قصـايد | 1996

سوف يأتي يوم لا أكون معكم، وسوف تدخلون لتقرأو ماكتبت، فإن وجدتم ما يؤجرني أنشروه، وإن وجدتم ما يؤثمني أتركوه، وادعولي بالرحمه والمغفره .

[قصـايد | 1996 @Z_o222]

﴿ يامّلاذ الهاربين ﴾

[قصـايد | 1996 @Z_o222]

يالله بصبحٍ توافيقه على بابك
لاخاب طلّابك ولا خاب راجيك

[قصـايد | 1996 @Z_o222]

دوّرولي مرقبٍ مايجيه الا النسيم
مايذبّه كون انا ، والطيور الحايمه

فيه تصفيقة حسايف وتنهيدت يتيم
وفيه عين ٍتشرب الما ، وكبدٍ صايمه

داخلٍ دوامة ٍلادخل فيها السليم
عوّد يجر الهزيمه وحمله ضايمه

والشّفيا والرجآوي على شيٍ قديم
حرقةٍ من بين حدب المحاني دآيمه .

[قصـايد | 1996 @Z_o222]

المثير للدهشة ان تكون فلسفتك حزينة ووجهك بشوش، وتحب الصباح ولا يفوتك السهر؛ قلبك يغلي وافعالك باردة.

[قصـايد | 1996 @Z_o222]

العين ميدان السهر و الصدر ميدان النزاع
واحلامنا هوج الرياح العاتيات تهبها

وش ذا الحياة اللي لياليها صراعن في صراع
وش ذا الزمان اللي صواديفه ما يطحن حبها

حالي مثل حال المعيف اللي طرد حلمه وضاع
وأغضى عيونه عن ملذات الليال وكبها

[قصـايد | 1996 @Z_o222]

الجناب السمّح ، و الوجه الحياوي
و الكلام الذرب ، و النفس النقيه

و العقل و الدين و الكفّ الرهاوي
سبعٍ ، تفرض لك حضور و قابليّه

[قصـايد | 1996 @Z_o222]

الله خلق لي نفس تسمو على البوح
ماهيب لاضاقت من الهم باحت

على كثر ما شفت ضيقات وجروح
لا الوجه متغير ولا العين صاحت

أبشرك بشارة الروح للروح
تبغى تطيحني الليالي وطاحت

هذا أنا والوجه باسم ومشروح
وجه بروقه لمعظم الناس لاحت

الله وهبنا عز وأمجاد وطموح
وذكرٍ على جدران الأيام ناحت .

[قصـايد | 1996 @Z_o222]

لا غدت عينك من ظروفك ذرايف
لا تشاك الناس عنزها على الله

وانتبه لاعاد تأكلك الحسايف
الحسايف ماوراها إلا المذله

وكان تبغي ترتقي روس النوايف
من يقلل قيمتك جنب محله

ومن تخلى منك لاجات الخفايف
لو يجيه الموت يابن الناس خله

وخل سرك من ورا عوج النحايف
قبل ماتلقاه في صدر المجله

[قصـايد | 1996 @Z_o222]

وإستعذت من الدروب اللي نهايتها حسافه
قبل ترميني ملذات الحياه في جوف .. غبه

مايخاف المومن اللي فيه من ربه مخافة
« مصدر الخوف الحقيقي واحدٍ ماخاف ربه »

[قصـايد | 1996 @Z_o222]

أحلام قَلبي كِبيره .. مِن كبر شاني
والصَّعب لاهل الصَّعب بِتسَهِّل دروبه

مدري على وين بَمشي .. لكن إيماني
أصدَق مِن إيمان مِذنِب مسَّته توبه

عندي يَقين بِعَدل رَبّي .. وميزاني
مَن عاش يِتبَع ضميره فاز بـِ حروبه

ما طَيَّح الله هالدَّعوات بـِ لساني
إلا وهي لِي .. مَقسومه ومكتوبه

[قصـايد | 1996 @Z_o222]

ياوجودي وجد من نفسه جزوعه
باقيٍ فيها علومٍ ما نستها

لابغى عن سجته ينسى دموعه
مرته ذيك العلوم وحوّلتها

وأشعلت نارٍ حطبها من ضلوعه
تاكل اللي فوقها .. واللي تحتها

[قصـايد | 1996 @Z_o222]

جعل يسقى يوم قلبي على الدنيا طروب
ماتغشّته الحسايف و لا حدن به درى

لو دريت بـ حال روحي يانسناس الهبوب
ما اِلتويت بشي أبطا بقلبي .. ما برى

[قصـايد | 1996 @Z_o222]

أحياناً يكون أكبر إنجازات الانسان
إنه صبور مهما كانت صعوبه الأمر

وفي رواية أٌخرى :

كني على إيدين الصبر مولود
مهما حصل لي ما علي خلاف .

[قصـايد | 1996 @Z_o222]

كل حلم فاتني بالأمس وصّل له سلامي
ما على الفايت حسايف والندم قصة قديمة

أدري أن الحلم لا منّي عطيته إهتمامي
صار حلم للجميع وصار له معنى وقيمة

[قصـايد | 1996 @Z_o222]

ولالي بالبشر غايه ولالي بالثرى أوتاد
خفوقي حُر وأتبع مايعزّ النفس وارضيها

[قصـايد | 1996 @Z_o222]

سيفوا بشراعنا صوب نسناس الهبوب
ضايق صدري وعيني تهل عبارها

صابر ومصبر مثل تصبير امغصوب
في رجاء رب كريم يفك زرارها .

[قصـايد | 1996 @Z_o222]

عسى لي أثر طيّب ومواقف وذكرى خير
ونفسٍ تنول اللي اتمناه ياربي

ولا تبتليني بالسعي في نصيب الغير
ولا تضيّع سنيني وأنا أدور لطبي

وهبّ لي بصيره ما توردني التقصير
تميز قلوب الناس في كرهي وحبي

ونورني أشوف الحقيقه مثل ما تصير
أنا أشوف الأشياء مثل ما يشتهي قلبي

[قصـايد | 1996 @Z_o222]

أنا من صواديف الدهر ماعليّ قصور
من العام وظروف الليالي تحدّاني

علي السنه دارت والأخرى عليّ تدور
وأنا في نزاعٍ بين ربعي وخلّاني

أجامل وبركان الضماير علي يثور
عسى الله يعيض العين في وقته الثاني .

[قصـايد | 1996 @Z_o222]

استامن العين .. واثر العين فضّاحه
طرى لها شيء محدٍ جاب طاريّه

[قصـايد | 1996 @Z_o222]

حين يكون القلب في جوار الله…
لا يعود للعالم ضجيج.

[قصـايد | 1996 @Z_o222]

غض ياجفنٍ من اللوعات والصكات سامح
لاهدى الليل الطويل وطفيّت أنوار المدينه
ِ
الرجاوي وجهها شاحب ولا فيها . . ملامح
كنها ضحك الوجيه اللي من الداخل حزينه