وصيف احمد ریان

طالب العلم و العمل

[وصيف احمد ریان @WasifRayan2]

د کابل هوايي ډګر؛ هغه ورځ چې د تاریخ پاڼه بدله شوه

پنځه کاله وړاندې د کابل نړیوال هوايي ډګر ته د بدري ۳۱۳ ځانګړې استشهادي قطعه په بشپړ چمتووالي او پرمختللو تجهیزاتو سمبال، داخله شوه. د هغوی راتګ یوازې د یوه نظامي ځواک د ځای پرځای کېدو شېبه نه وه؛ بلکې د شلو کلونو جګړې د یوه فصل د پای او د یوه نوي پړاو د پیل نښه وه.

هغه شېبې د هوايي ډګر فضا په بشپړه توګه بدله کړې وه. هغه امریکايي پرسونل چې تر دې وړاندې یې د افغانستان له هر ګوټ څخه د خپل ځواک ننداره کوله، اوس د داسې صحنې شاهدان وو چې ورته یې په حیرانتیا کتل. بدري ۳۱۳ قطعه په منظم صف، ځانګړو تجهیزاتو او پوځي چمتووالي سره د هوايي ډګر مهمو برخو ته ورسېدل او په لنډ وخت کې یې د کابل نړیوال هوايي ډګر بشپړ کنټرول په لاس کې واخیست.

دا د تاریخ له هغو شېبو څخه وه چې د وسلو تر شرنګ ډېر، د یوې اوږدې جګړې د پای پیغام پکې اورېدل کېده. هغه ځای چې کلونه د بهرني حضور، پوځي عملیاتو او سیاسي واک نښه ګڼل کېده، په هماغه ورځ د یوه نوي حقیقت شاهد شو.

د کابل هوايي ډګر د کنټرول شېبه یوازې د یوه میدان د نیولو کیسه نه وه؛ دا د یوه داسې پړاو وروستۍ پرده وه چې افغانستان یې له دوو لسیزو جګړې وروسته د خپل برخلیک د بیا لیکلو پر لور روان کړ.

پنځه کاله وروسته، د هغې ورځې انځورونه لا هم د تاریخ په حافظه کې ژوندي دي؛ هغه ورځ چې د کابل د هوايي ډګر پر ځغاستلیکونو د یوه زاړه فصل د پای او د یوه نوي فصل د پیل نښې ولیدل شوې.

[وصيف احمد ریان @WasifRayan2]

هندوکش غږ ته رسېدلي معلومات ښيي، چې د حسيب قوای مرکز د وژل کېدو د پېښې په اړه د تش په نوم مقاومت جبهې ترمنځ راپورته شوي اختلافات دوام لري او تازه دا موضوع د دې جبهې د ايران په دفتر کې هم مطرح شوې ده او ويل کېږي چې حسيب له وژل کېدو شاوخوا يوه اوونۍ وړاندې له احمد مسعود سره اختلاف او لفظي شخړه ترسره کړې وه.

د ايران د مشهد ښار په یوه غونډه کې، چې د حسیب قوای مرکز د فاتحې مراسمو د تنظیم په موخه جوړه شوې وه، د هغه د وروستیو فعالیتونو، د جبهې له رهبرۍ سره د اختلافاتو او د نوموړي د وژل کېدو د پېښې د څرنګوالي په اړه خبرې شوې دي.

د غونډې د حاضرینو د روایت له مخې، د حسیب له وژل کېدو وړاندې د جبهې دننه د نوموړي او د رهبرۍ ترمنځ اختلافات موجود وو او هغه د جبهې د مدیریت، نظامي چارو او په تېره د احمد مسعود د رهبرۍ په اړه جدي نیوکې لرلې.

د غونډې په جريان کې د جبهې يوه قوماندان «منیب امیري» ويلي چې د حسیب له وژل کېدو شاوخوا یوه اوونۍ وړاندې نوموړي د احمد مسعود پر کړنو سختې نیوکې کړې وې او د رهبرۍ پر څرنګوالي یې اعتراض کړی و.

په غونډه کې ویل شوي چې د حسیب له وژل کېدو وروسته د پېښې د څرنګوالي او د هغې د مخکینیو شرایطو په اړه بېلابېل روایتونه مطرح شوي، چې له امله یې د هغه یو شمېر ملګري او نږدې کسان د پېښې د روښانه وضاحت غوښتونکي دي.

