ّ

𝟸𝟿 | أبـريـل ♡︎ .

[ّ @_29rj]

وإن كان لقائي بكَ قد إقترب، فارزقني خاتِمة حَسَنة يا الله.

[ّ @_29rj]

لا تصغرين النفس وأنتي كبيره
ولا تمسكين الوقت وأنتي الخيارات

ولا تقبلين القل وأنتي كثيره
ولا تطلبين الحل وأنتي الأجابات

ولا تسمعين الزيف وأنتي بصيره
ولا تغيرين الطبع وأنتي القناعات

ولا تشابهين بشي وأنتي الأخيره
ولا تسابقين الغير وأنتي البدايات .

[ّ @_29rj]

لك منزل بين الرجاء والتمني
ولك دعوة ما فارقت قلب ولسان

أدعي عساك تكون فيني ومني
عل وعسى ما يملكك غيري إنسان

لا ياخذك وجه الجفى غصب عني
ولا يردك عن دفى صدري أزمان

أنت الأماني والمنى والتمني
وأنت الكمال وما يخالطك نقصان

[ّ @_29rj]

أنا على حطت يدك ، والله ماعندي جديد
أعاند أيامي ، بعد ماجاتني بـ عنادها

ماهوب يمكن فاقدك أنا فقدتك ، والأكيد
عاد العيون تغار وروحي في غرامك عادّها

تبقى الرسايل الأوّله أغلى وأعزّ من الوريد
رسايلٍ ، من قبل روحك يختلف ميعادها

[ّ @_29rj]

ياخوفي تاخذك الدنيا تلاهي وتنساني
و يجيك مخلوقٍ وتحط غلاه بمكاني

رجاويي بك يا غلاي لا تزيد أحزاني
وتشيل كفوف حنانك من وسط ضلعاني!

[ّ @_29rj]

تمكّنت في عوج المحاديب وأستوطنت
وبان الغلا وأشوف بعض العرب فاطن

وخليت صدري موطن ماسكنه إلا أنت
ولا فيه غير القلب في حكمك مواطن .

[ّ @_29rj]

« تعال سولف علي بأسلوبك الساخر
خلّ الحزن ذاك تِضحكني تفاصيله

الليلة أن كان عندك للمطاف آخر؟
وصّلني آخر مطاف أحزانك الليلة »

[ّ @_29rj]

كبرت لكن ماكبرت إلا على حلو الامور
ولا الامور الكايده تعرف صدور كبارها

احب نفسي لا عذرت اللي مهو وجه معذور
و احب نفسي لا تركت عرض العرب واسرارها

[ّ @_29rj]

من يلوم اللي خذيتيه من دنيا الضياع
لين صار ف قربك يْعيش و اختارك قِدر

و من يضيق بْه الصدر و انتي عيونك وساع
ياخذ مْن عيونك الواسعه وسعة صدر

و الشجاع اللي يقولون فـ الهيّه شجاع
قدم رمشك يرفع ايديه و سلاحّه حدر

و البدر لا طل في حضرتك زاد الشعاع
فوقنا بدرٍ يشعشع و في وجهك بدر

[صالح بن حمد @9alehAlhawal]

أسرفت في التفكير والتفكير محتاج لْحلول
ولكن أكثر ما كرهت مْن الحلول؛ أنصَافها

تعبت أشوف الناس مثل الناس والأربع فصول
متشابهة في الفكرة، ومُستنسخَة لأسلافها

وأنا بسيطٍ في فمي كلمة، وفي وجهي قبول
أسكن قلوب الناس، وأراعي شعور إنظافها !

أكثر ما يِسعدني الفجر، وأكثر ما يحزنّي الأفول
وأكثر ما يوجعني من الديرة رحيل أشرافها

[ّ @_29rj]

أنت لو تطلب ماضمّت ضلوعي قلت جاك
"اسهج الضلع الموالي واخذ ممّا يليك"

[صالح بن حمد @9alehAlhawal]

تعال إن صارت الديرة منافي والوجيه أشباح
وعرَّى الوقت نيّات القلوب، وبان خافيها

عيونٍ ما يواطنها النعاس، ولا رضَت ترتاح
أنا كم لي وأنا أترجَّى السنين تسكّنك فيها

[ّ @_29rj]

عقلي الراكد يمشيني على أصح اتجاه
ما تمشيني الرياح ووين ماولت اروح

يجذبني الكايد اللي ماله اشباه
اللي مثل عقلي وثقلي وانطباعي

[ّ @_29rj]

مثل ما مرَّت عيونك عليّ، مرَّت عليّ أحداث
لا زادت نورك بْظلمة سماي ولا إخفتت نورك

كثر ما اشتبهت الأحلام في عيني رؤى وأضغاث؟
كثر ما أشتقت أعلمك بْظروفي، وآخذ بْشورك

[ّ @_29rj]

في زاوية من زوايا صدري المهملة
يبقى لك من الغلا مايستحق الرجوع .

[ّ @_29rj]

محتاج أجرّ النسم في درب ما أنت بْهواه
أنا في صدري كلام ـــ وفي ضلوعي ثقل

كنّي وصلت بْشعوري معك ذروة عطاه..
أو حول هذا الشعور الموجع.. أكثر.. أقل

لي عين تتبع خِطاي.. وعقلٍ أتبع خطاه
لكن قراري معك ـــ ما كان عين العقل

[ّ @_29rj]

أعاف الخطا .. إلاّ الخطا من يدينك صح
وأعاف المطيح إلّا مطيحي على صدرك

أنا يوم أناولك العُمر ما لحقني شِح
ولا أعّز من عمري ولا هوب من قدرك

[ّ @_29rj]

يَارفيقاً مُنذ أن عَرفتك وأنت لا تتوقف عن كُونك أفضل مَا حدث بحياتي أحب وجُودك معي 🤍.

[ّ @_29rj]

طهارة وجهك الراضي كنّه منخلق من لين
سحابٍ يروي أحساسي طهر و يلملم شتاتي

ذخرتك لـ الشقى صدرٍ يكفيني عن الباقين
و ذخرتك لـ المدى هقوه تشتت كل ضيقاتي

أنا يا ضحكة سنين الزمان وكل علمٍ زين
تركت الناس متعمّد و عليك أسوق هقواتي

[ّ @_29rj]

عندي قناعه مايكررني الوقت
وتبطي بك الدنيا ولا تشوف مثلي

ما امحي الود ولا انكر العشره
لكني اقطع الوصل اذا نقص قدري

[ّ @_29rj]

عايش في وسط قلبي وتمشي في الوريد
وان لفاني طيفك اخذ مع الطيف نهوه

انسجم في حضرت الطيف وأغني الجديد
اتقهوى مع خيالك واصب أله قهوه 🤍.