

[𖧷 @W1nIf]

أنا بليّا شوفتك شخص أعمى
إلى متى و أنا عليك أتحايل؟

[𖧷 @W1nIf]

عشان العيش والملح وعشان إن الليالي قصار
وعشان اللي مضى و اللي بقى ما أبيك تشقيني

عليك الله و أمان الله تودعّني وداعٍ حار
قبل لا تشرع بقتلي وش المانع تحاضيني؟

ترا ما بيني وبينك سوى خامه وكم زرار
تغانمها لا تاكلك الحسايف .. و ما تلاقيني

[𖧷 @W1nIf]

بلاك إنك تعرف إني أحبك لو غيابك طال
وبلاي إني أعرف إنك دوايّ و لذة سنيني):

حسافة كل يوم يمر مالك في ذراه ظلال
لا أسمع فيه صوتك، ولا تمر ولا ت��اكيني

[𖧷 @W1nIf]

ما هداك الله ترد الصوت بيني وبينك؟
ما سمحّت من الغياب اللي مسافاته عصيّة؟

لا تغيب الشمس قبل الشمس تشرق من جبينك
لا تحدّ القلب يظمأ و أنت كفك أجودية