ګډونوالو ټینګار کړی چې د قوماندان حسیب د وروستیو فعالیتونو، داخلي اختلافاتو او د هغه د وژل کېدو د پېښې په اړه باید روښانه او قانع کوونکی وضاحت وړاندې شي.
#هندوکش‌غږ

[وصيف احمد ریان @WasifRayan2]

د بغلان ولایت په نهرین او خوست ولسوالیو کې د افغان حکومت د ځانګړو ځواکونو په عملیاتو کې د شر او فساد ډلې څلور غړي وژل شوي دي.

[وصيف احمد ریان @WasifRayan2]

بغلان کې د شر او فساد ډلې څلور غړي وژل شوي

د بغلان ولایت په نهرین او خوست ولسوالیو کې د افغان حکومت د ځانګړو ځواکونو په عملیاتو کې د شر او فساد ډلې څلور غړي وژل شوي دي.

د ترلاسه شویو معلوماتو له مخې، تېره شپه د نهرین ولسوالۍ د کوهګدای حوزې اړوند د چهارسای په سیمه کې د ځانګړو ځواکونو په عملیاتو کې د شر او فساد ډلې دوه مهم قوماندانان، قوماندان شمس، چې په «خرابات» مشهور و او قوماندان «بابه» وژل شوي دي.

معلومات ښيي، چې قوماندان شمس د نهرین، بورکې او جلګې ولسوالیو لپاره د شر او فساد ډلې پوځي مسؤل او قوماندان بابه د نهرین ولسوالۍ پوځي مسؤل و.

ویل کېږي چې شمس د قوماندان صمد کوهګدای او قوماندان ظفر له وژل کېدو وروسته د هغوی پر ځای ټاکل شوی و او د یادو ولسوالیو لپاره د دې ډلې له مهمو قوماندانانو څخه ګڼل کېده.

د سرچینو په خبره، په عملیاتو کې له وژل شویو کسانو څخه وسله، مهمات او د شپې لید دوربین هم ترلاسه شوي دي.

بل لور ته، د بغلان ولایت د خوست ولسوالۍ د فرغامبول درې په سیمه کې هم د عملیاتو پر مهال د شر او فساد ډلې دوه نور غړي وژل شوي دي. د معلوماتو له مخې، یاد کسان د تخریبي فعالیتونو د ترسره کولو په پلان کې وو.

د یادونې وړ ده، چې د حسیب قوای مرکز له وژل کېدو وروسته، په بغلان کې د شر او فساد ډلې پر ضد دا عملیات یو بل دروند ګوزار بلل کېږي.
#هندوکش‌غږ

[Hurriyat Radio Pashto @HurriyatPa]

کابل کې د پنځو کتابونو مخکتنه او د جهادي اثارو ساتنې وېبپاڼې پرانېسته وشوه

د اطلاعاتو او کلتور وزارت اړوند د جهادي اثارو عمومي ریاست له لوري د پنځو نویو کتابونو مخکتنه او د جهادي اثارو د ساتنې په موخه د یوې ویېپاڼې پرانېسته وشوه.

یوټیوب لېنک: https://t.co/wUSJajW7CG

[Second Post @SecondPost1]

پوځي رژیم د امنیت په ساتلو کې پاتې راغی؛ فرانسې په کراچۍ کې د ۵۰ کلنې قونسلګرۍ د تړل کېدو خبر ورکړی

فرانسه په کراچۍ کې خپله جنرال قونسلګري، چې له ۱۹۷۶ کال راهیسې یې فعالیت کاوه، د تل لپاره وتړي؛ هغه دیپلوماتیک حضور چې نیمه پېړۍ یې دوام درلود، اوس پای ته رسېږي.

د فرانسې وتوونکي سفیر نیکولاس ګالي د کراچۍ په یوه غونډه کې د قونسلګرۍ د دایمي تړل کېدو خبر ورکړی او د فرانسې جنرال قونسل به د سپټمبر پر لومړۍ نېټه فرانسې ته ستنېږي.

