يـوسـف الـعويس 🐎

{وَلَسَوْفَ يُعْطِيكَ رَبُّكَ فَتَرْضَىٰ}

[يـوسـف الـعويس 🐎 @_2llk1]

يا رب إن نامت أجزائي تحت التراب و كنت نسياً منسيا ، هب لي من يدعو لي دائماً دون ملل💗.

[يـوسـف الـعويس 🐎 @_2llk1]

انا القديم الي تشوفه والجديد
فيني شعور لو تفرق يتحد

معي كثافه شوق لكني عنيد
لـ قلت لمن تهديه بقول محد

سنين وانا اركض ورى الحظ السعيد
ويمر يوم السبت مع يوم الاحد

واحبابي ودعتهم في يوم عيد
الي نسى والي قسى والي جحد

راحو وخلوني مع نفسي وحيد
وحيد لكن ماني بحاجه احد.

[يـوسـف الـعويس 🐎 @_2llk1]

من قلة الراحه و من ضغط الدوام
تفكيري مشتت و عقلي مضطرب

طيشي يقول إلى الأمام إلى الأمام
و رشدي يقول لا تقترب لا تقترب

مانيب خايف من كلام أهل الكلام
لكن خايف عقب ذا العمر اخرب

ماني بحاجه للغلا و الاهتمام
أنا بحااااجه للوناسه و الطرب .

[يـوسـف الـعويس 🐎 @_2llk1]

بطت علي لبيه من صوتك الزين
لاعاد تقطع جعلني فدوة الصوت

من مغريات العمر محتاج ثنتين
أقول الو وتقول لبيه و أموت

[يـوسـف الـعويس 🐎 @_2llk1]

يارب عطني أكثر من اللي رجيت
وأنت الكريم اللي عطاه سرمديّ

أنا أمنياتي أكبر من اللي سعيت
يارب تشرق لي مثل صبحٍ ندي

دخيلك من الدرب لا مال وبكيت
وأعوذ بك يارب من حظٍ ردي

طلبتك تحقق دعاي اللي دعيت
تعبت أشيل أحلامي براحة يديّ

[يـوسـف الـعويس 🐎 @_2llk1]

بياعة الود تهناهم خسايرنا
لافرطو بالنقا والمذهب الصافي

سلامة نفوسنا تجبر خواطرنا
واللي شربناه من مر الزمن كافي

ندور اللي من الضيقة يعذرنا
كنا فقارى ندور واجب اللافي

واوجاعنا مستقرة في ضمايرنا
تشيب بيض الوجيه وحزنها خافي

[يـوسـف الـعويس 🐎 @_2llk1]

قدرتك يا رب تحيي الرميم من العظام
ورحمتك تنشاف حتى على نسّايها

انت الاكبر من الاسامي واجلّ من الكلام
بيدك استعدال الاحوال واستعصايها

اجرني يالله من كل خطوات الحرام
ولا تكل نفسي لنزواتها وغوايها

أنا واحد يعرف المستقيم ولا استقام
وأنت بيبانك وسيعه على نصّايها

[سعد بن لويبه @sd280]

ياللي جمعتي جميع الحسن صوره وروح
وصفك يبي له زياده , في حروف الهجا !

رحتي وعيا الحزن مع روحتك لا يروح
كنه دخيلٍ زبن , وسط الضلوع ونجا

لو طولت غيبتك ، عني وصرتي طموح ؟
تراي لا زال عندي ، في رجوعك رجا !

لقيت منك الحنان , وذقت منك الجروح
واصبحت محتار ما بين , الغزل والهجا !!

[سعد بن لويبه @sd280]

تعالي نسامر بعض , يا جملة الافكار
لي ليال جوي ماش , والليله مروق !

وصلت اول الاحلام وان شائت الاقدار
بـ اوصل لـ حلمٍ كنت له حيل متشوق

الاحرار ما تقبل تنافس , سوى الاحرار
على غيرهم لو تنتصر ما انت متفوق !

انا كيف ما افخر واتباهى واشب النار ؟
وقصيدي يحفظه كل , شاعر ومتذوق !!

[يـوسـف الـعويس 🐎 @_2llk1]

مساء الخير ، أما بعد :
الصبر في بعض المواضيّع مطلوب
والِنفس عن بعض السوالف غنيه .

[يـوسـف الـعويس 🐎 @_2llk1]

مساء الخير ، أما بعد :
إما وجود يلّوي ذراع الغياب
والا غياب يفضح الوصل الكِذوب .

[يـوسـف الـعويس 🐎 @_2llk1]

صباح الخير ، أما بعد :
لا خانك الوقت عوّد لي وتلقاني
ابسط كفوفي على لقياك والمِك .

[يـوسـف الـعويس 🐎 @_2llk1]

مساء الخير ، أما بعد :
تعشمت بالنسّيان ياطاري النسيان
وراحت سنين العمر ما راحت الِذكرى .

[يـوسـف الـعويس 🐎 @_2llk1]

مساء الخير ، أما بعد :
لو شلت هم المسافة لا تكمّل معاي
انا دروبي طِويلة وانت حافي قدددم .

[يـوسـف الـعويس 🐎 @_2llk1]

أعيش في حالة استنكار ذات وشعور
و وصلت نقطه غريبة .. ما تصوّرتها

أحس روحي لحقها قِل جهد وفتور
من كثر ما احترت في احلامي وحيّرتها

أنا قبل ساعتين، وعام، وأربع شهور
نفذت من غلطة "الشاطر" وكرّرتها

[يـوسـف الـعويس 🐎 @_2llk1]

قد علمتني الحياه الفانيه ما يلي
لاتنتظر رد طيب .. ولا تدوّر ثنا

[يـوسـف الـعويس 🐎 @_2llk1]

هوّنتها بالفاتحة لين هانت
فكتني من الضيق سبع المثاني

يحلها اللي حلّها يوم كانت
أعوج من رقبة البعير العماني

[يـوسـف الـعويس 🐎 @_2llk1]

اخذت الصبر قوه واشوف الفرج قدام
لو ان الحياه ، ، ظروفها تأمر وتنها

ماني خايف احلامي لاضاعت مع الايام
اخاف اوصل احلامي وانا سامحٍ منها

[يـوسـف الـعويس 🐎 @_2llk1]

صباح الخير وبعده :

ليا سجوا العالم مع الوقت ما سجيّت
خذيت الطريق اللّي فجوجه تسليني .

[يـوسـف الـعويس 🐎 @_2llk1]

ياربّ الراحلين إلى سمائك
المفقودين بيننا ، المستيقظين في ذاكرتنا ،
ارحمهم و ارحم ضعفنا

[يـوسـف الـعويس 🐎 @_2llk1]

وان اشغلوك اللي لهم عدة وجيه
اضحك لهم ضحكة وسيع البنايد

ولا تقنع العالم بشيٍ تسوية
قد قيل انه رضى الناس كايد

الناقصين يكثرون المشارية
والواثقين يكبرون الوسايد .. !