ّ

عقلٍ يصدّ و قلبٍ يودّ

[ّ @_5iun]

حديتني للبعد ما كنت ناويه
خيرتني ما بين عزي و ذلي

انت الوحيد اللي انا كنت اغليه
و اخذتها حجه و عناد و تغلي

قلبٍ مليته بالعتب وين اوديه ؟
ابغاك مره تحط نفسك محلي

انا تعبت اشيل حبك وترميه
وشلون هاين تجرحه و انت خلي ؟

خليتني في وقت محتاجلك فيه
هذا و انا اللي كنت اسميك ظلي

[ّ @_5iun]

طاوعت قلبي يوم جّرني لك الهوى
و عصيت ربي لجل عينك وجيتك

أخطيت و درب الضيّاع فيني التوى
و بأوهام حبٍ في خيالي بنيتك

- واليوم وينك ؟

قفّيت عني و قلبي من الهمّ أستوى
و هذي النتيجة يوم إني عطيتك!

يا ليت قلبي عن غرامك قد قوى
ولا عصيت اللي خلقني و رجيتك

[ّ @_5iun]

أن كان مالك نفس قلي و مسموح
ولا تكرهني بنفسك و أنا أغليك

الروح ما تجبر على معرفة الروح
فكر وعطني صامل العلم و أعطيك

إن ما حصل ما بيننا ضحك و مزوح
بالغصب ماني يا أريش العين باغيك

ما أبيك تنهي صادق الحب بجروح
أبذكرك بالخير لا حلّ طاريك

[ّ @_5iun]

أحبّه .. و أنا مدري إذا الحب ينصفه
أبي شيٍ أكبر من غلاه و وقايده

حبيبٍ عزل قلبي عن الناس و امسكه
مثل ما يعزل الحر الأشقر طرايده

حبيبٍ خذا مني كثر ما خذا السهر
من عيوني اللي بازرق الدّمع جايده

[ّ @_5iun]

الصمت يكفي و يشفي صدر راعيه
لا صار كلّ الحكي ماله معاني

و القلب ما عاد تعنيه المشاريه
و العين ما عاد تغريها الأماني

يا ليت حزني مجرد دمع و أبكيه
ما هو عايش معي بين المحاني

مدري ذكرني زمان كنت ناسيه
مدري ذكرت الزمان اللي نساني

[𓍯 @aijj5_]

ضاع الأمل ياصاحبي والشغف مات
و كنسلت كل الناس حتى وليفي

مبعد عن الإزعاج والاجتماعات
خويي التفكير و الهم ضيفي

ماعاد عندي وقت حتى لـ الأبيات
شي ً حداني غصب ماهو بـ كيفي

وصلت لـ لعزلة وقطع العلاقات
و الاحتراق العاطفي و الوظيفي

[ّ @_5iun]

لي مدةٍ و ظروف الأيـام ضدّي
أقول تصفى و الزمن ما صِفالي

و إن دارت الأيـام ما باح سدّي
رضيت بالمقسوم مهما جرالي

[ّ @_5iun]

يعرّيني الشوق وتعشمني الأحلام
لا لبّسني التفكير ثوبٍ ما هو ثوبي

على يمِّتك من وين تبعد بك الأوهام !
ما دام أعرفك ماني بـ ناشد عن دروبي

مثل ما تدارك في المطر خطوة الأقدام
تداركت في وابل مشاريهك عيوبي

وش أقول لو وجهك توارى مع الأيام ؟
وأنا الضحكة اللي في وجه غيرك ذنوبي

[ّ @_5iun]

بتفقدني ليا من بل دمعك شالك المطروح
ولا عيّنت حولك من يحن الناعس الخدري

و ترجع لي تشيلك حسرتك شيل البحر لـ اللوح
و أغني لك و أنا مشتاق لك « ما عاد به بدري »

ما والله تدخل لـ قلبي لو إن قلبي سفينة نوح
عقب ما جاك مصفية الهيام و صرت له جدري

[ّ @_5iun]

راح تذكرني إذا شانت سنينك
و راح تفقدني مع الأيام أدري

الوعد قدام ما بيني و بينك
روح جرب غيري و تعرف قدري

حبي لك أكثر ترا من والدينك
يا مشاركني تفاصيلي و عمري

[ّ @_5iun]

عجزت اتخطى ذكرياتٍ طواها الياس
انا كيف بنسى ماضيٍ صعب نسيانه ؟

حلالاه لو اعيش عمري بدون احساس
احس الحياة بدون الاحساس فنانه

عسى الساعة الي جابت المترف المياس
فدا الساعه الي هزّت القلب و اركانه

[ّ @_5iun]

الله من ذكرى تحوف الرقادي
لا جاء لذيّذ النوم ترسم خياله

تاخذني لكل جالٍ ووادي
و تجر قلبٍ حالته حيل حاله

تقبل بعاصفة الحنين و تنادي
و تلعب بقلبي لين يبدا هباله

و المشكله في كل ليله تعادي
حتا غدى حالي من احدا حلاله

أحارب الذكرى و أعزز عتادي
و اليا قمعت الشوق زاد اشتعاله

[ّ @_5iun]

لا تحسب إني كارهك يوم صدّيت
قلبي على حطت يدينك .. وخبرك

سويت كل حاجه تجيبك .. ولا جيت
وش باقي أسوي ؟ سواة اللّٰهُ ابرك

[ّ @_5iun]

من باب حسن التعامل و إتزان العقول
صدّيت قبل أجرحك بالكلمه الجارحه

ما شفت مثل الغريب اللي يحب الفضول
لو تمتنع من سؤاله ؟ طارحه طارحه

وين المكان البعيد ، اللي ما قد جاه زول
أحتاج مع نفسي اجلس جلسة مصارحه

الأجتماعي هذاك اللي يصول و يجول
البارحه .. ما لقى الاّ ضيفه البارحه

[ّ @_5iun]

تركتك غصبٍ عنّي و أنا والله أحبّك
والبُعد ما كان إختياري ولا كنت أتمناااه

[ّ @_5iun]

بدون وعي أتخيلك معي

[مريــــم @m7rix_]

ركضت لك ركضه يتيم فالمنام
شاف ابوه بحلم يا حلم اليتيم

الناس تبكي شخص في قبره ينام
وانا بكيت اللي وسط بيته سليم

[ّ @_5iun]

خنجرٍ فالظهر جاه من محزمٍ له
خنجرٍ ما دك ساحات المعارك

يوم قال أخو مبارك و ألتفت له
قال ما جاتك الا من مبارك

[ّ @_5iun]

رح عسى ربي يحرمك لذّ المنام

[ٓ @L5YI__]

لو أجنب عن غرامك وش يجنبني طيوفك
وأنت شيء وين ما لديت - وجهي له بقايّا

[َ @itsssssosy]

والله المزاج سيئ والحالة تعبانه والفوضويه
تشرق بي وتغرب بي ومع ذلك أناظر كل هذا
— ماحرّكت ساااااكن

يا قوتي