که څه هم پاریس د تړل کېدو رسمي علت په څرګند ډول امنیت نه دی بللی، خو د فرانسې رسمي امنیتي ارزونې په پاکستان کې د ترهګرۍ او جرمونو لوړ خطر په ګوته کړی دی.

دا یوازې د یوې قونسلګرۍ د دروازو تړل نه دي؛ دا د پاکستان د امنیتي وضعیت لپاره یو دروند ډیپلوماتیک سیګنال دی.

هغه پوځي رژیم چې کلونه یې د امنیت، ثبات او د ترهګرۍ ضد مبارزې دعوې کړې، نن په خپل تر ټولو ستر اقتصادي ښار کې د بهرني هېواد د نیمې پېړۍ زوړ قونسلۍ حضور د ساتلو په برخه کې هم د باور وړ امنیتي چاپېریال نه شي تضمینولی.

کله چې د یوه هېواد امنیتي نظام د خپلو بهرنیو مېلمنو، ډیپلوماتانو او قونسلګریو د خوندي پاتې کېدو باور له لاسه ورکړي، ستونزه یوازې ناامني نه وي؛ دا د یوه ناکام امنیتي سیاست نړیواله نښه وي.

[وصيف احمد ریان @WasifRayan2]

#عاجل

کابل کې د لاپیس فحشا خپروونکی رسنیز مرکز وتړل شو.

د ترلاسه شویو معلوماتو له مخې د لاپیس دې تړل شوې څانګې د باربد، فضاء، دریا، شمس او داسې نور فاحش، په غربي سبک او ایډیالوژۍ د تربیه شویو ملحدو او د باطلو افکارو د ترویجوونکو ډمانو سندرې، لنډې نیمه بربندې فاحشې فلمي صحنې او کنسرټونه خپرولې.

د یادونې وړ ده چې د دې لاپیس( فحشا خپروونکې څانګې) ځینې مهم کارکوونکي او چلوونکي له هیواد څخه تښتیدلي او ځینې یې تر تعقیب لاندې دي چې زر به عدلي او قضایي ارګانونو ته وسپارل شي.

[وصيف احمد ریان @WasifRayan2]

محبوب شاه محبوب وایې:
زه د وزيرستان لپاره بدخشان نه شم قربانولی.

دا هماغه وزیرستان یادوي چې د نادرشاه په قومانده یې د انګریز ورمېږونه داسې ووهل چې وروسته بیا هماغه امپراتور انګریز ته افغانانو د مذاکراتو بنده دروازه د مات شوي حریف په ننواتو خلاصه کړله ... د وخت شوروي ... او بیا د امریکا په ماته کې دا وزیرستان او پښتونخوا لومړی د تدبیر او ایثار مخکښ کور او بیا تر نن پورې د هغه خلوص بدرنګ پور اداء کوي چې افغانستان ته یې خپلواکي او امن د خپلو خلکو په مهاجرت او ګنډواله کورونو وګټله.
هر ځل کابل ته د خپلواکۍ ګټونکې پښتونخوا او د پیر روښان، پاونده خان ... او ایپي فقیر په څېر د سړیو معدن وزیرستان اوس دومره بې سړیو شو چې د وحید، محبوب ... او ستانکزي غوندې بګېلان دې پرې د بایلاد او قمار خبرې وکړي؟
امریکایانو دغسې موشادې پر افغانانو د کدرونو تر نامه لاندې تېر کړي ول چې نه ارز ښتونو ته قایل او نه د خپلې خاورې په حقوقي اړخ خبر ول.
دغو تښتېدلو پرون د پنجاب سره په سیم خاردار، دروازو لګولو، پاسپورټ جبري کولو،هِډکواټر ته په ننواتو او بلا نورو بدرنګو معاملو صرفه نه ده کړې نن خو باید د خپلې خاورې په اړه د پنجاب د خوشحاله کولو له پاره داسې اظهارات وکړي تر څو یې د بلې نیابتې لوبې له پاره په غېږ کې ونیسي.
خو محسنه پښتونخوا خپل اصیل بچي لري او کابل پدې ایمان لري که څوک د کابل او پښتونخوا ترمنځ توپیر کوي هغه افغان ندی.
جمال ایوبي

[وصيف احمد ریان @WasifRayan2]

د امارتي شرکتونو لوی رییس مولوي احمدجان بلال ویلي، وزیرانو شورا په کابل کې د اوبو کمښت ستونزې د حل لپاره هر اړخیز پلان منظور کړی او د دې ستونزې د حل په موخه جدي هڅې روانې دي.

