الأحلام لا تنتهي ✨
والطموحات تستمر ✨✨
اسمحولي اشارككم فرحتي واقولكم المستحيل ممكن 🤍
اليوم سعيد وفخور جدا بوجود اسمي بجانب اسم والدي 😍
اجتمعنا في مستشفى الحرس الوطني وتدربت على يده واليوم نجتمع في واحد من اكبر مستشفيات الشرق الاوسط ( مستشفى الحبيب ).
الله يحقق لكل شخص احلامه وامنياته✨
( علمتني في الصغر والكبر ) 🤍
أمس زوجي قعد 3 ساعات مع بنته 14 سنة، يجرد وينظف غرفتها معاها من الدثرة والأوراق المدرسية القديمة والملابس اللي ما تبيها ..
اسمعهم يتناقشون عن الكتب اللي في مكتبتها، والأفلام اللي شافتها ..
تنقل سلس من موضوع لي موضوع، ومن فكرة لي فكرة ومن مشكلة وحلها ..
غيّر ديكور غرفتها، ورمى الأثاث القديم وطلب لها دولاب جديد انتقوه وهم قاعدين على الأرض من موقع على تلفونه ..
يداحرها ويناكفها وهي تضحك وترد له الصاع صاعين!
أنا دايما اقول له هو اشكثر زوج عظيم ..
بس أمس حسيت اني احتاج أقول له هو اشكثر أب عظيم..
فرحت لغرفتها ومدحت التغييرات وقلت لها اداحرها جدامه:
انتِ لازم تشكريني لإني اخترته زوج لي فصار ابوك .. تدرين انتِ اشكثر محظوظة في ابوك؟
ولإنها مراهقة وعادة ما ندري شنو بتكون ردة الفعل!! ما كنت ادري اني راح افتح باب لفضفضة جميلة من الود والحب والتقدير قالتهم له بكل بساطة واختمتها "انت افضل أب بالعالم" 😭
كانت عيونه تلمع وهذي احلى لحظة مرّت علي أمس..
لا تنسون تشكرون وتقدرون الجهود المبذولة، والوقت المستقطع والاجتهادات الغير مطلوبة ..
أنا اشكره على كل شي يسويه لي، وما انسى اقدره ..
لا تنسون تشجعون عيالكم على التعبير لآبائهم عن حبهم وتقديرهم لهم .. ترى كلمة وحدة ممكن تفرح قلب وتثلج صدر.
أنبسط إذا شفت شخصية المرء منعكسة عليه خارجيًا؛ في لبسه وشكله، كيفية تفاعله مع الاشياء، حتى في اثاثه وغرفة، أن يُعطى الإنسان مساحة للتعبير عن نفسه، فكره ورأيه و طبعه وذوقه؛ من أجمل الاشياء التي تبني شخصية ثابته ونمط مستقر ومعرفة للذات مستحقة