مولوي احمدجان بلال په کابل کې یوې ناستې ته ویلي، چې له پنجشېر سیند، شاه‌وعروس او شاتوب بندونو څخه د اوبو لېږد او د اوبو د وېش لپاره د یوې هر اړخیزې شبکې جوړول په دغه پلان کې شامل دي.

د نوموړي په خبره، د دې پروژې په پلي کېدو سره به د کابل د اوبو کمښت ستونزه هواره شي.

دا په داسې حال کې ده، چې د نړیوالو بنسټونو د راپورونو له مخې، کابل به په راتلونکو کلونو کې د اوبو له جدي کمښت سره مخ شي او ښايي تر ۲۰۳۰ کال پورې دغه بحران خپل تر ټولو سخت پړاو ته ورسېږي.

#حریت_راډیو
وېب‌سایټ لېنک https://t.co/QSMNvJ0shp

[وصيف احمد ریان @WasifRayan2]

په دې وروستیو کې د ځینو مغرضو رسنیو لخوا د کابل پوهنتون د یو شمېر استادانو د منفکۍ په اړه ناسم او بې اساسه خبرونه خپريږي، کابل پوهنتون دا افواهات په کلکه ردوي او د دا ډول مغرضو خبرونو خپرول د خلکو، بالخصوص د درانه علمي کهول، د اذهانو د مغشوشولو او د تشويش رامنځته کولو يوه ناکامه هڅه بولي. کابل پوهنتون ټولو درنو هېوادوالو ته ډاډ ورکوي چې علمي، څېړنيزې او اداري چارې په عادي او منظم ډول روانې دي او د پوهنتون په چارو کې هېڅ ډول د اندېښنې وړ وضعیت نشته.

د نشراتو او عامه اړيکو آمريت

[وصيف احمد ریان @WasifRayan2]

د نظام پر وړاندې د بغاوت ناکامې هڅې؛ او د امنیتي ځواکونو پر وخت اقدام!
نن شپه نهه بجې په همدې موضوع سپیس لرو.
مېلمه: انجنیر شهاب لېوال @Shahablewal313
کوربه: عابد يون @A_Yoon_500

[وصيف احمد ریان @WasifRayan2]

د نظام پر وړاندې د بغاوت ناکامي هڅې؛ او د امنیتي ځواکونو پر وخت اقدام!

سپېس ته ښه راغلاست
کوربه: عابد يون (@A_Yoon_500)
https://t.co/wbFk0mo2iD

[وصيف احمد ریان @WasifRayan2]

د غزې د ټولنیزې پراختیا وزارت مرستیال ریاض البیطَر وايي، په غزه کې د اسرائیلو د جګړې له امله له ۷۵ زرو ډېر ماشومان یتیمان شوي او یا یې یو یا دواړه والدین له لاسه ورکړي دي.

په همدې حال کې د غزې په شمال کې ښاروالیو خبرداری ورکړی چې سیمه د اوبو له شدید کمښت او د پراخې تندې له بحران سره مخ ده.

د ښاروالیو په وینا، شاوخوا ۶۰ سلنه برېښنايي جنراتورونه له کاره لوېدلي او د اوبو رسولو او فاضلابو سیستمونه یې له جدي ستونزو سره مخ کړي دي.

د سون‌توکو، تجهیزاتو او پرزو د داخلېدو محدودیتونو وضعیت لا پسې خراب کړی او د ناروغیو د خپرېدو وېره یې زیاته کړې ده.
#هندوکش‌غږ

[وصيف احمد ریان @WasifRayan2]

اسرائیلي رسنۍ «زمان اسرائیل» په یوه تحلیلي راپور کې ویلي، د غزې جګړې او د فلسطینیانو پر وړاندې د اسرائیلو د کړنو له امله د دغه رژیم نړیوال دریځ تر بل هر وخت کمزوری شوی دی.

د راپور له مخې، د نړیوالې جزایي محکمې د نیولو حکم له امله ۱۲۵ هېوادونه له نتنیاهو سره د محکمې د پرېکړې له مخې په همکارۍ مکلف دي او په دغو هېوادونو کې د هغه د نیول کېدو خطر شته.

نړیوالې جزایي محکمې د ۲۰۲۴ کال په نومبر کې د اسرائیلو د لومړي وزیر بنیامین نتنیاهو د نیولو حکم صادر کړ او هغه یې په غزه کې د جګړه‌ییزو جنایتونو او د بشریت ضد جنایتونو په تړاو تورن کړ.

«زمان اسرائیل» زیاتوي، د غزې د جګړې دوام، د فلسطین د دولت مخالفت او په اشغال شویو سیمو کې د مېشت ځایونو پراختیا د اسرائیلو د نړیوالې انزوا له مهمو لاملونو څخه دي.

د دې رسنۍ په وینا، دا وضعیت ښيي چې اسرائیل له زیاتېدونکي نړیوال فشار او انزوا سره مخ دی.
#هندوکش‌غږ

[وصيف احمد ریان @WasifRayan2]

د نظام پر وړاندې د بغاوت ناکامي هڅې؛ او د امنیتي ځواکونو پر وخت اقدام!

سپېس ته ښه راغلاست
کوربه: عابد يون (@A_Yoon_500)
https://t.co/wbFk0mo2iD

[وصيف احمد ریان @WasifRayan2]

چترال کې د پاکستاني استخباراتو تر کنټرول لاندې د شر او فساد ډلو مېشت ځايونه د فحشا پر مرکزونو بدل شوي

هندوکش غږ داسې غږيز کليپ ترلاسه کړی، چې د شر او فساد ډلې يو غړی پکې، د پاکستان تر کنټرول لاندې چترال کې د دې ډلې د مېشتو غړو ترمنځ د بې لاریو او فحش اعمالو له ترسره کولو څخه پرده پورته کړې.

په دې کليپ کې د شر او فساد ډلې غړی، د يوه کس د نوم په يادولو سره په خپلو مرکزونو کې د بد‌ وضعيت څخه سر ټکوي او د دوی ترمنځ د رامنځته شوې بې باورۍ يادؤنه کوي.
#هندوکش‌غږ

[وصيف احمد ریان @WasifRayan2]

هندوکش غږ ته رسېدلي راپورونه ښيي، چې تېره شپه شاوخوا ۹ بجې، د بلوچستان د کويټې ښار اړوند د هزار ګنجي په سونا خان سیمه کې د نامعلومو وسله‌والو له لوري د «شر او فساد» ډلې پر دوو کسانو چريکي برید شوی او دواړه ځای پر ځای وژل شوي دي.

ویل کېږي، دوه موټرسایکل سپرو وسله‌والو برید کوونکو هغه مهال ياد کسان په نښه کړل چې له یوې نان‌وایۍ څخه یې خپل مرکز ته ډوډۍ وړله.

د برید په پایله کې غلام نبي او سردار محمد، چې د هلمند ولایت اوسېدونکي وو او په سیمه کې د شر او فساد ډلې د «بصیرک» په نوم یوه قوماندان تر امر لاندې اوسېدل، وژل شوي دي.

که څه هم د بريد کوونکو په اړه جزئيات نه دي ترلاسه شوي؛ خو ښکاري چې کويټه کې د شر او فساد ډلې د قوماندانانو «بصيرک» او د وژل شوي «حاجي ورور» د کسانو ترمنځ اختلافات د يو بل تر وژنو ورسېدل.

حضرت الله نومی کس چې په حاجي ورور مشهور او د جمهوريت پر مهال د کندهار ښار د دوهمې حوزې امر و، څو ورځې وړاندې په نامعلوم ډول ډيورنډ فرضي کرښې ته څېرمه ووژل شو. خو له وژنې وروسته یې هندوکش‌غږ یو غږیز کلیپ ترلاسه او خپور کړ چې نوموړی پکې له بصیرک څخه سر ټکوي او ویلي یې و چې خپل کاروبار ته مې نه پرېږدي، غواړي چې ما له منځه یوسي.

[وصيف احمد ریان @WasifRayan2]

د عالیقدر امیرالمؤمنین حفظه الله تعالی د حکم پر اساس لاندي ټاکني وسوې:

۱ـ د کورنیو چارو وزارت مخکنی اداري معین ملا رحمت ﷲ نجیب؛ د بدخشان ولایت د والي په توګه؛
۲ـ د سرپل ولایت مخکنی والي ملا احمد شاه دیندوست؛ د بدخشان ولایت د امنیه قومندان په توګه
د ټولګټو وزارت مخکنی د سړکونو د حفظ او مراقبت معین ملا عبدالجبار معاون؛ د کورنیو چارو وزارت د اداري معین په توګه؛
۴ـ د بدخشان ولایت مخکنی والي مولوي محمد اسماعیل غزنوي؛ د ټولګټو وزارت د سړکونو د حفظ او مراقبت معین په توګه؛
۵ـ د لغمان ولایت مخکنی والي ملا بختیار معاذ؛ د سرپل ولایت د والي په توګه؛
۶ـ د بدخشان ولایت مخکنی امنیه قومندان مولوي عبدالبصیر مظهري؛ د کندهار ولایت د ټولګټو ریاست د رئیس په توګه.

[وصيف احمد ریان @WasifRayan2]

د حسيب قوای مرکز پر وژل کېدو د مقاومت جبهې فرياد واقعي او که يواځې د تېر ايستنې هڅه ده؟

هندوکش غږ، د حسيب قوای مرکز له وژل کېدو وړاندې د نوموړي يو غږيز کليپ ترلاسه کړی، چې هغه پکې له مقاومت جبهې سخت سر ټکوي او خپل مشران او رهبران په بې کفایتۍ او د جبهې د غړو پر سر په سوداګرۍ تورنوي.

له دې غږيز کليپ څخه څرګندېږي، چې د مقاومت جبهې او حسيب قوای مرکز ترمنځ اړيکې ترينګلې وې او هغه احتمالات نور هم قوي کېږي چې ګواکې حسيب د جبهې د خپل‌منځي اختلافاتو په پايله کې له منځه ولاړ.

نوموړي ويلي و، چې که د جبهې مشران توهین کړي او فساد یې ښکاره کړي نو په وينا یې «خپل مخ ته لاړې توف کول دي».

هغه ويلي «په خدای کوم تجارت چې اوس په مقاومت جبهه کې دی، ولاکه‌ هېڅ ځای وي، د پاکستان د لاهور په فاحشه‌ خانو کې ولاکه‌ داسې حال وي.»

هغه همدا راز خبرداری ورکړی و، چې که د جبهې مشران په پنجشېر کې په لاس ورشي نو حساب به ورسره کوي.

د حسيب قوای مرکز دا څرګندونې داسې مهال هندوکش‌غږ ته رسېږي، چې د مقاومت جبهې مشران د حسيب پر وژل کېدو درواغجنې اوښکې تويوي او د جبهې د مارشال او اتل لقب ورکوي.
#هندوکش‌غږ

[وصيف احمد ریان @WasifRayan2]

د امریکا کانګرس ته ټاکل‌شوې افغان‌الاصلې عایشې وهاب ویلي، افغانستان کې د جنګسالارانو ډلې ناکامې، هېواد یې عملا لوټلی او د واک غوښتونکې دي، خو د ا.ا.ا داسې نه دی او امریکا باید ډيپلوماټیک تعامل ورسره وکړي.

یادې مېرمنې له یوې امریکایۍ رسنۍ سره په خبرو کې ویلي، امریکا باید پرته له دې چې څوک په واک کې دي، له افغانستان سره ډيپلوماسۍ ته مخه کړي او تعامل رامنځته کړي.

نوموړې زیاته کړې: "افغانستان کې د جنګسالارو ډلې په جدي ډول ناکامې او په ناسم لوري روانې دي، د هېواد په ګټه نه، بلکې د خپلو شخصي ګټو لپاره کار کوي، دغو ډلو د امریکا د ملاتړ پرمهال عملا هېواد لوټلی دی. "

عایشې وهاب دغه‌راز ویلي، چې افغانستان د پام وړ طبیعي سرچینې لري او امریکا باید لږ تر لږه له دغه هېواد سره د قراردادونو او همکاریو برخه کې مشارکت ولري.